Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Ika dhe prita se mos vjen telefonata, pasi më thanë se do të themi për përgjigjen e biopsisë. Prita deri në datë 21 janar 2025 dhe u shkrova, por s’më kthyen përgjigje” pohon Gjomarkaj.
TIRANË- Fiks Fare denoncoi mbrëmjen e së mërkurës një problematikë në sistemin shëndetësor, ku një spital privat i ka marrë një mostër për biopsi një qytetari dhe ka harrua t’i bëjë analizën. Në redaksinë e emisionit investigativ u ankua Preng Gjomarkaj.
“I jam drejtuar Fiksit për një problem me spitalin TRITA HOSPITAL, ndodhet në Tiranë. Kishte një aparaturë për zorrën e trashë, kolonoskopi dhe unë kisha disa probleme. Shkova atje më datë 30 dhjetor 2024. E bëra dhe pagova 160 mijë lekë (të vjetra) se kishte ofertë. Më thanë ke një gjëndër që është 2 cm me 1 cm dhe më thanë gojarisht dhe e shkruajtën në recetë që t’a kemi marrë biopsinë. Më prunë diskun dhe fletën që ishte përshkrimi i kolonoskopisë.
Ika dhe prita se mos vjen telefonata, pasi më thanë se do të themi për përgjigjen e biopsisë. Prita deri në datë 21 janar 2025 dhe u shkrova, por s’më kthyen përgjigje” pohon Gjomarkaj.
Fiksi e pyeti nëse te fleta e përshkrimit shkruhet se janë marrë mostra për biopsi, për mbjellje. “Po, dhe doktori më tha se të janë marrë mostra. Përgjigja zgjaste 20 ditë. Dhe prita këto ditë. Shqetësimet më filluan më shumë se para se ta bëja. U çova mesazh. Më morën në telefon dhe më thonë që biopsia nuk është bërë për arsye se s’ke paguar lekët. Iu përgjigja pak keq. U thashë se ato lekë që kërkuat ato ju paguajta. Çfarë lekësh doni të tjera?! Megjithatë u thashë se duhet ta kishit bërë analizën e biopsisë dhe ta paguaja e ta merrja. Mua ma keni ngacmuar pjesën e gjëndrës. Më mbylli telefonin dhe ndaj iu drejtova Fiks Fare” pohon qytetari. Ai shton se tani ka shqetësime më shumë se përpara dhe kjo e shtyu që ai t’i denoncojë.
Pas ankesës, 59-vjeçari shkoi në spitalin TRITA HOSPITAL dhe takon punonjësit e spitalit. Ata i kërkojnë se çfarë analize ka kryer, teksa ai i tregon edhe problemin. Më pas e çojnë te një punonjëse që thotë është drejtoreshë. Kjo “drejtoresha” i thotë se do e verifikojë dhe do t’i kthejë një përgjigje pasi s’ka të dhëna.
Qytetari ikën dhe më pas e marrin në telefon nga TRITA HOSPITAL duke i thënë se: “përderisa kanë kaluar shumë ditë nga marrja e materialit ne të sugjerojmë që të bësh edhe njëherë pa kosto dhe të marrim edhe njëherë material për biopsi. Vetëm biopsia do të ketë kosto. Ndjesë që s’ishit informuar nga ana jonë po kjo është zgjidhja. Tani duhet të paguash 100 euro vetëm për biopsinë”. Qytetari i thotë do e ndjekë në gjykata e në institucione të tjera, teksa ajo i thotë se “s’është nevoja të ndiqni këto hapa”.
Qytetari i bën me dije se sëmundja ka avancuar, teksa ajo i përgjigjet se “e kuptoj, ndaj po ju them ta marrim sërish materialin komplet siç duhet”. Ai i thotë se përse s’e bëtë herën e parë, teksa ajo i përgjigjet se “këtu qëndron problemi, pasi ne s’të kemi njoftuar”. Ajo i thotë se po të jap një zgjidhje që është e mirë edhe për spitalin edhe për qytetarin. Qytetari e pyet punonjësen se sa i kushton jeta, pasi me këtë që i kanë bërë ia kanë rrezikuar atij. Ajo i përgjigjet se këto muhabete s’bëhen dhe se kjo është “zgjidhja më e mirë për jetën e tij, unë personalisht do të sugjeroja që ta bëje”.
“Këta më thonë ta bëjnë sërish nga e para, të marrin biopsinë dhe të pres edhe 20 ditë të tjera dhe sëmundja ime mund të përparojë se do cenohet dy herë ajo. Ajo mund të mos jetë asnjë gjë, po mua shqetësimet më janë shtuar pasi bëra kolonoskopinë e parë. Pra ai spital të tallet me mua. Unë kërkoj që kjo të publikohet që njerëzit ta dinë dhe për këtë gabim të më japin dëmshpërblim” përfundon ai.
***
Qytetari shkon në “TRITA HOSPITAL”, Tiranë
Qytetari – Unë kam bërë kolonoskopi, dje unë e kam lënë për të bërë atë biopsinë.
Punonjësja – Ke për të bërë biopsinë?
Qytetari – Jo e kam lënë, më është marrë. Dhe dje më informuan që s’është bërë biopsia. Tani unë dua të takoj doktorin edhe drejtuesin e spitalit.
Vjen një punonjëse tjetër …
Punonjësja 2 – Si jeni?
Qytetari – Unë kam bërë një kolonoskopi më 30 dhjetor.
Punonjësja 2 – Po.
Qytetari – Dhe më është marrë material për biopsi. Kam paguar lekët, këtu i kam paguar.
Punonjësja 2 – Para Vitit të Ri?
Qytetari – Po para Vitit të Ri.
Punonjësja 2 – Ça date?
Qytetari – Më datë 30 (dhjetor), Preng Gjomarkaj. Edhe e kam lënë për biopsinë për t’u bërë, më është marrë material brenda.
Punonjësja 2 – Po, po.
Qytetari – Dje …
Punonjësja 2 – Ke marrë përgjigje?
Qytetari – Dje më kanë telefonuar që s’ta kemi bërë biopsinë! Unë dua o biopsinë ose përgjigjen.
Punonjësja 2 – Ja të flas pak, do të marr unë një ide të shkurtër dhe do të vij të asistoj pas pak.
Punonjësja 3 – Unë këtu po shoh që ke paguar 160 mijë lekë.
Qytetari – Po.
Punonjësja 3 – Ça të kanë shpjeguar se, fakti që s’ta kanë thënë normalisht se po bëjmë diskutim.
Qytetari – Fakti që s’ke paguar lek!
Punonjësja 3 – Ta kanë sqaruar këtë pjesën që përveç kolonoskopisë, në momentin që merret biopsia, merret një tarifë shtesë që është vetëm biopsi.
Qytetari – Mua doktori më ka thënë atje që zotni s’ke problem ke vetëm 1 gjëndër 2 cm dhe 1 cm të kemi marrë një material për biopsinë dhe përgjigjen e biopsisë do ta marrësh pas 20 ditësh.
Punonjësja 3 – Të ka thënë doktori?
Qytetari – Po! Edhe marr në telefon dhe më thonë ‘biopsinë jua kemi bërë’. Duhet të vij unë t’ju them doni lekë shtesë apo do t’më thoni ju?! Ti duhet ta bësh biopsinë dhe kur të vij unë t’më thuash kaq lekë bën. Jo t’më cënosh mua plagën, ose kokrrën që mund të jetë sëmundje e keqe, dhe përfundimisht mbaroi që këtu. Nëse kjo është sëmundje e keqe kjo fillon agravohet edhe unë s’kam se si të marr mjekim.
Punonjësja 3 – Zotëri unë kam vetëm një pyetje, të kërkoj shumë ndjesë për të gjithë situatën ku ti ndodhesh. Kur ju kanë bërë dalje nga spitali, s’ka ardhur askush për t’iu thënë që ju është marrë biopsia dhe kushton kaq?
Qytetari – Mua më ka ardhur doktori dhe më ka thënë që të është marrë biopsia dhe do të vish ta marrësh pas 20 ditësh.
Punonjësja 3 – Ok, dhe s’të ka ardhur përgjigja.
Qytetari – Dhe asnjë gjë tjetër. Nuk është problem ajo punë (pagesa), problem është bërë biopsia dhe ka dalë biopsia … Përfundimisht ju numrin e telefonit e keni pasur, Zotëri do ta bëjmë apo s’do ta bëjmë?!
Punonjësja 3 – Ajo që unë mund të bëj është të marr informacion më tepër për këtë dhe do t’ju kontaktoj si të bëjmë planin.
Qytetari – A ka drejtor këtu apo s’ka?
Punonjësja 3 – Jo.
Qytetari – Ti je (drejtoresha)?
Punonjësja 3 – Unë!
Pas 1 ore, qytetarin e marrin në telefon!
Punonjësja – Tani përderisa kanë kaluar shumë ditë nga marrja e materialit ne të sugjerojmë që të vish dhe të bësh edhe njëherë kolonoskopinë pa kosto dhe të marrim dhe njëherë material për biopsi dhe t’a dërgojmë. Vetëm biopsia do të ketë kosto. Shumë ndjesë që s’jeni informuar nga ana jonë po kjo ishte zgjidhja.
Qytetari – Sa e ka biopsia koston?
Punonjësja – 100 euro.
Qytetari – Unë nuk vij më të hyj në dorën tuaj, po do të vazhdoj rrugë të tjera.
Punonjësja – Nuk është e nevojshme për të bërë këto procedurat e tjera me diçka që mund t’a zgjidhim shumë mirë, shumë lehtësisht.
Qytetari – Është e nevojshme që unë po merrem, mua ndoshta më ka avancuar sëmundja, se mua po më dhëmb prapë pjesa e trupit më shumë seç më ka dhembur më përpara dhe unë duhet të isha në kurim tani. Dhe jo në skadim dhe në dhimbje! Dhe të rri tani edhe 20 ditë të tjera në dhimbje, në avancim larg qoftë mund të jetë kancer, thjeshtë për neglizhencën tuaj, se për atë tuajën.
Punonjësja– Shiko unë …
Qytetari – Dakord?!
Punonjësja– Po ta them dhe njëherë, të kërkoj shumë ndjesë dhe nuk është e nevojshme.
Qytetari – Do ma kishit thënë, do ma kishit thënë që në momentin e parë që ju zotni do të paguani kjo kaq, po qe puna për biopsinë kaq.
Punonjësja– E kuptoj pranë dhe unë po ju them që më mirë ta bëjmë procedurën që ta bëjmë marrjen e materialit siç duhet dha ta dërgojmë në kohë siç duhet, më kupton? Këtë po them dhe unë.
Qytetari – Pse unë t’a bëj dy herë, pse mos t’a bësh ti … Pse mos t’a bëjshe ti dhe të më thuaje po s’më dhe lekët s’të jap përgjigjen.
Punonjësja– Po këtu qëndron problemi, ne po e marrim të mirëqenë që ne nuk ju kemi njoftuar, e kupton?
Qytetari – Atëherë kur nuk je, kur ti nuk je njoftuar do t’më dëmshpërblesh shëndetin mua.
Punonjësja– Ne po ju themi që pjesa e kolonoskopisë do të jetë falas nga ana jonë, nuk keni asnjë kosto për t’u paguar.
Qytetari – Nuk kam pse e dëmtoj shëndetin dy herë dhe të …
Punonjësja– Shiko, kolonoskopia nuk është asnjë lloj dëmtimi të shëndetit, për më tepër bëhet për të diagnistifikuar diçka që ta parandalojmë, më kupton. Dhe që po thoni ju për pjesën e avancimit asgjë s’mund të avancoj nga data 30 deri më sot.
Qytetari – Ajo avancon për 1 ditë, jo për 50 ditë se do edhe 20 ditë të tjera biopsia.
Punonjësja– Shiko biopsia del për 2 javë, 14 ditë.
Qytetari – 14, 20 njëlloj janë!
Punonjësja– Unë po të them, po të jap një zgjidhje që të jetë e mirë edhe për ne, edhe për ju dhe sidomos për shëndetin tuaj.
Qytetari – Dhe çdo spital privat apo shtetëror të marri vesh që këtu bëhet fjala për shëndetin e robit dhe jo për dëmtimin e shëndetit. Jo për të pasuruar ju me shëndetin tonë.
Punonjësja – Po pikërisht, ne për këtë pjesën e shëndetit po të themi që të vish ta bësh kolonoskopinë.
Qytetari – Dhe sa të kushton jeta, mirë. Sa të kushton jeta ty?
Punonjësja – Këto muhabete nuk janë muhabete për t’u diskutuar, as nga ana juaj as nga ana ime.
Qytetari – Jo është muhabeti për t’u diskutuar se unë ndoshta mund të jem …
Punonjësja – Po ju jap një zgjidhje, një zgjidhje që të jetë e mirë dhe për ne. Unë personalisht do të sugjeroja që t’a bëje.
Qytetari – Unë të pyeta me jetën tonë ju talleni. Dhe ju për t’u tallur me jetën tonë, unë s’kam për të lënë as kërrkënd. Unë s’kam si bëj biopsi nga e para, se unë tallem nga e para nga ju.
Punonjësja – Unë jua dhashë …
Qytetari – Ti ma dhe atë, po do të jap …
Punonjësja – Të thashë dhe mënyrën se si ta zgjidhim.
Qytetari – Do të fus në gjykatë.
Punonjësja – Që të jetë e mirë dhe për shëndetin tuaj.
Fiksi – Letra është e shkruar që është bërë biopsia?
Punonjësja – Të merret një biopsi akoma më e freskët, më adekuate dhe për dy javë të kishit përgjigjen, por atë e vendosni ju. Si të doni.
Qytetari – Ju s’e keni marrë, e keni marrë mishin tim dhe e keni tret? S’e keni bërë biopsinë, e keni hedhur në kosh të plehrave.
Punonjësja – Për pjesën e shëndetit tuaj, s’po bisedojmë …
Qytetari – Për pjesën e shëndetit tim ka edhe spitale të tjera.
Punonjësja – Në rregull, unë këtë kisha për t’ju thënë, nëse doni …
Qytetari – Për pjesën e shëndetit tim.
Punonjësja – Do t’na bëhej shumë qejfi që ne t’a merrnim përsipër rastin tuaj. Po nëse s’doni është ok.
Qytetari – Për pjesën e shëndetit tim ka edhe spitale të tjera.
Punonjësja – Ne kemi raste të kolonoskopisë dhe gastrotomisë çdo ditë. Unë ua thashë, por si të doni! /Top Channel
DURRËS - Ministria e Mbrojtjes ka dhënë të tjera detaje nga situata e përmbytjeve në Durrës. Raportohet se si pasojë e...
Avokati TIRANË - Emisioni investigativ “Fiks Fare” denoncoi avokatin, Arbër Qehajaj, i cili ka kërcënuar një qyte...
motrat Nikolli TIRANË- Artur Thomaraj, babai i 29-vjeçarit që humbi jetën nga tritoli në Elbasan, Enea Thomaraj thotë se nu...
Foto nga emisioni TIRANA- Ish-gjyqtarja e Elbasanit, Pajtime Fetahu që u provua të kishte lidhje me bandat kriminale të qytetit, ka dek...
Enea Thomaraj TIRANË- Por Gledian Muka, nuk është i pafajshmi i vetëm të cilit plumbat i kanë marrë jetën në k...
pamje nga permbytjet DURRËS- Qyteti i Durrësit u përfshi ditën e sotme nga reshje të dendura shiu, të cilat kanë shkaktu...
Foto ilustruese DURRËS - Pas përmbytjeve të regjistruara këtë të mërkurë në Durrës si pasojë e motit...
foto ilustruese ITANË- Por çfarë ndodhi atë mbrëmje të 21 Korrikut 2024 në qytetin e Memaliaj? Tragjedia ndodhi pik&eu...
Fisi Kalemi MEMALIAJ - Edhe pse kanë kaluar rreth 6 muaj që nga masakra e Memaliajt, ku humbën jetën tre personi dhe mbeti i plagosur n...
MEMALIAJ - Tre të vrarë dhe një i plagosur ishte bilanci i një atentati të ndodhur mbrëmjen e 20 korrikut 2024 që tronditi ...
