Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Akoma më i rëndë është rasti i një 23-vjeçareje, e cila nisi raportin me një 38-vjeçar të martuar. Kur T., punonjëse në një institucion, tentoi të ndërpresë gjithçka, gjërat u përkeqësuan. Por ky vendim ishte i vonuar.
TIRANË- Rasti i Klosit, ku dy persona u vranë dhe një tjetër u vetëvra pas një konflikti të nisur në rrjetet sociale me një adoleshente, nuk është krimi i vetëm që ka ndodhur nga kërcënimet në internet. Gazetasi.al bisedoi me ekspertë të policisë që japin alarmin për prindërit referuar denoncimeve të kryera mbi shantazh, gjobëvënie dhe përndjekje përmes rrjeteve sociale Facebook, Instagram, Snapchat.
“Im bir është 11 vjeç. Ai nuk konsumon më ushqim dhe urinonte në krevat natën. Nuk tregonte dhe ndryshoi shumë. Së bashku me burrin, vendosëm ta dërgonim tek një psikolog, pasi dyshuam se ishte viktimë e bullizmit. Por situata ishte më keq se kaq. Psikologu zbuloi se fëmija ynë po kërcënohej prej gjashtë muajsh nga shokët e klasës. E quanin ‘gay’, pasi kishte komplimentuar një shok për kaçurrelat në Instagram”.
Kjo është pjesë e denoncimit të një gruaje, e cila u paraqit në Policinë e Tiranës gjatë muajit shtator dhe kërkoi që rasti të hetohej dhe të arrestoheshin të miturit. Policia i sqaroi Gazetasi.al se faqet u bllokuan dhe aty u pa se si i mituri sulmohej për shkak të fotografive që kishte hedhur gjatë pushimeve me prindërit. Të pyetur nga policia, të dy prindërit e 11-vjeçarit shtuan se nuk kishin informacion për llogarinë në Instagram, e aq më tepër për fotografitë që fëmija kishte ndarë në internet.
Akoma më i rëndë është rasti i një 23-vjeçareje, e cila nisi raportin me një 38-vjeçar të martuar. Kur T., punonjëse në një institucion, tentoi të ndërpresë gjithçka, gjërat u përkeqësuan. Por ky vendim ishte i vonuar.
“Më ka kërcënuar përmes një videoje ku unë shfaqem e zhveshur dhe ia dërgova në një nga herët kur ish i dashuri ishte me një trajnim jashtë Shqipërisë. Atë kohë më mashtroi se e kishte marrë malli dhe s’mund të dyshoja në mendimet e këqija të tij. Por kjo video që ndava me të, u kthye në një nga torturat e mia,”- dëshmon 23-vjeçarja në polici në materialet që iu vendosën në dispozicion ekskluzivisht Gazetasi.al.
Por shembulli më ekstrem që dërgoi në qeli tre meshkuj, është ai kanosjes dhe gjobëvënies, duke këmbëngulur se viktima e tyre me prirje homoseksuale ishte filmuar dhe ekzistonte një video. Shtetasit B.M., V.H., dhe F.H., akuzohen për shtrëngim me anë të kanosjes për dhënie pasurie dhe veprimet që ata kryen ishin pikërisht kërcënimet, duke shfrytëzuar rrjetet sociale, pohojnë burimet e sigurta të Gazetasi.al.
Si viktimë, ishte një i mitur që zhvati familjen, deri duke vjedhur pesë mijë euro. Kallëzimi u krye nga kryefamiljarja, pa e ditur se ndërkohë nuk bëhej fjalë për hajdutë që kishin hyrë nga jashtë shtëpisë, por që fëmija i tyre kishte rënë viktimë e abuzimeve në internet. Sipas dosjes që iu tregua Gazetasi.al, fëmija i seksit mashkull që foli në prani të psikologut, tregoi se shkoi për vizitë në shtëpinë e një shokut të tij që e kishte ftuar për të luajtur.
“Kur hyra në shtëpinë e tij, nga kuzhina doli një person i rritur me armë në dorë, më urdhëroi të zhvishesha, se në të kundërt do më vriste. E detyroi edhe shokun tim të bënte të njëjtën gjë. Nën kërcënimin e armës më detyroi të bëja seks oral dhe ndërkohë më regjistroi me telefon. Më pas më pyeti se sa para kishin prindërit dhe se nëse nuk i jepja pesë mijë euro do ta publikonte në rrjetet sociale. Kur po dilja, pashë që shoku im që më ftoi në shtëpinë e tij nuk dukej i shqetësuar dhe aty kuptova se shoku më kishte futur në kurth”.
Në ditët në vazhdim, djali i mitur, sipas burimeve ekskluzive të Gazetasi.al, u shantazhua nga tre burra në moshë të madhe, duke u njoftuar në internet.
“E pamë videon tënde dhe jemi larg një postimi. Duam para”, - i shkruan fëmijës në llogarinë e tij në Facebook.
I mituri, si fillim vodhi të gjitha bizhuteritë e shtrenjta të prindërve, duke plotësuar shumën që i kërkohej.
“I traumatizuar, 12-vjeçari u kthye në një makinë parash për gjobëvënësit”, - deklaron policia, e cila e hetoi rastin e tmerrshëm, duke shtuar se si i mituri nisi të vjedhë ngado, por tre gjobëvënësit vazhdimisht e kërcënonin.
Çështja vazhdon të jetë ende nën hetim, bëjnë me dije burimet e policisë që arrestuan tre burrat. Por trendi më shqetësues, mëson Gazetasi.al, nuk është vetëm ai i fitimit të parave, por edhe i mbajtjes me dhunë të një marrëdhënieje.
“Po dhunohen kryesisht vajza të reja, adoleshente dhe studente apo edhe punonjëse që kanë një status, qofshin ato edhe të martuara dhe që kanë krijuar një histori paralele. Të gjitha ato japin besim, duke shpërndarë fotografitë intime tek partneri që ose i ka shëpërndarë ato edhe tek meshkuj të tjerë dhe viktima në këtë rast ka hyrë në një rreth të mbyllur, duke qarkulluar mes meshkujsh, ose ka qëndruar në lidhje derisa ka kuptuar se nuk kishte rrugë dalje tjetër”, - thotë një oficer i Njësisë C, që merret me trajtimin e këtyre rasteve.
Gruaja e martuar me kolegun e zyrës
“Shembulli më ekstrem, është ai i një gruaje të martuar që u lidh me kolegun e zyrës dhe përmbi dy vjet u shantazhua për një fotografi, ku të dy janë në krevat. Ajo u detyrua të kallëzojë së pari tek i shoqi për lidhjen dhe më pas të dy erdhën në polici“, - shpjegon oficeri i policisë qendrore, që hetoi dosjen dhe firmosi urdhër-arrestin për shantazhueshin.
Megjithatë ky i fundit e kishte një alibi, që pavarësisht këmbënguljes nuk e shpëtoi nga burgu. “Jam beqar dhe Z., nuk ishte dakord që të ndaheshim. Gjithçka është një hakmarrje e ulët”, - këmbënguli i riu, që pavarësisht kësaj alibie, aktualisht mbahet në paraburgim për akuzën e përndjekjes dhe të kanosjes./GazetaSi
Davide Pecorelli PUKË- Davide Pecorelli, italiani që inskenoi rrëmbimin dhe vdekjen e tij, do të përballet me 4 vepra penale. Prok...
Malli i sekuestruar ne burg ITALI- Më shumë se 100 celularë, të paktën po aq karta SIM është bilanci i një hetimi p...
Policia e Durrësit DURRËS- Policia e Durrësit ka bërë të ditur se në ambientet e komisariatit ka shkuar një grua q...
Policia italiane ITALI- Një 27-vjeçar shqiptar është vënë në prangat e policisë së Misanos në Ital...
policia italiane ITALI- I dëbuar në muajin gusht, ai u kthye në Itali duke përdorur një emër tjetër ku më pas ra n&...
Foto Ilustruese TIRANË- Dy turq janë arrestuar në Tiranë, pasi transportonin kanabis nga aeroporti i Rinasit në drejtim ...
Pamje nga aksioni TIRANË- Një 28-vjeçar ka rënë në prangat e Policisë, pasi ka tentuar të vjedhë një ma...
Universiteti i Mjekësi TIRANË- Univeristeti i Mjekësoisë edhe këtë vit akademik ka qenë i preferuar i gjimnazistëve...
GJERMANI- Ka ndërruar jetë 28-vjeçari nga Prizreni, i plagosur mëngjesin e sotëm nga një bashkëatdhetar i tij mëngje...
Klement Çala TIRANË- Gjykata Kundër Korrupsionit dhe Krimit të Organizuar (GJKKO) ka nxjerrë nga regjimi "41 bis", Klement &Cced...
