Tirana pret në 2027 Kongresin Botëror të Ligjit, Rama: Shpërblim inkurajues dhe sinjal i fortë besimi! Do të b&eum...
Aktualitet
Mashtronin shtetas të huaj për të investuar në bursa fiktive, vihet në pranga 2 persona, shpallen në kërkim 2 të tjerë
Policia njofton se janë sekuestruar 68 mijë euro të cilat ishin përftuar përmes mashtrimit si dhe listat me emrat dhe numrat e telefonave e shtetasve të huaj që ranë në grackën e tyre.
22 Shtator 2023, 11:18Nga A.B
Zyra
TIRANË-Bjorn Kareco dhe Marjo Kolli kanë rënë në pranga ndërsa dy të tjerë janë shpallur në kërkim nën akuzën e mashtrimit për investim në bursa përmes Call Centerave. Policia njofton se janë sekuestruar 68 mijë euro të cilat ishin përftuar përmes mashtrimit si dhe listat me emrat dhe numrat e telefonave e shtetasve të huaj që ranë në grackën e tyre.
Në Call Centerin në fjalë që ndodhej në Tiranë në rrugën e Zallit, ishin punësuar 60 operatorë të cilët mashtronin të huaj për investim në Forex.
NJOFTIMI:
DVP Tiranë/Finalizohet nga Seksioni për Hetimin e Krimeve Ekonomike dhe Financiare në bashkëpunim me Sektorin e Forcës së Posaçme Operacionale në DVP Tiranë, dhe Prokurorinë pranë Gjykatës së Shkallës së Parë të Juridiksionit të Përgjithshëm Tiranë, operacioni policor i koduar "Momentum”.
Mashtronin shtetas të huaj, nëpërmjet telefonit, për të investuar në bursa fiktive, vihet në pranga 2 shtetas, shpallen në kërkim 2 shtetas të tjerë, të katërt admininstratorë të një subjekti call center.
Sekuestrohen 68 000 euro, njësi kompjuterike, celularë, tabletë, mandate pagesash dhe blloqe me të dhëna të ndryshme të shtetasve të huaj që dyshohet se janë mashtruar, për të investuar në bursa fiktive.
Specialistët e Seksionit për Hetimin e Krimeve Ekonomike dhe Financiare, në bashkëpunim me Sektorin e Forcës së Posaçme Operacionale në DVP Tiranë, dhe Prokurorinë pranë Gjykatës së Shkallës së Parë të Juridiksionit të Përgjithshëm Tiranë, pas një pune të mirëfilltë hetimore, organizuan dhe finalizuan me sukses operacionin policor të koduar "Momentum".
Si rezultat i këtij operacioni:
- u bë arrestimi në flagrancë i shtetasve B. K., 27 vjeç, dhe M. K., 25 vjeç, të dy banues në Tiranë;
- u shpallën në kërkim shtetasit J. K., 51 vjeçe, dhe E. K., 32 vjeç.
Këta 4 shtetas kishin në administrim një call center në Rrugën e Zallit, në të cilin ishin të punësuar rreth 60 punonjës, të cilët, së bashku me administratorët, telefononin shtetas të huaj, kryesisht italianë, iu prezantoheshin si agjentë shitjesh dhe përmes mashtrimit, i bindnin ata që të investonin në bursën fiktive Forex.
Gjatë operacionit u gjetën dhe u sekuestruan në cilësinë e provës materiale: 68 000 euro, njësi kompjuterike, aparate celulare, tabletë, mandate pagesash dhe blloqe me të dhëna të ndryshme të shtetasve të huaj që dyshohet se janë mashtruar, për të investuar në bursa fiktive.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.