“Ftoj çdo demokrat që të marrë pjesë në protestë”/ Berisha: Ky është procesi më i thellë i ripërtëritjes së PD që nga themelimi i saj!
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Atentati në Sarandë/ Si u organizua sulmi ndaj 50-vjeçarit, dyshimet për arratisjen me skaf 18 Korrik, 10:00 ...
Atentati në Sarandë/ Kush është Thimjo Rubati i plagosuri i cili rezulton me precedent të shumtë kriminal 17...
Raporti i KE: Ndikimi politik në media mbetet problem në Shqipëri 17 Korrik, 19:45 “Vijon ndë...
• Ministri i Jashtëm grek Nikos Dendias ka ardhur sot në Tiranë në kuadër të një vizite zyrtare. Fillimisht ai zhvilloi një takim me homologen në Shqipëri, Olta Xhaçka, krah të cilës tha se kanë një kompromis për ta çuar çështjen e detit në Hagë. • Ai foli dhe për tensionet në Veri të Kosovës dhe u shpreh se duhet të ulen tensionet me Serbinë. Me Shqipërinë, Dendias tha se do të firmosin një marrëveshje për mbrojtjen e lumit Vjosa, në datat 22 dhe 23 dhjetor. • Vetë Xhaçka u shpreh se përveç çështjes së detit në Hagë kanë kërkuar zgjidhjet dhe për shfuqizimin e Ligjit të Luftës. • Dendias më pas do të jetë në një drekë pune me Kryeministrin Edi Rama. Vizita e Dendias në Tiranë i paraprin asaj të kryeministrit grek Kyriakos Mitsotakis, i cili ditën e nesërme do të vijë në Shqipëri pëe një vizitë zonat e minoritetit grek, konkretisht Himarën dhe Derviçanin.
6 artikuj për këtë temë.
TIRANË- “Shqipëria ka bërë një zgjedhje, të bëhet anëtare e Bashkimit Europian”, tha ministri i Jashtëm Nikos Dendias në një deklaratë për gazetarët pas përfundimit të vizitës së tij në Tiranë. Pas vizitës së tij në Shqipëri, ministri i Jashtëm grek Nikos Dendias, në një prononcim për mediat greke tha se Greqia nuk ka asnjë problem me shtetet që bashkëpunojnë me Turqinë, kur u pyet për bashkëpunimin e Tiranës me Ankaranë.
“Shqipëria të bëjë atë që është e kuptueshme, të vendoset në thelbin e fortë të familjes europiane. Dhe ne besojmë se është aty. Kjo nënkupton edhe një sërë parametrash. Këto parametra, të cilat duhet të vendosë pala shqiptare, duhet t’i shërbejnë narrativës së saj kryesore. Greqia nuk ka asnjë problem me Turqinë në vetvete, as nuk ka asnjë problem me bashkëpunimin me Turqinë. Megjithatë, kemi një problem të madh me revizionizmin turk, si me çdo revizionizëm. Rrjedhimisht, çdo parametër duhet që nga njëra anë t'i shërbejë idesë evropiane, nga ana tjetër të mos lejojë shfaqjen e revizionizmit në rajon,”- theksoi ai.
Dendias vuri në dukje se në takimet e tij në Tiranë patën mundësinë të analizojnë situatën në Ballkanin Perëndimor, problemet që ekzistojnë në veri të Kosovës, por edhe marrëdhëniet dypalëshe, mes Shqipërisë dhe Athinës zyrtare. Vizita e tij do të pasohet nga ajo e kryeministrit Kyriakos Mitsotakis, i cili do të vizitojë për herë të parë fshatrat me minoritete greke në jug të Shqipërisë.
TIRANË- Ministri i Jashtëm grek, Nikos Dendias ka postuar foto nga dreka që po konsumon me kryeministrin Edi Rama. Në profilin e tij në rrjetin social “Twitter”, kryediplomati Dendias ka nxjerrë një foto nga takimi me kryeministrin Edi Rama, ndërsa shkruan se ai u prit nga Rama në një drekë pune, teksa në qendër të bisedimeve të këtij takimi ishin pikërisht marrëdhëniet bilaterale mes dy vendeve tona.
"Në përfundim të vizitës sime në Tiranë, mora pjesë në një drekë të shtruar për nder tim nga kryeministri i Shqipërisë, Edi Rama. Marrëdhëniet dypalëshe, perspektiva e Shqipërisë drejt BE-së dhe zhvillimet rajonale ishin në fokus të diskutimit,"- shkruan Dendias në postimin e tij.
POSTIMI I PLOTË:
Concluding my visit to #Tirana, I was hosted today for a lunch by #Albania PM @ediramaal. Bilateral relations, ???????? ’s #EU perspective & regional developments in focus. pic.twitter.com/TTGaCQGQKo
— Nikos Dendias (@NikosDendias) December 21, 2022
TIRANË- Ministrja e Jashtme Olta Xhaçka ka deklaruar se duan zgjidhje për shfuqëzimin e ligjit të luftës. Gjatë konferencës së përbashkët me homologun grek Nikos Dendias, Xhaçka ka theksuar se me të ka biseduar për çështjen e detit si dhe marrëveshja për pensionet.
'Kemi mirëkuptim për të trajtuar dhe për të kërkuar zgjidhje për të gjitha çështjet, një nga ajo, ishte dhe marrëveshja me detit, të dyja palët kanë vullnetit për një kompromis për referimin e çështjet në Hagë, bashkëpunimi, si fusha sociale, kultura, janë ura për thellimin e bashkëpunimit. Produkt është edhe kërkesa jonë për negociimin dhe nënshkrimin për pensionet, nga i cili do të përfitojnë dhe shqiptarët që punojnë dhe jetojnë në Shqipëri, sa i përket situatës në rajon, por edhe më tej, Dendias vjen nga një tur rajonal, folëm për rajonin dhe Europën, dënojmë sulmin në Ukrainë, integrimi i Ballkanit perëndimor merr përparësi dhe përfshin dhe Kosovën. Greqia është mbështetesë për integrimin tonë dhe më lejo të të falenderoj, për këtë proces jetik,” tha Xhaçka.
TIRANË- Ministri i Jashtëm grek Nikos Dendias ka komentuar tensionet në veri të Kosovës nga Tirana. Gjatë një deklarate për mediat së bashku me homologen shqiptare Olta Xhaçka, Dendias ka theksuar se tensionet duhet që të marrin fund dhe t'i lihen hapësirë dialogut.
"Perspektiva e Ballkanit Perëndimor është sfidë që duhet ta përballojmë me sukses. Përshkallëzimi i çështjes në veri të Kosovës, duhet të jemi realist dhe më frytdhënës dhe të bëjmë lëvizjet e duhura. në takimet që kam pasur si në Prishtine dhe Beograd, kam nënvizuar rëndësinë e dialogut," tha Dendias.
TIRANË- Ministri i jashtëm grek Nikos Dendias është shprehur se me Shqipërinë do të firmosë një marrëveshje për mbrojtjen e lumit Vjosa. Në një konferencë për mediat krah ministres së jashtme në Shqipëri, Olta Xhaçka, Dendias tha se shpallja do të bëhet në datat 22 dhe 23 dhjetor.
"Gjithashtu folëm për minoritetet tona këtu dhe shqiptare tek ne. Ato janë ura e bashkëpunimit tonë. Madje, vizita e kryeministrit grek është ajo që do të kontribuojë në këtë aspekt. Diskutuam për mbrojtjen e mjedisit, sidomos për Lumin Vjosa dhe kemi rënë dakord për mbrojtjen e tij, shpallja do të bëhet në datat 22 dhe 23,"- tha Dendias.
TIRANË- Ministri i Jashtëm grek Nikos Dendias ka përsëritur nga Tirana se prespektiva evropiane e Shqipërisë është një rrugë kalimi drejt BE-së. Gjatë një deklarate për mediat me homolgen shqiptare Olta Xhaçka, Dendias ka theksuar se kompromisi që dy vendet bën për ta çuan çështjen e detit në Hagë është një vendim i mirë, ndërkohë që ka theksuar se në Kosovë duhen që të ulen tensionet me Serbinë. Po ashtu ai ka theksuar se dy vendet duhet që të bëjnë më shumë për mbrojtjen e mjedisit dhe veçanërisht në mbrojtjen e lumit Vjosa.
“Është kënaqësi e madhe për mua të takoj sërish këtu pas vizitës suaj në Athinë. Ardhja ime këtu është hapi i fundit pas takimit tim me kolegun tonë. Qeveria greke tregon përparësi për fqinjësinë e Greqisë. Dua të jem i qartë se stabiliteti, prosperiteti, përbën kërkesën parësore. Perspektiva e Ballkanit Perëndimor është sfidë që duhet ta përballojmë me sukses. Përshkallëzimi i çështjes në veri të Kosovës, duhet të jemi realist dhe më frytdhënës dhe të bëjmë lëvizjet e duhura. në takimet që kam pasur si në Prishtine dhe Beograd, kam nënvizuar rëndësinë e dialogut. Takimi i sotëm është dhe në kuadër të kontakteve konstruktive. Diskutuam dhe në bazë të marrëveshjes që kemi pasur në parim për të kaluar në kompromis çështjen e detit në Hagë. Folëm dhe për rolin e minoritetin grek në Shqipëri apo dhe minoritet tuaj në Greqi. Këto ura përbëjnë një hallkë të çmuar. Vizita e kryeministrit është ajo që do kontribuojnë në këtë drejtim. Theksuam se duhet të thellohemi as më shumë në bashkëpunim për tregtinë dhe mjedisin, veçanërisht për lumin Vjosa. Kemi rënë dakord që në parim të bëjmë një program për mbrojtjen e tij në datat 23. Është shembull konkret që mund të krijojë ndërgjegje. Sulmi në Ukrainë është një problem i madh për çështjen e energjisë. Jemi të përgatitur, që të ofrojmë çdo gjë që ju mendoni se është rruga e duhur. Perspektiva evropiane e Shqipërisë është me një rrugë kalimi drejt BE”, tha Dendias.
