SPAK pushton Bashkinë e Tiranës, 8 flet-arreste për “3 Drejtorët” e Veliajt, Qato dhe Molla në burg
"Po nuk u arrestua Veliaj nuk ka drejtësi"/ Këlliçi komenton arrestimet në Bashkinë Tiranë: Ju mendoni ai nuk ka...
"Po nuk u arrestua Veliaj nuk ka drejtësi"/ Këlliçi komenton arrestimet në Bashkinë Tiranë: Ju mendoni ai nuk ka...
"Mos të fshihet roli i Olsi Ramës në trafikun e drogës", Bardhi- Dumanit: Provoni që në Shqipëri hetohet kush...
Akuzohet për korrupsion dhe shpërdorim detyre, jepet sot masa e sigurisë për kryebashkiakun Jorgo Goro 26 Mars, 07:37 ...
Miratohet në Këshillin e Sigurimit rezoluta për armëpushim të menjëhershëm në Gazë, SHBA abstenon ...
Në raportin prej gati 90 faqesh, rezulton se Robert Hysenllari nuk ka kryer inspektimet për gatishmërinë e strukturave në 2021, madje agjentëve të KLSH-së u rezulton se kontrata me helikopterët privatë për shuarjen e zjarreve është lidhur në mënyrë të padrejtë.
TIRANË- Kontrolli i Lartë i Shtetit ka kryer një audit në institucionin e Emergjencave Civile, e në fund ka kërkuar pezullimin nga detyra të 2 drejtorëve. Atë të Robert Hysenllarit, Dr. i Gatishmërisë e Koordinimit të Përgjigjes Emergjente dhe të Klajdi Nikollës, Drejtor i Bashkëpunimit Ndërkombëtar të Projekteve. Në raportin prej gati 90 faqesh, rezulton se Robert Hysenllari nuk ka kryer inspektimet për gatishmërinë e strukturave në 2021, madje agjentëve të KLSH-së u rezulton se kontrata me helikopterët privatë për shuarjen e zjarreve është lidhur në mënyrë të padrejtë. Ndërsa drejtoria e Nikollës shkeli ligjin e prokurimit, duke lidhur kontratë me një kompani "V.H.", e cila nuk ka asnjë mjet fluturimi.
"Në këtë kontekst, shpenzimi prej 36,069,300 lekë për blerjen e shërbimit me dy helikopter nga shoqëria “V.H.” nga AKMC, nuk do të ishte kryer në qoftë se Ministra e Mbrojtjes do të kishte përdorur kapacitetet e veta operacionale, si dhe AKMC nuk do të ishte drejtuar Mekanizimit Evropian të Mbrojtjes Civile ERCC, për ndihmë ndërkombëtare, ndihmë e cila ka ardhur nga Shteti Hollandez me 3 mjete Helikopter dhe 76 veta personel, republika Ceke me 2 mjete Helikopter me 7 veta personel,"-shkruhet në raportin e KLSH-së.
Nga auditimi i cili ka përfunduar në datën 10 Dhjetor të vitit të kaluar rezulton se Shqipëria nuk ka strategji kombëtare për zvogëlimin e riskut për fatkeqësitë duke bërë të pamundur parashikimin e fatkeqësive dhe pasojave të mundshme nga fatkeqësitë. Në shkallë vendi, nga 61 bashki janë marrë të dhëna nga 55 prej tyre ku raportohet 152 mjete zjarrfikëse.
Nga këto 131 në gjendje pune, 8 me defekte të vogla, 3 me defekte të konsiderueshme, 10 jashtë përdorimit dhe 36 të pa targuara (pa dokumentacion). Nga ana tjetër bashkive u mungojnë pajisjet mbrojtëse personale dhe pajisje të jashtme për shuarjen e zjarreve, si: Kostume anti zjarr, kundragaz, çizme kundra zjarrit, doreza kundra zjarrit etj.
“Shumë nga zjarrfikëset në dispozicion janë të vjetruara (disa që datojnë nga vitet gjashtëdhjetë), janë në gjendje të keqe dhe nuk janë të ndërveprueshme sepse janë dhuruar nga vende të ndryshme. – Bashkive dhe njësive administrative u mungojnë pajisjet mbrojtëse personale dhe pajisje të jashtme për shuarjen e zjarreve, si: Kostume anti zjarr, kundragaz, çizme kundra zjarrit, doreza kundra zjarrit etj. Nga bashkitë janë raportuar: Pompa shpine gjithsej 243, nga këto profesionale 221, të zakonshme 22, fikse me pluhur 568, me CO2 92, pompa thithëse 23 dhe pompa të ndryshme 55. Numri i zjarrfikësve profesionist për vitin 2021 është 1295. Popullsia në Republikën e Shqipërisë më 1 janar 2021 është 2,829,741 banor. Numri i banorëve/zjarrfikës për vitin 2021 është 2,185, duke kaluar 205 banor për zjarrfikës, në kundërshtim me Ligjin 152/2015 “Për shërbimin e mbrojtjes nga zjarri dhe shpëtimin” neni 7, pika 5. Në zbatim të Ligjit Nr. 152/2015,”Për Mbrojtjen nga Zjarri dhe Shërbimin e Shpëtimit”, shumica e kompetencave të shuarjes së zjarrit u transferuan nga prefekturat tek bashkitë, duke lënë në nivel qendror vetëm legjislacionin, trajnimin dhe bashkëpunimin mes strukturave të shuarjes së zjarrit.
Po në zbatim të këtij ligji , Bashkitë janë të detyruara të investojnë në ngritjen e kapaciteteve vullnetare të shuarjes së zjarreve, përveç shërbimit profesional. Por kufizimet buxhetore pengojnë shumë bashki të zhvillojnë programe për shuarjen e zjarrit me vullnetarizëm (Më hollësisht trajtuar në pikën 2.1, faqe 16-31 të Raportit Përfundimtar të Auditimit). 5.1. Rekomandimi: Nga Drejtori i Përgjithshëm ti bëhet prezent Instancave më të Larta Shtetërore, pamjaftueshmëria e burimet njerëzore dhe teknike për menaxhimin efektiv dhe reagimin ndaj situatave emergjente(zjarret)”, thuhet në raport.
Pjesë nga raporti i KLSH
Gjendja e mangët operacionale e helikopterëve të Forcave të Armatosura të destinuar për emergjencat civile (zjarret), ka krijuar boshllëk në kryerjen e operacioneve të shuarjes së zjarreve të rëna në vendin tonë. Konkretisht Ministria e Mbrojtjes nga 4 helikopter gjithsej, ka në gjendje operacionale vetëm një helikopter të gatshëm, i cili është përdorur gjatë operacioneve të shuarjes së zjarreve të rëna në vendin tonë gjatë vërës së këtij viti. Në këtë kontekst, shpenzimi prej 36,069,300 lekë për blerjen e shërbimit me dy helikopter nga shoqëria “V.H.” nga AKMC, nuk do të ishte kryer në qoftë se Ministra e Mbrojtjes do të kishte përdorur kapacitetet e veta operacionale, si dhe AKMC nuk do të ishte drejtuar Mekanizimit Evropian të Mbrojtjes Civile ERCC, për ndihmë ndërkombëtare, ndihmë e cila ka ardhur nga Shteti Hollandez me 3 mjete Helikopter dhe 76 veta personel, republika Ceke me 2 mjete Helikopter me 7 veta personel.
Gjithashtu USAID ka ofruar asistencë teknike mbi metodat e shuarjes së zjarreve në pyje me 4 veta personel, të cilët lehtësuan procesin e shuarjes së zjarreve në vatrat më kritike të vendit.
Klajdi Nikolla, me detyrë Drejtor i Drejtorisë së Bashkëpunimit Ndërkombëtar dhe Projekteve, për arsye se Kualifikimi, shpallja fitues e operatorit ekonomik "V.H." nga KVO, si dhe lidhja e kontratës, është kryer në mënyrë të padrejtë, veprim në kundërshtim me Ligjin nr. 162, datë 23.12.2020, "Për prokurimin publik" nenet 77,87,89,90,92 dhe VKM nr. 285, datë 19.5.2021, "Për miratimin e rregullave të prokurimit publik", neni 82. Konkretisht:
-Operatori ekonomik "V.H."shpk nuk disponon asnjë mjet të fluturimit ajror, por ka aktmarrëveshjen e datës 07.06.2020 ndërmjet Operatorit ekonomik "V.H."shpk, dhe Kompanisë A.I.G.CGjermani, dokument i pavlefshëm për tu marr në konsideratë.
Robert Hysenllari
D.1.a. "Largim nga shërbimi civil", sipas pikës "ç" e nenit 58,
1. R.H., me detyrë Drejtor i Drejtorisë së Gatishmërisë dhe Koordinimit të Përgjigjes Emergjente, për arsye se:
-Për periudhën objekt auditimi nga AKMC, nuk janë kryer inspektime për gatishmërinë e strukturave të Mbrojtjes Civile për parandalimin dhe mbrojtjen nga zjarri, veprim në kundërshtim me Ligjin nr. 45/2019 "Për mbrojtjen civil", neni 67 "Inspektimi", pikat 1 dhe 2.
Maks Haxhia TIRANË- Reduktimi i Gjykatave të Apelit nga 6 në 1 nuk shihet zgjidhje për avokatin Maks Haxhia. I ftuar mbrëmjen e dj...
Foto ilustruese TIRANË- Arrestohen 15 drejtues mjetesh, nga të cilët 7 për drejtim mjeti në gjendje të dehur dhe 8 për d...
Momenti i arrestimit TIRANË- Operacioni '50 dollars' ka vënë në pranga organizatorin e rrjetit të falsifikimit të kartmonedha...
Ilace DURRËS- Pronari i një Exchange është arrestuar nga policia. Personi me inicialet A. M. u vu në pranga pasi, gjatë kontr...
GJKKO TIRANË- Është shtyrë më 7 korrik seanca në Gjykatën e Posaçme ndaj iranianit, Bijan Poolagrad. Ish-banori i...
Maks Haxhia TIRANË- Avokati Maks Haxhia paralajmëroi kreun e grupit të punës që ka haruar hartën gjyqësore, Maksim Qokun...
Dosja.al TIRANË- Dosja.al ju sjell lajmet më kryesore ne portalet për ditën e sotme. Dosja.al ka në faqe të parë lajmin ...
Ksamil SARANDË- Turisti polak është gjetur shëndoshë e mirë nga policia e shtetit. Gjetja e turistit me inicialet Z.K, u b&eu...
TIRANË- Kushtet e qëndrueshme atmosferike do të dominojnë në vendin tonë, duke sjellë mbizotërim të motit t&...
Shqipëria përmendet si një nga vendet kryesore në botë të kultivimit të kanabisit në raportin e fundit botëror t&...