Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Disa muaj më parë, një emision investigativ shqiptar, ngriti dyshime të forta se shoqëria “Apetit Group” në Kosovë importonte mish nga vendi i Amerikës Latine dhe më tej e eksportonte në Shqipëri, pasi më parë i ndryshonte etiketën dhe e shënonte si produkt kosovar.
TIRANË- Drejtoria e Përgjithshme e Doganave nuk ka kryer asnjë verifikim për një skemë të dyshuar kontrabandimi të qindra mijëra kilogramë mish të Brazilit në Shqipëri, nëpërmjet falsifikimit të vendit të origjinës në Kosovë.
Disa muaj më parë, një emision investigativ shqiptar, ngriti dyshime të forta se shoqëria “Apetit Group” në Kosovë importonte mish nga vendi i Amerikës Latine dhe më tej e eksportonte në Shqipëri, pasi më parë i ndryshonte etiketën dhe e shënonte si produkt kosovar.
Skema e dyshuar, përveçse është shumë shqetësuese për shëndetin, përbën edhe një rast të shmangies së detyrimeve doganore.
Shqipëria dhe Kosova nuk kanë taksë doganore për produktet që importojnë tek njëri-tjetri. Por, taksa doganore aplikohet në rastet, kur, fjala vjen, Shqipëria importon mallra e produkte nga një vend i tretë dhe më tej i eksporton në Kosovë dhe anasjelltas.
Në emisionin investigativ “Stop” u sollën raste konkrete, se si një sasi prej të paktën 1 mijë kilogramë mish Brazili u soll në Shqipëri nga “Apetit Group” si produkt i Kosovës. Në pamjet e emisionit u shfaqën copat e filetos të paketuara në qese plastmasi dhe, të gjitha të prera në një pozicion të caktuar, ku dyshohet se më parë ka qenë etiketa e vendit të origjinës, Brazilit.
Megjithatë, administrata doganore shqiptare, nën drejtimin e Gent Gazhelit, në rastin më të mirë, duket se ka qëndruar tërësisht indiferente për të verifikuar këtë skandal të dyshuar dhe përmasat e tij.
“Boldnews.al” e pyeti Drejtorinë e Përgjithshme të Doganave nëse ka nisur ndonjë verifikim për këtë situatë dhe cilat janë rezultatet e mundshme.
Përfaqësuesi e drejtorit Gent Gazheli iu përgjigjën redaksisë, duke e orientuar që informacionin për zhdoganimet e produkteve të kafshëve të gjalla ta kërkonin pranë institucioneve të përgjegjësisë ushqimore, më konkretisht pranë Autoritetit Kombëtar të Ushqimit (AKU).
“Bazuar në legjislacionin kombëtar: Import/eksport” është hyrja dhe/ose dalja fizike e ngarkesave, që i nënshtrohen kontrollit veterinar në territorin e Republikës së Shqipërisë, përmes pikave të miratuara të inspektimit kufitar. Importi, eksporti dhe transiti i dërgesave me kafshë të gjalla, produkteve mjekësore veterinare, produkteve embrionale të kafshëve, produkteve me origjinë shtazore,etj lejohen vetëm në pikat e inspektimit kufitar (PIK) dhe i nënshtrohen kontrollit veterinar nga inspektorët veterinarë të kufirit”, deklaron Drejtoria e Doganave për “Boldnews.al”
Në përgjigjen e saj, Drejtoria e Doganave ka devijuar tërësisht nga pyetja. Interesi mediatik kundrejt këtij institucioni lidhej me taksën doganore, e dyshuar si e shmangur.
Kjo shmangie nga përgjegjësia krijon dyshimet se Dogana e drejtuar nga Gent Gazheli po tenton të fshehë dhe të mbulojë skandalin e dyshuar me produktit ushqimor.
Nga ana tjetër, Drejtoria e Përgjithshme e Doganave u fsheh nën parimin e konfidencialitetit, për t’iu përgjigjur interesit të “Boldnews.al” se cilat janë kompanitë shqiptare që kanë importuar mish nga subjekti “Apetit Group” në Kosovë.
“Çdo informacion i marrë nga autoritetet doganore gjatë kryerjes së detyrave të tyre, i cili është i një natyre konfidenciale ose që është marrë në mënyrë konfidenciale, mbulohet nga kushti i sekretit profesional. Me përjashtim të rasteve të parashikuara në pikën 2, të nenit 48, ky informacion nuk jepet nga autoritetet kompetente doganore, pa lejen e shprehur të personit ose autoritetit që e ka dhënë atë”, thotë Drejtoria e Përgjithshme e Doganave.
Megjithatë, “Boldnews.al” ka siguruar listën e subjekteve shqiptare që kanë importuar mish për vitin 2023 nga “Apetit Group” në Kosovë.
Lista përbëhet nga 12 subjekte, kur përfshihen edhe kompani të rëndësishme në tregun shqiptar. Sasia e mishit të importuar për vitin 2023 nga “Apetit Group” është saktësisht 598.702 kilogramë mish (afërsisht 600 ton).
Gjithashtu, të dhënat e siguruara nga redaksia, dëshmojnë se aktiviteti i importit të mishit “kosovar”, por i dyshuar si nga Brazili, prej “Apetit Group” drejt kompanive shqiptare, ka vijuar pa ndalim edhe gjatë vitit 2024. Këto të dhëna po përpunohen nga redaksia.
Kompania “Apetit Group”, e cila operon prej vitesh në Kosovë, mohoi gjetjet e emisionit investigativ, në një deklaratë të lëshuar disa muaj më parë. Shoqëria private deklaroi se produkti i importuar në Shqipëri është mish nga gjedhët e Kosovës.
Këto qëndrime deklarative të kompanisë nuk janë konfirmuar nga Doganat Shqiptare pasi, siç u pranua për “Boldnews.al”, nuk duket se kanë kryer ndonjë verifikim për origjinën e vërtetë të mishit të importuar në vendin tonë nga “Apetit Group”./BoldNews.al
Foto ilustruese TIRANË - Gjykata e Posaçme ka caktuar vazhdimin e masës së sigurisë "arrest me burg" për 30-vjeçarin...
SPAK TIRANË- Pjestarët e stafit të Universitetit Bujqësor të Tiranës janë paraqitur ditën e sotme në...
Ekstradim TIRANË - Një 30-vjeçar i akuzuar për prodhim të lëndëve narkotike, është ekstraduar nga Madridi n&...
Foto ilustruese TIRANË - Një 45-vjeçar i dënuar në Itali për disa vepra penale është arrestuar nga Policia në...
Foto ilustruese MIRDITË - Një 15-vjeçar është arrestuar nga Policia në Mirditë pasi është kapur duke transpo...
Aksidenti ELBASAN - Tre nga pesë të plagosurit e aksidentit tragjik që ndodhi një ditë më parë në aksin Peqin-Elbas...
Foto ilustruese ELBASAN - Prokuroria e Elbasanit ka dërguar për gjykim Sokol Mjacajn autor i vrasjes së Arben Lleshit, ngjarje e ndodhu...
Foto ilustruese TIRANË - Fillimisht një bazë ushtarake për regjimin komunist të Enver Oxhës, më pas një post&e...
Foto ilustruese TIRANË - Shërbimi Meteorologjik Ushtarak bëri të ditur se ditën e hënë vendi ynë do të ndikohe...
Kastriot Ismailaj TIRANË- Gjykata Kushtetuese ka vendosur të kalojë në seancë plenare dhe të shqyrtojë në...
