1 Shkurt 2023, 19:16
Nga k.m.
Arbër Paplekaj dhe Pjerin Xhuvani
ELBASAN- Gjykata e Elbasanit zhvilloi këtë të mërkurë seancën e radhës ndaj Arbër Paplekajt, i akuzuar për vrasjen politike të Pjerin Xhuvanit, ngjarje e cila ndodhi vetëm 4 ditë para zgjedhjeve të 25 prillit 2021 në Elbasan. Në seancën me dyer të mbyllura që zgjati më shumë se 2 orë dëshmoi shoku i viktimës, Mehmet Greca, i cilësuar si “molla e sherrit”. Sipas detajeve që u zbuluan nga ajo që ndodhi brenda sallës së gjyqit, Mehmet Greca ka pohuar se mjeku Xhuvani, përpara se të vritej, është bllokuar nga 2 persona që nën bluzë kishin armë që dukeshin pistoleta. Mehmet Greca në fakt pohoi se viktima është vrarë pa ofenduar vrasësin dhe madje as personat e tjerë.
Për avokatin mbrojtës të familjarëve të viktimës, avokatja Rezarta Tahiraj u shpreh se dëshmia e Grecës e dëshmon situatën e të akuzuarit për vrasje.
“Dëshmia kontribuon në dhënien e një shpjegimi të qartë e logjik se në atë ditë të vrasjes ka qëlluar jo vetëm vrasësi por edhe dy persona të tjerë që gjithsesi duken që i përkasin strukturës paramilitare të mbrojtjes së votës ose bashkëpunëtorëve të tyre eventualë të jashtëm. Deklaratat e Mehmet Grecës përgënjeshtruan se vrasja ishte një reagim për ofendimet e marra nga mjeku Xhuvani. Mehmet Greca në fakt pohoi se viktima është vrarë pa ofenduar vrasësin dhe madje as personat e tjerë. Një sjellje që është në kontrast të pastër me qetësinë dhe mençurinë që do të duhej të tregonte gjithmonë një ushtarak i specializuar, edhe kur nuk e ka më atë rol sikurse ndodhi për Arbër Papjekajn,”- tha avokatja.
Ndërkohë që dëshmitari, Paolo Tupi, pronari i një servisi pranë vendit të vrasjes së Pjerin Xhuvanit, dëshmoi në sallën e gjyqit se ishte kërcënuar nga autori për t’i dhënë një automjet.
“Dëshmitari tjetër deklaroi se për t’u arratisur larg nga Elbasani vrasësi e ka kërcënuar ta vrasë me një armë nëse nuk do t’i kishte dorëzuar një automjet që e përdori më pas. Ky episode, shpjeguar në detaje nga dëshmitari që pësoi rrëmbimin e automjetit tregon përsëritjen e metodës dhe të veprimeve kërcënuese të vrasësit, gjithmonë me një armë në dorë dhe me kërcënimin për ta përdorur atë për të vrarë,”-shtoi avokatja mbrojtëse. Gjatë seancës dëshmoi edhe Julian Mata, ndërsa në seancën e radhës që pritet të mbahet më 8 shkurt, pritet që të vijojë thirrja e dëshmitarëve të tjerë.
Por në seancën e sotme ishin kërkuar që të dëshmonin 15 persona, nga të cilët iu përgjigjën thirrjes së gjykatës vetëm 2 prej tyre; njëri paraqiti raport mjekësor për mungesën e prezencës ndërsa tre të tjerë munguan me pretendimin se nuk ndodheshin fare ne Shqipëri. Duke qënë se seanca u shty, u vendos që seanca e radhës të zhvillohet në 8 shkurt.
Si ndodhi vrasja e Pjerin Xhuvanit?
Më 21 prill 2021, 4 ditë para zgjedhjeve parlamentare të 25 prillit, në Elbasan u vra Pjerin Xhuvani, përkrahës i Partisë Socialiste. Paplekaj ishte pjesë e një "SMV", strukture për Mbrojtjen e Votës e ngritur në Elbasan nga PD. Pas një sherri verbal pasi SMV dyshonte se Xhuvani ishte pjesë e një grupi që blinin vota, ndodhi vrasja ku mbeti i pajetë Xhuvani dhe u plagosën 4 persona të tjerë. Të plagosurit ishin Paulo Vuksani, Emiljano Prenga, Eltjon Bodinaku dhe Xhensila Sota. Nga dita e arrestimit deri më sot në pranga është ish-oficeri i RENEA-s, Arbër Paplekaj i cili akuzohet se qëlloi për vdekje Xhuvanin dhe dhëndrin e tij, Eltjon Bodinakun. Nuk dihet ende kush qëlloi ndaj Emiljano Prengës dhe Paulo Vuksanit, të dy ish-policë. Paplekaj, një ish efektiv i RENEA u vetëdorëzua dhe pranoi krimin duke thënë se e kishte bërë goditjen pasi ishte qëlluar më parë me armë zjarri./Dosja.al
arbër paplekaj pjerin xhuvani
Aktualitet
1 Shkurt 2023, 19:17
A.B
Spitali
ELBASAN- Etleva Cullhaj, 34-vjeçarja e cila humbi jetën një ditë më parë, disa orë pas kishte kryer abort ka n...
Aktualitet
1 Shkurt 2023, 18:40
k.m.
Rako Pupi
LUSHNJE- Një 60-vjeçar është zhdukur dhe ka humbur kontaktet me familjarët në Lushnjë. Ka humbur Rako P...
Aktualitet
1 Shkurt 2023, 18:24
f.g.
Endri Mullai, Gentian Sharra dhe Bledi Çuçi
TIRANË- Drejtori i Agjencisë së Blerjeve të Përqëndruara, dikur dre...
Aktualitet
1 Shkurt 2023, 18:21
k.m.
Pjerin Xhuvani
Sot në Gjykatën e Rrethit Gjyqësor Elbasan një dëshmitar ka kontribuar me deklarimet e tij për zgjidhjen e mis...
Aktualitet
1 Shkurt 2023, 17:59
A.B
SHKODËR- Udhëtimi me shoqërinë nuk shkoi siç ishte planifikuar. Një grup prej 5 të rinjsh kanë mbetur të blloku...
Aktualitet
1 Shkurt 2023, 17:52
A.B
Policia
SARANDË- Dorian Sulo dhe Roland Xhaferri, me detyrë Trup Shërbimi në Komisariatin e Policisë Kufitare Sarandë, j...
Aktualitet
1 Shkurt 2023, 17:45
f.g.
Jeta Deda
TIRANË- Një tender me shkelje të hapura ka vënë në lëvizje Prokurorinë e Posaçme Antikorrupsion (...
Aktualitet
1 Shkurt 2023, 17:23
A.B
Air Albania
TIRANË- Ditën e djeshme, u bë e ditur në media se kompania e udhëtimit ‘Air Albania’ është sulmu...
Aktualitet
1 Shkurt 2023, 17:14
A.B
Perfaqesuesi
TIRANË- Ditën e sotme kryeministri i vendit Edi Rama bashkë me ministren e Infrastrukturës dhe Energjitikës Belinda B...
Aktualitet
1 Shkurt 2023, 17:19
k.m.
Ben Blushi, Besjana dhe Ismail Kadare
TIRANË- Shkrimtari Ben Blushi i është përgjigjur akuzave të vajzës së Ismail Kada...