"Krenare për nismën", Meloni për marrëveshjen e energjisë me Shqipërinë: Çelësi për të ...
"Një ndër shqetësimet kryesore në Shqipëri!" Sondazhi nga IRI: Qytetarët besojnë që korrupsioni ësh...
"Kam paguar 40 mijë euro të dilja"/ Zbardhet raporti, ja "sëmundja" që liroi Nuredin Dumanin nga burgu 14 Janar, 14:17 ...
Autori shkonte i dehur në lokalin e këngëtarit/ Si nisi sherri mes Ademir Freskut dhe Gjergj Dardhës pranë teatrit...
Rexhepi u ekstradua nga Turqia më 8 janar 2025. 45-vjeçari cilësohet si person me rrezikshmëri të lartë shoqërore.
TIRANA- "Mbreti" i kokainës, Dritan Rexhepi, është paraqitur sot në GJKKO, ku pritet të njihet me masën e sigurisë. Rexhepi u ekstradua nga Turqia më 8 janar 2025. 45-vjeçari cilësohet si person me rrezikshmëri të lartë shoqërore.
Rexhepi konsiderohej si një ndër narkotrafikantët më të fuqishëm dhe akuzohet se transportonte drogë nga Amerika e Jugut në Evropë.Ai dyshohet të ketë qenë vrasësi i parë me pagesë në vendin tonë dhe është dënuar me 25 vite burgim në mungesë për vrasjen e dy policëve në Fushë-Krujë, Arben Keqi e Durim Kasmi në vitin 1998.
Rexhepi u arratis në vitin 2007 nga policia e Durrësit pasi këta të fundit e morën për t’i bërë një foto e për ta shpërndarë në media. Ndërkohë një vit më pas kapo i bandës së drogës mbahet mend për një arratisje spektakolare nga burgu i Pavias në Itali.
Dritan Rexhepi
Dritan Rexhepi është një ndër “kokat” më të fuqishme të trafikimit të drogës në Ekuador. “Mbreti i Kokainës”, siç njihet bosi shqiptar i drogës Dritan Rexhepi, e nisi aktivitetin e tij të drogës në vitin 2014, duke transportuar drogë nga Amerika Latine drejt Europës. Në një artikull të publikuar nga media britanike The Economist, thuhej se Rexhepi “është modeli i suksesshëm i emisarit kriminal ballkanik të kokainës në Amerikën Latine”, pasi ai është udhëheqës i një strukture të sofistikuar për trafikun e drogës nga Amerika e Jugut në Evropë, madje ka arritur të korruptojë edhe autoritetet që nga viti 2014 kur u arrestua.
Ai u dënua me 13 vite burg për trafik droge më 10 prill 2015, megjithëse autoritetet e arrestuan në vitin 2014 në një operacion të quajtur Balcanes. Rexhepi u arrestua në Quito, në atë operacion që rezultoi në sekuestrimin e 278 kilogramëve kokainë. Shqiptari hyri në Ekuador me dy identitete të rreme dhe ndryshoi imazhin e tij, ndaj autoriteteve të vendit iu desh të zgjidhnin identifikimin me gjurmë gishtash dhe zbuluan se ishte Rexhepi, i cili në atë kohë ishte në kërkim nga Europol.
Rexhepi është në kërkim edhe në Belgjikë dhe është akuzuar se ka urdhëruar dhe organizuar, nga qelia, rrëmbimin e 49-vjeçarit Jan Prenga në Shqipëri në shkurt të vitit 2020. Nga ana tjetër, autoritetet italiane e akuzojnë gjithashtu Rexhepin se ka urdhëruar të paktën dy vrasje të tjera gjatë qëndrimit në burg, në Ekuador dhe Shqipëri. Ai ishte i burgosur në një burg të Guayaquil, por që nga viti 2017 ai ndodhet në burgun Latacunga, ku ndodhi një nga masakrat më të fundit që përfundoi me vrasjen e 16 personave, përfshirë Leandro “el boss” Norero , një tjetër trafikant droge.
Sipas Balkan Insight, Rexhepi është kreu i një federate kriminale transnacionale të trafikantëve shqiptarë të drogës që ka transportuar kokainë me vlerë qindra milionë euro nga Amerika e Jugut në Evropë. Operacionet e Rexhepit, që nga viti 2014 në kohën e qeverisë së Rafael Correas, do të vazhdonin nga burgu sepse ai kishte akses në celular, ndonëse autoritetet kanë mohuar që ai të ketë pajisje celulare në qeli. Në vitin 2020, një operacion në Evropë dhe Lindjen e Mesme arriti të kapë 20 të dyshuar të lidhur me kartelin shqiptar “Kompania Bello”, të drejtuar nga Dritan Rexhepi.
Sipas Europol, Kompanio Bello kontrollonte të gjithë zinxhirin e importit të drogës. Balkan Insight kishte akses në disa dokumente të gjykatës italiane që identifikonin Rexhepin si “mbreti i padiskutueshëm” i Kompania Bello, me akses në “sasi të pafundme kokaine”. Kompania Bello është një kartel i përbërë nga 14 banda kriminale shqiptare të përfshira në trafikun e drogës dhe, që sipas autoriteteve, ka operuar që nga viti 2014 në Ekuador, Holandë, Belgjikë, Shqipëri dhe Itali, siç është publikuar në nëntor 2021 nga The Eall Street Journal. WSJ).
Objektivi i kësaj organizate, sipas prokurorëve italianë, “ishte shtrirja e kontrollit mbi trafikun ndërkombëtar të drogës dhe rritja eksponenciale e fitimeve të anëtarëve të federatës”. Karteli kishte përfituar nga marrëdhënia e tij me prodhuesit e kokainës në Amerikën e Jugut. Sipas WSJ, Rexhepi e kishte marrë kokainën nga Kolumbia përmes një shoku të burgosur. Shqiptari përdorte një celular të fshehur dhe organizonte dërgesa miliona dollarëshe në kontejnerë që arrinin në porte të ndryshme të Holandës. Me fitimet nga trafiku, ai urdhëroi sulme kundër kundërshtarëve të tij. Përveç historisë së tij kriminale, Rexhepi njihet edhe për arratisjet e tij. Ai madje është arratisur nga burgu më shumë herë se trafikanti meksikan i drogës, Joaquín Guzmán Loera, i njohur më mirë si El Chapo Guzmán.
Foto ilustruese TIRANA- Një 51-vjeçar me inicialet A. H., pasi mbante armë zjarri pa leje në mobilerinë që kishte n&eu...
Foto ilustruese TIRANË- Situata e gripit të shpendëve në vendin tonë është është në kontroll, q&eum...
Foto ilustruese KORÇA- Një 32-vjeçari është arrestuar pasi është kapur me doza kokaine gati për shitj...
Foto nga operacioni DURRËS- Një ambient i përshtatur për ushtrim prostitucioni nga dy tutore kineze që u shpallën në...
Sajma Qordja TIRANA- Denoncim i një vajze se është dhunuar dhe marrë peng nga disa persona ka ngritur në këmbë RENE...
foto ilustruese LEZHË- Një aksident i trefishtë ka ndodhur mëngjesin e kësaj të premteje në superstradën Lezhë...
Foto ilustruese TIRANA- Koreja e Jugut është bërë për herë të parë vendi nga janë importuar pjesa më e ma...
Foto ilustruese TIRANA- Shqiptaret janë më të shqetësuarit në Rajon për kostot e larta të shërbimeve shëndet&e...
Foto ilustruese TIRANA- Për ditën e premte vendi ynë do të ndikohet nga kushte atmosferike kryesisht të paqëndrueshme. Moti p...
Zjarrin SHBA- Valon Xharra, bankier dhe investior shqiptaro-amerikan banon në Beverly Hills, një qytet pranë Los Anxhelesit, i famshë...
