Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Turizmi Kulturor përdoret për të përshkruar llojet e turizmit që fokusohen në eksperiencat kulturore të një destinacioni.
"Turizmi kulturor nuk nënkupton vetëm të vizituarit e vendeve; qëlimi i tij ka qënë të përjetojë shpirtin e një destinacioni, për ta zhytur veten në historinë, traditat dhe mënyrën e jetesës së tij." "Destinacioni i një personi nuk është kurrë një vend, por një mënyrë e re për t’i parë gjërat." - Henry Miller
Turizmi Kulturor përdoret për të përshkruar llojet e turizmit që fokusohen në eksperiencat kulturore të një destinacioni. Kjo përfshin vizitat në muze, monumente historike, objekte të ndryshme kulturore, qytete të vjetra, festivale kulturore, gastronomi lokale dhe aktivitete të tjera që ofrojnë njohje dhe përjetim të kulturës së një vendi ose edhe më gjerë. Këto lloje të turizmit synojnë t’u japin vizitorëve një përvojë më të thellë dhe më të pasur kulturore, duke i njohur ata me Trashëgiminë Kulturore, traditat, historinë, traditat, zakonet dhe jetën e përditshme të komuniteteve vendase.
Udhëtimi edukativ ka ekzistuar kohë më parë, që nga bota klasike, edhe më herët, në Egjipt nën faraonët. Nën këta të fundit, ka dëshmi të udhëtimeve që burojnë nga një mënyrë jetese luksoze dhe kërkimi i dëfrimit, eksperiencës dhe relaksimit. Grupet e privilegjuara të popullsisë i kultivuan udhëtimet e para për kënaqësi. Shkrimet e tyre na tregojnë se ata vizituan monumente të famshme dhe relike të kulturës së lashtë egjiptiane, duke përfshirë, për shembull, piramidën e shkallëve të Sakkara-s, Sfinksin dhe piramidat e mëdha të Giza – te cilat ishin ndërtuar mijëra vjet më parë.
Vitet e fundit në Shqipëri është vënë re ndieshëm një rritje e vizitorëve në objektet e Trashëgimisë Kulturore. Sipas të dhënave të Ministrisë së Kulturës të shpallura në faqen e tyre, në Janar të vitit 2024, kanë qënë 271,383 vizitorë vendas dhe të huaj gjate vitit 2023, që janë tërhequr pas objekteve të ndryshme kulturore në Shqipëri duke i vizituar ato. Nëse do të flisnim për përfundime të sakta dhe më të besueshme, duhej të kishim një specifikim të të dhënave: cilat objektet kulturore kishin qënë më të preferuarat, në cilën periudhë të vitit kishte qënë rritja më e lartë dhe më e rëndësishmja, nga ky numër sa % kishin qënë vizitorë vendas dhe sa të huaj? Vetëm në këtë mënyrë mund të flisnim nëse do të kishim një interes real të vizitorëve vendas për Trashëgiminë tonë Kulturore.
Duke filluar nga vitet pas rënies së Diktaturës deri në fillim të periudhës së Covid-it, e cila duhet thënë se ka qënë moment vendimtar në fillimin e interesimit të shqiptarëve për turizmin vendas dhe bukuritë e tij, qoftë ato natyrore, qoftë kulturore. Para këtij momenti interesi i shqiptarëve për historinë dhe kulturën e vendit ka qënë minimalist, c’ka dukej tek informacioni që kishin dhe njohuritë mbi ekzistencën e këtyre objekteve kulturore. Në atë periudhë mund të thuhet me keqardhje që Turizmi Kulturor për shqiptarët nuk përfshihej në preferencat e tyre si Zgjedhje ose shkonte deri aty sa shikohej si “humbje kohe”…
Indiferenca ndaj kësaj trashëgimie, jo vetëm nga të rinjtë, ka ardhur pas viteve 90-të, ku shqiptarët u detyruan të emigronin në vendet fqinjë dhe më larg për të ardhmen e tyre dhe të fëmijve. U kultivua një “urrejtje” si pasojë e rregjimit të kaluar ndaj gjithçka që lidhej me historinë.
Një rol kyc destruktiv gjatë atyre viteve ka luajtur edhe lufta mes partive politike ku trashëgimia jo vetëm që nuk pranohej të njihej por në shumë raste pati shkatërrime, djegje dhe vjedhje të objekteve me rëndësi të vecantë për historinë kombëtare. Kjo luftë politike pati pasojat e saj të dukshme në ditët e sotme, ku shumë prej objekteve të Trashëgimisë Kulturore janë dëmtuar rëndë dhe kërkohet urgjentisht ndërhyrja e institucioneve përkatëse.
"Përdorimi i udhëtimit është për të rregulluar imagjinatën me realitetin, dhe në vend që të mendojmë se si gjërat mund të jenë, t'i shohim ato ashtu siç janë." - Samuel Johnson.
Shqipëria , një vend me një klime të ngrohtë pergjatë vitit, me një pozicion gjeografik në favor të saj, me një reliev jashtëzakonisht të pasur përfshi këtu edhe hidrografinë, është plot me vende magjike, e destinacione të reja për tu vizituar.
Kultura është zemra e turizmit dhe turizmi është porta e kulturës. Sot, turizmi kulturor është një nga industritë globale të turizmit që po zhvillohet me shpejtësi, që jo vetëm rrit dhe promovon atraktivitetin dhe konkurrencën e destinacioneve, por gjithashtu i ndihmon ata të fitojnë avantazh në një industri turistike gjithnjë e më globale, për të krijuar një identitet lokal në kohën e globalizimit.
Të gjitha vendet kanë vlerat e tyre unike kulturore dhe peizazhe të bukura për t'u eksploruar. Ajo që del perpara institucioneve shtetërore është përgjegjësia për të rritur promovimin sa më shumë të kësaj pasurie të jashtëzakonshme që disponojmë si komb, pasuri që ne e kemi dhe të tjerët na e kanë zili. Moment tjetër i rëndësishëm është ndërgjegjësimi i opinionit publik nëpërmjet përfshirjes në media të ekspertëve për rolin e jashtëzakonshëm që kjo Trashëgimi ka jo vetëm në aspektin historik por, vecanërisht në atë ekonomik. Ajo që ne duhet të bëjmë është të zbulojmë perlat e fshehura dhe mrekullitë kulturore të këtyre objekteve.
Turizmi Kulturor ne thelb është praktika e udhëtarëve që vizitojnë destinacione të caktuara për të zhytur veten dhe për të mësuar mbi një kulturë të veçantë. Kjo mund të përfshijë një varietet aktivitetesh, si pjesëmarrja në ngjarje dhe festivale, eksplorimi i muzeve, dhe shijimi i ushqimit dhe pijeve lokale, ndërveprimet me vendasit, gjuhën, zakonet dhe gastronominë e tyre gjatë kohës së qëndrimit.
Organizata Botërore e Turizmit (OBT) e përcakton Turizmin Kulturor gjerësisht si lëvizjen e individëve që kërkojnë diversitet, me qëllim të ngritjes së ndërgjegjësimit kulturor të individëve dhe nxitjen e njohurive, përvojave dhe takimeve të reja. Turizmi Kulturor shpesh lidhet me përfitime arsimore, dhe disa e përshkruajnë atë më ngushtë si turizëm edukativ.
Megjithëse nuk është arritur në një marrëveshje specifike mes akademikëve për shkak të kompleksitetit dhe subjektivitetit të termave, duket se ka dy pikëpamje të dallueshme. E para, përqendrohet në konsumimin e produkteve kulturore si vende ose monumente, ndërsa e dyta përfshin të gjitha aspektet e udhëtimit, ku udhëtarët mësojnë për historinë dhe trashëgiminë e të tjerëve ose për mënyrën e tyre bashkëkohore të jetesës ose mendimit.
Rëndësia e Turizmit Kulturor
Turizmi kulturor është i rëndësishëm për shumë arsye. Ndoshta arsyeja më e dukshme është ndikimi social që sjell me vete.
Turizmi kulturor mund të ndihmojë në përmirësimin e identiteteve, në kuptimin ndërkulturor dhe në ruajtjen e trashëgimisë dhe kulturës së një zone.
Turizmi kulturor gjithashtu ka ndikim pozitiv ekonomik. Turistët që vizitojnë një zonë për të mësuar më shumë për një kulturë ose që vizitojnë atraksione turistike kulturore, siç janë muzeumet ose shfaqjet, gjatë udhëtimit të tyre ndihmojnë në kontributin në ekonominë e zones, ne planin mikro duke sjelle shtimin e te ardhurave ne bizneset vendase.
Atraksionet kulturore duhet të kenë personel, duke sjellë rritjen e mundësive të punësimit dhe bizneset e tjera gjithashtu mund të përfitojnë, si restorantet, kompanitë e taksive dhe hotelierët.
Për më tepër, për ata që kërkojnë një përvojë të thellë kulturore, opsionet si qëndrimet në shtëpi private mund të kenë përfitime ekonomike pozitive për anëtarët e komunitetit që pranojnë turistët.
Një nga përfitimet më të rëndësishme të turizmit kulturor është aspekti edukativ. Si turistët ashtu edhe pritësit mund të mësojnë më shumë për mënyra të ndryshme të jetesës,mund të ndërthurin kultura, shkëmbejne njohuritë e tyre mbi zakonet dhe njohuritë e vendeve të tjera. Kjo, mund të ndihmojë në hapjen e mendjes së një personi, të një komuniteti, mund të ndihmojë në mendimin ndryshe dhe në qëndrimin më objektiv.
Aktivitetet e Turizmit Kulturor janë të ndryshme:
• Marrja e një kursi në gatim, arte, krijimin e veshjeve popullore, muzikë, etj.
• Vizitat në një muze, kala, urë të vjetër që mbart histori, në një park arkeologjik, me shpresën se informacioni që do të merret këtu do te jete me i madh qoftë me anë të guidave ose audiove, në mënyrë që këto vende të mos shihen dhe konceptohen thjesht si nje “grumbull gurinjsh”, nga brezat e rinj.
• Vizitimi i një ndërtese fetare, si një xhami. kishe, teqe
• Socializimi me anëtarët e komunitetit lokal
• Provimi i ushqimit dhe pijeve lokale
• Vizitat në shfaqje ose performanca kulturore
• Vizitimi i monumenteve historike etj.
"Sikurse të gjithë udhëtarët e mëdhenj, kam parë më shumë se sa mbaj mend, dhe mbaj mend më shumë se sa kam parë." - Benjamin Disraeli
Foto ilustruese CËRRIK- Një 34-vjeçar është shpallur në kërkim në Cërrik pasi dyshohet se është au...
elia zaharia dhe princ leka TIRANË- Pas konfliktit në familjen mbretërore që bëri bujë ditën e djeshme, prokuroria ka ni...
GREQI- Një 44-vjeçar shqiptar është ëvnë në pranga nga autoritet greke pas një telefonatë anonime. Mësohet...
foto nga vendngjarja LEZHË- Policia ka zbardhur atentatin e ndodhur ditën e djeshme në fshatin Rrilë të Lezhës, ku i plagosur...
Muzek Historik TIRANË- Teksa turet kulturore ziejnë në kryeqytet dhe pritet që intensiteti i tyre të rritet në këto muaj...
Foto ilustruese TIRANË- Që kur Shkolla e Parë Shqipe u çel 137 vite më parë, arsimi në Shqipëri ka evoluar duke p...
Foto ilusruese TIRANA- Po ta dinin që 7 Marsi 1887, i cili shënon hapjen e Shkollës së Parë Shqipe në Korçë, do t...
Foto ilustruese TIRANË- Ditën e sotme vendi ynë do të vijojë të ndikohet nga e njëjta situatë meteorologjike me mbi...
GREQI-Një 36-vjeçar shqiptar ka rënë në prangat e policisë greke pas denoncimit të thjeshtrës së tij. Ka qen&eu...
Foto ilustruese TIRANË-Komisioni mendon se drejtuesit e Shtetit shqiptar, vetë Sali Berisha ka shkelur rëndë parimet bazë të...
