Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital
3 Qersho...
Aktualitet
VIDEO/ Përdhunoi një 18-vjeçare italiane, arrestohet Leonard Preza në Durrës
Ndërkohë që i arrestuari është me precedent penal të mëparshëm për armëmbajtje pa leje dhe të vjedhje.
6 Shtator 2025, 09:04Nga I.A
Foto Ilustruese
DURRËS- Një 26-vjeçar me emrin Leonard Preza është vënë në pranga në Durrës për përdhunim. Mësohet se Preza në orët e para të mëngjesit të djeshëm ka përdhunuar një 18-vjeçare italiane. Ngjarja e rëndë ka ndodhur në shezlongët përballë një hoteli në lagjen 13. Ndërkohë që i arrestuari është me precedent penal të mëparshëm për armëmbajtje pa leje dhe të vjedhje.
Njoftimi i Policisë:
Durrës Kreu marrëdhënie seksuale me dhunë me një 18-vjeçare italiane, pas disa orësh pune intensive e profesionale, policia identifikon, kap dhe vë në pranga autorin. 26-vjeçari i dënuar më parë, me precedentë të theksuar kriminal në fushën e armëmbajtjes pa leje dhe të vjedhjes. Strukturat e hetimit të Krimit në Drejtorinë Vendore të Policisë Durrës, pas njoftimit të marrë se një shtetas kishte kryer marrëdhënie seksuale me dhunë dhe duke i shkaktuar dëmtime fizike një 18-vjeçareje italiane, menjëherë organizuan punën për identifikimin dhe kapjen e autorit.
Pas disa orësh hetimesh dhe veprimesh profesionale, u bë e mundur identifikimi i autorit, lokalizimi, kapja dhe arrestimi i tij në flagrancë, konkretisht shtetasi L. P., 26 vjeç, banues në lagjen nr. 13, Durrës, i dënuar më parë. Arrestimi i shtetasit L. P. u krye pasi, rreth orës 05:25 të mëngjesit të datës 05.09.2025, në shezlongët përballë një hoteli në lagjen 13, ky shtetas ka kryer marrëdhënie seksuale me dhunë me një 18-vjeçare shtetase italiane. Materialet hetimore do t’i kalohen Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprën penale “Marrëdhënie seksuale ose homoseksuale me dhunë me të mitur të moshës 14–18 vjeç”.