Tragjedia me 57 viktima në Greqi, mes tyre 6 shqiptarë! Sot ditë zie në Shqipëri, flamuri ulet në gjysmë shtizë (Dedikimet prekëse)

Çiftet

GREQI- Tragjedia që la pas 57 të vdekur në Greqi ndau nëna nga fëmijët, motrat nga vëllezërit, por edhe të rinjtë nga njerëzit e tyre të zemrës. Shumë prej viktimave, mes të cilëve edhe 6 shqiptarë, kishin dikë që i priste t’i jepte përqafimin e mirëseardhjes sapo të zbriste nga treni, por ky takim nuk u realizua kurrë. Megjithatë, partnerët e viktimave kanë shprehur në rrjetet sociale mallin për njeriun që u dha statusin ‘të ve’.

Mediat greke kanë publikuar emrat dhe fotot e disa prej viktimave, bashkangjitur me historinë e tyre të dashurisë, shumë prej të cilëve, sapo e kishin nisur.

Athina Katsara

Athina Katsara dhe bashkëshorti i saj, prindër të një fëmijë 2 vjeç, ishin një nga çiftet pasagjerë në tren. Ajo humbi jetën, ndërsa ai mbeti i plagosur.

Dimitris Massalis

Dimitris Massalis, ishte një tjetër viktimë e këtij aksidenti.

“Ti do të jesh gjithmonë drejtuesi i zemrës sime. Të dua shumë. Udhë të mbarë Dimitri im,”- ka shkruar partnerja e 32-vjeçarit në rrjetet sociale.

Anastasia Adamidou

Anastasia 24 vjeçe, sapo kishte përfunduar studimet për stomatologji dhe vazhdonte masterin…

“Kemi shkuar në shumë udhëtime bashkë, por tek më i rëndësishmi nuk më more me vete, më ke lënë vetëm dhe tani nuk di çfarë të bëj e si të jetoj pa ty. Ne kishim shumë ëndrra. Kur do të shoh sërish? Ma kthe puthjen që të dhashë. Shpresoj të të kem bërë të lumtur, sepse unë kam qenë i lumtur me ty…,”- ka shkruar partneri i saj.

Nikos Nalbantis

28-vjeçari Nikos Nalbantis, dejtues treni, ishte viktimë.

“O shpirt, po pres këtu të kthehesh. Për të realizuar ëndrrat tona. Unë jam këtu duke pritur… Më shiko nga atje lart. Të dua përgjithmonë!”- shkruan Sonia, partnerja e tij.

Vaia Bleka

Infermierja 42-vjeçare dhe nënë e dy fëmijëve jetonte në Tyrnavos me familjen e saj, dhe ditën e tragjedisë kishte marrë trenin për të shkuar tek bashkëshorti që ndodhej në SHBA.

“Nuk erdhe kurrë, na le mall e dhimbje,”- shkruan bashkëshorti i saj.

Ceremonia e Klaudia Latës

GREQI- Klaudia Lata, një nga vitkimat e tragjedisë së trenave në Greqi është përcjellë për në banesën e fundit. 21-vjeçarja është nderuar me ceremonial ushtarak pasi ajo ishte studente e Mjekësisë Ushtarake në Selanik. Ajo kishte lindur në Larisa pasi prindërit e saj emigruan nga Shqipëria drejt Greqisë, ku kishin marrë nënshtetësinë greke. Familja e saj jetonte në një fshat të Larisës dhe punonin në një dyqan mishi. Klaudia ishte një studente e shkëlqyer. Ajo la pas motrën, Xhenin dhe vëllain Elvisin.

Ngjarja e rëndë ndodhi pak para mesnatës së të martës në Greqi. Dy trena u përplasën me njëri-tjetrin duke shkaktuar një zjarr që deri më tani iu ka marrë jetën 57 personave. Një tren me 350 pasagjerë që po udhëtonte nga Athina drejt Selanikut u përplas me një tren mallrash. Shkak për shpërthimin e zjarrit dyshohet se është bërë prerja e një kablli elektrik në njërën prej vagonët të trenit me pasagjerë që në momentin e përplasjes ka rezultuar fatal.

Protesta

GREQI- Protesta në qendër të Athinës për tragjedinë e ndodhur të martën në afërsi të Larisës, ku si pasojë e përplasjes së trenave, humbën jetën të paktën 57 persona, mes tyre 6 shqiptarë, është shoqëruar me incidente. Qytetarët u mblodhën ditën e sotme, rreth orës 10:00 në Athinë, mirëpo sollën trazira.

Siç shihet nga pamje, grupe personash me kapuç që ishin në protestë, sulmuan policët e armatosur me bomba molotovi. Ata kanë shkatërruar edhe karrige dhe tavolina të lokale që ndodheshin pranë, apo objekte të tjera.

Një grup personash të paidentifikuar, të cilët kishin fytyrat e mbuluara sulmuan me gurë dhe me sende të tjera. Tensione ka pasur edhe në Lefko Pyrgos, në Selanik.

Banderola

KORÇË- Në solidarizim të viktimave nga përplasja e trenave në Greqi, qytetarët e Korçës kanë ndezur qirinj në sheshin e katedrales. Pritet që së bashku me konsullin e përgjithshëm grek në Korçë përfaqësues të autoriteteve shtetërore në orën 18:00 tek Sheshi i Katedrales do të ndezin qirinj në shenjë solidariteti për viktimat që humbën jetën nga kjo tragjedi, midis të cilëve pati edhe shqiptarë. Pas kësaj të marshohet deri tek konsullata greke ku edhe atje do të ndizen qirinj dhe do te vendosen lule.

Ngjarja e rëndë ndodhi pak para mesnatës së të martës në Greqi. Dy trena u përplasën me njëri-tjetrin duke shkaktuar një zjarr që deri më tani iu ka marrë jetën 44 personave. Një tren me 350 pasagjerë që po udhëtonte nga Athina drejt Selanikut u përplas me një tren mallrash. Shkak për shpërthimin e zjarrit dyshohet se është bërë prerja e një kablli elektrik në njërën prej vagonët të trenit me pasagjerë që në momentin e përplasjes ka rezultuar fatal.

Perplasja e trenave

GREQI- Greqia vijon të jetë ende nën dhimbjen që la pas tragjedia e përplasjes së dy trenave ku mbetën të vdekur të paktën 57 persona. Shefi i Stacionit të Larisës ishte në gjendje të rëndë psikologjike pas arrestimit nga tragjedia e ndodhur në Tempi. Mediat greke kanë thënë se 59 vjeçari ka shpërthyer para autoriteteve në momentin e arrestimit duke thënë se mban 35 arkivole mbi shpinë.

Sipas dëshmive të tjera mësohet se vetëm një orë përpara ngjarjes, Shefi i Stacionit të Larisës kishte ngatërruar edhe linjat e dy trenave të tjerë por kishte mundur të ndalonte fatkeqësinë.

Diçka e tillë është pranuar edhe vetë nga 59 vjeçari përpara hetuesve. Të tjera dëshmi tregojnë gjithashtu edhe se njëri nga shoferët e trenave që u përplas tentoi të telefononte disa minuta përpara tragjdisë shefin e hekurudhës për ta pyetur atë se nëse ishte në linjën e duhur.

Shefi i stacionit iu drejtua prokurorisë mëngjesin e kësaj të diele ku pritet të kërkojë falje mbi ngjarjen pas dëshmive që dha edhe ditën e shtunë.

TIRANË- Ministrja Olta Xhaçka ka konfirmuar se në tragjedinë e Greqisë, kanë humbur jetën 6 shqiptarë, 3 vajza dhe 3 djem. Në një reagim të bërë në Facebook, Ministrja për Evropën dhe Punët e Jashtme ka publikuar emrat viktimave, ndërsa shpreh ngushëllimet familjarëve të tyre.

Bëhet fjalë për Klaudia Lato, Ifigjenia Micka, Erieta Molko, Ioanis Xhiollas, Denis Ruçi, Pavlin Bozo.

“Ngushëllimet më të sinqerta familjarëve të viktimave të aksidentit tragjik hekurudhor në Greqi. Kaq shumë jetë të prera në mes kaq papritur e në mënyrë kaq tragjike! Në këtë ditë zije një lutje e vecantë shkon për familjarët e 6 bashkëkombësve tanë që humbën jetën në këtë aksident: Klaudia Lato, Ifigjenia Micka, Erieta Molko, Ioanis Xhiollas, Denis Ruçi, Pavlin Bozo”, shkruan Xhaçka.

Kyriakos Mitsotakis

GREQI- Kryeministri, grek Kyriakos Mitsotakis ka kërkuar falje për tragjedinë e ndodhur në Larisa ku si pasojë e përplasjes së dy trenave dy persona humbën jetën. Ai tha se ngjarja është përgjegjësi e të gjithë atyre që qeverisin ndërsa shtoi se do të ngrihet një komision i posaçëm hetimor për të hetuar ngjarjen e rëndë.

 “Në të vërtetë, në Greqinë e 2023, nuk është e mundur që dy trena të lëvizin në drejtime të kundërta në të njëjtën linjë dhe askush nuk e ka vënë re. Por ne nuk mundemi, nuk duam dhe nuk duhet të fshihemi pas gabimit njerëzor”. 

Ai tha gjithashtu se nuk është justifikim fakti që sistemi i kontrollit digjital do të jetë tërësisht funksional në muajt në vijim, duke shprehur keqardhjen që nuk u realizua përpara se të ndodhte tragjedia.

Agni Titeli

GREQI- Këmbëngulja e shoqes së saj shpëtoi Agni Titeli, studente e AUTH-së dhe pasagjere në trenin fatal në Tempi. Studentja e re ishte nisur dhe hipi në trenin që nisej nga Athina për të shkuar në Selanik. Siç tha ajo për kozanimedia, fillimisht do të hipte në vagonin e dytë. Por shoqja e saj i tha “shko tek i fundit, sikur e kishte parandjenjë”.

“Zakonisht ulem përpara dhe për herë të parë ulem në fund, ndihem jashtëzakonisht me fat, si fëmijët që shpëtuan, është fat, nuk mund ta përshkruaj ndryshe”, thotë vajza .

Studentja përshkroi atë që kujton nga nata fatale. “Kishte një vonesë rreth gjysmë ore në Paleofarsalas, nuk kuptova shumë sepse kisha edhe kufje, pastaj gjithçka nisi normalisht dhe nuk kaloi një orë dhe vagoni ynë fillon të dridhej, njerëz, që klithnin”, mendova se ishim në një shkëmb dhe po binim.”

“Nuk mund ta imagjinoj se çfarë kanë kaluar fëmijët në vagonin e parë. Më në fund treni ndaloi, panik, tym, edhe në vagonin e shtatë kishte tym, mbante erë djegie dhe të gjithë na bërtisnin të dilnim” , shton ajo.

“Kur dola isha në një tunel, dera u hap dhe dola, disa bërtisnin dhe na tregonin për rrezikun e një shpërthimi. Unë dal jashtë, e nxirë, nuk e kisha idenë se çfarë kishte ndodhur, thjesht menduam se treni kishte dalë nga shinat. Nuk mund t’i përshkruaj britmat e njerëzve, bërtisnin se po digjeshin, shkova atje pashë shumë zjarr, na thoshin të largoheshim dhe unë u largova nga ana tjetër”.

“Policia erdhi menjëherë, shumë shpejt, pastaj zjarrfikësja dhe ambulanca, u nisëm me autobusë në orën 2. Mendova se mund të vdisja, mora babin, pata sulme paniku. Nuk kam fjalë për ata që na ndihmuan”.

E reja tha se nuk e di nëse do të mund të hipë sërish në një tren, duke shtuar se e ka të vështirë të qëndrojë më vetëm.