Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
‘Në vend që djali të bënte 8 vite burg, bëri 10. Pasi doli pastaj humbi jetën, në aksident.’ Kjo deklaratë vjen nga Vangjelina Stambolliu për emisionin investigativ ‘Piranjat’.
‘Në vend që djali të bënte 8 vite burg, bëri 10. Pasi doli pastaj humbi jetën, në aksident.’ Kjo deklaratë vjen nga Vangjelina Stambolliu për emisionin investigativ ‘Piranjat’.
Ajo është 78 vjeçe, nga të cilat dhjetë i ka kaluar duke kërkuar të drejtën e saj:
‘Në 2007 kam pasur nevojë për një avokat, se më kishte rënë djali në burg, edhe do vazhdoja gjyqet. Avokatin e kam gjetur privat, nga dy të njohurit e mi. Quhet Perlat Koçillari. Prokurën që vërteton se e autorizoj si përfaqësues ligjor të djalit tim ma bëri pas dy viteve, në 2009. Atë natë i dhashë edhe 25 mln lekë ( të vjetra)’.
Pra, zonja rrëfeu për ‘Piranjat’ se i nevojitej 1 avokat dhe ju propozua Perlat Kocillari. Pasi bën prokurën, ajo i jep plot 25 mln lekë duke mos u konsultuar me asnjë njeri, siç do të bënte çdo nënë në momentet kur djali i saj arrestohet. Por, më pas ajo bën një gabim, që do t’i kushtonte jo pak: ‘Nuk kam dokument që e vërteton që i dhashë lekët. Deri në 2014 nuk kisha dokument. Nuk më hapi gjyqe. Pastaj më tha që do të m’i kthejë lekët, por duhet të bëja një prokurë sikur unë i kisha dhënë hua atij, jo për mbrojtjen e djalit.’
Sërish këtu një tjetër gabim nga ana e zonjës, duke u përfshirë pa dashur në një manovër, brenda të cilës ka edhe shmangie nga taksat nga ana e këtij avokati: ‘Pranova duke qenë se nuk kisha asnjë dokument tjetër që ta vërtetonte se m’i kishte marrë lekët. Afati i shlyerjes së huasë ishte 4 muaj. Kaloi afati, por avokati nuk m’i ktheu paratë’, shprehet ajo për ‘Piranjat’.
Por, pavarësisht marrjes së lekëve si një sekser i rëndomte dhe mbajtjes së tyre për muaj me radhë, në një moment avokati ynë, duket se i therret ndërgjegjes. Gjithsesi, edhe këtu me një truk që do të nxirrte të dëmtuar vetëm zonjën e moshuar i cile shprehet për ‘Piranjat’: ‘Tre ditë pasi kaloi afati, bëra një kontratë premtim shitje me vëllain e tij, ku ramë dakord që të më jepte 30 metër 2 në katin e pare, te një pallat që ishte në emër të vëllait të tij. Dyqani ishte pa hipotekë. Edhe sot për sot unë nuk kam marrë asgjë. Në 2016 hapa gjyq në Gjykatën e Tiranës dhe e fitova gjyqin, që Perlati duhet të më kthente paratë e marra borxh. Sot e kësaj dite nuk kam marrë as para, e as dyqan. Avokati më mban 25 milionë lekë. Avokati i çështjes më drejtoi te një përmbaruese private. Ajo më kërkoi 3 mln lekë. Mezi ma dha ekzekutimin e vendimit. Pastaj shkova te përmbarimi shtetëror dhe më thanë që në emër të avokatit s’kishte asnjë pasuri. Pas gjyqit s’e kam takuar më (avokatin). Sot e kësaj dite nuk kam marrë as para, e as dyqan.’
Për një moment le t’i lëmë lekët mënjanë. Po procesi gjyqësor si shkoi? A e bëri punën e tij si avokat mbrojtës ky zotëri?
‘Djali im në vend që të bënte 8 vite burg, bëri 10, sepse avokati nuk i hapi gjyqe. Doli nga burgu dhe 7 muaj më vonë humbet jetën.’
Dramë brenda dramës! Zonja pretendon që avokati nuk ka ndjekur procesin gjyqësor e të birit dhe ky i fundit ka bërë 2 vite burg më shumë nga sa pritej. Por, fati i keq e donte që pas daljes nga burgu ai të humbte jetën dhe e gjitha kjo me një kosto prej 25 mln lekësh në favor të avokatit. Pas gjithë telasheve në të cilat e ka futur, ai nuk i përgjigjet as telefonatave të kësaj zonje.
Por ‘Piranjat’ arritën që ta takonin: ‘Nuk flas me mikrofon, por hajde ulu te kafja. Unë i kam marrë një hua asaj. I kam marrë prokurën e posaçme si avokati djalit dhe ja kam ndjekur çështjen në të gjitha shkallët e gjykimit. Ajo mua nuk më ka dhënë 25 milionë lekë. Ndërmjetës ka qenë Edmond Rajta, byrazer i djalit të saj. 11 milionë lekë unë ja kam marrë hua asaj, sepse më duheshin. Jo për procesin…
Edmond Rajta i kishte marrë asaj edhe 14 milionë lekë të tjera. Më thotë ai që të shënoj edhe shumën e tij në kontratë dhe me mirëbesim e bëra 25 milionë hua në emrin tim. Ky është fakti’-sqaroi avokati.
‘Piranjat’ ndërkohë shtojnë pyetjen: Nëse këto 25 milionë lekë ja ka marrë hua, jemi kuriozë: sa lekë i ka marrë si përfaqësues ligjor? ‘S’i kam marrë. 1 milionë lekë i kam marrë. S’i kam marrë fare, asnjë lekë.’ Në fakt, ajo që avokati ka bërë është falsifikim dhe dhunë për zonjën hallexhije që dha paratë e saj, ndërsa i biri u kalb në burg!
Pasi ‘Piranjat’ po largoheshin në përfundim të takimit me avokatin, ai kujtohet se ka harruar të bëjë disa pyetje ‘shumë të rëndësishme’: Si quhesh? Po operatori? M’i trego se më duhen, se ndryshe do të jetë më vështirë. Më keni shqetësuar, edhe unë e kam regjistruar të gjithë bisedën, ashtu si edhe ju. Unë do vi vetë aty, se pronari është mik i imi, i ngushtë’.
Lajmi i keq është që zonja s’do t’i marrë kurrë ato para, ndërsa lajmi i mirë është që të paktën ka një dyqan, por çfarë mund të bëhet që ajo ta marrë sa më shpejt këtë dyqan?
Foto ilustruese Pak javë më parë në emisionin ‘Piranjat’ është treguar me zë dhe me figurë se si kompan...
Xhevdet dhe Ibrahim Xhafa janë dy vëllezër që akuzohen për trafikim qëniesh njerëzore. I pari ka bërë 4 vite e gj...
Foto ilustruese PËRMET- Një biznes është përfshirë nga flakët mbrëmjen e sotme. Forcat blu, bëjnë të...
Foto ilustruese LEZHË- Një shkëmb është shkëputur mbasditen e sotme nga mali në Torovicë dhe ka rënë n&eu...
Aishe Haklaj TIRANË- Zbardhen detaje të reja lidhur me padinë e bërë në Prokurorinë e Posaçme kundër Korrup...
Pjetër Gjoka TIRANË- Hasmëria mes dy fiseve në Shëngjin, solli ekzekutimin në mënyrë të frikshme të Ardia...
Pali Deçolli TIRANË- Komisioni i Pavarur i Kualifikimit (KPK) shpalli ditën e sotme vendimin për konfirmimin në detyrë t&eu...
Aishe Haklaj dhe Idajet Beqiri TIRANË- 12 orë, nga ora 8 e mëngjesit deri në 20.00 të mbrëmjes, Aishe Haklaj është...
ChatGPT SHBA- Inteligjenca artificiale nuk do të zëvendësojë ende vizitën tek mjeku, por mund të mos jemi shumë larg ng...
Aishe Haklaj TIRANË- Për 12 orë resht, Aishe Haklaj ka dëshmuar në Prokurorinë e Posaçme kundër Korrupsionit dhe ...
