Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Vezaj thotë se kur SPAK-u vendos të sillet si "gjykatës, prokuror, polic dhe redaktor përgjegjës i lajmeve", del në pah një problem serioz jo vetëm për një gazetar por për të gjithë sistemin.
TIRANË- Gazetari Flamur Vezaj përmes një postimi në rrjetet e tij sociale ka folur lidhur me çështjen e gazetarit Elton Qyno në Gjykatën Kushtetuese. Në një nga seancat, prokurori i SPAK, Bledar Maksuti ka deklaruar se ka gazetarë që para se të publikojnë një material sekret, u kanë kërkuar leje prokurorëve. Vezaj thotë se kur SPAK-u vendos të sillet si "gjykatës, prokuror, polic dhe redaktor përgjegjës i lajmeve", del në pah një problem serioz jo vetëm për një gazetar por për të gjithë sistemin.
Ai shkruan se pas 16 muajsh hetim "për veten, prokurorët e SPAK nisën të kërkonin "informatorin" në telefonat dhe pajisjet kompjuterike të Qynos. Më tej shton se jo vetëm nuk e gjetën këtë burim informacioni, por gazetarin e futën në një dosje tjetër hetimore. Vezaj e ka cilësuar këtë si rast të paprecedentë. Teksa flet se si SPAK nisi hetimin për gazetarin, Vezaj thotë se Qyno po ndëshkohet se publikoi të vërtetën. Ndërsa për sekuestrimet e pajisjeve telefonike dhe kompjuterike, ai shprehet se është bërë për t'i mbyllur gojën.
"Le të bëjmë një krahasim të vogël. Këtu në SHBA, kur u zbuluan biseda në grup ku flitej për sulme ushtarake, plane dhe lloje armësh – dhe mes pjesëmarrësve ishte edhe një reporter – askush nuk guxoi të hetonte gazetarin. Nuk iu sekuestrua telefoni, nuk u mbajt në izolim, nuk u demonizua publikisht. Sepse këtu e kuptojnë se gazetari nuk është armik i shtetit, por një hallkë kyçe në funksionimin e demokracisë. Pushteti i katërt nuk ka nevojë për leje nga SPAK-u.", thuhet ndër të tjera në postimin e tij.
POSTIMI I PLOTË:
Fjala e Lirë, e kyçur me vendim prokurorie, Gazetari në pritje… të miratimit editorial nga SPAK
Gazetarët, që prej kohërave të hershme të profesionit, kanë kërkuar konfirmim nga prokurorët për lajmet – jo leje për t’i publikuar. Sepse leja për publikim nuk ka qenë kurrë standard profesional i gazetarisë, por zakon i servilëve. Gazetarët e vërtetë nuk kërkojnë “pëlqim”, por n djekin të vërtetën — edhe kur ajo nuk u shkon për shtat pushtetarëve të radhës.
Por kur SPAK-u vendos të sillet si gjykatës, prokuror, polic dhe… redaktor përgjegjës i lajmeve, atëherë kemi një problem serioz. Dhe ky nuk është më problem për një gazetar, por për gjithë sistemin.
Altin Dumani, Doloresa Musabelliu dhe Behar Dibra e mbajtën veten për 8 muaj nën hetim, nën pretekstin e “nxjerrjes së sekretit hetimor”, ndërkohë që ishin në konflikt të pastër interesi – ku çdo jurist fillestar e di që në raste të tilla, dosja hetimore duhet t’i kalojë një prokurorie tjetër. Por jo. Ata jo vetëm që nuk ia kaluan një tjetër prokurorie, por pas 8 muajsh ia dorëzuan “kolegëve” të tyre, sërish brenda SPAK-ut. Duke “respektuar shkeljen” e ligjit me stil.
E çfarë ndodhi? Edhe pas 16 muajsh hetim, ende asnjë masë ndaj vetes, ndaj oficerëve të policisë gjyqësore, apo ndaj prokurorëve që patën në dorë dosjen. Asnjë përpjekje për të zbuluar “informatonin” e gazetarit Elton Qyno! Dhe më qesharakja? Askush nuk e di kush i nxori informacionet nga SPAK që Qyno i publikoi! Apo ndoshta të gjithë e dinë, por askush s’e thotë.
Ndërkohë, vetë SPAK pretendon se “po kërkonte burimin” e rrjedhjes së informacionit në mjetet e punës së gazetarit. Por në vend që të gjejë burimin, materialet e “zbuluara” në telefonat e gazetarit Qyno u futën në një dosje tjetër hetimore! Jo për të hetuar rrjedhjen, por për të ndëshkuar gazetarin. Rasti i paprecedent!
Po çfarë bëri Qyno që meritoi gjithë këtë ndëshkim? Publikoi biseda të siguruara përmes SKY ECC, po nga SPAK-u vetë – biseda që nxirrnin në shesh gënjeshtrat e Nuredin Dumanit, i ashtuquajturi “i penduar i artë”. Ajo që ai kishte deklaruar para prokurorëve nuk përputhej me atë që kishte thënë vetë në komunikimet e SKY. Në çdo vend normal, kjo do të ngjallte një hetim për dëshmitar të rremë. Në Shqipëri? Jo, këtu ndëshkohet gazetari që e nxori zbuluar. Pra, Qyno publikoi të vërtetën – dhe kjo ishte e papranueshme për prokurorët.
Dhe si u hakmorën? E futën Qynon për 8 orë në SPAK, me kontroll trupor, banese, makine, zyre, telefoni, kompjuteri i punës… madje kontrolluan edhe lodrat e fëmijëve. Të gjitha ia sekuestruan në emër të “dyshimit”, por qëllimi ishte i qartë: t’i mbyllnin gojën.
Ndërkohë, shoqatat e gazetarëve – që janë me tepricë në letra për projekte – zgjodhën heshtjen me zë të lartë. Përjashtim bëri vetëm Aleksandër Çipa, që u paraqit në Gjykatën Kushtetuese. Ndërsa pjesa tjetër e shoqatave dhe gazetarëve, të mbushura me diploma nderi dhe aktivitete sterile, u fshehën pas kolltukut të korrektësisë politike apo “sekretit profesional” të heshtjes individuale e institucionale.
Le të bëjmë një krahasim të vogël. Këtu në SHBA, kur u zbuluan biseda në grup ku flitej për sulme ushtarake, plane dhe lloje armësh – dhe mes pjesëmarrësve ishte edhe një reporter – askush nuk guxoi të hetonte gazetarin. Nuk iu sekuestrua telefoni, nuk u mbajt në izolim, nuk u demonizua publikisht. Sepse këtu e kuptojnë se gazetari nuk është armik i shtetit, por një hallkë kyçe në funksionimin e demokracisë.
Pushteti i katërt nuk ka nevojë për leje nga SPAK-u. Në fund të ditës, ky proces në Gjykatën Kushtetuese nuk është thjesht një çështje procedurale. Është testi që do të tregojë nëse drejtësia shqiptare është pjekur mjaftueshëm për të kuptuar kufijtë e vet. SPAK nuk është pushteti i tretë. As pushtet më vete. Dhe me siguri nuk është redaksia që vendos çfarë botohet e çfarë jo.
Media është pushteti i katërt. Dhe fjala e lirë nuk është një luks që ta jep një prokuror kur ka kohë të mirë. Është një e drejtë kushtetuese, që nuk varet nga dëshira e askujt – as nga SPAK, e as nga Altin Dumani dhe “ekspertët” e tij!
foto ilustruese FIER- Drejtori i Policisë Bashkiake në qytetin e Fierit, Arben Dimo e ka shfrenuar gjuhën me një koment që ai ka b...
Altin Dumani FIER- Në Prokurorinë Fier u zhvillua takimi mes Drejtuesit të Prokurorisë së Posaçme, Altin Dumani&n...
porti i shengjinit SHËNGJIN- Anija me 40 emigrantë nga Italia ka mbërritur në Portin e Shëngjinit. Ata ishin parashikuar të ...
Protesta TIRANA- Një grup shoqatash kryesisht të besimtarëve myslimanë shqiptarë kanë protestuar sot para Parlamentit, p...
spak TIRANË- Prokuroria e Posaçme ka çuar për gjykim në Gjykatën e Posaçme, 27 të pandehur, të akuzuar s...
komisariati nr 2 TIRANË- Ndryshime të reja raportohet se kanë ndodhur në komisariatet e kryeqytetit. Lëvizjet e fundit lidhen me d...
foto ilustruese PRISHTINË- Një numër qytetarësh kanë protestuar në Prishtinë kundër shtrenjtimit të rrymë...
Ilarias Sula ITALI- Familjarët e Ilarias Sulës, po kërkojnë drejtësi dhe të zbardhet e vërteta e krimit si edhe per...
Policia DURRËS- Një 19-vjeçar është arrestuar ditën e sotme në qytetin e Durrësit si rezultar i vazhdimë...
Foto ilustruese ZVICËR- Një ngjarje e rëndë është regjistruar në një fshat të Zvicrës. Dy trupa të p...
