“Ftoj çdo demokrat që të marrë pjesë në protestë”/ Berisha: Ky është procesi më i thellë i ripërtëritjes së PD që nga themelimi i saj!
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Atentati në Sarandë/ Si u organizua sulmi ndaj 50-vjeçarit, dyshimet për arratisjen me skaf 18 Korrik, 10:00 ...
Atentati në Sarandë/ Kush është Thimjo Rubati i plagosuri i cili rezulton me precedent të shumtë kriminal 17...
Raporti i KE: Ndikimi politik në media mbetet problem në Shqipëri 17 Korrik, 19:45 “Vijon ndë...
Të pandehurit janë Nazar Khamuili, Mark Pettenko, Karoë Oskiera, Oleksander Tavoroski, Mariana Szrarevva dhe Oleh Kulsha.
TIRANË- SPAK ka mbyllur hetimet dhe ka dërguar për gjykim gjashtë shtetas të huaj, pasi dyshohen për trafikim personash dhe pjesëmarrje në grup kriminal. Të pandehurit janë Nazar Khamuili, Mark Pettenko, Karoë Oskiera, Oleksander Tavoroski, Mariana Szrarevva dhe Oleh Kulsha. Sipas Prokurorisë së Posaçme, gjashtë personat akuzohen se rekrutonin shtetas të huaj përmes aplikacioneve online dhe i sillnin në Shqipëri.
Pas ardhjes së tyre në vend, ata detyroheshin të punonin në aktivitete të paligjshme. Grupi kriminal u godit një vit më parë në qytetin e Vlorës. Gjatë bastisjes, policia gjeti disa ukrainas që punonin në kompjuter, të cilët përmes aplikacioneve kryenin aktivitete të paligjshme.
Hetimet nisën pas një denoncimi nga ambasada e Ukrainës, e cila informoi se një shtetas mbahej dhe detyrohej të punonte me dhunë. Një nga viktimat dëshmoi në gjykatë se ishte rekrutuar në Varshavë dhe ishte detyruar të kalonte edhe testin e poligrafit për të provuar se nuk ishte i lidhur me policinë apo median.
Personat e mbajtur me dhunë, kishin për detyrë të bindnin persona të tjerë të kryenin transport droge. Në mënyrë që qëndrimi i tyre të ishte i sigurt, atyre u merreshin pasaportat në mënyrë që të shmangej arratisja.
Njoftimi i SPAK:
SPAK dërgon në gjykatë procedimin ndaj tre shtetasve ukrainas të akuzuar për trafikim dhe shfrytëzim personi
Prokuroria e Posaçme kundër Korrupsionit dhe Krimit të Organizuar përfundoi hetimet dhe ka dërguar pranë Gjykatës së Posaçme të Shkallës së Parë kërkesën për gjykimin e procedimit penal nr.18/1 të vitit 2025, ndaj tre shtetasve ukrainas të pandehur:
Nazar Khamuilo, aktualisht nën masën e sigurimit personal “arrest në burg” dhe i akuzuar për kryerjen e veprës penale të “Trafikimit të personave të rritur”, e kryer në bashkëpunim në formën e veçantë të grupit të strukturuar kriminal, “Grup i strukturuar kriminal” dhe “Kryerje e veprave penale nga organizata kriminale dhe grup i strukturuar kriminal”, të parashikuar nga nenet 28/4, 110/a paragrafi i parë, 333/a/1 dhe 334/1 të Kodit Penal.
Mark Petrenko me masë sigurimi “arrest në burg“ dhe i akuzuar për kryerjen e veprës penale të “Trafikimit te personave të rritur”, e kryer në bashkëpunim në formën e veçantë të grupit të strukturuar kriminal, “Grup i strukturuar kriminal” dhe “Kryerje e veprave penale nga organizata kriminale dhe grupi i strukturuar kriminal”, të parashikuar nga nenet 28/4, 110/a paragrafi i parë, 333/a/2 dhe 334/1 të Kodit Penal.
Karol Oskiera, me masë sigurimi “arrest në burg“ të paekzekutuar, i akuzuar për kryerjen e veprës penale të “Trafikimit te personave të rritur”, e kryer në bashkëpunim në formën e veçantë të grupit të strukturuar kriminal, “Grupi i strukturuar kriminal” dhe “Kryerja e veprave penale nga organizata kriminale dhe grupi i strukturuar kriminal”, të parashikuar nga nenet 28/4, 110/a paragrafi i parë, 333/a/2 dhe 334/1 të Kodit Penal.
Prokurorët e posaçëm të çështjes kërkuan pushimin e akuzës për tre shtetasit e tjerë, pjesë e këtij procedimi penal :
Oleh Kulsha, Marianna Syzareva, Oleksander Tavorskyi.
Rrethanat e fakteve :
Më 11 nëntor 2024, në Drejtorinë Vendore të Policisë Vlorë u paraqit një ankesë elektronike nga Ambasada e Ukrainës në Shqipëri, sipas së cilës shtetasi ukrainas, Z. M dyshohej se mbahej dhe detyrohej të punonte kundër dëshirës së tij në Vlorë. Pas verifikimeve, policia lokalizoi fillimisht një banesë me qira në lagjen “Demokracia”, ku gjeti disa shtetas ukrainas me laptopë, të cilët punonin në aplikacione të ndryshme. Ata dërgonim mesazhe dhe linqe me anë të programeve automatike, me qëllim rekrutimin e personave të tjerë për përpunimin, transportin dhe shitjen e lëndëve narkotike në shtete të ndryshme të Europës Lindore. Është provuar se ky grup kriminal i vendosur në Shqipëri është pjesë e një grupi më të madh ndërkombëtar të trafikimit të lëndëve narkotike, i cili vepron në disa vende të ish-Bashkimit Sovjetik
Në vendngjarje u sekuestruan pajisje elektronike dhe u konstatua se pasaportat e shumicës së personave mungonin. Hetimi zbuloi modus operandi-n të organizatorëve dhe të mbikqyrësve të cilët nën presionin e dhunës dhe kërcënimeve i privonin nga mundësia për t’u larguar nga puna dhe nga Shqipëria. Atyre i tregoheshin vazhdimisht video dhune ndaj anëtarëve të tjerë të grupit, të cilët nuk arrinin rezultate në punë. Personat e rekrutuar nuk ishin në dijeni të natyrës së vërtetë të punës dhe i nënshtroheshin testit të poligrafit në fazën e rekrutimit. Në Vlorë u zbuluan tre ambiente ku mbaheshin në kushte banimi dhe pune personat e rekrutuar. Në total janë gjetur dhe sekuestruar 24 pasaporta të shtetasve të shtetasve të huaj që dushohet se kanë punuar në këto tre ambiente për disa javë ose muaj.
Shtetasi Z.M si dhe persona të tjerë ishin rekrutuar përmes aplikacionit Telegram me premtimin për një punë zyre në Poloni. Pas një interviste dhe testit të poligrafit, të kryer në Varshavë, dërgoheshin në Shqipëri. Në Shqipëri të gjithë ishin të detyruar të përdornin pesudonime dhe mos të thërrisnin njëri-tjetrin me emrat përkatës. Hetimet arritën të identifikonin të gjithë personat që qëndronin pas cdo pseudonimi dhe më konkretisht ; Nazar Khamuilo mbante pseudonimin (“Kika”), Mark Petrenko ishte (“E Premtja”) dhe Karol Oskiera ishte (“Veterineri”).
Prokuroria e Posaçme kundër Korrupsionit dhe Krimit të Organizuar Agjencinë kundër Narkotikëve (DEA) në Shtetet e Bashkuara dhe Autoritetet Gjyqësore Ukraianase për ndihmën e shpejtë dhe mbështetjen për zbulimin e personave të përfshirë në rekrutimin dhe shfrytëzimin e të rinjve për t’i bërë pjesë e grupit kriminal./Dosja.al
Foto ilustruse ZVICRA- Një ngjarje e rëndë ka ndodhur mbrëmjen e djeshme ne Zvicër, ku një autobus ka marrë flakë d...
Policia TIRANË- Policia ka njoftuar planin e masave për protestën që pritet të zhvillohet nga opozita ditën e nesërme p...
Foto ilustruse Disa studentë dhe profesorë të Universitetit në Mitrovicën e Veriut kanë protestuar të mërkurën...
Foto ilustruse TIRANË- Emrat e 8 kandidatëve të parë për kreun e Policisë së Shtetit janë zbardhur ditën ...
Foto ilustruse TIRANË- Gjykata e Lartë pritet që më 9 prill të mbledhë Kolegjin e Posaçëm për të u...
TIKTOK TIRANË- Gjykata Kushtetuese ka shpallur vendimin lidhur me mbylljen e platformës TikTok. Sipas vendimit të Gjykatës, m...
Foto ilustruse MALIQ- Policia ka arrestuar ditën e sotme një 38-vjeçari në Maliq. Ai u arrestua nga forcat blu, pasi ishte shpallur n...
Foto ilustruse FIER- Policia ka arrestuar ditën e sotme një33-vjeçar në qytetin e Fierit. Ai u arrestua nga policia, pasi shiste koka...
Prodhimi i energjisë elektrike nga gazi natyror ka qenë për vite të tëra pjesë e debatit publik në Kosovë, por shpesh ...
Foto Ilustruese DURRËS- Një aksident ka ndodhur ditën e sotme në Durrës. Mësohet se një automjet ka përplasur nj&eu...
