Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Ai tha se policia ka zbuluar një tunel në lagjen “Skënderbeg" ku gjetur dhe sekuestruar 65.5 kilogramë marijuanë të përpunuar në formë çokollate.
SHKODRA- Drejtori i Drejtorisë Vendore të Policisë Shkodër ka dalë sot në një konferencë për shtyp ku ka folur në lidhje me asgjësimin e 19 mijë fidanëve, 2 mijë farave dhe sekuestrimin e 97 kilogramëve kanabis, gjatë fillimit të operacionit kombëtar të koduar “Territor i pastër”. Ai tha se policia ka zbuluar një tunel në lagjen “Skënderbeg" ku gjetur dhe sekuestruar 65.5 kilogramë marijuanë të përpunuar në formë çokollate.
Drejtori bëri me dije se lidhur me rastin janë shpallur në kërkim 2 persona, të identifikuar me inicialet N.M 42-vjeç dhe B. M, 37-vjeç. Ai shtoi se nga hetimet rezulton se këta dy persona, në bashkëpunim me njëri-tjetrin dhe një grup personash të tjerë dyshohet se janë implikuar në aktivitetin kriminal të prodhimit dhe shitjes së kanabisit në qarkun e Shkodrës. Drejtori u bëri thirrje qytetarëve që të denoncojnë çdo rast të paligjshmërisë në cilëndo fushë që ajo shfaqet dhe konstatohet.
Fjala e Drejtorit të Drejtorisë Vendore të Policisë Shkodër në konferencë:
Jam sot këtu së bashku me stafin tim për të bërë prezent rezultatet e punës në kuadër të operacionit policor kombëtar antikanabis të koduar "Territor i pastër” i cili ka nisur që prej fillimit të kësaj jave nga Shkodra.
Gjithashtu nëpërmjet jush dua të komunikoj me qytetarët e qarkut Shkodër, për sensibilizimin e tyre me qëllim bashkëpunimin akoma më shumë me Policinë për të denoncuar cdo rast të tentativës për kultivim të kanabisit por dhe të çdo paligjshmërie tjetër.
Strukturat e Drejtorisë Vendore të Policisë Shkodër në zbatim të detyrave të përcaktuara në planin operacional “Territor i pastër”, të miratuar nga Drejtori i Përgjithshëm i Policisë së Shtetit për marrjen e masave parandaluese dhe operacionale ndaj tentativave për kultivim, prodhim, shitje e trafikim të kanabisit, prej një jave ka nisur operacionet e kontrollit në terren. Bazuar në inteligjencën policore dhe si rezultat i kontrollit masiv të territorit, mbështetur nga Drejtoria e Përgjithshme e Policisë së Shtetit me mjete të kalueshmërisë së lartë me pajisje logjistike, kryesisht dronë të cilësisë së lartë, është bërë i mundur evidentimi i 11 rasteve të tentativave për të kultivuar kanabis në vende të ndryshme të territorit të qarkut Shkodër.
Për 11 raste janë evidentuar dhe asgjësuar 19300 fidanë kanabis të kultivuar në kubikë, vazo dhe në tokë, në Malësi të Madhe, Vau i Dejës, Njësitë Adminsitrative të Bashkisë Shkodër, dhe janë sekuestruar 2160 fara kanabisi. Për këto raste nga strukturat hetimore të Drejtorisë Vendore të Policisë Shkodër, Komisariateve në varësi të saj nën drejtimin e Prokurorisë së Juridiksionit të Përgjithshëm Shkodër si dhe për disa raste me SPAK, vijojnë hetimet proaktive për persona dhe grupe kriminale që organizojnë këtë veprimtari kriminale. Po në zbatim të detyrave të përcaktuara në planin operacional kombëtar “Territor i pastër” dhe "Tempulli 2", gjatë orëve të fundit është siguruar informacion për një tentativë për trafikim të një sasie të konsiderueshme e dyshuar marijuanë të përpunuar në formë çokollate dhe në formë boçeje.
Strukturat e Hetimit në Drejtorinë Vendore, strukturat Operacionale dhe ato Shqiponja kanë ndërhyrë në lagjen “Skënderbeg”, Shkodër në një ambient të përshtatur me tunel për të fshehur lëndën narkotike dhe gjatë kontrollit në tunel kanë gjetur dhe sekuestruar 65.5 kilogramë marijuanë të përpunuar në formë çokollate. Në vijim të operacionit në brendësi të një automejti tip furgon të parkuar afër të këtij ambienti, u gjetën dhe u sekuestruan 31.5 kilogramë kanabis në formë boçe dhe një sasi municioni luftarak. Në momentin e ndërhyrjes nuk janë kosntatuar personat e dyshuar por nga hetimet paraprake është bërë shpallja në kërkim e dy shtetasve si autorë të dyshuar të këtij rasti dhe konkretisht shtetasit N. M., 42 vjeç dhe B. M., 37 vjec, lindur në fshatin "Ura e Shtrenjtë" dhe banues në Shkodër, për të cilët vijon puna për kapjen e tyre.
Po nga hetimet rezulton se këta dy shtetas në bashkëpunim me njëri-tjetrin dhe një grup personash të tjerë dyshohet se janë implikuar në aktivitetin kriminal të prodhimit dhe shitjes së kanabisit në qarkun e Shkodrës.
Gjatë katër mujorit të parë të këtij viti janë evidentuar dhe asgjësuar rreth 51 mijë fidanë kanabis, baza logjistike për rastet e evidentuara, janë sekuestruar rreth 10 mijë fara, 170 kilogramë kanabis, e sende të tjera që shërbenin për kultivim, dhe prodhime shitje të tij. Janë arrestuar, ndaluar e proceduar 61 shtetas ndërkohë që vijojnë hetimet e thelluara për dhjetëra shtetas të tjerë dhe grupe kriminale për rastet e evidentuara gjatë kësaj jave. Duke përfituar nga rasti dua ti drejtohem qytetarëve që duan dhe zbatojnë ligjin, që duan që fëmijët e tyre të jenë të sigurtë në rrugë, në shkollë dhe të mos kërcënohen nga rreziku i përdorimit të lëndëve narkotike apo të përfshirjes në shpërndarje të lëndëve narkotike:
Besoni dhe bashkëpunoni më shumë me Policinë e Shtetit, ne jemi në shërbimin tuaj dhe të zbatimit të ligjit, ndihma e mbështetja juaj e bën më të lehtë përmbushjen e misionit tonë. Denonconi çdo rast të paligjshmërisë në cilëndo fushë që ajo shfaqet dhe konstatohet nga ana juaj. Një thirrje dhe apel edhe për ata banorë që gënjehen nga persona apo grupe kriminale duke rënë pre e tyre për tu përfshirë në aktivitetin kriminal të kultivimit, prodhimit dhe shitjes së lëndëve narkotike, që të tregohen të kujdesshëm dhe të denoncojnë çdo indicje për ushtrim të kësaj veprimtarie kriminale.
Drejtoria Vendore e Policisë Shkodër me mbështejten e Drejtorisë së Përgjithshme të Polcisë së Shtetit është e vendosur për të goditur çdo fenomen kriminal që shfaqet dhe për këtë në ditët në vijim do të intensifikojmë kontrollet në territor, në ambiente të mbyllura ku mund të kulftivohet kanabis me anë të llambave. Gjithashtu dua të siguroj qyetarët se Policia e Qarkut Shkodër është tërësisht e angazhuar për të garantuar rendin e sigurinë, për të zbatuar masat e paketës së sigurisë në shkolla dhe për të forcuar bashkëpunimin me agjencitë e zbatimit të ligjit me qëllim parandalimin, evidentimin dhe goditjen e krimit në përgjithësi dhe të krimit të organizuar në veçanti.
Foto ilustruese TIRANA- Interneti ka qenë një ndër shpikjet më të rëndësishme në historinë e njeriut dhe nd&eu...
Foto ilustruese TIRANA- Viti 2023 theu rekord në numër vizitorësh, që kaluan 10 milionë për Shqipërinë. Përjas...
Foto ilustruese TIRANA- Në çdo tryezë me bashkëpunëtorë, klientë, kolegë apo miq, përballem me të nj&eu...
Foto ilustruese TIRANA- Ditën e sotme moti pritet të jetë me kthjellime dhe vranësira të cilat do të vijnë në zhvil...
Pamje nga vendngjarja TIRANË - Një makinë është përfshirë nga flakët mbrëmjen e sotme në Tiranë teks...
Bombardimi UKRAINË - Qeveria shqiptare ka nisur përpjekjet të dokumentojë me prova ligjore, shkatërrimin e Konsullatës Shqipt...
Foto ilustruese SHQIPËRI - Shqipëria arriti të tërheqë vitin e kaluar një shifër rekord turistësh, prej më shu...
Pamje nga grabitja VLORË - Policia ka arrestuar personin që grabiti një ditë më parë një çift italian në zon...
Takimi TIRANË- Përfaqësues të Visegrad Vet+ perbërë nga Urdhra të Mjekëve Veterinarë nga vendet e Evropës...
Foto ilustruese DURRËS - Qindra pensionistë në Durrës nuk kanë mundësi çlodhjeje dhe argëtimi...
