Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Kjo kërkesë mban firmën e 75 kongresmenëve amerikanë, të cilët kanë argumentuar se përse mendojnë se pezullimi i vizave më shumë bën dëm sesa sjell dobi.
SHBA- 75 kongresmenë amerikanë i kanë shkruar një letër Sekretarit të Shtetit, Marco Rubio lidhur me pezullimin e vizave të emigracionit për 75 vende, përfshirë Shqipërinë. Me anë të letrës, kongresmenët kanë shprehur haptazi shqetësimin e tyre, duke kërkuar tërheqjen e këtij vendimi. Në letër thuhet se, ky është një vendim skandaloz dhe diskriminues i administratës, që prek gati 40% të të gjitha vendeve të botës.
Kongresmenët shkruajnë se pezullimi do të prekë të afërmit e shtetasve amerikanë dhe një sërë kategorish të tjera, teksa shtojnë se kjo mund të ndikojë te pothuajse gjysma e emigrantëve të ligjshëm. Kongresmenët gjithashtu kanë shprehur edhe shqetësimi për ndikimin te zgjedhësit, pasojat sociale e ekonomike duke shkaktuar më shumë dëme sesa dobi.
“Ju shkruajmë për të dënuar fuqimisht vendimin tuaj të njëanshëm për të pezulluar lëshimin e të gjitha vizave të emigracionit për 75 shtete. Ky është një vendim skandaloz dhe diskriminues i administratës suaj, që prek gati 40% të të gjitha vendeve të botës. Është gjithashtu tronditëse që një ndryshim kaq drastik politikash, i cili prek qindra mijëra njerëz çdo vit, u njoftua jo vetëm përmes një postimi në Tëitter, por edhe pa ofruar asnjë informacion domethënës mbi vetë pezullimin.
Meqenëse kjo politikë zbatohet për të gjitha vizat e emigracionit, ajo prek të afërmit e shtetasve amerikanë, si dhe të gjitha vizat e sponsorizuara nga familja, punëdhënësit, punonjësit fetarë, programin e diversitetit dhe vizat për rezidentë që kthehen. Sipas Departamentit të Shtetit, këto 75 vende përbënin rreth 243,671 viza emigracioni në vitin fiskal 2023, 280,015 në vitin fiskal 2024 dhe 189,583 nga tetori deri në maj të vitit fiskal 2025. Ekspertët thonë se pezullimi i pacaktuar do të refuzojë pothuajse gjysmën e të gjithë emigrantëve të ligjshëm gjatë vitit të ardhshëm. Një analizë e vizave të lëshuara gjatë tre viteve të fundit tregon se personat nga vendet e prekura përbëjnë 40–45% të të gjitha vizave të emigracionit.
Distriktet tona kongresionale përfaqësojnë individë nga të gjitha vendet e listuara në njoftimin e Departamentit të Shtetit. Kjo politikë diskriminuese do të ketë një ndikim shkatërrues për zgjedhësit tanë. Ajo do të ndajë familje dhe do t’i pengojë ato të ribashkohen, do t’u bllokojë individëve ndjekjen e ëndrrës amerikane, do të ngadalësojë rritjen e bizneseve të vogla dhe do të minojë aftësinë e organizatave fetare për të ndërtuar dhe mbajtur komunitetet e tyre. Me pak fjalë, kjo politikë është e prapambetur, e vjetëruar dhe shkakton shumë më tepër dëm sesa dobi," thuhet në letër.
Gjithashtu, brenda 20 shkurtit të këtij viti, kongresmenët i kanë vendosur afat administratës që t’iu kthejë përgjigje për disa pyetje
1. Departamenti i Shtetit ka deklaruar se “administrata Trump po i jep fund abuzimit të sistemit amerikan të emigracionit nga ata që do të përfitonin pasuri në kurriz të popullit amerikan.” A disponon administrata të dhëna që mbështesin këtë pretendim për të justifikuar këtë politikë?
2.Cili është justifikimi ligjor për veprimin e Departamentit?
3. Sipas Departamentit të Shtetit, ky pezullim është i nevojshëm për të siguruar që emigrantët nga këto vende të mos bëhen barrë publike. Barra publike ka qenë prej kohësh një arsye për papranueshmëri sipas Ligjit për Emigracionin dhe Kombësinë, dhe agjencitë, Departamenti i Shtetit dhe Departamenti i Sigurisë Kombëtare, dinë si të kryejnë vlerësime individuale të aplikantëve për të përcaktuar nëse ka gjasa të bëhen barrë publike. Pse administrata tani ka nevojë për një pezullim të përgjithshëm për të gjithë aplikantët?
4. Duke qenë se ju besoni se kjo politikë do t’u kursejë para amerikanëve, edhe pse vendi ynë përfiton nga emigracioni neto, a kanë kryer departamentet tuaja një analizë kosto-përfitim të kësaj politike? Nëse po, kërkojmë që analiza t’i dorëzohet Kongresit.
5.Njoftimi i Departamentit të Shtetit thotë se ai “po kryen një rishikim të plotë të të gjitha politikave, rregulloreve dhe udhëzimeve për të siguruar që emigrantët nga këto vende me rrezik të lartë të mos përdorin ndihma sociale në Shtetet e Bashkuara ose të bëhen barrë publike.” Kur mendon departamenti se do të përfundojë ky “rishikim” dhe nëse do të shtohen përjashtime të tjera në këtë politikë?
Sipas Departamentit të Shtetit, lista e vendeve të prekura përfshin: Afganistanin, Shqipërinë, Algjerinë, Antiguan dhe Barbudën, Armeninë, Azerbajxhanin, Bahamasin, Bangladeshin, Barbadosin, Bjellorusinë, Belizen, Butanin, Bosnjën, Brazilin, Birmaninë, Kamboxhian, Kamerunin, Kepin e Gjelbër, Kolumbinë, Bregun e Fildishtë, Kubën, Republikën Demokratike të Kongos, Domenikën, Egjiptin, Eritrenë, Etiopinë, Fixhin, Gambinë, Gjeorgjinë, Ganën, Grenadën, Guatemalën, Guinenë, Haitin, Iranin, Irakun, Xhamajkën, Jordaninë, Kazakistanin, Kosovën, Kuvajtin, Kirgistanin, Laosin, Libanin, Liberinë, Libinë, Maqedoninë e Veriut, Moldavinë, Mongolinë, Malin e Zi, Marokun, Nepalin, Nikaraguan, Nigerinë, Pakistanin, Republikën e Kongos, Rusinë, Ruandën, Shën Kits dhe Nevisin, Shën Luçian, Shën Vincentin dhe Grenadinet, Senegalin, Sierra Leonen, Somalinë, Sudanin e Jugut, Sudanin, Sirinë, Tanzaninë, Tajlandën, Togon, Tunizinë, Ugandën, Uruguain, Uzbekistanin dhe Jemenin./Dosja.al
Foto ilustruse TIRANË- Historiani dhe studiuesi Auron Tare ka reaguar pas arrestimit të Arta Dollani në lidhje me skandalin e mbetjeve t&eum...
Foto ilustruse VLORA- Policia ka arrestuar ditën e sotme një 53-vjeçar në qytetin e Vlorës. Ai u arresrua nga forcat blu, p...
foto ilustruese ANGLI- Një hetim i BBC-së ka zbuluar se dy vëllezër shqiptarë të identifikuar si Florjan dhe Roland Reka...
Foto ilustruse GREQI- Dy kushërinj shqiptarë, të moshës 57 dhe 51 vjeç, janë arrestuan për një seri grabitje...
TIRANË- GJKKO ka zbutur masën e sigurisë për Xhelal Rrajës, duke e liruar nga masa e sigurisë "arrest me burg", pë...
Foto ilustruse FRANCA- Katër shqiptarë janë arrestuar teksa po kryenin një grabitje në Tuluzë të Francës. Ata ...
Foto ilustruse BELGJIKA- Një 23-vjeçar shqiptar rrezikon deri gjashtë muaj burg në Belgjikë. Kjo pasi ai ka godit...
Foto ilustruse KORÇË- Drejtoria e kufirit në Korçë ka arrestuar tre persona nga Sudani. Ata u arrestuan nga forcat b...
Foto ilustruse Kuvendi i Shqipërisë ka shpallur pozicionin vakant të anëtarit të Komisionit të Konkurrencës, që mba...
Foto ilustruse Një draft i nxjerrë për konsultim lidhur me vendimin e Këshillit të Ministrave “Për përcaktimin e k...
