Tepelenë/ Mësuesi i rrahur pezullohet nga detyra, akuzohet për ngacmim seksual, kolegët: Nuk e besojmë, mund të jetë inskenim

Mesuesja

TEPELENE- Një ditë pas arrestimit dhe pezullimit nga detyra të mësuesit të Edukimit Fizik, Kleanthi Laçi, kolegët e tij mësuesë dhe drejtoresha e shkollës deklarojnë se Laçi nuk ka patur asnjë shfaqje të mëparshme që mund ti bënte të dyshonin në sjelljen e tij. 

"Unë kam 6 vite në këtë shkollë dhe nuk e mendoj se profesori të ketë bërë diçka të tillë. Unë si mësuese për atë profesor nuk e mendoj se e ka bërë diçka të tillë. Edhe mund të jetë e inskenuar. Unë nuk e kam parë gocën që pretendon se është ngacmuar seksualisht.

Unë kam dëgjuar vetëm për një nxënëse të ngacmuar. Por me pak fjalë nuk e besoj që profesor Keli ta ketë bërë një gjë të tillë”- u shpreh mësuesja.

Ndërsa, drejtoresha e shkollës nuk pranoi të prononcohej për mediat, duke thënë se për Laçin ishin marrë masat, referuar pezullimit. 

Kleanthi Laçi, Mësuesi i edukimit fizik në Tepelenë, u pezullua nga detyra pasi është prangosur fillimisht për akuzat “Ngacmimi seksual” dhe “Kallëzimi i rremë”. Ai u dhunua 3 ditë më parë nga 3 persona dhe mohoi të kishte konflikte. Ai deklaroi se nuk dinte arsyen e dhunimit dhe nuk i njihte autorët. Por njëri prej tyre, Alvi Gumeni, një emigrant i kthyer nga jashtë vendit u vetëdorëzua në Polici dhe shpjegoi arsyet e konfliktit. Ai tha se e kishte dhunuar mësuesin pasi motra e tij i kishte rrëfyer se mësuesi e kishte ngacmuar seksualisht./Dosja.al

Evis Kushi, ministre

TIRANE- Ministrja e Arsimit Evis Kushi ka reaguar pas arrestimit të mësuesit të fizkulturës, Kleanthi Laçi, pasi dyshohet se ka ngacmuar seksualisht dy nxënëse në Tepelenë. Në një postim në rrjetet sociale, Kushi thotë se mësuesi është pezulluar nga detyra deri në përfundim të hetimit dhe nëse fajësia vërtetohet atëherë ai do të përjashtohet nga sistemi arsimor. Kushi thotë se një nen i ri është përfshirë në ligjin për Arsimin Parauniversitar dhe shumë shpejt do të kalojë në parlament.

REAGIMI I PLOTE:

Kemi ndjekur nga afër ngjarjen e ditëve të fundit të ndodhur në Tepelenë, ku një mësues është dhunuar, pasi akuzohet nga familjarët për abuzim ndaj vajzës së tyre. Për mësuesin është marrë masa e ndalimit nga policia dhe Zyra Arsimore Tepelenë ka marrë sot vendimin për pezullimin e mësuesit nga puna deri në përfundimin e plotë të hetimeve.

Nxënëses menjëherë i është ofruar ndihmë nga punonjësit e shërbimit psiko-social dhe gjithashtu drejtoria dhe stafi i shkollës do të vijojnë mbështetjen për vajzën dhe familjen e saj, për ta kapërcyer këtë situatë.

Besojmë fort se organet e drejtësisë do ta zbardhin shumë shpejt të vërtetën e kësaj ngjarjeje dhe do të marrin vendimet e duhura ligjore. Siç e kemi bërë të ditur edhe më parë, qëndrimi ynë për këto raste është i prerë dhe nëse vërtetohet fajësia, krahas dënimit nga organet e drejtësisë, personat përgjegjës përjashtohen përgjithmonë nga sistemi arsimor.
Për këtë arsye, kemi përfshirë një nen të ri në Ligjin për Arsimin Parauniversitar, i cili do të miratohet së shpejti në Kuvendin e Shqipërisë. Ne nuk do të lejojmë të punojë në institucionet tona arsimore askënd që cënon shëndetin dhe mirëqenien e nxënësve tanë.

Kleanthi Laçi, Mësuesi i edukimit fizik në Tepelenë, u pezullua nga detyra pasi është prangosur fillimisht për akuzat “Ngacmimi seksual” dhe “Kallëzimi i rremë”. Ai u dhunua 3 ditë më parë nga 3 persona dhe mohoi të kishte konflikte. Ai deklaroi se nuk dinte arsyen e dhunimit dhe nuk i njihte autorët. Por njëri prej tyre, Alvi Gumeni, një emigrant i kthyer nga jashtë vendit u vetëdorëzua në Polici dhe shpjegoi arsyet e konfliktit. Ai tha se e kishte dhunuar mësuesin pasi motra e tij i kishte rrëfyer se mësuesi e kishte ngacmuar seksualisht./Dosja.al

Kleanthi Laçi

TEPELENË- Kleanthi Laçi, mësuesi i fiskulturës që u dhunua dy ditë më parë në Tepelenë është arrestuar pasi akuzohet se ka ngacmuar seksualisht dy nxënëset e tij të mitura. Dy ditë pas ngjarjes, policia ka dalë me një njoftim zyrtar, në të cilin bën me dije se ka vënë në pranga vetë ndalimin dhe një nga dhunuesit. Bëhet fjalë për vëllanë e një prej nxënëseve që isht ngacmuar seksualisht nga profesor Laçi. Alvi Gumeni, 29 vjeç, është kthyer nga emigrimi sapo ka dëgjuar ankesën e të motrës në lidhje me mësuesin dhe ka vendosur të përballej vetë me arsimtarin.

Dy ditë më parë, së bashku me dy miq, ai ndaloi mësuesin dhe e ftoi të hipte në makinë me ta, me justifikimin se do t'i ofronin diçka për të pirë. mësuesi hipi, të rinjtë e larguan nga qyteti dhe e dhunuan. 29-vjeçari ëhstë vetëdorëzuar në polici, ku ka rrëfyer dhe arsyet e sulmit. Edhe 13-vjeçarja e cila pretendon se është ngacmuar seksualisht, është marrë në pyetje nga oficerët e policisë gjyqësore në prezencë të psikologes.

Njoftimi i policisë Tepelenë: 

Specialistët e Seksionit për Hetimin e Krimeve të Komisariatit të Policisë Tepelenë, në përfundim të veprimeve hetimore të kryera nën drejtimin e Prokurorisë pranë Gjykatës së Rrethit Gjyqësor Gjirokastër, për ngjarjen e ndodhur në datën 16.01.2023, në vendin e quajtur "Zona industriale", Tepelenë, ku disa shtetas kanë goditur me mjete të forta shtetasin K. L., 59 vjeç, banues në Tepelenë (mësues), kanë ndaluar njërin prej autorëve të dyshuar, shtetasin: A. G., 29 vjeç, banues në Tepelenë, për veprat penale "Plagosja e lehtë me dashje", kryer në bashkëpunim dhe "Vetëgjyqësia".

Vijon puna intensive për identifikimin, kapjen dhe vënien përpara përgjegjësisë ligjore të bashkëpunëtorëve të tij. Gjithashtu, në vijim të veprimeve hetimore, nga specialistët e Seksionit për Hetimin e Krimeve në Komisariatin e Policisë Tepelenë u bë ndalimi i shtetasit të dëmtuar K. L., 59 vjeç, për veprat penale "Ngacmimi seksual" dhe "Kallëzimi i rremë". Ndalimi i këtij shtetasi u bë pasi nga kallëzimet e marra në lidhje me këtë rast, dyshohet se ai ka ngacmuar seksualisht 2 shtetase të mitura. Materialet procedurale i kaluan Prokurorisë pranë Gjykatës së Rrethit Gjyqësor Gjirokastër, për veprime të mëtejshme.