Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Emri i N.N është në listën e policëve të përmendur si bashkëpunëtorë e të korruptuar nga krimi pavarësisht se kjo dosje ha tepër debat dhe diskutim prej kohësh dhe mbetet pa një definicion nëse kemi një polic të tradhëtuar, dhe së bashku me të edhe një informator të prerë në besë, i cili u dënua si bashkëpunëtor i trafikantëve.
TIRANË- Një ish oficer policie në Shqipëri vazhdon të jetë nën proces gjyqësor prej kohës kur ekzistonin krimet e rënda, ku dhe u shpallën fajtorë një grup trafikantësh të zbuluar nga njëri prej tyre. Asnjë gjykatë nuk është ende në gjendje të thotë nëse polici që u bë shkak për zbulimin e trafikantëve e bëri detyrën me aq ndershmëri saqë u përpoq që të ruante burimin e informacionit, apo ai tejkaloi kompetencat duke u përdorur nga informatori, që e qetëson se mbas aksionit emri i tij nuk kishte dalë në skenë.
Çështja e nisur prej kohës kur ishin në fuqi krimet e rënda, është zhvendosur pranë gjykatës së Korçës dhe ish polici me detyrë shef i Policisë Kufitare vazhdon të përballet me akuzën e zbulimit të akteve sekrete siç është përshkrimi i një prej procesverbalëve ku merrej në pyetje njëra nga korrieret e heroinës, që ishte tradhëtuar pikërisht nga informatori i ish policit.
Por teksa i dyshuari ( informatori) njoftoi shefin e policisë kufitare të Korçës duke i treguar se po transportohej heroinë me destinacion Greqinë, më pas ai shfaqet i shqetësuar dhe ritelefonon oficerin duke e pyetur nëse ishte shqipëruar apo jo prej tyre edhe emri i tij. Oficeri me detyrë punonjës policie, shef seksioni për trafikun e Paligjshëm pranë drejtorisë së Korçës ( viti 2014) aktualisht vijon të jetë nën proces gjyqësor nga gjykata e Korçës, që ende nuk është shprehur me një vendimarrje.
Emri i N.N është në listën e policëve të përmendur si bashkëpunëtorë e të korruptuar nga krimi pavarësisht se kjo dosje ha tepër debat dhe diskutim prej kohësh dhe mbetet pa një definicion nëse kemi një polic të tradhëtuar, dhe së bashku me të edhe një informator të prerë në besë, i cili u dënua si bashkëpunëtor i trafikantëve. Realisht në mënyrën më klasike të asaj që ndodh me policinë shqiptare prej kohësh është fakti se shumë prej tyre janë tradhëtuar nga telefonatat edhe shefa të tjerë policie, siç Jaeld Çela, ish drejtor i policisë në Vlorë që u telefonua natën e ndërrrimit të viteve për t’u uruar nga trafikantët Habilaj, ose policët e kryeqytetit që teksa po përgjoheshin për ngjarje të tjera doli në dritë se ata klikonin në sistem TIMS për të mësuar identitetin e një të reje që e pëlqeu njëri prej tyre.
Ishte qershor 2014 kur sipas dosjes të vënë në dispozicion të Gazetasi.al, nga prokuroria e Korçës i dyshuari A.SH kaloi kufrin drejt Greqisë. Ai kishte një qëllim dhe shkak i rrugëtimit ishte gjetja e heroinës. Sapo e siguroi drogën, A.SH nis telefonatat me tre persona të tjerë për të gjetur paratë e drogës, njëri prej të cilëve shtetasi M.M ishte bashkëpunëtori i policit.
“Pas sigurimit të një sasie lënde narkotike të llojit heroinë, ai ka komunikuar në rrugë telefonike me të bashkëpandehurit K. A, M.T. dhe M. M. sipas numrave përkatës, me qëllim që t’i gjenin një vlerë prej 6000 eurosh për të paguar vlerën e lëndës narkotike.”
Telefonuesi mes të tjerash nga përgjimet rezultoi se orientoi të dyshuarin M.M ( shokun e policit ) që t’i sigurojë vlerën tek shtetasi me emrin “Gjetja, shoku i D.”. Më tej prokurorët shkruajnë: Në fillim ka siguruar vetëm 300 euro. Nga një sërë bisedash ku përfshihen edhe gra, paratë u përcollën drejt Greqisë nga shtetasja M.T.
“Në të njëjtën datë e bashkëpandehura E. XH, i është drejtuar pikës kufitar Kapshticë me mjetin e drejtuar nga shtetasja A. V, dhe po atë datë, janë kthyer në P.K.K. Kapshticë dhe në mjet ka qenë dhe shtetasja D.S. Shtetaset në fjalë kanë paraqitur pasaportat në hyrje, në Republikën e Shqipërisë”, por sakaq policia po i priste gratë dhe heroinën pasi njëri prej tyre kishte njoftuar policin nën akuzë duke i treguar për heroinën.
“Policia ushtroi kontroll mbi një informacion paraprak që i pandehuri M. M i kishte dhënë të pandehurit N. N me detyrë punonjës policie, shef seksioni për trafikun e paligjshëm pranë Drejtorisë së Policisë së Qarkut Korçë. Ky mjet i është nënshtruar kontrollit. Shtetaset E.XH dhe A. V, sapo kanë paraqitur pasaportat në hyrje në Republikën e Shqipërisë, janë shoqëruar për në ambientet e policisë. Gjatë shoqërimit nga ana e oficerëve të policisë gjyqësore të angazhuar për hetimin e çështjes, ku ndër të cilët ishte në grup hetimor edhe polici N.N , shtetasja E. Xh ka nxjerrë nga trupi dy pako me lëndë që ka rezultuar të jetë lëndë narkotike e llojit heroinë me peshë 464.8 gramë e ambalazhuar me shirit ngjitës natriban.”
Por gjatë veprimeve hetimore, thotë prokuroria për Gazetasi.al rezulton se teksa korrierja e heroinës nuk po mbërrinte në destinacion, bashkëpuntori i saj A.SH shqetësohet dhe nis telefonatat me shtetasen tjetër trafikante M.T. Në orët në vazhdim të dyja vajzat korriere që u arrestuan telefonojnë papushim nga bashkëpunëtorët midis tyre edhe nga “ spiuni” i policit.
Në kulmin e këtyre telefonatave sinjalizuesi i policit, nuk ngurron dhe e pyet atë:
“A ma ka nxjerrrë emrin E.XH?” ( njëra nga të arrestuarat)
Polici e garanton: “Jo nuk e ka nxjerrë. Por do të interesohem.”
Më vonë shefi e qetëson trafikantin: Nuk je në kërkim dhe emrin e trafikantit tjetër A.SH e nxorri e dashura e tij. Në atë kohë shefi i policisë së Korçës N.N u dënua nga gjykata e krimeve të rënda me tre vjet shërbim prove dhe heqje të të drejtës për të ushtruar funksione për akuzën e nxjerrjes së akteve sekrete. Megjithatë një gjykatë tjetër ngriti pikëpyetje duke kujtuar se “Fakti që informacioni për veprimtarinë e paligjshme të trafikimit të lëndëve narkotike është siguruar nga i pandehuri N. N nëpërmjet ‘burimit të informacionit’, të pandehurit gjykuar veçmas M.M, rezulton dhe nga deklarimet e dëshmitarëve të pyetur në seancë gjyqësore, të kërkuar për këtë qëllim nga vetë i pandehuri N.N.”
Një seri policësh dëshmuan në ish gjykatën e krimeve të rënda, midis tyre M.T, E.M, M.B që konfirmuan se emrin e burimit të kolegut e morën vesh më vonë. Informatori i policit sipas tij ishte burimi i informacionit dhe po ashtu ai mori rolin e të infiltruarit duke u angazhuar për të ekspozuar trafikantët e heroinës.
Por akoma më të cuditshme bëhen veprimet e policisë së Korçës sipas dosjes hetimore të vëna në dispozicion të Gazetasi.al për hetimin e dyshimtë të 2014, që nuk i shkoi deri në fund skandalit.
“Pasi nga DPQ Korçë, përfshirë drejtuesin e sektorit për krimin e organizuar, megjithëse është konstatuar përfshirja dhe e të pandehurit M. M (informatorit) në veprimtarinë kriminale (shtetasi “M.” është ai që merr në telefon E. XH për të marrë drogën, ndërsa ajo ishte arrestuar dhe lejohej të pranonte telefonatat), e kanë konsideruar atë si një bashkëpunëtore dhe person me statusin për të kryer veprime simuluese (megjithëse nuk rezulton t’i jetë dhënë një status i tillë proceduralisht)”, thuhet më tej në vendim.
Por përgjimet që po kryheshin ndërkohë shpjegojnë se si ish polici teksa flet me burimin e informacionit i thotë që të kujdeset mos e dëgjon ai që, sipas ish prokurorisë së krimeve të rënda, duhet të ishte trafikanti i cili gjeti heroinën në Greqi.
Në atë kohë gjykata hodhi poshtë edhe dëshminë e një polici tjetër me inicialet M.B.
Në vendim thuhet “Gjykata e gjen të pabesueshme dëshminë e dëshmitarit M.B, se ka pyetur korrieren E.XH., megjithëse shprehet i pasigurtë, jep dhe personat pjesëmarrës gjatë pyetjes, duke përjashtuar prezencën e të pandehurit N.N. Në fakt, pyetja e të shtetases E. Xh. rezulton të jetë bërë nga oficeri i policisë gjyqësore E.B, i cili ka nënshkruar procesverbalin e pyetjes së saj (ky shtetas nuk jeton më, referuar deklarimeve në seancë gjyqësore të të pandehurit N. N dhe dëshmitarëve të pyetur, me detyrë oficerë policie gjyqësore).”
Nga ana e tij polici nën akuzë N.N insiston se i tha informatorit që nuk ka gjë ( nuk është në kërkim) që ta qetësonte dhe të hynte lirshëm në Shqipëri për ta arrestuar.
Polici u njoh me informatorin nga një tjetër polic
Por një sërë emrash të tjerë policie mbeten ende pa u verifikuar dhe këta oficerë vazhdojnë të jenë në detyrë. Në dëshminë që ju vendos ekskluzivisht Gazetasi.al, polici nën akuzë N.N thotë: Nëpërmjet punonjësit të policisë M.T jam njohur me të pandehurin M.M (informatorin) duke i bërë të qartë se ka informacion në lidhje me trafikimin e lëndës narkotike në qytetin e Korçës. Me të marrë informacionin, njoftova ish shefin e sektorit për krimin e organizuar E.M dhe mbi këtë bazë është regjistruar procedimi penal, nga prokurori është lëshuar autorizim për kryerjen e përgjimit fotografik, ambiental dhe vëzhgimit në ambientet publike të personave që po ushtronin këtë aktivitet kriminal, këmbëngul polici që kërkon pafajësi dhe që mbasi u dënua nga krimet e rënda është përcjellë për rigjykim në gjykatën e Korçës, si një shtetas që u shpall fajtor nga një gjykatë jokompetente.
“Të gjitha veprimet e mia janë marrë në kompleks, kanë qenë në funksion të detyrës funksionale të marrjes së informacionit dhe përdorimit të tij në funksion të luftës kundër trafiqeve. Nga veprimet e mia nuk ka ardhur asnjë pasojë lidhur me hetimin e çështjes, bisedat e ndryshme me të pandehurin M. M, kanë qenë në funksion të krijimit të bindjes nga burimi dhe krijimit të sigurisë që të vazhdojë deri në fund dhënien e informacionit”, insistoi në atë kohë polici nën akuzë së bashku me trafikantët, i cili aktualisht po rigjykohet në qytetin ku shërbeu si polici që mblidhte informacione kundër trafikantëve./GazetaSi
Van Rica dhe Kastriot Muka TIRANË- Personi i cili u përfshi në konfliktin me armë zjarri në degën e Partisë Demokratike ...
Mark Steyn BRITANI E MADHE- Mark Steyn ka dhënë mendimin e tij për atë që e ka cilësuar si 'pushtimin' e shqiptarëve t&...
Foto ilustruese Zogaj, është vetëm 12 kilometra larg qytetit të Shkodrës dhe konsiderohet si një ndër fshatrat më t...
Atalanta Pasko TIRANË- Është ndarë nga jeta në moshën 71-vjeçare e bija e shkrimtarit Mitrush Kuteli, Atalanta Pasko. ...
Policia e Durrësit DURRËS- Policia ka vënë në pranga sot një 21- vjeçar i cili akuzohet për vjedhje. Në pran...
Policia gjermane TIRANË- Mario Muka është shqiptari i vrarë në Gjermani. 42-vjeçari rezulton të jetë pronar ...
Foto nga aksioni DURRËS- Dy persona janë arrestuar ditën e sotme në Durrës pasi vinin baste sportive nëpërmjet laptopit ...
Kontrollet TIRANË- Policia Rrugore ka goditur raste të shkelësve të qarkullimit rrugor. Policia Rrugore e Tiranës ka goditur ...
Pamje nga Veriu i vendit TIRANË- Nis dëbora në vend. Prej mbrëmjes së kaluar, reshjet e dëborës kanë përfshir&...
Arbër Tivari DURRËS- Gjykata e Rrethit Gjyqësor Durrës ka vendosur masën e arrestit me burg për 26-vjeçarin, Arbë...
