24 Maj 2023, 18:52
Nga k.m.
Firdeus Berberi
TIRANË- Firdeus Berberi është vendosur në prangat e Policisë greke, duke u bërë personi i tretë që prangoset së bashku me të shumëkërkuarin Laert Haxhiu. 22-vjeçari ishte në makinë me të shumëkërkuarin nga Lushnja në momentin që u prangosën në Athinë, e më pas u zbulua se ishte arrestuar edhe i riu që ishte shpallur kë kërkim për plagosjen e JoHan Muçllarit. Berberi, 22-vjeç, do të ekstradohet në Shqipëri së bashku me Haxhiun, e sapoprangosur.
NJOFTIMI I POLICISË:
Policia e Shtetit
Një tjetër shtetas i shpallur në kërkim, vihet në pranga në kuadër të operacionit policor ndërkombëtar të koduar “Eksponenti”. Qendronte ilegalisht në Janinë dhe shoqërohej me të shumëkërkuarin Laert Haxhiu, vihet në pranga 22-vjeçari. Gjatë operacionit ndërkombëtar të koduar “Eksponenti”, të finalizuar falë informacioneve të siguruara nga Policia e Shtetit dhe shkëmbimit të tyre në kohë reale, ndërmjet Interpol Tiranës dhe Interpol Athinës, u lokalizua në Janinë, u kap dhe u arrestua me qëllim ekstradimin, i shumëkërkuari Laert Haxhiu, bashkë me të cilin janë shoqëruar në Policinë e Janinës, edhe 2 shtetas të tjerë shqiptarë që shoqëronin shtetasin e shumëkërkuar.
Nga verifikimet e kryera ndërmjet Policisë greke dhe Policisë shqiptare, ka rezultuar se njëri prej këtyre shtetasve, konkretisht shtetasi F. B., 22 vjeç, lindur në Pogradec, ishte i shpallur në kërkim kombëtar nga Drejtoria Vendore e Policisë Korçë. Gjykata e Rrethit Gjyqësor Pogradec ka caktuar ndaj 22-vjeçarit, masën e sigurisë “Arrest në burg”, në mungesë, për veprën penale “Plagosja e rëndë me dashje”, pasi më 25 prill të vitit 2022, dyshohet se në bashkëpunim me një shtetas tjetër, shtetasi F. B. ka plagosur rëndë, me armë zjarri pistoletë, shtetasin J. M. Policia e Shtetit në bashkëpunim me Ministrinë e Drejtësisë dhe me Prokurorinë e Përgjithshme, ka nisur procedurat për shpalljen në kërkim ndërkombëtar dhe ekstradimin e këtij shtetasi drejt Shqipërisë.
Si ndodhi plagosja?
Ngjarja e rëndë ndodhi pasditen e 25 prillit, por Johan Muçllari u paraqit vetë në spitalin e Pogradecit dhe para bluzave të bardha rrëfeu se dy persona i kishin bërë atentat. Ai kishte marrë një plumb në këmbë e një plagë të shkaktuar nga thika rrëzë qafës. Por ky nuk është atentati i parë që kryhet ndaj familjes Muçllari! Gjatë vitit 2020, Jetmir Muçllari ka denoncuar se kanë tentuar disa herë që ta eliminojnë atë dhe djemtë e tij, ndaj dhe ka kërkuar mbrojtje nga Policia e Shtetit. Në vetëm 7 ditë hotel “Voloreka” në pronësi të Jetmir Muçllari, u godit dy herë në datat 1 dhe 8 gusht në Pogradec. Për ngjarjen, Policia arrestoi gjithsej 7 persona të cilët janë: Meard Berberi, Anterio Kaloshi, Ervin Kalaja, Ilir Berberi, Ilir Meçolli, Ardian Xhuti, Elvir Haxhia dhe Mariglen Topuzi. Ilir Berberi së bashku me vëllain e tij, Meard Berberin akuzohen se janë personat që kanë organizuar atentatet. Anterio Kaloshi ka qenë në rolin e ekzekutorit.
Cila është arsyeja e këtyre sulmeve të njëpasnjëshme?
Gjithçka ka nisur pasi autorët nuk kanë dashur që pronari i hotelit, Jetmir Muçollari të dëshmonte në një seancë gjyqësore, por kur kanë hasur rezistencën e tij, kanë organizuar sulmin me armë. Në atentatin e datës 8 gusht ata kishin si synim të vrisnin djalin e pronarit të hotelit. Autorët qëlluan në drejtim të godinës, por fatmirësisht pati vetëm dëme materiale. Edhe në vitin 2013, Muçllari është qëlluar me armë nga Edmond Fezollari, por ia doli që të mbijetonte. Vetë biznemseni ka bërë shumë herë thirrje publikisht dhe ka kërkuar që të ndihmohet nga shteti, por ngjarjet e njëpasnjëshme tregojnë se nga vdekja i ka shpëtuar fati. E mesa duket ndjenja e hakmarrjes është transmetuar edhe tek fëmijët e tyre.
firdeus berberi juan mucollari laert haxhiu arrestohet laert haxhiu
Aktualitet
24 Maj 2023, 18:01
k.m.
Marco Romeo dhe Sibora Gagani
SPANJË- Marco Romeo, shtetasi italian i arrestuar për vdekjen e ish-partneres së tij, Paula, 28 vjeç, n...
Aktualitet
24 Maj 2023, 17:55
k.m.
Ledi Shamku
TIRANË- Studiuesja Ledi Shamku ka komentuar titrimin e serialit "Rrushe" në trasmetimin që bëhet në "Top Channel". Me...
Aktualitet
24 Maj 2023, 17:51
a.l
Arrestohet shqiptari në Spanjë
SPANJË-Autoritetet në Spanjë kanë arrestuar një shtetas shqiptar i cili akuzohet pë...
Aktualitet
24 Maj 2023, 17:44
A.B
Sali Berisha
TIRANË- Mashtrimet e këshilltares së deputetes socialiste në Kuvend, Blerina Gjylametit datojnë vite më par...
Aktualitet
24 Maj 2023, 16:51
A.B
Milena Deraj
TIRANË- Milena Deraj, e arrestuar për mashtrimin ndaj disa personave që do t'i ndihmonte në një proces gjyqësor,...
Aktualitet
24 Maj 2023, 16:26
A.B
Kryeministria
TIRANË- Qeveria shqiptare ka zgjatur afatin për qëndrimin pa leje të ukrainasve në Shqipëri. Sipas VKM-së ...
Aktualitet
24 Maj 2023, 16:25
A.B
Aksident
TIRANË- Një aksident ka ndodhur ditën e sotme në kryeqytet, në 'rrugën e Kavajës'. Raportohet se një 25-vj...
Aktualitet
24 Maj 2023, 15:39
A.B
Rinas
Komisioni i Konkurrencës ka urdhëruar kompaninë koncesionare të Aeroportit të Tiranës të lejojë aksesin pa ku...
Aktualitet
24 Maj 2023, 15:32
A.B
Dallëndyshe Bici
TIRANË- Drejtoresha e Përgjithshme e Kadastrës, Dallëndyshe Bici ka reaguar pas denoncimit që u bë nda...
Aktualitet
24 Maj 2023, 15:29
m.s
Vlore
VLORË-Strukturat e Drejtorisë Vendore për Kufirin dhe Migracionin Vlorë, kanë bllokuar një mjet lundrues skaf, pasi nu...