Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Infrastruktura e atyre strukturave që quhen rrugë (pasi vetëm rrugë nuk janë), në fshatrat e njësisë administrative Malzi – Kukës, është në gjendjen më të mjeruar të mundshme.
KUKËS- Duke qenë një banor i njësisë administrative Malzi në Kukës, fshati Dukagjin, dhe si një qytetar aktiv, që kam ndjekur me vëmendje problematikat që ka pasur kjo zonë në dekadat e fundit, për fat të keq në dekadën e fundit, Malziu i Kukësit ka pësuar regres masiv në shumë fusha.
Për t’ju përgjigjur paragrafit të mësipërm do të përpiqem të sjell një analizë të shkurtër rast pas rasti, të problematikave në fushat kryesore në njësinë administrative Malzi në Kukës:
Infrastruktura e atyre strukturave që quhen rrugë (pasi vetëm rrugë nuk janë), në fshatrat e njësisë administrative Malzi – Kukës, është në gjendjen më të mjeruar të mundshme.
Nuk besoj se ka në të gjithë Shqipërinë rrugë në këtë gjendje! Pothuajse 100% e infrastrukturës rrugore në fshatrave e Malziut – Kukës, të cilat lidhen që të gjitha me rrugën e vjetër nacionale Kukës – Tiranë, janë të paasfaltuara dhe në gjendje tejet të rënduar. Asfalti në këto zona është mit.
Kjo ka ndodhur sepse infrastruktura skandaloze e këtyre rrugëve, ju ka sjellë banorëve të fshatrave të Malziut, stres, humbje ekonomike, probleme shëndetësore, rrezik për aksidente dhe aksidente etj.
Këto probleme shtohen sidomos gjatë periudhave të lagështa dhe ngricave (vjeshtë, dimër, pranverë).
Situata qarkulluese në këto rrugë vështirësohet dhe bëhet deri e paqarkullueshme sidomos në stinët e lagështa dhe në dimër. Uji i reshjeve në rrugët e fshatrave të Malziut – Kukës, krijon puse të mbushura me ujë deri edhe minibasene të cilat pengojnë realisht qarkullimin e automjeteve, si dhe të këmbësorëve.
Në dimër, reshjet e dëborës bllokojnë në periudha disaditore, por me reshje të mëdha dëbore mund të shkojë edhe në bllokim javor të rrugëve.
Kjo sjell pasoja në furnizimin me ushqime të banorëve të fshatrave, apo marrjen e shërbimeve shëndetësore për të sëmurët, duke rrezikuar seriozisht edhe jetën e tyre.
Vigjilenca dhe ndërhyrja e bashkisë sidomos këto dy vitet e fundit, për meremetimin me zhavorr të gropave të rrugëve të fshatrave të Malziut, ka qenë inekzistente, nuk ka pasur fare ndërhyrje. Edhe kur ka ndonjë ndërhyrje në dimër, çuditërisht ato bëhen kur bora dhe ngricat shkrijnë nga pjesën qarkulluese të rrugës.
Kjo hedh dyshime të besueshme për shpërdorimin e fondeve të emergjencave dhe fondeve publike që mbulohen nga bashkia Kukës.
Problem tjetër ndër më kryesorët janë mjediset e shkatërruara të shkollave në fshatrat e njësisë administrative Malzi – Kukës. Mjedise të ftohta. Dritare të kalbura, pa xhama, ose me xhama të thyer. Mure të çara nga lëvizje tektonike, nga cilësia e dobët e ndërtimeve, apo nga tërmetet.
Mjedise pa laboratorë, sidomos laboratorëve të Fushës së Shkencave. Mjedise pa laboratorë TIK-u.
Tualetet e shkollave janë në gjendje skandaloze dhe të rrezikshme për shëndetin e nxënësve. Mungojnë totalisht mjediset e edukimit fizik, palestrat, apo këndet me mjetet e edukimit fizik, që ndihmojnë edhe në një shëndet më të mirë, por edhe si mjedise çlodhëse dhe argëtuese.
Pastrimin në shkolla e bëjnë ende nxënësit dhe vihet re edhe një mungesë e mjeteve sanitare në shkolla. Që nga ndërtimi i këtyre shkollave disa dekada më parë, disa që para 1990-s, nuk ka pasur më ndërhyrje rregulluese apo furnizuese me mjete apo laboratorë, sidomos gjatë dekadës së fundit.
Shkollat janë lënë në rrënim të lirë, në çdo aspekt. Ndoshta kjo ka ardhur edhe nga se numri i nxënësve ka rënë, interesi për mësimin ka rënë, dhe në vitet e ardhshme, ndoshta edhe mund të mbyllen.
Sipas ligjeve, urdhëresave, të arsimit shqiptar dhe qeverisjes vendore, shkollat janë institucione të cilat duhet të mirëmbahen dhe financohen për nevoja të ndryshme nga pushteti lokal – bashkia në bashkëpunim me njësitë administrative.
Pra, ndërhyrja e bashkisë ka qenë minimale, ose në shumicën e shkollave nuk ka ekzistuar fare. Në shkolla nuk ka fotokopje, nuk ka printerë, nuk ka ndonjë video-projektor. Nxënësit ose mësuesit paguajnë nga xhepi i tyre printimet, apo mjetet, kur është detyrim ligjor i bashkisë.
Edhe për infrastrukturën e shkollave lindin dyshime të qenësishme për korrupsion me fondet për shkollat nga bashkia, njësia administrative, ZVA-ja Kukës në bashkëpunim me drejtuesit e shkollave të Malziut.
Qendrat shëndetësore
Shumica e qendrave shëndetësore në fshatrat e njësisë administrative Malzi – Kukës, janë jashtë funksionit. Nuk ofrojnë shërbime. Nuk hapen për punë. Nuk ka transparencë furnizimi me ilaçe, urgjenca, mjekime etj.
Njerëzit kur kanë probleme shëndetësore urgjente, por edhe të tjera, detyrohen të shkojnë në Spitalin Rajonal në Kukës, duke faturuar makinat e bashkëfshatarëve, duke përdorur makinat personale, rrallëherë ambulancë.
Kjo fushë hedh hije dyshimi për korrupsion. Godinat e shumicës së qendrave shëndetësore tashmë janë rrënuar nga faktorët e motit, nga mospërdorimi si dhe nga mosndërhyrja për rregullime që kur janë ndërtuar mbi 15 vite deri në 25 vite më përpara në fasadat e jashtme, fasadën e brendshme, çatitë, rrethimet, mjetet shëndetësore të dhomave, dhomat e urgjencave (që nuk ekzistojnë siç e parashikon legjislacioni, nëse kontrollohen këto qendra)!
I gjithë ky rrënim është pasojë e neglizhencës primitive të institucioneve duke filluar që nga ministria përkatëse – institucionet vartëse të saj, dhe pushtetit lokal – bashkia, njësia administrative.
Një nga problemet më të mëdha që ka sot bota është menaxhimi i mbeturinave, dhe që investohet shumë në metodat e reja të menaxhimit sa më riciklues, dhe të padëmshëm për mjedisin.
Situata në njësinë administrative Malzi – Kukës, është mjaft dramatike për sa u përket mbeturinave. Mbeturinat nuk menaxhohen fare. Nuk ka vendgrumbullime të caktuara mbeturinash. Nuk ka as kosha dhe makina për mbledhjen e mbeturinave.
Banorët i hedhin mbeturinat në vende që ata vetë i kanë menduar. Janë disa vende mbeturinash në një fshat. Dhe çdo fshat ka disa vende ku banorët hedhin mbeturinat. Mosmenaxhimi i mbeturinave ka sjellë ndotje të mjedisit, dhe rrezik për shëndetin e banorëve, por edhe të kafshëve.
Ndotja kryesore i bëhet edhe lumit Drin. Pra, lumit Drin i është shtuar edhe një ndotës tjetër tani që janë ndotja me mbeturina nga njësitë administrative.
Nga çdo njësi, jo vetëm ajo Malzi. Nuk ka asnjë ndërhyrje konkrete për zgjidhjen e problemit madhor të mbeturinave në njësinë Malzi – Kukës nga pushteti qendror e as lokal.
Rezultatet, braktisja e zonës
Situata ekonomike, social-kulturore, në njësinë administrative Malzi – Kukës, paraqitet e rëndë. Mungesa investimeve në sektorët që përmenda më lart, kryesisht nga pushteti lokal, por edhe ai qendror, dhe mungesa e qartësisë në punë e projekte e pushtetit lokal në bashkëpunim me atë qendror, ka bërë që zona e Malziut – Kukës, të jetë fare pa perspektivë duke sjellë shpopullim nga lëvizjet demografike dhe nga emigracioni, kryesisht nga të rinjtë.
Marrim një shembull: Aludohet se infrastruktura rrugore është një nga faktorët kryesorë që ish banorët e fshatrave të Malziut, nuk kthehen për të investuar në bujtina, apo godina të tjera për shërbime turizmi. Por unë mendoj se zhvillimi i Malziut – Kukës, ka ngelur vetëm në premtimet boshe të fushatave elektorale të pushtetit lokal dhe qendror./MONITOR
foto ilustruese VELIPOJË- Në trajtimin e çështjes së përfaqësimit vendor dhe funksionimit real të Këshillav...
foto ilustruese TIRANË- Ditën e sotme vendi ynë do të jetë në ndikimin e kushteve atmosferike të qëndrueshme. Moti...
foto ilustruese PRISHTINË- Kjo vajzë që mes ulërimash po mban një thikë në dorë, është këngëta...
Dojna Mema TIRANË- Tetori është muaji i fjongove rozë. Muaji i fushatave për kujdesin ndaj grave, i pankartave me slogane të ...
foto ilustruese TIRANË- Mashtrim me “kursin e anglishtes”, qytetari humbet 2 mijë euro për një dokument që nuk ekzist...
foto nga emisioni DURRËS- Në vendin tonë, çështjet e pronësisë dhe mashtrimet në tregun e pasurive të paluaj...
foto ilustruese TIRANË- Ema Bruci, një pseudo-psikologe pa licensë për të ushtruar këtë profesion, ishte kthyer në...
foto ilustruese KAMËZ- Jemi në Kamëz, aty ku tre vëllezër janë përplasur me njëri-tjetrin për shkak të n...
Leonard Bombaj Kur po zbrisnim “Qafë Thanën” u shfaq një pamje fantastike mbi liqen, me ishuj drite. Një metaforë nga...
foto ilustruese BRAZIL- Kush e urdhëroi vrasjen e Albanit, 28 vjeçarit shqiptar në Fortaleza të Brazilit? Çfarë ndodhi n...
