Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Sipas ekspertëve të ekonomisë dhe biznesit, ky mosfunksionim i shërbimeve të teknologjisë së informacionit sjell kolaps në financat e bizneseve dhe pasoja ligjore për sipërmarrjet e tyre.
TIRANË- Një numër i madh biznesesh në Shqipëri po përballen që prej 20 janarit me probleme të shumta në mbarëvajtjen e aktivitetit të tyre për shkak të mosfunksionimit të platformës së fiskalizimit “Self-Care”, që menaxhohet nga e-Albania.
Sipas ekspertëve të ekonomisë dhe biznesit, ky mosfunksionim i shërbimeve të teknologjisë së informacionit sjell kolaps në financat e bizneseve dhe pasoja ligjore për sipërmarrjet e tyre.
“Po ndjek me shqetësim problemet e platformës së fiskalizimit, e cila prej disa ditësh nuk po funksionon plotësisht dhe, në praktikë, ka bllokuar totalisht kryerjen e një sërë procesesh nga bizneset”, i tha BIRN-it Julian Saraçi, auditues ligjor i pavarur.
Sipas Saraçit, kolapsi i shërbimeve ka sjellë një paralizim të aktivitetit ekonomik dhe ligjor të një numri të madh subjektesh.
“Në këto kushte, subjektet ekonomike ndodhen në pamundësi objektive për të përmbushur detyrimet e tyre ligjore, përfshirë raportimet pranë institucioneve rregullatore, lëshimin e faturave, fiskalizimin e importeve dhe procedura të tjera të domosdoshme për vazhdimësinë e aktivitetit”, tha Saraçi për BIRN-in.
Platforma Self-Care është porta kryesore digjitale për komunikimin mes bizneseve dhe administratës tatimore. Përmes saj kryhen pothuajse të gjitha veprimet fiskale.
Në praktikë, ajo zëvendëson sportelin fizik dhe është kthyer në mjetin bazë të funksionimit administrativ të çdo biznesi.
Adela Kanani, drejtuese ekzekutive e Aleancës së Profesionistëve të Lirë (APL), sqaroi për BIRN-in se, kur kjo platformë ka probleme teknike ose nuk funksionon, bizneset nuk mund të raportojnë, të paguajnë apo të dokumentojnë veprimtarinë e tyre në kohë, duke u ekspozuar ndaj vonesave, pasigurive dhe rrezikut për penalitete.
“Kjo krijon stres operacional, pengon planifikimin financiar dhe paralizon përkohësisht aktivitetin ekonomik”, i tha BIRN-it Adela Kanani, drejtuese e APL-së.
“Në këtë kuptim, Self-Care nuk është thjesht një shërbim online, por një infrastrukturë kritike për funksionimin normal të ekonomisë dhe për ndërtimin e një klime të shëndetshme biznesi”, theksoi Kanani.
Sipas ekspertëve, pasojat e bllokimit të shërbimeve të fiskalizimit janë jo vetëm ekonomike, por edhe ligjore.
Sotiraq Dhamo, Prof. Dr. i shkencave ekonomike, sqaroi për BIRN-in se mungesa e këtyre shërbimeve prek si entitetet blerëse, ashtu edhe ato shitëse.
“Në pozicionin e shitësit, platforma Self-Care është shumë e rëndësishme, sepse vetëm nëpërmjet kësaj platforme mund të lëshohen faturat. Për blerësit është shumë e rëndësishme, sepse nëpërmjet Self-Care pranohen ose jo faturat e ardhura, bëhet deklarimi i faturave dhe i deklaratave të importeve”, theksoi Prof. Dr. Dhamo.
Edhe audituesi ligjor Julian Saraçi i tha BIRN-it se pasojat e mosaksesit në platformën Self-Care prekin edhe sferën ligjore, ndaj duhet ndërhyrja e autoriteteve përgjegjëse.
“Vlerësojmë të domosdoshme që institucionet përgjegjëse të dalin me qëndrime publike të qarta mbi mosaplikimin e penaliteteve ndaj subjekteve për periudhën e mosfunksionimit të sistemit”, tha Julian Saraçi për BIRN-in.
Në përgjigje të një kërkese për koment nga BIRN-i, Drejtoria e Përgjithshme e Tatimeve ka publikuar një reagim në faqen e saj zyrtare, ku, sipas saj, platforma është në shërbim të plotë dhe funksionon normalisht që prej 28 janarit.
“Administrata Tatimore informon se problematika e konstatuar ditët e fundit në aksesimin e Platformës Qendrore të Lëshimit të Faturave të Fiskalizuara është zgjidhur dhe se platforma, prej pasdites së sotme, 28 janar, është në shërbim të plotë dhe funksionon normalisht”, citohet në njoftimin zyrtar të Drejtorisë së Përgjithshme të Tatimeve.
Sipas Drejtorisë së Tatimeve, 139,000 tatimpaguesit që përdorin software për lëshimin e faturave duhet të vijojnë normalisht me lëshimin e faturave përmes tij edhe në rastet kur konstatojnë se faturat nuk janë pajisur me kodin unik (NIVF), dhe t’i fiskalizojnë ato në momentin që rikthehet shërbimi i plotë.
Për sa i përket 3,000 tatimpaguesve që nuk janë të pajisur me software, por përdorin Platformën Qendrore të Faturave, Drejtoria e Tatimeve shkruan se ata mund t’i drejtohen me kërkesë Drejtorisë Rajonale Tatimore përkatëse për t’u pajisur me bllokun e veçantë të faturave, i cili përdoret edhe në rast defekti apo ndërprerjeje të plotë të funksionimit të zgjidhjes software./Reporter.al
Pamjet TIRANË- Pamjet e operacionit të policisë në Selitë gjatë natës janë zbuluar. Mësohet se nga operac...
Pamjet TIRANË- Detaje të reja kanë dalë nga operacioni i policisë gjatë natës në zonën e Selitës n&e...
Foto Ilustruese TIRANË- Një arsenal armësh është zbuluar në Tiranë gjatë një operacioni. Mësohet se...
TIRANË- Elona dhe Sokoli janë një çift i ri 24 dhe 26 vjeç, që kanë vendosur të fillojnë jetesën së...
Rreth 26.3 mijë apartamente e njësi të tjera banimi ishin të disponueshme për t’u dhënë me qira gjatë vitit 2025...
TIRANË- Dita e sotme parashikohet të jetë me mot të paqëndrueshëm. Reshjet e shiut pritet të jenë prezente q...
GREQI- Disa ditë më parë u vra me një thikë të improvizuar xhami i dënuari me burgim të përjetshëm, Jani Ali...
Foto nga ngjarja DURRËS- Një çift është dhunuar me grushta brenda makinës së tyre nga disa persona, gruaja e dhun...
Droga dhe eurot e sekuestruara GREQI- Policia e Greqisë ka arrestuar dje katër persona, në afërsi të Kampusit Universitar n&e...
Foto Ilustruese SHIJAK- Ka ndërruar jetë Denis Çumani, 45-vjeçari nga Shijaku i cili mbrëmjen e 27 janarit, u plagos me ...
