Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Në janar 2025, vlera e kategorisë ushqimore u rrit me 5.2% për supermarketet në qendër, ndërsa numri i produkteve të shitura u rrit me 10.8%, duke sugjeruar një konsum më të lartë nga klientët rezidentë ose një ndryshim në sjelljen e konsumit.
TIRANË- Një jetesë më dinamike po orienton shqiptarët drejt zgjidhjeve praktike dhe këtu nuk bëjnë përjashtim as vaktet ushqimore, ku një pjesë e mirë po preferojnë gjithmonë e shumë ato të gatshme, sidomos kur janë në punë.
Nisur nga të dhënat e rrjetit të supermarketeve “Big Market”, sipas Elona Koshit, rezultoi se në muajt janar-shkurt rritjet më të larta të shitjes ishin për produktet e gatshme të paketuara. Tendenca rritëse mund të lidhet me trendet e shtimit të konsumit në ambientet e punës.
Zonja Koshi gjithashtu thekson se pavarësisht se në këtë periudhë viti, vihet re se në zonat afër qendrës nuk ka fluks të lartë turistësh krahasuar me të njëjtën periudhë të vitit paraardhës, situata nuk ka ndikuar te kërkesa për produkte ushqimore.
“Pavarësisht një fluksi më të ulët turistësh në zonat qendrore të Tiranës, krahasuar me të njëjtën periudhë të vitit të kaluar, të dhënat tona tregojnë rritje të xhiros dhe të numrit të artikujve të shitur në supermarketet e këtyre zonave.
Në janar 2025, vlera e kategorisë ushqimore u rrit me 5.2% për supermarketet në qendër, ndërsa numri i produkteve të shitura u rrit me 10.8%, duke sugjeruar një konsum më të lartë nga klientët rezidentë ose një ndryshim në sjelljen e konsumit.
Rritja e ndjeshme prej 20.7% në kategorinë “mural” (produkte që përfshijnë pije, ushqime të paketuara etj.) tregon interes më të madh për këtë segment, ndoshta si rezultat i ofertave ose rritjes së konsumit të brendshëm.
Në 15-ditëshin e parë të shkurtit, tendenca e rritjes vazhdoi me një rritje prej 8.3% të vlerës në kategorinë ushqimore dhe një rritje të ndjeshme në segmentin e banakut me 21.7%, çka mund të lidhet me rritjen e konsumit të produkteve të gatshme, ose trendin e rritjes së konsumit në ambientet e punës.
Çfarë kemi konstatuar nga shitjet në pikat qendrore?
1.Konsumi i brendshëm mbetet i fortë – Pavarësisht rënies së numrit të turistëve, rritja e xhiros dhe numrit të artikujve të shitur tregon që konsumatorët vendas po kompensojnë këtë mungesë.
2.Ndikimi i ofertave dhe strategjive të çmimeve – Një rritje e ndjeshme e kategorisë “mural” sugjeron që ofertat ose ndryshimet në sjelljen e konsumit mund të kenë ndikuar në këtë performancë pozitive.
3.Ndryshimi i përparësive të konsumatorëve – Rritja e banakut në shkurt (+21.7%) sugjeron që njerëzit po preferojnë më shumë konsum të menjëhershëm, si produktet e gatshme dhe pijet.
Në përfundim, edhe pse fluksi i turistëve është më i ulët, supermarketet në zonat qendrore nuk e kanë ndier ndikimin negativ; përkundrazi, shitjet janë rritur, duke reflektuar një konsum më të lartë nga klientët vendas dhe një adaptim të mirë të ofertave ndaj nevojave të tregut”, nënvizon zonja Koshi.
Konsumi në bare dhe restorante, në rënie me 20% nga pakësimi i turistëve
Rënia e numrit të vizitorëve të huaj ka ndikuar edhe te pakësimi i konsumit në bare dhe restorantet e kryeqytetit. Enri Jahja, kryetari i Shoqatës së Bareve dhe Restoranteve, tha për “Monitor” se krahasuar me muajin janar të vitit të kaluar, konsumi për këto struktura ka rënë 20%.
Z.Jahja pohon se faktor kryesor i pakësimit të konsumit është ulja e numrit të turistëve dhe rënia e fuqisë blerëse prej vendasve.
“Vjet në muajin janar në bare dhe restorantet në Tiranë pati një numër të lartë frekuentimi nga turistë të huaj. Fluksi i turistëve të huaj që vizituan Tiranën në 2024 ishte i pazakontë për muajin janar. Për muajin janar 2025 vihet re që ka rënie të ndjeshme të turistëve të huaj.
Kjo ka ndikuar te rënia e konsumit të kafesë, pijeve alkoolike dhe ushqimit në restorante. Faktorë të tjerë që po ndikojnë te konsumi vijojnë të jenë rritja e çmimeve dhe rënia e vazhdueshme e konsumit nga vendasit. Për vendasit, rritja e çmimeve dhe emigracioni janë faktorët kryesorë që ndikojnë te tendenca rënëse e konsumit.”
Kryetari i Shoqatës së Bareve dhe Restoranteve parashikon përmirësim të konsumit prej muajit mars, kryesisht në zonat bregdetare, ndërsa në Tiranë dhe qytete të tjera, tendenca e konsumit do të mbetet me luhatje.
Gjatë 2025-s, ecuria pritet të jetë e mirë, por do të ketë shumë luhatje, pasi ka filluar të ndiejë edhe sezonalitetin e turizmit. Në disa qytete si: Lezhë, Vlorë, Sarandë etj., ka pasur mbyllje të bizneseve përkohësisht, për t’u rihapur sërish me afrimin e sezonit së verës. Kjo për arsye se nuk kemi në nivele të kënaqshme konsumim dhe se kostot e mirëmbajtës së stafit janë dyfishuar”, pohoi ai më herët.
Z.Jahja nënvizon se në Shqipëri konstatohet ende fragmentim shumë i fortë, i sektorit. Por sipas tij, ka nisur një rishpërndarje apo vetërregullim në HoReCa që pritet të vijojë deri sa tregu të normalizohet. Në vend janë gjithsej 15,5 mijë bare, nga 22 mijë në vitin 2015, duke qenë aktiviteti i dytë më i preferuar në vend, pas biznesit të pakicës. Sipas të dhënave të regjistrit të bizneseve të INSTAT, në vitin 2021 u mbyllën 854 aktivitete të shërbimeve të ushqimeve e pijeve, me rënie 5.2%.
Referuar të dhënave të INSTAT, deri në 2019 në këtë sektor ishin të punësuar 45,000 persona. Numri i të punësuarve konsiderohet më i lartë, për shkak të informalitetit. Problematikë e mprehtë për sektorin vijon të mbetet edhe vështirësia për gjetjen e punonjësve, por edhe informaliteti për pagat e tyre. Në 2023, në këtë sektor nga Shoqata e Bareve dhe Restoranteve llogaritej një mungesë prej 15 mijë punonjësish. Kryetari i Shoqatës së Bareve dhe Restoranteve, Enri Jahja, thotë se parashikohet të vijohet me politikën e rritjes së pagave dhe kostoja shtesë do të reflektohet te çmimet për konsumatorin final./ Monitor
Familja e Martin Canit TIRANË- Familja e 14-vjeçarit, Martin Cani, i cili u vra disa muaj më parë pranë shkollës &ldq...
Hirësia e tij, Joan Pelushi TIRANË- Sinodi i Shenjtë i kishës Ortodokse Autoqefale të Shqipërisë u mblodh ditën e s...
fotot ilustruese TIRANË- Një 37-vjeçaar është arrestua nga policia e Tiranës, pasi dyshohet se ka kryer një seri...
Hirësia e tij, Joan Pelushi TIRANË- Sinodi i Shenjtë ka zgjedhur sot pasardhësin e kryepeshkopit Anastas. Pas mbledhjes...
Foto ilustruese LEZHË- Gjykata e Lezhës ka lënë në burg 28-vjeçarin e arrestuar në lidhje me të sht&eum...
fotot ilustruese RINAS- Policia Kufitare në Rinas kanë evidentuar dhe goditur tre raste të tentativës për të nxjerrë...
Foto ilustruese DURRËS- Një aksident është regjistruar mëngjesin e sotëm në Kodrën e Rrushbullit, në Durrë...
Kisha Ortodokse TIRANË- Sinodi i Shenjtë i kishës Ortodokse Autoqefale të Shqipërisë do të mblidhet ditën e sotme p...
Foto ilustruese TIRANË- Në supermarkete, ndikimi i inflacionit te fuqia blerëse po orienton konsumatorin familjar për shpenzime drejt m...
Foto TIRANË- Ditën e sotme do të vijojnë masat ajrore të ngrohta dhe të lagështa duke sjellë në territorin Shq...
