Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
• Mega-operacion në Tiranë! • Policia e Tiranës ka vënë në pranga 20 persona dhe ka shpallur në kërkim 4 të tjerë, në kuadër të operacionit "Harta". • 24 personat e identifikuar, janë pjesë e 2 grupeve kriminale në Tiranë që merreshin me shpërndarjen e lëndëve narkotike, kanabis, kokainë dhe heroinë në shkollat dhe në klubet e natës së kryeqytetit. • Disa nga personat e arrestuar janë identifikuar me emra, ndërsa të tjerët vetëm me iniciale. Bëhet fjalë për: Fabian Qoku, 39 vjeç, Redi Lolaj, 22 vjeç, Eduard Hysa, 25 vjeç, Dorjano Çela, 31 vjeç, Enver Mehmeti, 60 vjeç, Fatbardh Bardhi, 37 vjeç, Martin Kuka, 35 vjeç, Marsel Gjona, 31 vjeç, Mariglen Hoxha, 39 vjeç, Muharrem Tarushi, 31 vjeç, Polikron Shabani, 40 vjeç, Erion Xhaxho, 47 vjeç, Altin Llani, 45 vjeç, Jurgen Hasamataj 32 vjeç, D.I 23 vjeç, A.XH, 51 vjeç, M. V., 44 vjeç, F. P., 25 vjeç, E. K., 35 vjeç, dhe J. H., 32 vjeç. • Të arrestuarit komunikonin me mesazhe të koduara dhe përdornin automjete të transportit publik për të shmangur kontrollet e befasishme të Policisë, por disa të tjerë e mbanin drogën e fshehur në mjetet e tyre. • Gjatë operacionit u sekuestruan në cilësinë e provës materiale 2 kilogramë e 120 gramë kokainë, 300 doza kanabis, 130 doza heroinë, shuma parash rreth 5 miljonë lekë të vjetra, 1700 euro, 11 automjete dhe 29 aparate celulare. • Hetimet vazhdojnë, ndërsa Policia është ende e angazhuar për kapjen e 4 personave të tjerë që ende nuk kanë përfunduar në pranga.
6 artikuj për këtë temë.
TIRANË- Operacioni "Harta" është finalizuar sot nga Policia e Shtetit, duke vendosur në pranga 20 persona, të cilët janë pjesë e një grupi kriminal që shpërndante kanabis, heroinë dhe kokainë në afërsi të shkollave dhe ambienteve të tjera rreth tyre.
Policia e Shtetit ka bërë edhe një hartë me vendet ku ishin ndarë shpërndarësit e drogës, ndërkohë që krahas zonës lidhen edhe fotot e tyre, por të "censuruara". Droga, siç duket edhe nga harta, shpërndahej nga Vora, e më pas në të gjithë Tiranën.
TIRANË- Për operacionin anti-drogë të zhvilluar në Tiranë, ku 20 persona u arrestuan dhe 4 të tjerë u shpallën në kërkim për shpërndarjen e lëndëve narkotike, ka reaguar edhe Prokuroria. Në një reagim zyrtar bëhet me dije se janë përdorur metoda speciale të hetimit për zbulimin e dy grupeve kriminale.
Pas hetimeve disa mujore u arrit të vërtetohej veprimtaria kriminale e dy grupeve të përbërë nga 24 persona për të cilët u kërkua masa e sigurisë “Arrest me burg”. Sipas prokurorisë, shpërndarja kryhej në lokalet e natës, në ambientet më të frekuentuara nga të rinjtë dhe pranë një gjimnazi në Tiranë.
NJOFTIMI I PROKURORISË:
Prokuroria e Tiranës zbulon me metoda speciale të hetimit dy grupet kriminale që shisnin drogë pranë shkollave Prokuroria Pranë Gjykatës së Shkallës së Parë Tiranë ka regjistruar dy procedime penale, nr. 420 viti 2023 dhe nr. 7470 viti 2022 për veprën penale 283 “Prodhim dhe shitje të narkotikëve” kryer në bashkëpunim.
Në përfundim të hetimeve disa mujore me metoda speciale hetimi, u arrit të vërtetohej veprimtaria kriminale e dy grupeve që përbëheshin nga 24 persona për të cilët u kërkua masa e sigurisë ‘Arrest në burg’.
Nga hetimet e nisura në muajin Janar të këtij viti, rezulton se të gjithë të akuzuarit në bashkëpunim me njëri-tjetrin vepronin të ndarë në disa grupe dhe shpërndanin lëndë narkotike në zonën e Tiranës dhe të Kamzës, kryesisht tek të rinjtë.
Shpërndarja kryhej në lokalet e natës, në ambientet më të frekuentuara nga të rinjtë dhe pranë një gjimnazi në Tiranë.
Në bashkëpunim me Drejtorinë e Policisë janë rritur procedimet penale me metoda proaktive duke bërë të mundur dokumentimin e një sërë procedimeve penale. Hetimet proaktive dhe përdorimi i metodave speciale të hetimit me qëllim parandalimin dhe goditjen e formave të organizuara të veprimtarisë kriminale dhe fenomeneve shqetësuese si shpërndarja e lëndëve narkotike në mjediset e të rinjve dhe institucioneve edukuese, mbeten në fokusin e Prokurorisë Tiranë.
TIRANË- Një operacion anti-drogë është zhvilluar në Tiranë. "Blutë" kanë goditur dy grupe kriminale që shpërndanin lëndë narkotike pranë shkollave dhe ambienteve të tjera që frekuentohen nga të rinjtë. Në pranga kanë përfunduar 20 persona, por vetëm emrat e disa prej tyre janë arritur të mësohen, pasi Policia i identifikoi vetëm me iniciale. Ndërkohë përveç 20 të arrestuarve, 4 të tjerë janë shpallur në kërkim.
Emrat e disa prej tyre arrestuar nga operacioni "Harta": Fabian Qoku,Redi Lolaj, Eduard Hysa, Dorjano Çela, Enver Mehmeti, Fatbardh Bardhi, Martin Kuka, Marsel Gjona, Mariglen Hoxha, Muharrem Tarushi, Polikron Shabani, Erion Xhaxho, Altin Llani, Jurgen Hasamataj.
TIRANË- Dalin pamjet nga mega-aksioni antidrogë që u finalizua në Tiranë në kuadër të operacionit "Harta". Policia e Shtetit ka sjellë pamjet e arrestimeve të 20 personave që shpërndanin drogë në shkolla por edhe në klubet e natës në kryeqytet. Siç duket edhe nga pamjet, Forcat e Ndërhyrjes së Shpejtë por edhe Policia e Tiranës kanë ndërhyrë gjatë shkëmbimit të dozave të drogës, duke zbuluar edhe mënyra të fshehjes së lëndës narkotike në makinë.
Ndërkohë që kanë sekuestruar edhe 5 milonë lekë 1700 euro, drogë, telefona dhe makinat e personave që kishin për detyrë shpërndarjen. Deri më tani, të gjithë të arrestuarit janë identifikuar me iniciale, ndërsa emrat e tyre mbeten ende mister. Të gjithë dyshohet se janë pjesë e grupeve kriminale që operojnë në Tiranë, por edhe ky detaj nuk është bërë me dije gjatë konferencës së sotme nga vetë kryepolici i Tiranës, Tonin Vocaj.
TIRANË- Drejtori i Drejtorisë Vendore të Policisë Tiranë, Tonin Vocaj ka dhënë detaje lidhur me hetimet që po vijojnë për ngjarjen e 12 marsit në Tiranë, e cilësuar si masakra e Don Boskos, ku humbi jetën banakierja e lokalit të Fatjon Muratit, Mimoza Paja. I pyetur nga gazetarët gjatë një konferencë për shtyp, Vocaj tha se aktualisht Policia ka emra konkretë, por nuk i bëri me dije për shkak të sekretit hetimor.
"Vazhdon të funksionojë një grup hetimor nën drejtimin e prokurorit, i cili do të marrë kohë e nevojshme. Policia ka informacione edhe për persona konkretë të përfshijë në këtë ngjarje, por për shkak të sekretit hetimor nuk mund të japim detaje, por kur të kemi përparime do të bëjmë me dije mediave dhe publikut,"-u shpreh Tonin Vocaj.
Por çfarë ka ndodhur në Don Bosko?
Masakra ndodhi më 12 mars në Don Bosko. Dy persona qëlluan me breshëri plumbash në drejtim të lokalit të Fatjon Muratit duke lënë të vdekur banakieren Mimoza Paja, 58 vjeçe dhe pesë të tjerë të plagosur, mes tyre dhe një vajzë 10-vjeçare që u dëmtua nga xhamat e thyer. Të plagosurit e tjerë janë Sahit Murati (xhaxhai i Fatjon Muratit), Astrit Meraj, Emanuel Sala, Ermir Bejuku, Genc Shohalli, të gjithë jashtë rrezikut për jetën. Murati vetë ndodhej jashtë Shqipërisë në momentin që u krye atentati. Ai është i njohur në botën e krimit dhe si miku i ngushtë i Endrit Dokles, madje është marrë në pyetje për masakrën e Fushë Krujës, ku mbeti i vrarë Brilant Martinaj me dy miqtë e tij. Murati tashmë është shpallur në kërkim./Dosja.al
TIRANË- 20 persona janë arrestuar, dhe 4 të tjerë janë shpallur në kërkim nga Policia e Tiranës të akuzuar për shpërndarje të drogës në gjimnaze të kryeqytetit. "Korrierët" e dy bandave kriminale shpërndanin drogë në shkollat dhe në klubet e natës në Tiranë, por deri më tani nuk dihen identitetet e tyre.
Policia i ka identifikuar me iniciale, psh: F. Q,. 39 vjeç , D. I., 23 vjeç 3. R. L., 22 vjeç, E. H., 25 vjeç, D. Ç. 31 vjeç, E. M., 60 vjeç, F. B., 37 vjeç, M. K., 35 vjeç, M. Gj., 31 vjeç, M. H., 39 vjeç, M. T., 31 vjeç, P. Sh., 40 vjeç, E. Xh., 47 vjeç, A. Ll., 45 vjeç, A. Xh., 51 vjeç, I. L., 26 vjeç, M. V., 44 vjeç, F. P., 25 vjeç, E. K., 35 vjeç, J. H., 32 vjeç.
Po ashtu, drejtori i Drejtorisë i Policisë së Tiranës, bëri me dije së janë sekuestruar 2 kg kokainë, 300 doza kanabis, 130 doza heroinë, 5 mln lekë, 11 automjete dhe 29 aparate celulari. Të gjithë të arrestuarit, në bashkëpunim me njëri tjetrin shpërndanin lënde narkotike në Tiranë dhe Kamëz, afër shkollave, lokaleve të natës dhe ambiente të tjera.
NJOFTIMI I PLOTË:
Jam sot këtu së bashku me Zëvendësdrejtorin për Hetimin e Krimeve të Rënda dhe Krimit të Organizuar, Zëvendësdrejtorin për Rendin dhe Sigurinë dhe shefin e Sektorit të Krimit të Organizuar, për të bërë prezente rezultatet e megaoperacionit të koduar “Harta”, në kuadër të të cilit u goditën dy grupe që shpërndanin lëndë narkotike kanabis, heroinë e kokainë në zona të ndryshme të Tiranës, në lokale nate si dhe afër shkollave. Drejtoria Vendore e Policisë Tiranë, në vijim të operacioneve të njëpasnjëshme të zhvilluara për parandalimin, evidentimin dhe goditjen e veprimtarisë kriminale në fushën e narkotikëve, bazuar në inteligjencën informative për dy grupe personash që vepronin në formën e grupeve kriminale duke e ushtruar veprimtarinë kriminale në fushën e narkotikëve, në muajin janar kanë referuar materialet në Prokurori e cila ka regjistruar dy procedime penale në fushën e narkotikëve. Pas një hetimi tremujor, me metoda speciale të hetimit nga Specialistët për Hetimin e Narkotikëve në Drejtorinë Vendore të Policisë Tiranë nën drejtimin e Prokurorisë Tiranë, u siguruan prova ligjore për dokumentinin e veprimtarisë kriminale të dy grupeve që përbëheshin nga 24 persona. Mbi bazën e provave të siguruara gjatë hetimit, u organizua dhe finalizua operacioni policor i koduar “Harta”, në kuadër të të cilit u kapën dhe u vunë në pranga 20 persona si dhe u shpallën në kërkim 4 të tjerë.
Gjatë operacionit u arrestuan shtetasit: F. Q,. 39 vjeç , D. I., 23 vjeç 3. R. L., 22 vjeç, E. H., 25 vjeç, D. Ç. 31 vjeç, E. M., 60 vjeç, F. B., 37 vjeç, M. K., 35 vjeç, M. Gj., 31 vjeç, M. H., 39 vjeç, M. T., 31 vjeç, P. Sh., 40 vjeç, E. Xh., 47 vjeç, A. Ll., 45 vjeç, A. Xh., 51 vjeç, I. L., 26 vjeç, M. V., 44 vjeç, F. P., 25 vjeç, E. K., 35 vjeç, J. H., 32 vjeç. Gjithashtu u shpallën në kërkim 4 shtetas të tjerë.
Gjatë operacionit u sekuestruan në cilësinë e provës materiale 2 kilogramë e 120 gramë kokainë, 300 doza kanabis, 130 doza heroinë, shuma parash rreth 5 miljonë lekë të vjetra, 1700 euro, 11 automjete dhe 29 aparate celulare. Nga hetimet ka rezuluar se këta shtetas në bashkëpunim me njëri-tjetrin vepronin të ndarë në grupe të vogla dhe shpërndanin lëndë narkotike në zona të ndryshme të Tiranës dhe Kamzës, afër shkollave, lokaleve të natës e ambienteve të tjera të frekuentuara nga të rinjtë. Po nga hetimet rezulton se pjestarët e këtyre grupeve kriminale përdornin mesazhe të koduara dhe kryesisht qarkullonin me automjete të transportit publik për të shmangur kontrollet e befasishme të Policisë.
Specialistët për Hetimin e Narkotikëve në DVP Tiranë në bashkëpunim me Prokurorinë e Rrethit Gjyqësor Tiranë vijojnë veprimet hetimore për dokumentinin e plotë të kësaj veprimtarie kriminale dhe për identifikimin e vënien para përgjegjësisë ligjore të personave të tjerë të përfshirë. Theksojmë faktin se gjatë 3 muajve të parë të këtij viti janë finalizuar 5 procedime proaktive në bashkëpunim me Prokurorinë, janë mbi 6 kilogramë kokainë e heroinë dhe rreth 80 kilogramë kanabis, si dhe janë vënë në pranga mbi 20 persona. Rezultatet e arritura tregojnë anagazhimin, përkushtimin dhe vendosmërinë e strukturave të Hetimit të Narkotikëve në DVP Tiranë për të goditur këtë veprimtari kriminale. Drejtoria Vendore e Policisë Tiranë falenderon qytetarët për informacionet e shumta të dhëna për këtë veprimtari kriminale të cilat kanë qenë të rëndësishme për nisjen e hetimeve dhe fton qytetarët që të vazhdojnë të japin akoma më shumë bashkëpunimin me Policinë duke denoncuar çdo rast paligjshmërie në cilëndo fushë që ajo shfaqet, pasi sëbashku ndërtojmë një ambient më të sigurtë.
