Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Në rrjetën e përgjimeve dhe vëzhgimeve në teren, ka qënë dhe prokurori i Elbasanit, Arbër Berexha, i cili ka pasur një komunikim me oficerin Çelnik Toska, duke e urdhëruar këtë të fundit që mos lironte nga komisariati makinën e bllokuar me dru, pa pasur një urdhër-lirimi, të firmosur nga prokurori i çështjes.
TIRANË- Arrestimi i dy inspektorëve të policisë së Elbasanit Çelnik Toska dhe Sefer Shukën, lindi si pasojë e kryerjes së përgjimeve për një çështje droge, e cila po ndiqej nga prokuroria e Elbasanit.
Në rrjetën e përgjimeve dhe vëzhgimeve në teren, ka qënë dhe prokurori i Elbasanit, Arbër Berexha, i cili ka pasur një komunikim me oficerin Çelnik Toska, duke e urdhëruar këtë të fundit që mos lironte nga komisariati makinën e bllokuar me dru, pa pasur një urdhër-lirimi, të firmosur nga prokurori i çështjes.
“Ora News” ka siguruar të plotë dosjen e gjykatës, ku në vendimin prej 53 fletë jepet një tablo e qartë e përpjekjeve të sekserëve dhe oficerëve të policisë, për lirimin e një kamioni tip “Mitsubishi”, i cili ishte ngarkuar me dru, por qe kapur nga policia e Gramshit.
Referuar dosjes hetimore çështja penale në SPAK, që çoi në ndalimin e Çelnik Toskës, sekserit Lulzim Hasa me pseudonimin “Brava”, Sefer Shukës dhe babë e bir, Lirian dhe Zenel Taragjini, ka lindur nga një informacion që oficeri i përgjimeve në Prokurorinë e Përgjithshme, ka çuar në SPAK.
Oficeri ka informuar prokurorët e SPAK, se ishte duke kryer përgjime për dosjen penale me Nr.1407, e cila flet për kultivim të lëndëve narkotike. Kur gjatë bisedave të përgjuara, njëri nga personat ka përmendur faktin se për lirimin e një makine të kapur me dru, kishte dhënë 1 milion lekë të vjetra.
Këto para janë paguar 500 mijë lekë të vjetra për prokurorin e çështjes dhe pjesa tjetër do jepej në forma të ndryshme, duke e paguar me mish.
Kjo bisedë e përgjuar në fillim të muajit nëntor 2022 kryhet mes Zenel Taragjinit pronarit të makinës dhe një personi tjetër që posedon numrin +839.Taragjini i shprehet personit se:
”…për nxjerjen e makinës nga komisariati kam dhënë 1 milion lekë. 500 mijë lekë janë dhënë për prokurorin e çështjes, ndërsa 500 të tjera do të jepen në formë tjetër, duke therur ndonjë bagëti për mish…”.
Në fakt sasinë e mishit e ka marë oficeri i policisë Çelnik Toska, i cili në 8 dhjetor 2022 ka marë në ambjentet e lokal “Champion” në Elbasan, sasinë e mishit të futur në një thas të bardhë me vija rozë. Sasia e mishit i është dorëzuar oficerit të policisë, nga i hetuari Zenel Taragjini.
Mbi bazën e këtij informacioni SPAK, në muajin Nnëtor 2022 ka nisur hetimet duke vënë në përgjim dhe survejim, oficerët e policisë së Elbasanit, babë e bir Taragjini, sekserin Lulzim Hasa dhe vetë prokurorin e çështjes në Elbasan, Arbër Berexha.
Në datën 15 nëntor 2022, Zenel Taragjini ka komunikuar me Lulzim Hasa ose “Brava” dhe midis tyre është zhvilluar kjo bisedë me përbajtje e mëposhtme si vijon, duke kuptuar se Lulzimi ka shkuar në prokurorinë e Elbasanit dhe ishte interesuar për prezencën e prokurorit të çështje:
Lulzim Hasa: O Zenel.
Zenel Taragjini: Si je, mos je i zënë?
Lulzim Hasa: Mirë, mirë, jo jo i zënë isha unë po.. ai s’ka ardhur se këtu jam…seminar nuk vika sot....
Zenel Taragjini: Po kur vjen?
Lulzim Hasa: I lashë numrin, i lashë numrin që të më marri…
Zenel Taragjini: A bëhet këtë javë o burrë?
Lulzim Hasa: Po po po po po.. rri rehat…
Zenel Taragjini: Më merr në telefon dhe të vij direkt pastaj.
Lulzim Hasa: Eh do të marr unë në telefon.. se ku e dija unë që seminar.. ça ti bëja.
Zenel Taragjini: mirë mirë unë prandaj thashë se thashë se…
Lulzim Hasa: Po po rri i qetë..rri i qetë..rri i qetë…
Zenel Taragjini: Të pashë kur ike…
Lulzim Hasa: Hë më pe ti mua?
Zenel Taragjini: Po të pashë ishe me, aty matanë Cerrikut më duket…
Lulzim Hasa: Po po po mirë.. hajde shëndet mirupafshim.
Zenel Taragjini: Hajt dëgjohemi.
Nga përmbajtja e bisedës më sipër, krijohet dyshimi i arsyeshëm se shuma monetare e përmendur në bisedat e mëparshme nga të hetuarit Lirian dhe Zenel, prej 500 mijë lekësh i është dhënë Lulzim Hasa, me qëllim që ky i fundit të sigurojë nxjerrjen e makinës së sekuetruar. Ai e siguron që të rrijë i qetë, duke i s’qaruar se atë ditë prokurori i dosjes ndodhej në një seminar dhe jo në ambjentete punës.
Ndërkohë në datën 7 janar 2023, Lirian Taragjini bisedon në telefon me gruan e tij. Ka kaluar shumë kohë dhe sërisht ai makinën nuk e kishte marë nga policia, megjithëse pretendonte se kishte paguar 1 milion lekë përfshirë këtu dhe sasinë e mishit. Në bisedë, Liriani i shprehet gruas së tij se do shkonte vetë të takonte prokurorin dhe ta mbaronte atë punë. Sipas bisedës me sa duket Liriani do shkonte me një person tjetër në takimin me prokurorin, që besohet se ka qënë një nga oficerët e implikuar. Ndërsa sipas kësaj bisede, sekseri Lulzim Hasa, dyshohet se nuk ka dorëzuar tek prokurori sasinë e lekëve prej 500 mijë lekë të vjetra.
Gruaja: Çar tha për makinën, çar tha?
Lirian Taragjini: Do vete të hënën.
Gruaja: Do vesh prapë mo?
Lirian Taragjini: Po qysh pra, të hënën, do vete me atë të hënën atje direkt.
Gruaja: Tek ai shefi?
Lirian Taragjini: Po tek ai prekurori pra prekurori. Unë kam bërë nja 2-3 ashtu me të tha, edhe ai i ka ndarë gjysëm me mua tha. Ku të pranon ty vetëm ai tha, po sikur ta nxjerrësh me video ti tha? Ja mba bytha atij te ti marri ty tha. Hajde të lumtë hajde. Të dy bashkë tha. E më mori edhe emrin e Lulit.
Gruaja: Epo do ashtu ai tha.
Lirian Taragjini: Mori emrin e Lulit, mori ...ehu.
Gruaja: Dua ta di thoshe, a e ka marrë kafen filani.
Lirian Taragjini: Ka marrë opingat. Po qysh pra, do i themi bashkë atë ditë tha, vemi direkt.
Gruaja: Po jo o burr kafen do t’ja them (nuk kuptohet)
Lirian Taragjini: Grua, ma tha vetë, ndaj u nisa tek ai, po neve…
Gruaja: Mirë.
Lirian Taragjini:...ik anej.
Gruaja: Mirë o mirë.
Lirian Taragjini: E bëri ai Goni, ai nga Gramshi. E mora në telefon, i mora numrin e telefonit.
Në kuadër të hetimit të kësaj dosje, mes personave të përgjuar dhe mbajtur në vëzhgim është dhë prokurori i Elbasanit, Arbër Berexha. Nuk dihet me saktësi nëse takimi mes tij dhe Lirian Taragjinit është kryer në ambjentet e brendshme të prokurorisë ose jo, por në këtë bisedë të përgjuar prokurori Arbër Berexha urdhëron oficerin Çelnik Toska, që të mos kryejë asnjë veprim për lirimin e makinës me dru, pa nxjerë një urdhër-lirimi vetë prokurori. Mes Berexhës dhe oficerit Toska, zhvillohet kjo bisedë si vijon më poshtë, ku nga përmbajtja duket se hetimi i SPAK është dekonspiruar pasi prokurori urdhëron në mënyrë të prerë oficerin që të mos meret fare me punën e kthimit të makinës.
Arbër Berexha: Po Çelnik.
Çelnik Toska: Prokuror si ja kalove?
Arbër Berexha: Mirë si ja kalove?...Mirë mirë…
Çelnik Toska: Më fal për shqetësimin , po jam duke bërë referimin e këtij relacionit të procedimit 1558
Arbër Berexha: Po…
Celnik Toska: Prerja e paligjshme e pyjeve.. tani ky personi nuk ka prerë dru në zonën e mbrojtur, i kreva këto detyrat që më ke lënë….
Arbër Berexha: Po.
Granit Xhaka lëviz me makinë Smart, në rrugët e Londrës, ja arsyeja
Çelnik Toska: Nuk është proceduar më parë... nuk ka ndonjë procedim ndaj tij.
Arbër Berexha: Nuk ka ndonjë denoncim ndonjë gjë ndonjë ashtu?
Çelnik Toska: Jo nuk ka denoncime fare kështu.. ee ne ai vendi ku i kish prerë na çoi e bëmë atë… kqyrjen e vendit të ngjarjes….
Arbër Berexha: Po.
Çelnik Toska: Edhe ishin disa pemë të prera me një fjalë prej pak kohe…
Arbër Berexha: Po...
Çelnik Toska: Edhe tani ka ngelur vetëm kjo makina.. është për tu këthyer apo jo?.
Arbër Berexha: Tashi më dëgjo mua Çelnik.. mos u merr me pjesën e makinës…
Çelnik Toska: Po.
Arbër Berexha: Ashtu, kryej veprimet, bo ato dhe kaq…
Çelnik Toska: Në rregull në rregull.
Arber Berexha: Mirë?
Çelnik Toska: Në rregull.
Arbër Berexha: Kur të marrësh urdhrin atëherë.. nëse nuk merr urdhër nuk ashtu.. mos u mer me atë.
Çelnik Toska: Në rregull unë po bëj relacionin atëherë dhe…
Arbër Berexha: Dakort e pra.. hajt mos u merr me atë…
Çelnik Toska: Mirë, mirupafshim.
Nga të dhënat e përftuara nga biseda e mësipërme, rezulton se i hetuari Çelnik Toska, oficeri i policisë gjyqësore i ngarkuar për hetimin e procedimit penal në ngarkim të Zenel Taragjini, flet me prokurorin e çështjes Arbër Berexha, ku pasi e informon lidhur me veprimet hetimore të kryera prej tij, e pyet prokurorin e çështjes lidhur me makinën dhe nëse ajo është për tu kthyer apo jo. Prokurori i kërkon që të mos merret me pjesën e makinës për sa kohë nuk ka urdhër nga ai për ta kthyer./Marre nga Ora News
Policia BRITANI E MADHE- Shqiptari Aleks Marku konsiderohet nga 'The Sun' si grabitësi i armatosur që hyri fshehurazi në Britani dhe më...
Te denuarit KUKËS- Gjykata e Kukësit ka dhënë masën ‘arrest me burg me afat 3-mujor’ për gjashtë emigrant&eu...
Qeveria do të përdorë Fondin e Kontigjencës për të financuar rritjen e pagave të administratës gjatë këtij v...
Arrestim VLORË- Një 34-vjeçar është arrestuar pasi dyshohet se ka plagosur me thikë një qytetar në Vlo...
Gerti Shehu, Sali Berisha TIRANË- Ekspertët e mjekësisë ligjore kanë përfunduar aktin e ekspertimit për Gerti Shehun, i ...
Leku shqiptar TIRANË- Sesa vlerë ka leku shqiptar, jashtë vendit tonë (në këtë rast Britani të Madhe), tregohet qar...
Policia DURRËS- Një 38-vjeçar është arrestuar në Durrës, pasi prishi qetësinë në një lokal dh...
Arma VLORË- Arrestohet një 38-vjeçar në Himarë. Policia ndaloi automjetin tip “Honda”, në të cilin udh&eum...
TIRANË- Shtimi i dëbimeve nga Anglia ka prodhuar shumëfishimin e rasteve kur azilkërkuesit shqiptarë mbërritur me gomone&nb...
Forcat xheniere LEZHË- Një ditë më parë 'Dosja.al' raportoi për gjetjen e një granate dore në zonën e “R...
