Përkeqësohet moti në vend! Rrebeshe shiu në Tiranë, përmbyten rrugët

foto ilustruese

KUÇOVË- Sikundër në Tiranë, e njëjta situatë me përmbytjet nga reshjet e shiut ka qenë edhe në Kuçovë. Kanë mjaftuar vetëm 30 minuta reshje intensive shiu, që të përmbytet hyrja e qytetit të Kuçovës. Duke filluar nga vendi i quajtur “Kthesa e Ullirit” e deri në hyrje të qytetit rruga ka prezencë të shtuar uji, duke e bërë të vështirë qarkullimin e mjeteve në hyrje dhe dalje të Kuçovës, raporton “Faxweb”.

Për shkak të situatës së pa menaxhueshme, disa drejtues mjetesh e kanë parë të udhës për të kërkuar ndihmën e policisë. Si pasojë e prezencës së ujit, disa mjete janē fikur në mes të rrugës. Kjo situatë e rënduar në këtë zonë ndodh sa herë që bie shi i rrëmbyeshëm, pusetat dhe kanalizimet e ujërave bllokohen dhe uji depërton në rrugë.

foto ilustruese

TIRANË- Kanë mjaftuar pak minuta reshje në Tiranë, që rrugët të përmbyten. Pamjet në fjalë nga 'JOQ' nuk kanë nevojë për shumë komente, ku duket se kalimtarët janë bllokuar për të lëvizur, pasi pusetat duket se janë jashtë funksionit.

Ato janë bllokuar duke krijuar një situatë të rënduar, e përmbytur rrugët në kryeqytet. Në lagjen “Ali Demi”, uji ka mbuluar rrugët. Pengesë po hasin edhe drejtuesit e mjeteve, duke krijuar një radhë të gjatë kilometrike.

Permbytje

TIRANË- Mjaftuan pak minuta shi dhe kryeqyteti është përmbytur. Këtë e tregojnë më së miri pamjet që po qarkullojnë në rrjet, ku rrugët janë të mbushura me ujë, ndërsa njerëzit tentojnë të largohen me vrap e të tjerë që përpiqen t'i shpëtojnë rebeshit. 

Këtë e dëshmon edhe kjo video e postuar nga kryetari i Partisë Demokratike, Sali Berisha. Ky moment tregon përpjekjen e dy të rinjve që kalojnë semaforin për të shkuar në anën tjetër të rrugës, mirëpo për fat të keq një prej tyre rrëzohet dhe bie në pellgun e ujit. 

foto ilustruese

TIRANË- Sot Tirana është përfshirë nga shiu i rrëmbyeshëm, shoqëruar edhe me vetëtima. Edhe këtë fundjavë do të na shoqërojë mot i paqëndrueshëm, me paradite të ngrohta me diell e temperatura 27-28 gradë celcius dhe pasdite me rreshje shiu. Për "Top Channel", sinoptikania Lajda Porja është shprehur se e njëjta situatë e motit do të vijojë për disa ditë edhe në javën tjetër. Ajo ka thënë se reshjet do të jenë prezente në vend, ndonëse mbizotëruese do të jenë edhe temperaturat e larta.

Si parashikohet fundjava

Fundjava pritet të jetë në ndikim të kushteve atmosferike të paqëndrueshme. Moti parashikohet të nisë me kthjellime dhe prej mesdite zhvillim të vranësirave. Në orët e mesditës deri pasdite, vranësirat do të pasohen nga reshje shiu të cilat hera-herës do të jenë edhe në formën e shtrëngatave afatshkurtëra. Era do të fryjë me drejtim nga veriperëndimi me shpejtësi mesatare 1-8m/s, shoqëruar me valëzim në dete të forcës 1 ballë.