Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Ky lloj turizmi paraqitet shpesh si një instrument për nxitjen e zhvillimit ekonomik lokal, me synimin për të gjeneruar të ardhura, për të hapur vende të reja pune dhe për të përmirësuar kushtet e jetesës ne to.
Një ndër format më të përhapura të turizmit në ditët e sotme, i zhvilluar në shumë vende të botës, është turizmi në zonat e varfra. Ky lloj turizmi paraqitet shpesh si një instrument për nxitjen e zhvillimit ekonomik lokal, me synimin për të gjeneruar të ardhura, për të hapur vende të reja pune dhe për të përmirësuar kushtet e jetesës ne to.
Në shtypin e shkruar, si edhe në median televizive dhe atë online, çështja e promovimit dhe e potencialit që turizmi në zonat e varfëra mund të ofrojë për zhvillimin e tyre është trajtuar në mënyrë të kufizuar. Kjo mungesë vëmendjeje mediatike reflekton jo vetëm një boshllëk informues, por edhe një debat të pamjaftueshëm mbi ndikimet sociale, ekonomike dhe etike që ky lloj turizmi mund të prodhojë.
Termi “slumming”, i prezantuar për herë të parë në Fjalorin e Anglishtes së Oksfordit në vitin 1884, përkufizohej si akti i vizitave në lagjet e varfëra për të vëzhguar jetesën e njerezve qe banonin aty. Ky përkufizim historik e paraqet fenomenin fillimisht si një praktikë vëzhguese, shpeshherë e lidhur me kuriozitetin social dhe pabarazitë klasore.
Megjithatë, efektiviteti i këtij modeli mbetet i diskutueshëm. Ndërsa në disa raste ai ka kontribuar në rritjen ekonomike dhe atë të ndërgjegjësimit social, në raste të tjera ka nxjerrë në pah problematika të rëndësishme, si varësia ekonomike nga turizmi, shpërndarja e pabarabartë e përfitimeve dhe rreziku i shndërrimit të varfërisë në produkt turistik.
Shqipëria është ende një vend i varfër, kur merret parasysh niveli i të ardhurave për frymë. Ajo karakterizohet nga një disbalancë e theksuar mes një shtrese shumë të pasur dhe pjesës tjetër të popullsisë, ndërsa shtresa e mesme mbetet ende e paqëndrueshme. Megjithatë, vendi ka një natyrë të mrekullueshme, një klimë mesdhetare mjaft favorizuese dhe një reliev të thyer, elemente që e bëjnë Shqipërinë një destinacion shumë interesant për turistët.
Qytetet më të zhvilluara të vendit, për nga numri i popullsisë dhe niveli i të ardhurave, janë Tirana, Durrësi, Fieri, Shkodra, Elbasani dhe Vlora.Në kontrast me këto qendra urbane, qytete të tjera si Kukësi, Peshkopia, Rrogozhina, Bajram Curri etj, përjetojnë çdo vit një numër të madh largimesh të të rinjve.
Kjo ndodh kryesisht për shkak të mungesës së mundësive për punësim dhe pagave shumë të ulëta. Në kushte dëshpërimi ekonomik, një pjesë e konsiderueshme e banorëve në këto zona kanë shitur tokat e tyre për të mbijetuar ose kanë ndjekur rrugë alternative, shpesh informale.
Shqipëria, pas viteve 2020, po përjeton një rritje të ndjeshme të sektorit të turizmit, duke u shndërruar në një nga shtyllat kryesore të ekonomisë së vendit. Pavarësisht këtij zhvillimi pozitiv, një pjesë e artikujve të botuar dhe mediave në vend, shpesh duke mbajtur një qëndrim kritik ndaj qeverisë aktuale, fokusohen kryesisht në evidentimin e aspekteve negative.
Kjo qasje, në shumë raste, dëmton imazhin e Shqipërisë dhe ndikon negativisht te bizneset që operojnë në sektorin e turizmit, më shumë sesa i shërben qëllimit të tyre primar informues. Shqipëria ka potencial per të ofruar forma të ndryshme turizmi, duke përfshirë turizmin malor, rural, bregdetar, turizmin e sporteve ekstreme, atë fetar, shëndetësor, tranzit, ekoturizmin, turizmin kulinar etj. Një formë turizmi ende e paformalizuar në Shqipëri, por e konsoliduar prej vitesh në shumë vende të botës, është turizmi në zonat e varfëra.
Në këtë drejtim, një rol të rëndësishëm pritet të luajnë agjencitë turistike, të cilat mund të shërbejnë si promotorë për tërheqjen e vëmendjes së turistëve të huaj drejt zonave më të varfëra të Shqipërisë. Këto zona vuajnë prej vitesh nga braktisja e të rinjve për arsye ekonomike dhe mungesa e investimeve, ndërsa zhvillimi i turizmit mund të shërbejë si një mundësi reale për rigjallërimin e tyre ekonomik dhe social.
Një rol të rëndësishëm në këtë aspekt luajnë edhe influencuesit në rrjetet sociale, të cilët, në vend që të promovojnë kryesisht resortet e mëdha dhe hotelet luksoze që tashmë nuk kanë nevojë për publicitet shtesë, mund të kontribuojnë ndjeshëm në njohjen dhe promovimin e kësaj forme turizmi. Përmes platformave të tyre, ata mund të ndihmojnë në rritjen e ndërgjegjësimit mbi rëndësinë dhe ndikimin pozitiv që turizmi në zonat e varfëra mund të ketë për komunitetet lokale dhe zhvillimin e qëndrueshëm.
Turizmi në lagjet e varfëra ka një vend të rëndësishëm brenda industrisë turistike, por vetëm nëse konceptohet dhe zbatohet me respekt dhe ndjeshmëri sociale. Kur realizohet në mënyrë etike, ky lloj turizmi mund të sjellë përfitime të konsiderueshme për komunitetet dhe bizneset që operojnë në këto zona.
Operatorët turistikë mund të hartojnë paketa të posaçme për turistët e huaj, të cilët shfaqin interes të veçantë për historinë, mënyrën e jetesës dhe kulturën shqiptare në zonat e pazhvilluara. Këto paketa mund të përfshijnë gjithashtu vizita në atraksione natyrore dhe kulturore që ndodhen në afërsi, duke krijuar një eksperiencë më të plotë dhe autentike për vizitorët.
Në këtë mënyrë, rritja e numrit të turistëve në këto zona do të ndikojë drejtpërdrejt në zhvillimin e bizneseve ekzistuese dhe në krijimin e bizneseve të reja. Përfshirja e këtyre zonave në hartën turistike, nga ana tjetër, do të nxisë institucionet shtetërore të rrisin investimet në infrastrukturë dhe të shtojnë vendet e punës. Kjo do të krijojë mundësi reale për të rinjtë që të mos e shohin më braktisjen e vendit si alternativën e vetme për një jetë më të mirë.
Investimet në infrastrukturën rrugore dhe në mjetet e transportit do të kontribuojnë në uljen e papunësisë dhe në integrimin e këtyre zonave në rrjetin kombëtar të turizmit, duke i dhënë kështu një rol aktiv në zhvillimin ekonomik dhe social të vendit. Në kontekstin bashkëkohor global, turizmi i lagjeve të varfëra është shndërruar në një industri globale që tërheq miliona turistë çdo vit. Megjithatë, legjitimiteti i tij mbetet objekt debatesh. Si rrjedhojë, analiza e këtij fenomeni kërkon një qasje të balancuar, e cila duhet të marrë në konsideratë si mundësitë për zhvillim lokal, ashtu edhe implikimet etike dhe sociale që ai sjell.
Hekurudha Vitznau-Rigi në Zvicër ishte hekurudha e parë malore e Evropës në vitin 1871. Mjetet e reja të transportit mundësuan jo vetëm një rritje të kapacitetit mbajtës, por edhe reduktuan koston e udhëtimit. Për më tepër, udhëtimi me anije dhe ai hekurudhor zgjeronte fushën e shikimit të turistëve, duke sjellë një formë të dallueshme të perceptimit. Duhet mbajtur parasysh se udhëtimet turistike mbetën në pronësi të pjesëve të privilegjuara të popullsisë.
Duhej të kalonte edhe një shekull tjetër para se klasa e mesme e ulët dhe ajo punëtore të mund të shkonin me pushime. Në fillim, atyre iu desh të mjaftoheshin me udhëtime ditore me tren dhe anije, në mënyrë që të shpëtonin për një kohë të shkurtër nga qyteti. Praktikuesit kryesorë të turizmit të klasës së mesme ishin familjet prodhuese dhe tregtare, profesionistët e arsimuar që punonin në burokracinë shtetërore, shkolla dhe universitete, si dhe 'profesionet e reja të pavarura', duke përfshirë shkrimtarët, gazetarët, avokatët, artistët, të cilët ishin në gjendje të ndërmerrnin hapat e parë.
Gjatë dy dekadave të fundit, fenomeni i "turizmit në lagjet e varfëra" dhe eksplorimi i tij akademik kanë parë një rritje të konsiderueshme. Turizmi në këto zona sjell njerëz më të pasur në lagje të varfëra, duke i bere ata t’a shikojnë realitetin nga afër, të përjetojnë per pak kohë të qenit në lagje me të ardhura të ulëta dhe te ndikojnë sipas mundësive në zbutjen e varfërisë. Vizitat në këto zona u tregojne atyre se ekziston një anë tjetër e mrekullive ekonomike të epokës së globalizuar - dhe se ato nuk duhen injoruar.
Të rinjtë nuk duhet të detyrohen të migrojnë drejt qendrave të mëdha urbane, ku përballen me qira të larta dhe kosto jetese të papërballueshme. Nëse ky lloj turizmi promovohet siç duhet nga institucionet shtetërore dhe nga aktorë të tjerë nxitës të këtij procesi, nëse media luan rolin e saj pozitiv informues dhe nëse realizohen investime si në infrastrukturën rrugore ashtu edhe në atë të transportit, përfshirë edhe zonat e thella atëherë, bizneset e vogla që do të lulëzojnë në këto zona do të ndikojnë qoftë drejtpërdrejtë apo tërthorazi në uljen e papunësisë dhe emigracionit të të rinjve në vend.
A ka pasur apo jo bashkëpunim mes Elvis Shkëmbi dhe xhaxhaxhit të tij për të vrarë gjyqtarin e apelit Astrit Kalaja? Për t...
pamje nga vendngjarja VLORË- Një ngjarje e rëndë ka ndodhur pak momente më parë në lagjen “10 Korriku”. M&e...
LIBRAZHD- Rrëshqitje masive të tokës kanë shkaktuar dëme të konsiderueshme në Njësinë Administrative Qendër,...
Altin Ndoci DURRËS- Vizita në spital e të paraburgosurit, Altin Ndoci, ishte planifikuar qysh në datën 13 Janar 2026, nga doktores...
Altin Meçaj FIER- Altin Meçaj ka reaguar sërish lidhur me ngjarjen përmes rrjeteve sociale. Këtë herë ai k...
Operacioni i SPAK dhe autoriteteve italiane, në kërkim 3 vëllezërit, kokat e grupit që mashtronin qytetarët e BE përmes Cal...
TIRANË- Operacioni i SPAK dhe BKH në bashkëpunim me autoritetet italiane i cili po zhvillohej në një nga kullat e kryeqytetit&nb...
PATOS- Fatjon Asllani, fermer në zonën e Zharrëzës, në Patos ka rrëfyer se rreth 30 tonë domate janë shkatër...
ANGLI- Një ish-oficere burgu është burgosur pasi u kap nga kamera e saj video duke kryer një akt seksual me një të burgosur. Reb...
Xhuli Meçaj FIER- Xhuli Meçaj, motra e të dhunuarit Altin Meçaj ka folur për mediat, ku ka bërë thirrje, q&eu...
