Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Dosja.al ka sjellë në një përmbledhje të gjitha çështjet e bujshme që po hetohen në Belgjikë, të paktën për ato që ka dijeni publike, ku tre fjalët më të përdorura janë: prostitucion, vrasje, drogë!
TIRANË- Atentati i djeshëm në Antëerp ndaj Erion Hysenbelliut nga Kasandër Noga i ka shtuar një dosje më shumë mbi tryezën e prokurorëve belgë që duket se janë specializuar me krimin shqiptar. Dosja.al ka sjellë në një përmbledhje të gjitha çështjet e bujshme që po hetohen në Belgjikë, të paktën për ato që ka dijeni publike, ku tre fjalët më të përdorura janë: prostitucion, vrasje, drogë!
Edhe pse çdo vit ka aksione, ku njëri konsiderohet më i madh se tjetri, sërish duket se grupet janë aty. Disa për t’u fshehur, disa me qëllim të qartë; duan kontroll në portin e Antëerpit, pikë kyçe në trafikun e drogës në Europë. E lakmuar nga të gjithë, ka ngjallur shumë konflikte, ndërsa shumë probleme duket se ‘emigrojnë’ edhe nga Shqipëria.
Arjan Spahiu - 28 nëntor 2020
Ardit Spahiu i njohur dhe me emrin Arjan ose me pseudonimin “Arjani Vogël” u ekzekutua me 8 plumba në zonën Molenbeek dhe ndërroi jetë në vend. 38-vjeçari, vëllai i kunatit të Erion Alibejt, u ekzekutua por ende nuk dihet se kush e qëlloi. Përveçse pistës së kunatit, ao ka qenë i arrestuar në vitin 2010 në lidhje me vrasjen e 52-vjeçarit Gëzim Alikaj në Elbasan, por më pas u la i lirë. Megjithatë nuk përjashtohet mundësia që Spahiu të ishte i besuari i Alibejt për të kontrolluar trafikun në Belgjikë.
Bledar Muça- 22 janar 2022
Bledar Muça u vra më 22 janar në Belgjikë. Ai nuk ishte një emër i panjohur për drejtësinë, pasi njihej si krahu i djathtë i Ardian e Florenc Çapjave në Elbasan. Mirëpo kjo nuk ishte hera e parë që i bënin atentat, Emri i Muçës, u lakua edhe në vitin 2016, ku gjatë një atentati në Elbasan, mbeti i plagosur rëndë e po ashtu, u lëndua edhe një efektive policie. Autoritetet thanë se objektiv i sulmit ishin Florenc Çapja e Bledar Muça.
Emri i të ndjerit, Bledar Muça akuzohet për vrasjen e vëllezërve Roland dhe Ilir Rexhepi, por këto krime nuk u provuan asnjëherë nuk iu provuan nga Policia dhe nga Prokuroria. Madje emri i tij u shpall edhe në kërkim ndërkombëtar për vrasjen dy vite më vonë, të vëllait të Roland Rexhepit, ish-efektivi i policisë që njihej me pseudonimin “Doda”.
12 qershor- Erion Hasanbelli
43-vjeçari Erion (Mikel) Hasanbelli është në gjendje të rëndë për jetën dhe ndodhet i shtruar në spital, pasi Kasandër Noga e plagosi me armë zjarri. Dyshohet se tentativa për vrasje ka ndodhur për shkak të hasmërive mes Erion Hasanbelliu dhe Kasandro Nogës. Gjithçka nisi në vitin 2000, kur Kasandro Noga hyri me automatik në dorë bashkë me Julian Çelën dhe pasi kanë shkelmuar dhomën e reanimacionit ku ndodheshin te shtruar Aqif Hasanbelliu (babai i Geronit) dhe Dritan Hajdini (shoku e Geronit) u ka hequr serumin nga krahu dhe me breshëri automatiku i ka lënë të vdekur në vend. Më pas hakmarrja vazhdoi edhe me një seri ngjarjesh të tjera, pasi Erion Hasanbelliu bashkë me vëllain e tij Geron Hasanbelliu ekzekutuan Julian Çelën dhe plagosën rëndë Kasandro Nogën në 2002, në Belgjikë.
TOYOTA AURIS
Kjo çështje është bërë si fillim publike nga Lulzim Basha, i cili akuzoi kreun e Grupit parlamentar të Partisë Socialiste Taulant Balla si të përfshirë në marrjen e miliona eurove. Basha tha se në vendin tonë do të vinin 5 milionë euro, por në fakt në Portin e Durrësit u numëruan vetëm 3 milionë e 470 mijë euro. Deklarata e Bashës ndryshoi itinerarin pasi makinat që supozoheshin të niseshin nga porti i Ankonës, devijuan rrugën dhe u nisën nga porti i Barit drejt Durrësit. Balla e fitoi edhe gjyqin ndaj Bashës, i cili u gjobit me 50 mijë lekë gjobë për shpifje.
Fillimisht për këtë dosje u arrestuan gjashtë persona, por të gjithë u liruan përveç Elvis Vladit dhe shoferit të kamionit Agim Ceka. Vladit iu dha vetëm një vit e gjysmë burg për veprën penale të mosdeklarimit të parave në kufi, duke sfumuar akuzën fillestare “pastrim parash në kuadër të grupit të strukturuar kriminal”. Për të njëjtën çështje është dënuar me 2 vite e 4 muaj burg edhe Agim Ceka i cili u gjykua për veprën penale “armëmbajtje pa leje”. Çeka ishte shoferi i kamionit.
Në shkurt të këtij viti, belgët erdhën në Shqipëri dhe pritën për dy orë e 20 minuta ish-kryedemokratin Lulzim Basha, i cili u mor në pyetje nën cilësinë e personit në dijeni. Në qendër të hetimeve është edhe një grup kriminal që merret me trafikimin e lëndëve narkotike dhe pastron para me ndihmën e disa zyrtarëve, por ende nuk janë zbardhur detaje apo emra të personave të përfshirë.
DËSHMITË E GAZETARËVE
Artan Hoxha shkoi i pari në qershor të këtij viti për të deponuar në Prokurorinë belge për çështje të ndryshme, por kryesisht mbi “Toyota Auris”. Madje shtoi se kishte pasur edhe mundësinë e takimit me hetues që kishin mësuar edhe shqip.
“Në korridoret e policisë federale gjeta dy oficerë gjyqësorë, hetues federalë, që e flasin shqipen në mënyrë të shkëlqyer. Pra, ata jo thjesht po na hetojnë, por e kanë mësuar shqipen që të na hetojnë pa përkthyes,”- u shpreh gazetari i kronikës Artan Hoxha, në Syri Tv. Pas Artan Hoxhës, edhe gazetarja Klodiana Lala do të shkojë për të dëshmuar në Prokurorinë belge lidhur me informacionet që ka për përplasjet në Elbasan. Pasi Hoxha dëshmoi për dosjen "Toyota Auris", Klodiana Lala tha se belgët e kërkonin për të mësuar më shumë lidhur me informacionet që ka mbledhur për çfarë ka ndodhur vitet e fundit në Elbasan dhe jo vetëm.
"Para disa kohësh kam bërë një emison për përplasjen e grupeve kriminale. Alibej dhe Çopja, këta por po hetohen nga belgët. Sot jam ftuar nga Gjykata e Durrësit për të dhënë informacione për belgët. I shqetëson faktin që duan të dinë burimin e informacionin,”-u shpreh ajo.
AKSIONET E POLICISË
Megjithatë ndër vite nuk kanë munguar as aksionet e Policisë belge. Aksioni më i bujshëm ishte ai "Atos" gjatë të cilit u prangosën nipat e deputetit Rrahman Rraja. Po ashtu, finalizohet operacioni ndërkombëtar antidrogë mes Shqipërisë, Belgjikës dhe Gjermanisë u sekuestruan rreth 232 kilogramë kokainë (në total 1.2 tonë), një armë zjarri pistoletë, si dhe rreth 200 mijë euro. Të arrestuarit janë Musa Gjikola, Genti Balliu alias Flamur Balliu, Ramazan Rraja, Fioralb Rraja, Bledar Pepaj, Fatmir Xhecuka. Ramazan Rraja, është nipi i deputetit te PS-se, Rrahman Rraja, kurse Fjoralb Rraja është i afër i deputetit. Ndërsa në shkurt të këtij viti, në pranga ranë 30 persona, pjesëtarë të një bande kriminale shqiptare, janë arrestuar gjatë një operacioni ndërkombëtar të policisë më Belgjikë.
Tani me atentatin e fundit një dosje më shumë është shtuar për t’u hetuar…
Dosja.al TIRANË- Dosja.al ju sjell lajmet më kryesore të ditës në portalet në vend. Dosja.al ka në faqe kryesore sekuest...
Policia TIRANË- 4040 karta SIM të ardhura nga Angli do të dërgoheshin në një banesë në zonën e ish-bllokut n&e...
Karta TIRANË- 4040 karta SIM të kompanisë "Life needs a big netëork" ose njohur ndryshe '3', janë sekuestruar nga autoritetet shqi...
Droge TIRANË- Babë e bir janë arrestuar në Tiranë pasi janë kapur duke kultivuar e më pas shitur lëndë narkoti...
Avokatet TIRANË- Në kundërshtim me hartës së re gjyqësore, nga sot nis bojkoti i Dhomës së Avokatisë për ...
Moti TIRANË- Moti ditën e sotme do të jetë me kthjellime dhe vranësira. Sipas MeteoAlb: Pjesa më e madhe e vendit tonë d...
Anila Hoxha TIRANË- Gazetarja e Top Channel Anila Hoxha, ka bërë me dije këtë të hëne në “Top Story” de...
Klodiana Lala TIRANË- Gazetarja Klodiana Lala tha se të afërm të personave të botës së krimit janë të punë...
Klodiana Lala TIRANË- Gazetarja Klodiana Lala deklaroi se do të ketë zyrtarë të shpallur non grata dhe nga Mbretëria e Bashku...
fatura FIER- Pamjet e një fermeri në Marinëz që komenton rritjen e çmimit të naftës janë shpërndarë n&e...
