Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Mediat italiane shkruajnë se, ky fenomen ka shkaktuar reagime të forta tek deputetja e komisionit antimafia, Stefania Ascari, e cila ka cilësuar mungesën e ekstradimit si një abuzim me drejtësinë, duke theksuar se liria e këtyre individëve rrezikon luftën kundër krimit të organizuar.
DUBAI- Dubai është kthyer në një strehë të sigurt për disa nga bosët shqiptarë, si Dorian Petoku dhe Altin Sinomati pavarësisht urdhër-arresteve ndërkombëtare të lëshuara nga autoritetet italine. Mediat italiane shkruajnë se, ky fenomen ka shkaktuar reagime të forta tek deputetja e komisionit antimafia, Stefania Ascari, e cila ka cilësuar mungesën e ekstradimit si një abuzim me drejtësinë, duke theksuar se liria e këtyre individëve rrezikon luftën kundër krimit të organizuar.
Në artikull theksohet se si grupet kriminale po ndryshojnë strategjinë e pastrimit të parave, duke u larguar nga Roma për tu përqendruar në investime të fshehura në qytete si Firence, frika e hetuesve italianë është se ata ende vazhdojnë të menaxhojnë bizneset e narkotrafikut nga Dubai.
Artikulli i plotë:
"Strehë e sigurt dhe pushime: për ata që kërkojnë t’i shpëtojnë drejtësisë, por edhe për ata që duhej të ishin tashmë pas hekurave, pasi janë arrestuar gjatë arratisë dhe megjithatë vazhdojnë të jenë të lirë në pritje të një ekstradimi që nuk vjen kurrë.
Kjo strehë është në Emiratet e Bashkuara Arabe, mes rrokaqiejve dhe rezidencave luksoze të Dubait, ku janë identifikuar tre nga trafikantët e drogës, që hetuesit italianë i konsiderojnë ndër më të fuqishmit që veprojnë në Romë, por që tashmë thuhet se kanë bërë hapin e madh, duke drejtuar nga lart import-eksportin e drogës mes Europës dhe Amerikës së Jugut, duke përfituar nga ekonomia globale dhe një distrikt digjital shumë i avancuar.
Figura të njohura të vjetra: disa të fotografuar në rini në tribunën e Curva Nord të Lacios pranë të ndjerit Fabrizio Piscitelli, “Diabolik”, i vrarë pa mëshirë me një plumb pas koke në parkun e Ujësjellësve, në një ditë të nxehtë gushti gati tetë vjet më parë.
Të tjerë janë rikthyer në kronika kohët e fundit, të përfshirë në dosje hetimore për disa nga krimet më të egra të botës së krimit romak, me lidhje në Camorra-n dhe ‘Ndrangheta-n.
Karabinierët, Guardia di Finanza dhe policia i ndjekin prej vitesh ata dhe bashkëpunëtorët e tyre.
Çfarë ka ndodhur me shqiptarët Dorian Petoku “Dori” dhe Altin Sinomati “Aldo”, kjo është pyetja që ngre deputetja Stefania Ascari (M5S), anëtare e komisionit antimafia, e cila ka depozituar një interpelancë parlamentare për këtë çështje:
“Për dy prej tyre, Dorian Petoku dhe Altin Sinomati, që i kanë shpëtuar drejtësisë italiane dhe më pas janë lokalizuar, nuk ka informacion mbi statusin e tyre të ndalimit (apo lirisë) në atë vend. Analistët kanë frikën e bazuar se, pikërisht për shkak të lirisë së lëvizjes që mendohet se vazhdojnë të gëzojnë, ata mund të vazhdojnë të drejtojnë nga distanca sistemin e narkotrafikut që godet vendin tonë”.
Petoku, pas dënimit në operacionin “Grande Raccordo Criminale”, qëndroi në burg deri në nëntor 2023. Më pas, ndërsa ishte në trajtim në një komunitet në Nola, arriti të zhdukej dhe të arratisej drejt Dubait, ku u identifikua dhe arrestua nga GICO i Guardia di Finanza në korrik 2024: që prej asaj kohe pritet ekstradimi i tij.
Një pritje që tingëllon si tallje: autoritetet italiane kishin hasur vështirësi për tre vjet për të siguruar ekstradimin e tij nga Shqipëria në vitin 2021. Në Dubai, në fakt, Dori – kushëri i Arben Zogut, i njohur si “Riccardino” i grupit famëkeq të shqiptarëve të Ponte Milvios, miq të Diabolikut, për të cilët edhe figura si Massimo Carminati dhe krahu i tij i djathtë Riccardo Brugia kishin frikë (“janë të egër fare, marrin pistoletën dhe qëllojnë”) – është një njeri i lirë. Atij i është konfiskuar pasaporta dhe i janë vendosur disa masa të vogla kufizuese, por asgjë që të pengojë realisht kapacitetin e tij operativ.
Edhe vetë Zogu (i dëbuar nga territori italian pasi vuajti një pjesë të dënimit në Itali) thuhet se ndodhet në Dubai. Si Dori, edhe Sinomati – i konsideruar si porositësi i vrasjes së Selavdi Shehajt “Passerotto”, e ndodhur në plazhin e Torvaianicës në vitin 2020 – është atje. Sipas prokurorëve, ai ka paguar 150 mijë euro Raul Calderonit (i dënuar në shkallë të parë si ekzekutuesi material i vrasjes së Piscitellit) për të eliminuar “Passerotto”-n.
I goditur nga një urdhër arresti në mars 2025 së bashku me bosin Giuseppe Molisso, ai ishte strehuar në Dubai. Aty karabinierët e Njësisë Hetimore të via In Selci e lokalizuan në tetor të po atij viti.
“Mos-përfundimi i procedurave të ekstradimit rrezikon të komprometojë efektivitetin e luftës kundër krimit të organizuar transnacional”, thekson Ascari, duke u kërkuar ministrave të Jashtëm dhe të Drejtësisë “masa të mëtejshme, edhe në nivel dypalësh, për të siguruar sa më shpejt dorëzimin e këtyre subjekteve drejt drejtësisë italiane”.
Ngjitja
Nga larg, të ndihmuar nga dark ëeb-i, telefonat e enkriptuar dhe qelizat e mirëorganizuara në Itali, Gjermani dhe Holandë, Zogu dhe Petoku – sipas hetuesve – vazhdojnë të ushtrojnë ndikimin e tyre kriminal mbi rrugët e kokainës.
Nga rrahës dhe shpërndarës rruge, shqiptarët – me miratimin e kalabrezëve që u besojnë atyre inteligjencën informatike – janë shndërruar në ndërmjetës të fuqishëm ndërkombëtarë në fushën e drogës dhe pastrimit të parave.
Pikërisht për këtë të fundit, hetuesit kanë një tezë: klanet më të fuqishme po shohin përtej Romës, që konsiderohet shumë e vëzhguar nga Prokuroria dhe skuadrat hetimore. Për të tërhequr më pak vëmendje, ata po derdhin para të pista (me ndihmën e bankave të fshehta kineze) në qytete të tjera të Italisë Qendrore-Veriore, në radhë të parë Firence. Dyqane, por mbi të gjitha lokale dhe restorante: lumenj parash që “pastrohen” përmes një rrjeti shumë të dendur personash fasadë.", shkruhet në artikull./Dosja.al
eurot e sekuestruara SPANJË- Një grup kriminal është goditur në Spanjë në bashkëpunim edhe me policinë s...
FOTO NGA VENDNGJARJA TIRANË- Tomorr Shukulli dhe Valentina Koltraku, të arrestuar për aksidentin tragjik ku humbi jetën 7-vje&cced...
Policia e Shtetit TIRANË- Policia e Shtetit ka ndërmarrë një sërë ndryshimesh në nivelet drejtue...
Liqeni i Shkodrës Liqeni i Shkodrës po hyn në një fazë vendimtare pas dorëzimit të dosjes për shpalljen e tij...
Foto ilustruese KRUJË- Policia ka arrestuar një 41-vjeçar në Krujë, pasi dyshohet se ka mashtruar një 24-vjeçar...
foto ilustrues KOSOVË- Kur Kosova paguan deri në 800 euro për të transportuar një megavat-orë (MWh) energji, qytetarët n...
Librazhd–Përrenjas Shembja e ndodhur në aksin kombëtar të rrugës Librazhd–Përrenjas, në afërsi të ...
Foto ilustruese Qeveria shqiptare e ka konsideruar sektorin e transportit ndër më të ekspozuarit ndaj rreziqeve klimatike, sipas Planit Komb...
Foto ilustruese Sot vendi ynë do të ndikohet nga kushte atmosferike të qëndrueshme. Sipas Shërbimit Meteorologjik Ushtarak mo...
Durim Bami TIRANË- Policia e Shtetit ka publikuar pamjet nga momenti, kur Durim Bami ka mbërritur në Shqipëri pas ekstradimit nga&...
