LIVE UPDATES
Aktualitet

Trafik droge në Shqipëri dhe Itali/ Gjykata jep dënim për të pandehurit, bie akuza për grup të strukturuar kriminal (EMRAT)

Braniol Liço alias Branjol Liço alias Branjol Ago, Florid Vukaj, Lulëzim Selimi, Dhimitër Nina u dënuan me nga 7 vite burgim, por me gjykim te shkurtuar dënimi i tyre ulet në 4 vite e 8 muaj burg.  Ata akuzohen për kryerjen e veprës penale “Prodhimi dhe shitja e narkotikëve”.

16 Tetor 2024, 19:13 Nga r.ll
Trafik droge në Shqipëri dhe Itali/ Gjykata jep dënim për
foto ilustruese

TIRANË- Gjykata e Posaçme ka dhënë dënimin për 11 të pandehurit që akuzohen për trafik të lëndëve narkotike nga Itali drejt Shqipërisë. Pas përfundimit të gjykimit, GJKK ka rrëzuar kërkesën për grup të strukturuar kriminal. 

Braniol Liço alias Branjol Liço alias Branjol Ago, Florid Vukaj, Lulëzim Selimi, Dhimitër Nina u dënuan me nga 7 vite burgim, por me gjykim te shkurtuar dënimi i tyre ulet në 4 vite e 8 muaj burg.  Ata akuzohen për kryerjen e veprës penale “Prodhimi dhe shitja e narkotikëve”.

Ndërkohë për personat e tjere, Saimir Prenga, Gjergji Luli, Alfred Luli, Ilir Duro, Francesko Çeçi, Lorik Prengaj alias Fabio Prengaj dhe Gjergj Zefi, GJKKO ka shuar masat e sigurise dhe është urdhëruar lirimi i tyre nëse nuk mbahen për ndonjë shkak tjetër të ligjshëm.

NJOFTIMI I PLOTË:

Prokuroria e Posaçme kundër Korrupsionit dhe Krimit të Organizuar ka paraqitur pranë Gjykatës kërkesën me objekt: “Dërgimin për gjykim të ҫështjes penale në ngarkim të të pandehurve Braniol Liço alias Branjol Liço alias Branjol Ago, Florid Vukaj, Lulëzim Selimi, Dhimitër Nina, Saimir Prenga, Gjergji Luli, Alfred Luli, Ilir Duro, Francesko Çeçi, Lorik Prengaj alias Fabio Prengaj dhe Gjergj Zefi”.

Gjykimi i kësaj ҫështje u zhvillua me rregullat e gjykimit të shkurtuar. Në përfundim të gjykimit, Gjykata e Posaçme e Shkallës së Parë për Korrupsionin dhe Krimin e Organizuar me trup gjykues të përbërë nga gjyqtarët Rudina Palloj, Elsa Ulliri dhe Esmeralda Xhili, me vendimin Nr. 59, datë 16.10.2024 vendosi:

1. Në bazë të nenit 375 të K.Pr.Penale, ndryshimin e kualifikimit ligjor të faktit penal, deklarimin fajtor të të pandehurit Braniol Liço (alias Branjol Liço alias Branjol Ago) për kryerjen e veprës penale “Prodhimi dhe shitja e narkotikëve”, e kryer në bashkëpunim, parashikuar nga neni 283, pg 2 i Kodit Penal dhe në bazë të kësaj dispozite dënimin e tij me 7 (shtatë) vite burgim.
1.1 Deklarimin e pafajshëm të të pandehurit Braniol Liço (alias Branjol Liço alias Branjol Ago), akuzuar për kryerjen e veprës penale “Grupi i strukturuar kriminal”, parashikuar nga neni 333/a pg 1 i Kodit Penal, në referim të nenit 388, pika 1, të K.Pr.Penale.
1.2 Në zbatim të nenit 406/1 të Kodit të Procedurës Penale, të pandehurit Braniol Liço (alias Branjol Liço alias Branjol Ago), i ulet 1/3 e dënimit të dhënë, duke u dënuar përfundimisht me 4 (katër) vite e 8 (tetë) muaj burgim.
1.3 Llogaritja e dënimit fillon nga data e zbatimit të masës së sigurimit të caktuar në kuadër të procedimit penal nr. 49/2019, dhe dënimi me burgim nga i pandehuri Branjol Liço do të vuhet në një burg të sigurisë së zakonshme, në referim të parashikimeve të nenit 18, të ligjit nr. 81/2020 “Për të drejtat dhe trajtimin e të dënuarve me burgim dhe të paraburgosurve”.

2. Në bazë të nenit 375 të K.Pr.Penale, ndryshimin e kualifikimit ligjor të faktit penal, deklarimin fajtor të të pandehurit Florid Vukaj, për kryerjen e veprës penale “Prodhimi dhe shitja e narkotikëve”, e kryer në bashkëpunim, parashikuar nga neni 283, pg 2 i Kodit Penal dhe në bazë të kësaj dispozite dënimin e tij me 7 (shtatë) vite burgim.
2.1 Deklarimin e pafajshëm të të pandehurit Florid Vukaj, akuzuar për kryerjen e veprës penale “Grupi i strukturuar kriminal”, parashikuar nga nenet 333/a 2 i Kodit Penal, në referim të nenit 388, pika 1, të K.Pr.Penale.
2.2 Në zbatim të nenit 406/1 të Kodit të Procedurës Penale, të pandehurit Florid Vukaj, i ulet 1/3 e dënimit të dhënë, duke u dënuar përfundimisht me 4 (katër) vite e 8 (tetë) muaj burgim.
2.3 Llogaritja e dënimit fillon nga data e zbatimit të masës së sigurimit të caktuar në kuadër të procedimit penal nr. 49/2019, dhe dënimi me burgim nga i pandehuri Florid Vukaj do të vuhet në një burg të sigurisë së zakonshme, në referim të parashikimeve të nenit 18, të ligjit nr. 81/2020 “Për të drejtat dhe trajtimin e të dënuarve me burgim dhe të paraburgosurve”.

3. Në bazë të nenit 375 të K.Pr.Penale, ndryshimin e kualifikimit ligjor të faktit penal, deklarimin fajtor të të pandehurit Lulzim Selimi, për kryerjen e veprës penale “Prodhimi dhe shitja e narkotikëve”, e kryer në bashkëpunim, parashikuar nga neni 283, pg 2 i Kodit Penal dhe në bazë të kësaj dispozite dënimin e tij me 7 (shtatë) vite burgim.
3.1 Deklarimin e pafajshëm të të pandehurit Lulzim Selimi, akuzuar për kryerjen e veprës penale “Grupi i strukturuar kriminal”, parashikuar nga nenet 333/a pg 2 i Kodit Penal, në referim të nenit 388, pika 1, të K.Pr.Penale.
3.2 Në zbatim të nenit 406/1 të Kodit të Procedurës Penale, të pandehurit Lulzim Selimi, i ulet 1/3 e dënimit të dhënë, duke u dënuar përfundimisht me 4 (katër) vite e 8 (tetë) muaj burgim.
3.3 Llogaritja e dënimit fillon nga data e zbatimit të masës së sigurimit të caktuar në kuadër të procedimit penal nr. 49/2019, dhe dënimi me burgim nga i pandehuri Lulzim Selimi do të vuhet në një burg të sigurisë së zakonshme, në referim të parashikimeve të nenit 18, të ligjit nr. 81/2020 “Për të drejtat dhe trajtimin e të dënuarve me burgim dhe të paraburgosurve”.

4. Në bazë të nenit 375 të K.Pr.Penale, ndryshimin e kualifikimit ligjor të faktit penal, deklarimin fajtor të të pandehurit Dhimitër Nina, për kryerjen e veprës penale “Prodhimi dhe shitja e narkotikëve”, e kryer në bashkëpunim, parashikuar nga neni 283, pg 2 i Kodit Penal dhe në bazë të kësaj dispozite dënimin e tij me 7 (shtatë) vite burgim.
4.1 Deklarimin e pafajshëm të të pandehurit Dhimitër Nina, akuzuar për kryerjen e veprës penale “Grupi i strukturuar kriminal”, parashikuar nga nenet 333/a pg 2 i Kodit Penal, në referim të nenit 388, pika 1 të K.Pr.Penale.
4.2 Në zbatim të nenit 406/1 të Kodit të Procedurës Penale, të pandehurit Dhimitër Nina, i ulet 1/3 e dënimit të dhënë, duke u dënuar përfundimisht me 4 (katër) vite e 8 (tetë) muaj burgim.
4.3 Llogaritja e dënimit fillon nga data e zbatimit të masës së sigurimit të caktuar në kuadër të procedimit penal nr. 49/2019, dhe dënimi me burgim nga i pandehuri Dhimitër Nina do të vuhet në një burg të sigurisë së zakonshme, në referim të parashikimeve të nenit 18, të ligjit nr. 81/2020 “Për të drejtat dhe trajtimin e të dënuarve me burgim dhe të paraburgosurve”.

5. Pushimin e çështjes ndaj të pandehurit Alfred Luli, i akuzuar për kryerjen e veprave penale “Grupi i strukturuar kriminal”, dhe “Kryerja e veprave penale nga organizata kriminale dhe grupi i strukturuar kriminal”, parashikuar nga nenet 333/a pg 2 dhe 334/1 të Kodit Penal, në zbatim të neneve 387 pg 1 dhe 328, pg 1, shkronja e), të K.Pr.Penale, pasi me vendim të formës së prerë, është
gjykuar për të njëjtin fakt penal.
5.1 Bazuar në nenet 261 dhe 389 të Kodit të Procedurës Penale, konstatohet shuarja e masës së sigurimit “Arrest në burg”, parashikuar nga neni 238 i Kodit të Procedurës Penale, caktuar ndaj të pandehurit Alfred Luli me vendimin nr.1, datë 23.01.2023 të Gjykatës së Posaçme të Shkallës së Parë për Korrupsionin dhe Krimin e Organizuar.

6. Pushimin e çështjes ndaj të pandehurit Gjergji Luli, i akuzuar për kryerjen e veprave penale “Grupi i strukturuar kriminal”, dhe “Kryerja e veprave penale nga organizata kriminale dhe grupi i strukturuar kriminal”, parashikuar nga nenet 333/a pg 2 dhe 334/1 të Kodit Penal, në zbatim të neneve 387 pg 1 dhe 328, pg 1, shkronja e), të K.Pr.Penale, pasi me vendim të formës së prerë, është
gjykuar për të njëjtin fakt penal.
6.1 Bazuar në nenet 261 dhe 389 të Kodit të Procedurës Penale, konstatohet shuarja e masës së sigurimit “Arrest në burg”, parashikuar nga neni 238 i Kodit të Procedurës Penale, caktuar ndaj të pandehurit Gjergji Luli me vendimin nr.1, datë 23.01.2023 të Gjykatës së Posaçme të Shkallës së Parë për Korrupsionin dhe Krimin e Organizuar.
6.2 Urdhërohet lirimi i menjëhershëm i të pandehurit Gjergji Luli nga paraburgimi, nëse nuk mbahet për ndonjë shkak tjetër të ligjshëm.

7. Pushimin e çështjes ndaj të pandehurit Ilir Duro, i akuzuar për kryerjen e veprave penale “Grupi i strukturuar kriminal”, dhe “Kryerja e veprave penale nga organizata kriminale dhe grupi i strukturuar kriminal”, parashikuar nga nenet 333/a pg 2 dhe 334/1 të Kodit Penal, në zbatim të neneve 387 pg 1 dhe 328, pg 1, shkronja e), të K.Pr.Penale, pasi me vendim të formës së prerë, është
gjykuar për të njëjtin fakt penal.
7.1 Bazuar në nenet 261 dhe 389 të Kodit të Procedurës Penale, konstatohet shuarja e masës së sigurimit “Arrest në burg”, parashikuar nga neni 238 i Kodit të Procedurës Penale, caktuar ndaj të pandehurit Ilir Duro me vendimin nr.1, datë 23.01.2023 të Gjykatës së Posaçme të Shkallës së Parë për Korrupsionin dhe Krimin e Organizuar.
7.2 Urdhërohet lirimi i menjëhershëm i të pandehurit Ilir Duro nga paraburgimi, nëse nuk mbahet për ndonjë shkak tjetër të ligjshëm.

8. Pushimin e çështjes ndaj të pandehurit Francesko Çeçi, i akuzuar për kryerjen e veprave penale “Grupi i strukturuar kriminal”, dhe “Kryerja e veprave penale nga organizata kriminale dhe grupi i strukturuar kriminal”, parashikuar nga nenet 333/a pg 2 dhe 334/1 të Kodit Penal, në zbatim të neneve 387 pg 1 dhe 328, pg 1, shkronja e), të K.Pr.Penale, pasi me vendim të formës së prerë, është gjykuar për të njëjtin fakt penal.
8.1 Bazuar në nenet 261 dhe 389 të Kodit të Procedurës Penale, konstatohet shuarja e masës së sigurimit “Arrest në burg”, parashikuar nga neni 238 i Kodit të Procedurës Penale, caktuar ndaj të pandehurit Francesko Çeçi me vendimin nr.1, datë 23.01.2023 të Gjykatës së Posaçme të Shkallës së Parë për Korrupsionin dhe Krimin e Organizuar.
8.2 Urdhërohet lirimi i menjëhershëm i të pandehurit Francesko Çeçi nga paraburgimi, nëse nuk mbahet për ndonjë shkak tjetër të ligjshëm.

9. Pushimin e çështjes ndaj të pandehurit Lorik Prengaj, i akuzuar për kryerjen e veprave penale “Grupi i strukturuar kriminal”, dhe “Kryerja e veprave penale nga organizata kriminale dhe grupi i strukturuar kriminal”, parashikuar nga nenet 333/a pg 2 dhe 334/1 të Kodit Penal, në zbatim të neneve 387 pg 1 dhe 328, pg 1, shkronja e), të K.Pr.Penale, pasi me vendim të formës së prerë, është gjykuar për të njëjtin fakt penal.
9.1 Bazuar në nenet 261 dhe 389 të Kodit të Procedurës Penale, konstatohet shuarja e masës së sigurimit “Arrest në burg”, parashikuar nga neni 238 i Kodit të Procedurës Penale, caktuar ndaj të pandehurit Lorik Prengaj me vendimin nr.1, datë 23.01.2023 të Gjykatës së Posaçme të Shkallës së Parë për Korrupsionin dhe Krimin e Organizuar.
9.2 Urdhërohet lirimi i menjëhershëm i të pandehurit Lorik Prengaj nga paraburgimi, nëse nuk mbahet për ndonjë shkak tjetër të ligjshëm.

10. Pushimin e çështjes ndaj të pandehurit Saimir Prenga, i akuzuar për kryerjen e veprave penale “Grupi i strukturuar kriminal”, dhe “Kryerja e veprave penale nga organizata kriminale dhe grupi i strukturuar kriminal”, parashikuar nga nenet 333/a pg 2 dhe 334/1 të Kodit Penal, në zbatim të neneve 387 pg 1 dhe 328, pg 1, shkronja e), të K.Pr.Penale, pasi me vendim të formës së prerë, është gjykuar për të njëjtin fakt penal.
10.1 Bazuar në nenet 261 dhe 389 të Kodit të Procedurës Penale, konstatohet shuarja e masës së sigurimit “Arrest në shtëpi”, parashikuar nga neni 237 i Kodit të Procedurës Penale, caktuar ndaj të pandehurit Saimir Prenga me vendimin nr.38, datë 12.04.2024 të Gjykatës së Posaçme të Shkallës së Parë për Korrupsionin dhe Krimin e Organizuar.

11. Pushimin e çështjes ndaj të pandehurit Gjergj Zefi, i akuzuar për kryerjen e veprave penale “Grupi i strukturuar kriminal”, dhe “Kryerja e veprave penale nga organizata kriminale dhe grupi i strukturuar kriminal”, parashikuar nga nenet 333/a pg 2 dhe 334/1 të Kodit Penal, në zbatim të neneve 387 pg 1 dhe 328, pg 1, shkronja e), të K.Pr.Penale, pasi me vendim të formës së prerë, është
gjykuar për të njëjtin fakt penal.
11.1 Bazuar në nenet 261 dhe 389 të Kodit të Procedurës Penale, konstatohet shuarja e masës së sigurimit “Arrest në burg”, parashikuar nga neni 238 i Kodit të Procedurës Penale, caktuar ndaj të pandehurit Gjergj Zefi me vendimin nr.1, datë 23.01.2023 të Gjykatës së Posaçme të Shkallës së Parë për Korrupsionin dhe Krimin e Organizuar.
11.2 Urdhërohet lirimi i menjëhershëm i të pandehurit Gjergj Zefi nga paraburgimi, nëse nuk mbahet për ndonjë shkak tjetër të ligjshëm.

12. Në bazë të neneve 190/1 të K.Pr.Penale dhe nenit 36, shkronja (ç) të K.Penal, pasuria e sekuestruar me vendimin nr. 414, datë 18.10.2023 të Gjykatës së Posaçme të Shkallës së Parë për Korrupsionin dhe Krimin e Organizuar, konkretisht: -Aktivitetin e subjektit tregtar Braniol Liço person fizik me Nipt L51309503L, duke përfshirë edhe pasuritë në pronësi të subjektit tregtar, të
konfiskohet.

13. Bazuar në nenet 389, 190 dhe 275 të Kodit të Procedurës Penale dhe nenin 36 të Kodit Penal, heqjen e masës së sigurimit pasuror “Sekuestro preventive” caktuar me vendimin nr. 414, datë 18.10.2023 të Gjykatës së Posaçme të Shkallës së Parë për Korrupsionin dhe Krimin e Organizuar, mbi pasurinë e paluajtshme nr.****, volumi ****, faqe ****, zona kadastrale nr.****, e llojit ****, me sipërfaqe
****, ndodhur në lagjen nr.****, ****, e regjistruar në emër të shtetases F.A.

14. Në bazë të nenit 190/1, të K.Pr.Penale, sendet e tjera të sekuestruara të pandehurve, disponohen si më poshtë:
– Një aparat telefoni celular i markës Iphone 13, sekuestruar të pandehurit Lulzim Selimi, të mbetët në ruajtje për shkak të çështjes/procedimit të ndarë.
– Automjet i markës Volkswagen model Golf 7, me targa ****, leje qarkullimi dhe certifikatë pronësie për këtë automjet, sekuestruar të pandehurit Lulzim Selimi, të konfiskohet.
– Një aparat telefoni Samsung, një aparat telefoni Iphone, sekuestruar të pandehurit Dhimitër Nina, të mbetet në ruajtje për shkak të çështjes/procedimit të ndarë.
– Automjet Range Rover me targa **** dhe dokumentacioni i automjetit, të sekuestruar të pandehurit Dhimitër Nina, të konfiskohet.
– Dokumenti lejë për mbajtje armë gjahu nr. regj ****, fletë dalje armë gjahu, të sekuestruara të pandehurit Dhimitër Nina, t’i kthehen personit që i përkasin.
– Një aparat telefoni celular Iphone 6S, sekuestruar të pandehurit Françesko Çeçi, të mbetet në ruajtje për shkak të çështjes/procedimit të ndarë.
– Shuma monetare prej **** Euro, sekuestruar të pandehurit Françesko Çeçi, t’i kthehen personit që i përkasin.
– Një aparat telefoni celular i markës Iphone 13 pro max, i sekuestruar të pandehurit Florid Vukaj, të mbetet në ruajtje për shkak të çështjes/procedimit të ndarë.
– Dy aparate telefoni celular, dy karta sim, dy ambalazhe të kartave sim, të sekuestruara të pandehurit Lorik Prengaj, të mbetet në ruajtje për shkak të çështjes/procedimit të ndarë.
– Një aparat telefoni celular i markës Nokia dhe një aparat telefoni i markës Iphone, sekuestruar të pandehurit Braniol Liço, të mbetet në ruajtje për shkak të çështjes/procedimit të ndarë.

15. Shpenzimet procedurale të bëra gjatë hetimeve paraprake, sipas procesverbalit përkatës, në masën **** lekë, si dhe shpenzimet gjyqësore, sipas procesverbalit përkatës, i ngarkohen të pandehurve të deklaruar fajtorë me këtë vendim, në mënyrë solidare.

16. Ngarkohet Prokuroria e Posaçme Kundër Korrupsionit dhe Krimit të Organizuar për zbatimin e vendimit.

17. Kundër vendimit mund të bëhet ankim në Gjykatën e Posaçme të Apelit për Korrupsionin dhe Krimin e Organizuar, brenda 15 (pesëmbëdhjetë) ditëve, duke filluar ky afat nga e nesërmja e komunikimit të vendimit të arsyetuar.

gjkko spak trafik droge nga italia drejt shqiperise

Sondazh

Poll
MË SHUMË

Prej më shumë se tre orësh para Kryeministrisë, protestuesit ndezin flakadanë

Prej më shumë se tre orësh para Kryeministrisë, protestuesit ndezin flakadanë

"Kush s'kërcen nuk është shqiptar o hej"/ PAMJE me dron nga protesta madhështore për Zvërnecin

Thirrja e qytetarit të Rrjollit: Hajde rini, merre situatën në dorë dhe drejto vendin

Me flamuj dhe pankarta në duar, qytetarët e Durrësit sërish protestë për projektin në Zvërnec

Tentoi të futej në Kryeministri, protestuesja bën simbolin e shqiponjës

"Ne i duam parqet, lodrat, natyrën"/ Vogëlushi në protestë thirrje: Mbrojini për ne!

Protesta kundër projektit në Zvërnec/ Brohoret turma: Edi Rama o tradhtar, duhet lidhur me litar

Protesta për Zvërnecin, qytetarë mbajnë 1 minutë heshtje për efektivin e vrarë në krye të detyrës

"Ruani qetësinë, Ramën ta zhdukim me të mirë"/ Tensione në protestën kundër projektit në Zvërnec

PAMJE nga protesta madhështore kundër projektit në Zvërnec/ Oshëtin bulevardi: O pallosh o zagar

Mijëra protestues në shesh thirrje ndaj kryeministrit Rama: Duam dorëheqje

Protesta për Zvërnecin, babai i Martin Canit i bashkohet protestuesve në shesh

Mijëra qytetarë në Bulevard/ Thirrje kundër Ramës dhe Berishës: U ka ardhur fundi, në burg

Balla nga Kuvendi: Greqia u ka borxh shqiptarëve marrëveshjen për pensionet

Dita e 5-të e protestës për Zvërnecin/ Nis marshimi drejt bulevardit: Revolucion

Balla ‘thumbon’ Berishën: U trembe nga protestuesit që erdhën te selia e PD-së dhe ndryshove qëndrim

"Na keni ça k***"/ Noizy shpërthen keq ndaj protestuesve: Nuk po e shet njeri Shqipërinë!

'Zvërneci'/ Berisha: Ju jeni mafie si në Beograd. Të gjitha dokumentet ju i shumëzoni me zero

Berisha: Pse e fshihni kreun e Meduzës. Tokat në Zvërnec i ka rrëmbyer Pjerini nga Lezha dhe Agaçi

Reperi Gashi mbështet protestat për Zvërnecin: Fëmijët tanë nuk janë mysafir në tokën e tyre

Këngëtarja Bebe Rexha vlerësohet me cmimin “Female Icon Award 2026”

Banorët dhe pushuesit përballen me fenomenin e pazakontë në Ksamil

"Ktheni ligjin për investimet strategjike" Bozdo në Kuvend: Betonizuat bregdetin e jugut...

Përplasje e ashpër mes Strazimirit e Muçit: Të rinjtë po protestojnë kundër jush, mbani përgjegjësi

"Marksist-leninist i vogël'! Përplasje e ashpër mes Strazimirit e Muçit:

Ngjarja e rëndë në Maliq/ Autori transportohet drejt Tiranës, familjarët: Çfarë i bëre?!

Berisha: Xhelati Rama u vë protestuesve paqësorë, topat e ujit që gjuajtën edhe foshnjën në karrocë

Berisha-Piro Vengut: Dezertove nga ushtria dhe mashtrove se je pasardhës i Marko Boçarit

Fshihej në një zonë të pyllëzuar, ja vendi ku u gjet autori i ngjarjes në Maliq

"Rama do organizojnë antimiting në Vlorë", Balla i përgjigjet Berishës: Kemi festën e PS!

Bido i kthehet opozitës: Ku ishit ju më 30 maj që nuk folët për Zvërvecin?

“Keni paralajmëruar anti-miting në Vlorë”, Berisha thirrje Ramës: Anuloje, është praktikë fashiste

Deputeti i “Lëvizjes Bashkë”: Rendi i ditës së sotme është kërkesa për dorëheqjen e qeverisë

U plagos në operacionin për kapjen e një personi në kërkim, mbërrin te Trauma polici

Vrasja e efektivit të Policisë në Korçë, Kuvendi nis me një minutë heshtje

Vrau një efektiv dhe plagosi një tjetër, mbërrin në spital autori

Reshjet përmbytin rrugët e Shëngjinit, vështirësi në qarkullimin e automjeteve dhe këmbësorëve

Qytetarët nisen sërish drejt kryeministrisë, me flamurin kuq e zi dhe brohorima vazhdojnë protestën

Protestuesit marshojnë drejt zonës së Bllokut, qytetarët e tjerë nuk iu bashkohen #dosja #protesta

Protesta nuk ka të ndalur, qyetarët bllokojnë rrugën te Ura e Tajvanit, thirrje në kor policëve

Nga Sheshi tek Banka, qytetarët bllokojnë rrugën: Edi Rama ka mbaru

Qytetarët nuk ndalen në protestë/ Bllokojnë rrugën te selia e PS-së, ulen në gjunjë

Vazhdon protesta për Zvërnëcin/ Protestuesit ngren nga kafet qytetarët te Opera

E mbuluar me flamurin kuq e zi, e reja shfaqet me foshnjën në krah gjatë protestës

"Edi Rama jep dorëheqjen/E reja nga protesta:Ka ardhur koha të shkosh me Berishën te Veliaj dhe Meta

Qytetarët protestë në Vlorë për Zvërnecin, me pankarta në duar marshojnë drejt Sheshit të Flamurit

Dy orë protestë, bulevardi plot qytetarë ndriçohet nga blicat e telefonave: Jep dorëheqje

"Studentët të ndërrojnë qeverinë"/ I riu thirrje të forta nga protesta: Mos u largoni nga Shqipëria

Protestuesit nuk i tremb as shiu, thirrje të forta nga Kryeministria: Revolucion!

“I preve në besë banorët e Rrjollit dhe Thethit”/ Protestuesi thirrje Ramës: Malet i nxore në shitje

Shiko video te tjera