Përshkallëzohet situata në Lindjen e Mesme/ SHBA vijon bombardimet, Irani përgjigjet me sulme në shtetet e Gjirit
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Atentati në Sarandë/ Si u organizua sulmi ndaj 50-vjeçarit, dyshimet për arratisjen me skaf 18 Korrik, 10:00 ...
Shkelje procedurash, favorizim dhe paracaktim OJF-sh ose individësh që janë shpallur fitues dhe fallsifikim dokumentesh – sidomos këto e kanë shkatërruar procesin e ndarjes së përdorimit të parave publike, duke rikonfirmuar shqetësimin e shtuar brenda dhe jashtë Shqipërisë për instalimin e korrupsionit dhe vjedhjes së fondeve publike.
Ministrja e Kulturës Elva Margariti shikohet si e para anëtare e qeverisë, të cilën siç ka paralajmëruar vetë kryeministri Edi Rama “do ta kapi për veshi dhe do ja dorëzojë SPAK-ut”. Zonja Margariti është futur në telashe shumë të mëdha nga tenderi me fondin publik 1.3 milion dollarë, ose 140.364.600 Lekë, akorduar nga buxheti i shtetit për projektet kulturore të vitit 2022.
Shkelje procedurash, favorizim dhe paracaktim OJF-sh ose individësh që janë shpallur fitues dhe fallsifikim dokumentesh – sidomos këto e kanë shkatërruar procesin e ndarjes së përdorimit të parave publike, duke rikonfirmuar shqetësimin e shtuar brenda dhe jashtë Shqipërisë për instalimin e korrupsionit dhe vjedhjes së fondeve publike.
Fallsifikim në procedurë
Thirrja për projektet kulturore të vitit 2022 është shoqëruar që në fillim me shkelje procedurash. Dosja.al po e monitoron procesin që nga fundi i vitit 2021, kur në faqen zyrtare online të Ministrisë së Kulturës u shpall Thirrja për projekte drejtuar OJF-ve dhe individëve. Dosja.al ka denoncuar dhe fallsifikimin që ka bërë zyra e IT-së së Ministrisë (sigurisht e urdhëruar nga eprorët), kur ka publikuar një njoftim për shtyrjen e shpalljes së projekteve fituese. Njoftimi u vendos sikur ishte shkarkuar në website më datë 31 janar 2022, por në fakt publikimi është bërë më datë 4 shkurt 2022.
Në kohët e sotme, ky manovrim që ka bërë Ministria është lehtësisht i verifikueshëm. Edhe pas disa viteve gjurma e fallsifikimit nuk fshihet, dhe autori (autorët) do të mbajnë përgjegjësi penale, pasi kanë ndërhyrë në një procedurë përdorimi të fondeve publike.
Nuk zbatohet ligji për të drejtën e informimit
Dosja.al ka kërkuar prej 4 muajsh nga Ministria sqarime për këtë tender (kërkesa zyrtare mban datën 14 shkurt 2022 dhe është regjistruar me nr. 425172), si dhe për aspekte të tjera proceduriale.
Dosja.al në kërkesën zyrtare (për të cilën ka vënë në dijeni dhe Komisionerin për të Drejtën e Informimit) ka drejtuar 4 pyetje konkrete, për të cilat, ende tani pas 4 muajve nuk ka marrë përgjigje konkrete.
Ministria e Kulturës ndoqi stilin e disa institucioneve publike që për kërkesat për informacion gjithmonë japin përgjigje, thjesht sa për të thënë, që t’i shpëtojnë kërkesave të ligjit për të drejtën e informimit. Kështu veproi dhe Ministria e Kulturës, kur në përgjigjen e saj ose kishte informacion që nuk i ishte kërkuar fare, ose i duhej ende kohë për përgjigje për një pjesë të informacionit, me shpjegimin se “ka çështje në proces”.
Nga 2 marsi 2022, kur mbërriti kjo e ashtuquajtur përgjigje dhe ende deri më sot nuk ka informacion nga Ministria e Kulturës, pavarësisht se Dosja.al i ka dërguar periodikisht mesazhe ministres se duhet të zbatojë ligjin për të drejtë e informimit.
Ministria nuk pranon të bëjë transparente shpërndarjen gjeografike të projekteve fituese. OJF-të dhe individët nga cila bashki janë? Ku janë shpërndarë fondet publike? Sigurisht që mes fituesve ka OJF dhe individë që e meritojnë marrjen e fondeve. Por në listë janë dhe nga ata që fitojnë çdo vit para për projekte, madje ata rrëmbejnë “pjesën e luanit”, me buxhete të fryra dhe jorealiste.
Harta e fituesve të Thirrjes për projekte 2022 ngjan si një hartë elektorale, ku janë lënë pas dore, ose ju janë akorduar “thërrime” disa prej bashkive. Ndaj dhe Ministria nuk i përgjigjet ende Dosja.al se ku konkretisht janë shpërndarë 1.3 milion dollarët.
Nuk po i përgjigjet ende se sa fonde kanë marrë konkretisht fituesit, duke fshehur mekanizmin e favorizimit dhe dispropocionit për fituesit “e rregullt” të parave publike.
Tender pa procedurë shqyrtimi të ankesave
Ka pasur subjekte konkurruese që kanë bërë ankesë për vlerësimin e Kolegjiumit të Ministrisë. Por procesi i ankimimit ka qenë i paparashikuar në udhëzuesin e Thirrjes për projekte 2022. Nuk ka qenë parashikuar as afati kohor për bërjen e ankesës, as afati kohor për shqyrtimin e ankesës.
Kjo magësi ka injoruar ankesat ose i ka dhënë kompetenca jo ligjore Kolegjiumit që vlerësonte projektet. Që do të thotë se Kolegjiumi hartoi listën e fituesve, dhe po Kolegjiumi shqyrtonte pretendimet e atyre që kishin ankesë për rezultatin.
Në udhëzimin e Thirrjes për projekte nuk kishte të parashikuar asnjë mënyrë vlerësimi për projektet e paraqitura nga OJF-të dhe individët. Nuk kishte asnjë sistem pikëzimi, që e bënte konkret nivelin e suksesit ose të mossuksesit të një projekt propozimi të ofruar. Që nuk bënte dallim për projektet, duke mos i rankuar nga i para te e fundit.
Këto elementë kanë sjellë favorizim dhe paracaktim të disa prej fituesve të Thirrjes 2022. Këtë amulli po shfrytëzon Ministria e Kulturës që të përligji një proces të kompromentuar, Ndaj dhe po injorohet kërkesa e Dosja.al për informacion dhe transparencë.
Ne ja kemi bërë të qartë znj. Margariti në mesazhet që i kemi dërguar periodikisht se: “Ju dhe administrata që drejtoni ka detyrë të zbatojë ligjin, jo për një fond 1.3 milion dollarë, por dhe për 130 dollarë, sepse në përdorimin e këtyre fondeve ju jeni thjesht menaxhere dhe jo pronarë të tyre”.
Ministria e Kulturës po dredhon dhe po përpiqet të fitojë kohë me procedurat e një fondi publik prej 1.3 milion dollarësh. Por gjithçka është në Ministri, çdo fletë aplikimi nga konkurrentët e fituesit, çdo udhëzim, çdo procedurë e vendimarrje e Kolegjiumit vlerësues të projekteve, çdo gjurmë në publikimin online të njoftimeve në website.
Për SPAK-un nxjerrja e së vërtetës së hidhur të këtij tenderi është një angazhim vetëm në dy ose tri ditë. Kjo edhe sepse vetë punonjësit e Ministrisë do të fillojnë të tregojnë mëkatet e kolegëve të tyre me paratë publike, për të shpëtuar nga ndëshkimi i ligjit.
Është bërë aq zullum, sa kryeministri Rama, do të duhet ta mbajë fjalën që ka thënë publikisht për anëtarët e kabinetit të tij se ndonjërin prej tyre “do ta kapi për veshi dhe do ja dorëzojë SPAK-ut”.
Tani për tani mund të mendohet se znj. Margariti është te pjesa “margaritare” e qeverisë, por z, Rama e ka treguar jo njëherë se për pushtetin e tij nuk i dhimbset askush.
Pyetjet e Dosja.al prej datës 14 shkurt 2022
1. Cilat janë vlerat konkrete financiare që ka përfituar secili subjekt (ojf dhe individë) nga përdorimi i fondit publik për projektet kulturore 2022? Na dërgoni vlerën për secilin.
2. Për fituesit e Thirrjes (ojf ose individë) na jepni informacion mbi bashkinë ku janë regjistruar për aktivitetin (për ojf-te), apo ku banojnë (për individët)? Nga tabela që ju keni shpallur në faqen zyrtare ky tregues nuk identifikohet mirë, por insitucioni që drejtoni ka të gjitha dosjet e aplikimit, ku përfshihen dhe të dhëna te sakta për vendodhjen e secilit propozues (ojf ose individ).
3. Dosja.al ka konstatuar se Ministria e Kulturës ka publikuar në faqen zyrtare një njoftim, mbi Thirrjen e projekteve kulturore 2022, me datë të fallsifikuar. Publikimi është bërë faktikisht me datë 04.02.2022, kurse ju e keni pasqyruar në faqe sikur është bërë më datë 31.01.2022. A ka masë displinore ndaj këtij fallsifikimi? Nëse ka masa të marra nga institucioni, na paraqisni dokumente mbi shqyrtimin apo të vendimarrjes për shkatarin (shkaktarët)?
4. Cilët ishin anëtarët e komisionit vlerësues të Thirrjes për projekte 2022? Na dërgoni dokumentin e vendimarrjes për ngritjen e komisionit.
Dosja.al
Enkelejda Hoxha TIRANË- Gjykata e posaçme e Apelit ka liruar nga qelia ish-gjyqtaren e Krujës Enkelejda Hoxha dhe sekretaren e gjykatë...
Aleksander sadikaj TIRANË- Ditën e djeshme u ekzekutua në një atentat mafioz 27-vjeçari nga Memaliaj Aleksandër Sadikaj tek...
Foto Ilustruese TIRANË-Arrestohet një 44-vjeçar i identifikuar me inicialet D.D., banues në Tiranë, pasi ju gjetë q&e...
Foto Ilustruese TIRANË- Policia e Tiranës ka vënë në [ranga një 46-vjeçar i cili ushtronte dhunë ndaj bashkë...
atentati ndaj Sadikaj TIRANË- Detaje të reja janë zbuluar nga atentati i djeshëm ku u ekzekutua 27-vjeçari nga Memaliaj Aleksand...
Foto ilustruese TIRANË- 25 operacione policore janë zhvilluar këtë javë në të gjithë vendin tonë. Gjat&eu...
Droga ne peru PERU- Policia e antidrogë e Perusë kapi 2.2 ton kokainë që do të dërgohej nga deti në Holandë të...
Agim Kajmaku TIRANË- Ditën e djeshme u bë publik lajmi se ish-kryebashkiaku i Vorës Agim Kajmaku është arrestuar në...
Agim Kajmaku ITALI- Detaje të reja zbulohen nga arrestimi i ish-kryebashkiakut të Vorës Agim Kajmaku në Itali për posedim dhe traf...
Agim Kajmaku ITALI- Ish-kryebashkiaku i Vorës, Agim Kajmaku është arrestuar disa ditë më parë në Itali pasi &e...
