Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Në Shqipëri po ndodh një ndryshim rrënjësor në mënyrën se si punonjësit po mendojnë për vetë punën. Pyetja që bizneset në vend po fillojnë të bëjnë është si mund të përshtaten zyrat me këtë gjendje të re dhe komplekse?
TIRANË- Nga të gjitha tendencat e dizajnit të zyrave ekziston një në veçanti që duket paksa e papërshtatshme për ndryshimet që po ndodhin. Zyrat e përshtatura jo vetëm për punë, por edhe për argëtim, socializim, janë përhapur shumë në botë, por edhe në Shqipëri ka hyrë si trend. Ky stil është shumë tërheqës për korporatat e mëdha, veçanërisht ato në sektorin e teknologjisë.
Tendencat e zyrës së ardhshme po shënojnë një udhë të re drejt punës së shpejtë, inovacionit dhe përshtatshmërisë. Kapaciteti për të përshpejtuar ndryshimin dhe për të mbështetur një lloj pune dhe fuqi punëtore krejtësisht të re po bëhet faktori kryesor për suksesin e bizneseve, jo vetëm në Shqipëri, por kudo.
Në Shqipëri po ndodh një ndryshim rrënjësor në mënyrën se si punonjësit po mendojnë për vetë punën. Pyetja që bizneset në vend po fillojnë të bëjnë është si mund të përshtaten zyrat me këtë gjendje të re dhe komplekse?
Pandemia lejoi një numër të madh njerëzish të fillojnë të punojnë nga shtëpia – dhe shumë nuk janë entuziastë për rikthimin e plotë në zyrë.
Tashmë, me prezantimin e punës hibride, si dhe me fokusin e drejtuar të burimeve njerëzore të kompanive shqiptare, mjediset e punës po ndryshojnë.
Klaudia Llupo, arkitekte, shprehet se bizneset në vend po i japin rëndësi fleksibilitetit dhe përshtatshmërisë në ambientet e punës dhe konceptit të kryerjes së disa funksioneve njëherësh, duke kombinuar punën në zyrë me atë nga shtëpia.
“Tashmë ka ndryshuar mënyra e të menduarit nga drejtuesit për hapësirën se ku ne punojmë apo zhvillojmë punën, pandemia ka ndikuar shumë, duke bërë që njerëzit të kenë dëshirë gjithnjë e më shumë për të punuar nga shtëpia.
Zyra tani shihet si një ambient socializmi, diskutimi, mbledhje etj. Kjo ka ndryshuar formën se si zyrat perceptohen dhe nevojat që ka.
Mënyra e të punuarit hibrid ka bërë që hapësira e punonjësve të ndryshojë në bazë të personave të pranishëm në zyrë.
Vetë puna është bërë e përhapur dhe e shpërndarë, dhe ne kemi nevojë për mënyra të reja për të lundruar në marrëdhëniet midis vendit të punës private dhe sferës publike.
“Një element që përdoret për një punonjës mund të përdoret edhe për dikë që punon nga shtëpia, pra tani zyrat po bëhen shumëfunksionale, multitasking në të njëjtën kohë”- shprehet Llupo.
Si vlerësohet performanca për punonjësit në punën hibride
Edhe Roden Pajaj, Drejtori Rajonal i Burimeve Njerëzore për “Deloitte”, bie dakord që pandemia ka ndryshuar rrënjësisht peizazhin e punës, duke nxitur një tendencë të re drejt punës hibride.
Ai thotë se kjo periudhë ka provuar se fleksibiliteti është në kërkesë, veçanërisht nga brezi i ri, gjenerata Z, i cili dëshiron të ketë mundësinë për të punuar në mënyrë të lirë, jashtë kufijve të traditave të vendosura.
Puna hibride, e cila kombinon punën në zyrë me atë nga shtëpia, ka shërbyer si një mundësi e shkëlqyeshme për të thyer barriera dhe për të hapur rrugën për një treg të punës pa kufij. Megjithatë, siç shprehet Pajaj, kjo kërkon një qasje të re në lidership dhe aftësi menaxheriale, duke përfshirë dhe rishikimin e qëllimeve dhe ambientit të zyrës.
Një nga sfidat më të mëdha që dalin nga ky realitet është përmirësimi i sistemit të vlerësimit të performancës për punonjësit në punën hibride. Tradicionalisht, performanca është vlerësuar duke u bazuar në metrika të caktuara dhe dukshmëritë, por me kalimin në punën në distancë, kjo metodë bëhet e vështirë për zbatim.
Pajaj thotë se është koha për një qasje të re, e cila vlerëson produktin final dhe kontributin që sjell punonjësi për kompaninë.
Në anën tjetër, një sfidë tjetër është ndërtimi i lidhjeve personale të punonjësve me kompaninë në një ambient virtual. Me punën në distancë, është e rëndësishme të sigurohet që punonjësit të kenë ndjenjën e përkatësisë dhe të ndihen të lidhur me ekipin dhe qëllimet e kompanisë.
Sidoqoftë, përtej sfidave, ekzistojnë edhe mundësitë për rritje dhe zhvillim në këtë kontekst. Menaxhimi i skuadrave hibride dhe aftësia e lidershipit të përfshirë janë disa nga pikat që duhet të përqendrohemi për të siguruar një ambient të suksesshëm pune në këtë periudhë të re.
Në fund, përfaqësuesi i “Deloitte” në Shqipëri thekson se ka shumë të rinj shqiptarë që tashmë punojnë me kompani të huaja nga distanca, veçanërisht kompani amerikane, duke treguar se puna hibride po bëhet një realitet edhe në tregun shqiptar të punës.
Ky është vetëm fillimi i një rrugëtimi të ri në mënyrën se si ne punojmë dhe si kompanitë përshtaten me këtë realitet të ri – shprehet ai.
Tendenca
“Trendi ka filluar edhe në Shqipëri, duke krijuar më shumë ambiente me divan, kolltuk, ku mund të zhvendoset puna. Por edhe lehtësi të tjera, si zona për të luajtur, ku vetë punonjësit mund të kalojnë më shumë kohë, për t’u çlodhur, për të diskutuar, jo më ai elementi tipik ku punonjësit qëndrojnë vetëm para murit, apo ballë për ballë me njëri-tjetrin në një zyrë të ftohtë”
Integrimi i teknologjisë në dizajnin e zyrave
Klaudia thotë se integrimi i teknologjisë në dizajnin e zyrave është bërë gjithnjë e më i përhapur, pasi organizatat njohin potencialin e saj për të rritur produktivitetin, bashkëpunimin dhe përvojën e përgjithshme të punonjësve.
“Një teknologji e re dhe më se e domosdoshme me ndryshimin e mënyrës së të punuarit janë edhe kutitë e telefonatave, apo edhe sallat virtuale të konferencave. Kuti telefonike janë ambiente të vogla vetëm për telefonata apo takime në Zoom, pa shqetësimin e punonjësve të tjerë rreth vetes.
Kjo u krijon punonjësve privatësinë e duhur për telefonata, por nuk krijon as zhurmë në ambientin e punës. Kjo mund të jetë në ambiente të vogla, por edhe në ambiente të tjera më të mëdha të ndërtuara me panele akustike”.
Tavolina e zgjuar (në anglisht Smart Desk) është një tjetër element në zyrat e reja, tregon Llupo.
“Tavolina e punës e zgjuar përdor teknologji për të përmirësuar produktivitetin, komfortin dhe mirëqenien. Këto tavolina përdorin sensorë të ndryshëm, veçori lidhjeje dhe aftësi automatizimi, për të krijuar një mjedis pune më inteligjent dhe më të lehtë për përdoruesit.
Mund të ndryshojë lartësi dhe punonjësit kanë fleksibilitetin e të lëvizurit ose të qëndruarit në këmbë, karikon telefonin direkt pa përdorim fishash, kudo ka sensor të integruar etj. Në eksperiencën time, këto janë vendosur më së shumti për drejtuesit”, shprehet ajo.
Nga të gjitha tendencat e dizajnit të zyrave ekziston një në veçanti që duket paksa e papërshtatshme për ndryshimet që po ndodhin. Zyrat e përshtatura jo vetëm për punë, por edhe për argëtim, socializim, janë përhapur shumë në botë, por edhe në Shqipëri ka hyrë si trend.
Ky stil është shumë tërheqës për korporatat e mëdha, veçanërisht ato në sektorin e teknologjisë.
“Trendi ka filluar edhe në Shqipëri, duke krijuar më shumë ambiente me divan, kolltuk, ku mund të zhvendoset puna. Por edhe lehtësi të tjera, si zona për të luajtur, ku vetë punonjësit mund të kalojnë më shumë kohë, për t’u çlodhur, për të diskutuar, jo më ai elementi tipik ku punonjësit qëndrojnë vetëm para murit, apo ballë për ballë me njëri-tjetrin në një zyrë të ftohtë.
Zyrat po orientohen tek ambientet e ngrohta ku shkëmbimi ideve, bashkëbisedimi, është i domosdoshëm dhe i lejuar. Kjo sigurisht lidhet edhe me sa hapësirë ka zyra dhe me kapacitetin, si dhe sa persona punojnë aty.”
Klaudia shprehet se mjediset e punës po përshtaten me hapësirat e hapura, me sa më shumë dritë natyrale dhe gjelbërim.
Njerëzit po tentojnë të shkojnë sa më afër natyrës. Zyrat tashmë nuk janë më një kubik i vogël me tulla dhe llaç me dritare të vogla, një ambient pa dritë i ftohtë dhe pa ngjyra.
Arkitektët po përdorin materiale sa më afër natyrales si druri. Nëse më parë përdoreshin hapësirat e bardha pa kreativitet, pa ngjyra, me atë blunë e ftohtë, tani ka ndryshuar vetë ambienti i zyrës, po shkojnë në ndjesinë më afër shtëpisë ose për të qenë më rehat.
Kanë ndryshuar materialet, përdorimi i betonit, tullës, gurit, xhamit për ta bërë sa më afër natyrës.
Por ajo çka është më e rëndësishmja, përdorimi i gjelbërimit për të dhënë qetësi kur je duke punuar”, thotë arkitektja.
Marigona Xhaferri, arkitekte, thekson se një zyrë e rehatshme duhet të karakterizohet nga një shumëllojshmëri elementesh që kontribuojnë në mirëqenien e punonjësve.
Drita natyrore është një nga elementet kryesore për të krijuar një mjedis të këndshëm në zyrë. “Një zyrë e rehatshme për punonjësit duhet të jetë një ambient me shumë dritë dhe hapësirë të lirë”, – thotë Xhaferri.
Drita e mjaftueshme e bën mjedisin më frytdhënës për punonjësit, duke kontribuar në produktivitetin e tyre.
Përveç dritës natyrale, duhet të përfshihen elemente natyrore.
“Është e rëndësishme të ketë elemente natyrore brenda zyrës për të ndihmuar punonjësit të ndihen më mirë në mjedisin e punës” – thotë Marigona.
Kjo mund të përfshijë gjelbërimin, bimët, ose përdorimin e materialeve si xhami, plastika ose druri për të sjellë punonjësit më afër natyrës dhe për të krijuar një atmosferë më të qetë dhe tërheqëse.
Një element tjetër është arti dhe aksesorët kreativë. “Përfshirja e artit dhe aksesorëve kreativë në tavolina është e rëndësishme për të krijuar një ambient të personalizuar dhe të frytdhënës”- thotë ajo.
Arti mund të përdoret për të shprehur identitetin e kompanisë, ndërsa aksesorët kreativë mund të ndihmojnë në përmirësimin e produktivitetit dhe krijimin e një atmosfere pozitive.
Dhe në fund, një nga elementet që nuk duhet të mungojë në zyrë janë thëniet dhe shprehjet kreative motivuese.
“Këto shprehje jo vetëm që e përmirësojnë interiorin e zyrës, por gjithashtu ndihmojnë pozitivisht në ambientin e punës”, – përfundon Xhaferri.
Këto shprehje mund të jenë një pjesë e rëndësishme e kulturës organizative dhe mund të ndihmojnë në nxitjen e frymëzimit dhe motivimit të punonjësve./MONITOR
foto ilustruese MILOT- Është përfshirë nga flakët një automjet mbrëmjen e sotme në segmentin e autostradë...
dogana QAFË THANË- Në pikën kufitare të Qafë Thanës janë raportuar radhë të gjata automjetesh. Fluksi vje...
erinda ballanca TIRANË- Avokatja e Popullit Erinda Ballanca, ka komentuar situatën e burgjeve në vendin tonë. E ftuar në News24 aj...
makina qe ndodhej ne servis TIRANË- Ka ndërruar jetë 24-vjeçarja, e cila u përplas nga një makinë e cila drejtohej nga...
makina ne servis ELBASAN- Policia ka ndaluar 44-vjeçarin, Jetmir Daci që shkaktoi aksidentin në aksin rrugor Prrenjas- Qafë Thanë...
foto ilustruese KORÇË- Arrestohet në flagrancë një 52-vjeçar në Korçë për posedimin e disa thi...
Protesta e fermerëve LUSHNJE- Elton Ndoni, blegtor në fshatin Grabian të Divjakës, e zbardhi me qumësht rrugën në rreth-...
Foto ilustruese BRITANI- Një shqiptar i dëbuar nga Britania e Madhe për përfshirje në aktivitetin e lëndëve narkotike, u...
foto ilustruese DURRËS- Arrestohen katër persona në Durrës ku dy prej tyre ishin të shpallur në kërkim për vep...
Foto ilustruese ROSKOVEC- Një 45-vjeçar në Roskovec është proceduar penalisht pasi dyshohet se ka dhunuar psikologjikisht vë...
