Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Sipas artikullit i infiltruari fillimisht miqësohet aq shumë me kreun e bandës shqiptare sa i kërkon të bëhet kumbari i djalit. NIEUWSBLAD shpejgon se Fatos M., pronari shqiptar i një kafeneje në Antverpë të Belgjikës, akuzohet për tregti armësh dhe drogë, por agjentët e infiltruar e zbulojnë rrjetin kriminal.
BELGJIKË- Gazeta belge NIEUWSBLAD përmes një artikulli ka zbuluar sesi agjentët e infilturar zbulojnë rrjetin kriminal të drejtuar nga një shqiptar. Sipas artikullit i infiltruari fillimisht miqësohet aq shumë me kreun e bandës shqiptare sa i kërkon të bëhet kumbari i djalit. NIEUWSBLAD shpejgon se Fatos M., pronari shqiptar i një kafeneje në Antverpë të Belgjikës, akuzohet për tregti armësh dhe drogë, por agjentët e infiltruar e zbulojnë rrjetin kriminal.
Sipas artikullit, shqiptari thoshte se në lokalin e tij nuk flitej asgjë pa dijeninë e vet, pasi kafeneja ishte gjithmonë nën vëzhgim me kamera. Hetimet kanë zbuluar se banda e udhëhequr nga shqiptari flisnin me kode, pra ata përmendin vezë, gështenja dhe sallam, gjithmonë në kombinim me shuma të mëdha parash.
Banda kriminale u zbulua pas në lojë hyri “Edi”, agjent i infiltruar që u shtir si tregtar armësh. NIEUWSBLAD shkruan se agjenti arriti të krijojë kontakt të shpejtë me njerëzit përreth bandës dhe të fitojë besimin e plotë të shqiptarit Fatos M, aq sa ky i fundit i kërkoi madje të bëhej kumbar i djalit të tij.
Në fund hetimet zbulan se tregtia e drogës ishte nën drejtimin e Christos S. (56 vjeç), i cili udhëhiqte një organizatë kriminale me bazë në kafenenë Terminus në Beatrijslaan. Gjithashtu, pas hetimve 15 persona nga banda e Fatos M. dhe Christos S. dolën para gjykatës. Prokuroria kërkoi 12 vjet burg dhe 200.000 euro gjobë për dy drejtuesit kryesorë, ndërsa të tjerët rrezikojnë nga 3 deri në 10 vjet burg dhe gjoba deri në 96.000 euro.
Artikulli i NIEUWSBLAD:
“Nëse nuk shtyp butonin, nuk bluhet kafeja,” – tha Fatos M. (53 vjeç) në tetor të vitit 2023, duke iu drejtuar “Edit”.
Me këtë, shqiptari nga Antverpa, pronar i kafenesë Pimpelhof, donte të thoshte se në lokalin e tij nuk flitej asgjë pa dijeninë e vet.
Kafeneja ishte gjithmonë nën vëzhgim me kamera, dhe në dhomën e duhanit, M. ishte vendosur edhe pajisje përgjimi. Por ai nuk e dinte se “Ed” ishte një agjent i infiltruar, i cili prej muajsh kishte depërtuar si në kafene, ashtu edhe në organizatën kriminale që vepronte përreth saj.
Sipas prokurorisë, bëhej fjalë për një masë hetimore të jashtëzakonshme, por të domosdoshme.
“Nga hetimi klasik rezultoi se, informacioni që M. ishte i përfshirë në tregtinë e armëve, ishte i saktë,” shpjegoi prokurori gjatë seancës. Megjithatë, hetuesve u mungonin provat përfundimtare: M. dhe rrethi i tij pothuajse nuk flisnin fare në telefon, dhe kur e bënin, përdornin gjuhë të koduar.
“Ata flisnin për vezë, gështenja dhe sallam, gjithmonë në kombinim me shuma të mëdha parash,” – sqaroi ai.
Agjenti “Edi” fiton besimin e Fatosit
Në këtë hetim hyri “Edi”, agjent i infiltruar që u shtir si tregtar armësh. Ai arriti të krijojë kontakt të shpejtë me njerëzit përreth Pimpelhof-it dhe të fitojë besimin e plotë të Fatos M., aq sa ky i fundit i kërkoi madje të bëhej kumbar i djalit të tij.
Sipas prokurorisë, nga puna e agjentit rezultoi se në kafenenë në lagjen Seefhoek flitej rregullisht për tregti armësh, madje shpesh tregtoheshin dhe shfaqeshin armë. “Edit” iu ofruan disa herë pushkë, pistoleta me silenciator dhe madje edhe eksplozivë.
Në fund, ai bleu përmes njerëzve të Fatos M. katër armë zjarri, në një marrëveshje të zhvilluar në Liezh. Aty ku i ishin premtuar pistoleta Glock, dolën në fakt të ishin pistoleta alarmi të modifikuara.
Kumbari dhe droga drejt Skandinavisë
Besimi që kishte fituar “Ed” ishte aq i madh saqë ai arriti të fusë në rrjet një agjent të dytë nën mbulim – “Armendin”. Ky u përfshi në hetim kur Fatos M. i tregoi për trafikun e drogës dhe ambicien për të eksportuar kokainë drejt Skandinavisë. “Mund të sjell çdo sasi brenda tre ditësh,” kishte deklaruar M.
Sipas hetuesve, tregtia e drogës ishte nën drejtimin e Christos S. (56 vjeç), i cili udhëhiqte një organizatë kriminale me bazë në kafenenë Terminus në Beatrijslaan.
Më vonë doli se “Christos S.” ishte një emër i rremë, i lidhur me një kartë identiteti false greke. Autoritetet shqiptare njoftuan se personi në fjalë quhej në të vërtetë Zirkret P., ndonëse edhe ky mund të ishte pseudonim. Nga grupi i S., një nga agjentët bleu dy herë nga dy kilogramë kokainë.
Pesëmbëdhjetë të pandehur në gjykatë
Pas disa muajsh, infiltrimi u ndërpre dhe policia bastisi njëkohësisht vendet e M., S. dhe bashkëpunëtorëve të tyre.
“Pas një marrëveshjeje të suksesshme për drogën, u zhvilluan biseda të tjera me agjentin ‘Armend’,” – shpjegoi prokurori.
“Atëherë organizata filloi të dyshonte, menjëherë ndërpreu çdo kontakt dhe policia ndërhyri”.
Sipas hetuesve, agjenti nën mbulim kishte qenë në rrezik. Një nga të pandehurit deklaroi: “Kjo nuk do të falet kurrë – do të vazhdojnë ta kërkojnë”.
Të hënën, në Antverpë, 15 persona nga banda e Fatos M. dhe Christos S. dolën para gjykatës. Prokuroria kërkoi 12 vjet burg dhe 200.000 euro gjobë për dy drejtuesit kryesorë, ndërsa të tjerët rrezikojnë nga 3 deri në 10 vjet burg dhe gjoba deri në 96.000 euro.
“Kriminaliteti është profesioni i tyre – ditët e tyre kalojnë duke kryer vepra penale. Në mënyrë profesionale,” – tha prokurori.
“Ishte mburrje boshe”
Gjatë marrjes në pyetje, disa nga të pandehurit deklaruan se deklaratat ndaj agjentëve ishin fjalë të mëdha, mburrje boshe. Njëri prej tyre pranoi megjithatë disa nga konstatimet e agjentit të infiltruar.
Avokati John Maes, që mbron Christos S., argumentoi: “Cilat janë konkretisht veprat penale? Dy transaksione amatoreske prej dy kilogramësh? Gjithçka shkon aq ngadalë saqë edhe vetë agjenti nën mbulim bëhet i paduruar që nuk po arrin gjë. Pjesa tjetër janë vetëm thashetheme dhe interpretime të të dhënave nga telefoni i tij, pa lidhje të qartë me këtë çështje apo me juridiksionin belg”.
Maes kërkoi shpalljen e pavlefshmërisë së ndjekjes penale, duke theksuar se nuk është e qartë për çfarë akuzohet saktësisht klienti i tij.
Ndërkohë, për Fatos M., avokati Brecht Horsten argumentoi se bëhej fjalë për provokim nga policia, pasi faktet ishin të nxitura nga agjenti nën mbulim – çka, sipas tij, duhet të çojë në pavlefshmëri të procedurës.
“Tregti armësh? Kemi vetëm një deklaratë qesharake, se pa dijeninë e tij, nuk do të ndodhte asgjë,” tha Horsten. Ai përmendi edhe amatorizmin e hetimit: “Lexoj një bisedë ku thuhet se ‘nuk është sezoni i pistoletave 9 mm’ – diçka të tillë nuk e kam dëgjuar kurrë më parë”./Dosja.al
foto ilustruese KOSOVË- Ish-gjenerali i Ushtrisë së Jugosllavisë dhe i dënuari i Hagës, Nebojsha Pavkoviç, vdiq n&eum...
pamjet GREQI- Një video që regjistron sulmin e parë ndaj pronarit 68-vjeçar të kampingut në Foikounda, disa ditë para ...
Hekuran Cumani ITALI- Detaje të reja kanë dalë në diritë lidhur me vrasjen e shqiptarit, Hekuran Cumani në Itali. Bëhet ...
Foto ilustruese TIRANA- Avokati Ulian Bajrami, i cili u arrestua më 18 tetor pas një përplasjeje verbale me një prokuror në sall&e...
Foto ilustruse POGRADEC- Një 49-vjeçar është plagosur ditën e sotme, pasi një granatë e vjetër e cila ndodhej n&e...
Foto ilustruse KUKËS- Një ngjarje e paprecedentë ka ndodhur ditën e sotme në qytetin e Kukësit. Policia ka arrestuar një...
Foto ilustruse ITALI- Policia italian ka arrestuar një shqiptar, i cili po trafikonte lëndë narkotike të dyshuar kokainë. Mediat i...
Foto ilustruse DURRËS- Një aksident rrugor ka ndodhur në qytetin e Durrësit. Një automjet tip “Benz” ësht&e...
foto ilustruese KOSOVË- Një numër organizatash të shoqërisë civile në Kosovë i kanë bërë thirrje t&e...
Foto ilustruse SARANDË- Policia ka arrestuar sot tre persona të cilët kishin kryer vjedhje të ndryshme në qytetin e Sarandës....
