Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Pallati është në pronësi të Hito dhe Viktor Muskaj të cilët janë shpallur në kërkim për akuzën e pastrimit të parave, ndërsa nga hetimet e nisura që në vitin 2021, Prokuroria thotë se ka arritur të faktojë se janë falsifikuar dokumente duke përvetësuar 150 m2 tokë shtetërore.
VLORË- Me vendim të Gjykatës së Apelit në Vlorë, marrë me datë 7 korrik, Prokuroria ka sekuestruar një pallat 8 katësh në lagjen “Pavarësia” që ndodhet në fazë ndërtimi. Prokuroria e Vlorës nisi hetimet pas kallëzimit të një qytetari, i afërm i pronarëve të tokës ku është ndërtuar pallati, të cilit gjatë fazës së punimeve, i është shembur totalisht shtëpia, që ndodhet jashtë hapësirës së lejes së ndërtimit.
Pallati është në pronësi të Hito dhe Viktor Muskaj, të cilët janë shpallur në kërkim për akuzën e pastrimit të parave, ndërsa nga hetimet e nisura që në vitin 2021, Prokuroria thotë se ka arritur të faktojë se janë falsifikuar dokumente duke përvetësuar 150 m2 tokë shtetërore. Ndërkohë nga ana tjetër ndërtuesi që është dhe investitor në masën 80% shprehet se lur ka marrë tokën i kanë thënë se gjithë dokumentacionbi është në rregull.
“Unë jam ndërtuesi dhe jam investitor në masën 80%. Unë kisha dëgjuar disa herë, pasi pala tjetër që pretendon për objektin ka kontaktuar disa herë me mua. U kam thënë personave që kanë kontratën me mua që ta zgjidhin këtë situatë sepse po rëndohem për një gjë që s’ka lidhje me mua. Më kanë thënë që e kemi të saktë. Janë 2 pronarë, prona e parë më kanë thënë që është shumë në rregull. Tjetra, një banesë 37.5 metra katrorë pretendohet se është një dokument i falsifikuar që unë nuk e kam parë. Për mendimin tim vendimi i gjykatës është i pandershëm. Ne do të bëjmë ankimin sipas ligjit”, ka thënë ai.
Certifikata që ka dalë nga ZVRPP Vlorë është shumë e rregullt por bëhet fjalë për një falsifikim të bërë 20 vite më parë, ka thënë pronari.
NJOFTIMI:
Prokuroria Vlorë sekuestron godinë banimi dhe shërbimesh për “Pastrim të produkteve të veprës penale”, ‘Falsifikim të dokumenteve’ dhe ‘shkatërrim të pronës’ Prokuroria pranë Gjykatës së Shkallës së Parë Vlorë kreu “sekuestro preventive” për pasurinë: -Objekti “godinë banimi dhe shërbimesh 1-3-6-7-8 kate me 1 kat parkimi nën tokë”, në lagjjen “Pavarësia”, rruga “Gjergj Araniti” Vlorë, i ndodhur në fazën e karabinasë, që po ndërtohet sipas “Lejes së zhvillimit”, Vendim nr.—- datë —.—.—–. i Bashkisë Vlorë, në emër të shtetasëve H.M. dhe V.M., si dhe “Leje ndërtimi”, Vendim nr.—– datë —.—.—–. Bashkia Vlorë, në emër të shtetasëve H.M. dhe V.M., me bashkëinvestitorë “B—— sh.p.k.”, V.M. dhe H.M. Mbi bazën e kallëzimit të shtetasit J.M., Prokuroria pranë Gjykatës së Shkallës së Parë Vlorë ka rregjistruar procedim penal nr.1100/2021, për veprat penale të “Falsifikimit të dokumentave”, “Shkatërrim i pronës” dhe “Pastrim i produkteve të veprës penale” parashikuar nga nenet 186, 150 dhe 287 të K.P. Në fazën e hetimit paraprak të këtij procedimi penal, ka rezultuar se:
Me vendimin nr.—- dt.–.–.–. Bashkia Vlorë ka vendosur “Kalimin në pronësi të pasurisë që ndodhet në Z.K.8603, nr. 32/149/1 pasuri, me sipërfaqe ndërtimi 37.3 m² dhe truall 150 m² shtetasit H.M.”. Në vijim, rezulton që kjo pasuri të jetë rregjistruar pranë A.SH.K. Vlorë me nr.pasurie 28/605/1 Z.K. 8603 .vol 62 fq.90, pasuri e llojit truall me sip.150 m² dhe ndërtesë 37.3 m². Një prej dokumentave të paraqitura prej shtetasit H.M., që ka shërbyer për marrjen e vendimit është dhe “Leje ndërtimi e meremetimi”, vendim nr.62 dt.27.08.1986. i K.E. të Këshillit të Popullor Vlorë, dokument për të cilin në fazën e hetimit është provuar se është një dokument i falsifikuar në formë dhe përmbajtje. Në vijim, shtetasit H.M. dhe V.M., në cilësinë tashmë të pronarëve të truallit, me vendimin nr.—- datë —.—.—-. të Bashkisë Vlorë, janë pajisur me leje zhvillimi për pasuritë me nr.–/—- sipërfaqe 416,8 m² si dhe pasurinë me nr.–/—/- me sipërfaqe prej 150 m² me adresë lgj “Pavarësia” Vlorë, (pasuri kjo e fituar mbi bazën e “Lejes së ndërtimit e meremetimit” nr.— datë —.—.—-. e Komitetit Ekzekutiv të Qytetit Vlorë, e dyshuar si e falsifikuar). Me vendim nr.— datë —.—.2020. shtetasit H.M. dhe V.M., në cilësinë e zhvilluesit janë pajisur me leje ndërtimi nga Bashkia Vlorë për objektin godinë banimi dhe shërbimesh 1-3-6-7-8 kate me 1 kat parkimi në tokë në lagjjen “Pavarësia” Vlorë.
Sikurse rezulton, si dokument që vërteton pronësinë mbi truallin, është paraqitur dhe çertifikata për vërtetim pronësie nr.——- për pasurinë nr.—/—/- dt.—.–.—-. lëshuar nga A.SH.K.Vlorë e cila në referencë dhe të K.P.P. është rregjistruar sipas vendimit nr.—, datë —.–.—–., të Bashkisë Vlorë. Dokumenti që vërteton të drejtat pasurore të pronarit/ave që marrin pjesë në një zhvillim, përfshirë marrëveshjet nëpërmjet pronarëve dhe zhvilluesit ose/dhe palëve të treta, përbën një nga kushtet e përcaktuar në nenin 15/ gërma “b” e V.K.M. nr.408, datë 13.05.2015 “Për miratimin e Rregullores së Zhvillimit të Territorit”, të ndryshuar.
Në interpretim të kërkesave të ligjit nr.107/2014 “Për planifikimin e territorit” të ndryshuar, si dhe V.K.M.-së nr.408 datë 13.05.2015. “Për miratimin e rregullores së zhvillimit të territorit”, parashikimeve të Planit të Përgjithshëm Vendor të Bashkisë Vlorë të miratuar me vendimin nr.1 datë 16.10.2017. të K.K.T-së, leja e ndërtimit dhe e zhvillimit për objektin, e nxjerrë mbi bazën e një dokumenti pronësie trualli të përftuar nga dokumenta të falsifikuar, nuk duhet të ishte lëshuar, pasi një pjesë e truallit në fakt është në pronësi ”shtet”. Gjatë zhvillimit të punimeve, rezulton e provuar se më datë 02.07.2021. prej personit në hetim/ shoqërisë zhvilluese është shembur tërësisht godina në pronësi të shtetasit J.M, veprime këto të cilat dyshohen se janë kryer tej parashikimeve të lejes së ndërtimit, miratuar me vendim nr.508 datë 04.09.2020. të Bashkisë Vlorë. Në funksion të hetimit paraprak për procedimin penal nr.1100 të vitit 2021 dhe mbi bazën e kërkesës së prokurorit, me vendimin nr.60-2022-1254, datë 07.07.2022. të Gjykatës së Apelit Vlorë, i cili ka ndryshuar vendimin nr.254 datë 19.06.2022 të Gjykatës së Rrethit Gjyqësor Vlorë, është vendosur: “Caktimin e masës së sigurimit “sekuestro preventive” për pasurinë : – Objekti “godinë banimi dhe shërbimesh 1-3-6-7-8 kate me 1 kat parkimi nën tokë” në lagjjen “Pavarësia” rruga “Gjergj Araniti” Vlorë, i ndodhur në fazën e karabinasë, që po ndërtohet sipas “Lejes së zhvillimit”, Vendim nr.—- datë —.—.—–. i Bashkisë Vlorë, në emër të shtetasëve H.M. dhe V.M., si dhe “Leje ndërtimi”,Vendim nr.—– datë —.—.—–. Bashkia Vlorë, në emër të shtetasëve H.M. dhe V.M., me bashkëinvestitorë “B—— sh.p.k.”, V.M. dhe H.M.
Masa e sigurimit “sekuestro preventive” po ekzekutohet prej shërbimeve të policisë gjyqësore pranë D.V.P.Vlorë. Hetimet për këtë procedim penal vijojnë. Vlorë, më 08.07.2022.
Leja e ndërtimit është dhënë në emër të të afërmve Muskaj në vitin 2020 nga Bashkia e Vlorës, me bashkëinvestim në masën 80% nga ndërtuesi Bektash Petoshati. Prokuroria e Vlorës thotë se Hito Muskaj është bërë pronar i një sipërfaqeje ndërtimi 37.3 m2 dhe 150 m2 truall me vendim të Bashkisë dhe Agjencisë Shtetërore të Kadastrës, mbi bazën e një dokumenti të falsifikuar. Konkretisht, Hito Muskaj ka paraqitur një dokument: “ “Leje ndërtimi e meremetimi” të vitit 1986 nga K.E i Këshillit të Popullor Vlorë, që prokuroria thotë se është provuar që është i falsifikuar në formë dhe përmbatje. Mbi bazën e këtij dokumenti të falsifikuar për pronësinë e 150 m2 truall (që hetimet zbuluan se rezulton të jetë tokë shtet), është marrë edhe leja e zhvillimit dhe ndërtimit, për 2 sipërfaqe të ndryshme, 416.8 m2 dhe 150 m2 dhe aktualisht ndërtuesi Petoshati ishte duke e çuar pallatin në fazën përfundimtare. Në një reagim për media ai tha se e gjitha bie në kurriz të tijin dhe të qytetarëve që kanë prenotuar apartamente në këtë pallat.
Jan Koum DURRËS- Jahti 400 milionë eurosh i themeluesit të WhatsApp-it, miliarderit 46-vjeçar Jan Koum është ankoruar n&eum...
Telefonat e sekuestruar TIRANË- 27 aparatë celularë të llojit "Iphone 13 Pro Max" janë sekuestruar në Tiranë. Në nj...
Kreu i KMSH, Bujar Osmani TIRANË- Kreu i Komunitetit Musliman Shqiptëtar, Bujar Spahiu ka uruar të gjithë besimtarët me rastin e f...
Pamje nga brenda banese TIRANË- Detaje të reja ka dalë në dritë nga tragjedia që zgjoi lagjen 'Ali Demi' në të gdhi...
Fqinja TIRANË- Fqinja ka treguar detaje rrëqethëse nga ngjarja e rëndë që ndodhi pas mensatës së kaluar në Tir...
Fqinji TIRANË- Fqinji ka treguar për “Fax News” momentet e tmerrit nga zjarri i cili përfshiu banesën në zonë...
Kreshnik Osmani TIRANË- Kreshnik Osmani, një nga folësit në podiumin e ngritur në bulevardin “Dëshmorët e Kombit&...
Emiliano Shullazi TIRANË- Gjykata e Lartë ka rikthyer për shqyrtim ankimimin e Emiliano Shullazit për regjimin 41 bis. Shullazi ës...
Zjarri në Tiranë TIRANË- Gjyshja që ndodhej në banesë me foshnjën 6-muajashe që humbi jetën ka kërkuar nd...
Momenti i arrestimit TIRANË- Një 45-vjeçar është arrestuar në Fier me qëllim ekstradimin drejt Spanjës. Arrestimi...
