Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Uji vërshoi mbrëmjen e së dielës dhe sipas kryefamiljarit Pashuk Hila kjo është e treta herë që përmbyten dhe dëmet e shkaktuara janë të mëdha.
Në oborrin e banesës së familjes Hila në fshatin Gjadër të Lezhës niveli i ujit ka arritur deri në 40 centimetra. Biznesi dhe stallat e bagëtive janë përmbytur, ndërsa uji rrezikon të hyjë dhe brenda shtëpisë. Uji vërshoi mbrëmjen e së dielës dhe sipas kryefamiljarit Pashuk Hila kjo është e treta herë që përmbyten dhe dëmet e shkaktuara janë të mëdha.
“Ka filluar që në darkë, ishte ora 20:00 kur nisi ndërsa rreth orës 02:00 të natës erdhi në këtë masë. Edhe vjet jemi përmbytur, edhe këtë vit. Është bërë zinxhir”, thotë Pashuk Hila. Ai tregon se deri të hënën askush nuk ka shkuar për ta parë gjendjen që është krijuar nga përmbytja në pronën e tij.
Moti i keq ka përmbytur mbi 4300 hektarë tokë të hënën në Shkodër dhe Lezhë, ndërkohë janë evakuuar 53 familje në Shkodër. Ministria e Mbrojtjes që menaxhon situatën sëbashku me bashkitë raportoi edhe për dëme në infrastrukturë. Ura e vjetër e Bahçallëkut në Shkodë, e shpallur monument kulture, u shemb ndërsa uji rrethoi edhe Xhaminë e Plumbit.
Ngjarja më e rëndë ndodhi të dielën kur një përrua në “Grykë Lugje” rrëmbeu një automjet dhe vrau Pjetër Rrushaj, 50 vjeç dhe të birin 13-vjeçar. Vajza e familjes që ishte në makinë arriti të dilte nga makina dhe u shpëtua nga banorë të zonës. Trupat e pajetë u gjetën vetëm pas 16 orë kërkimesh prej polumbarëve të RENEA-s.
Përmbytjet e menjëhershme janë të përvitshme në zonën e Shkodrës dhe Lezhës. Bashkia e Shkodrës dhe opozita bënë përgjegjës Korporatën Elektroenergjitike Shqiptare të hënën, ndërsa thanë se veç reshjeve të shiut hapja e portave në kaskadën e Drinit kishte përkeqësuar situatën.
“Ai shkarkim ka sjellë ato prurje të jashtëzakonshme që sollën edhe shkatërrimin e urës së vjetër të Bahçallëkut”, tha Spahia të hënën. Të njëjtin pretendim pati edhe kreu i bashkisë lezhë Pjerin Ndreu që thotë po ashtu se hapja e portave të HEC Vau i Dejës kishte sjellë përmbytjen.
Por KESH këmbënguli se shkarkimet nga HEC-i i Vaut të Dejës kanë qenë nënkontroll dhe përmbytjet janë pasoje e reshjeve ekstreme.
“Theksojmë se për menaxhimin optimal të kësaj situate, KESH sh.a. prej disa ditësh i ka ndalur operimet me HEC Fierzë, duke eliminuar plotësisht prurjet hidrike nga zona e mbi Fierzës. Ky veprim ndihmon edhe në rritjen e rezervës hidrike/energjitike, në kaskadën e Drinit. Po prodhohet me kapacitet të plotë në HEC Koman dhe HEC Vau i Dejës”, pretendoi KESH në një njoftim për mediat.
Shirat e rrëmbyeshëm dhe prurjet e shumta të lumit Kir dhe Drin bën që ura e vjetër e Bahçallëkut të shembej të dielën. Ura nuk përdorej më, por ishte shpallur monument kulture i kategorisë së dytë. Ndërkohë rrezikshmëri paraqiste dhe ura ekzistuese në të njëjtin vend pasi kishte tundje dhe tronditje të pazakonta ndaj u vendos të bllokohej qarkullimi mbi të. Kështu Shkodra deri mesditën e së hënës ishte gati e izoluar për shkak të motit të Keq. Kështu, hyrja dhe dalja për në Shkodër nga kjo anë e qytetit behej nga rruga e vjetër Mjede-Vau Dejës.
Reshjet e shiut vijuan me intensitet të lartë dhe harta e përmbytjeve u zgjerua gjatë ditës, ndërsa vetëm në Shkodër ishin përmbytur 2585 hektarë tokë dhe janë evakuar 53 familje, kryesisht nga njësitë administrative Gur i Zi, Bërdicë dhe lagjet periferike të qytetit. Nga Oboti fshat i izoluar ku mund te futesh vetëm me varka apo mjete të ushtrisë kryetari i Bashkisë Shkodër Bardh Spahija kërkoi që qeveria të shpall gjendjen e emergjencës civile.
Ndërsa ministri i Mbrojtjes Niko Peleshi, i cili ishte i pranishëm në mbledhjen e shtabit të emergjencave në prefekturë, u bëri thirrje bashkive të përdorin fondin e emergjencës pasi situate nuk ka nevojë për status. Ministria e Mbrojtjes pretendoi se kishte mbi 240 forca në terren për të ndihmuar familjet në nevojë dhe për të shpërndarë ujë dhe ushqime për ato që ishin izoluar nga uji.
Dalja nga shtrati i Lumit Gjadër ka përmbytur disa banesa dhe qindra hektarë tokë bujqësore në Gjadër dhe Zojz të Zadrimës, ndërsa uji ka kaluar mbi ure duke bllokuar dhe lëvizjen e banorëve dhe automjeteve.
“Sot natën nga ora e tre ka dalë lumi nga shtrati. Gjithë ky ujë që ka rënë nga do shkojë, o do përmbytë shtëpitë ose tokat. Ka bërë dëme shumë”, thotë Rrok Marku banor i Gjadrit
Kryebashkiaku i Lezhës Pjerin Ndreu thotë se përmbytjet në Zadrimë kanë ardhur nga hapja e portave të hidrocentralit të Vau të Dejës dhe sipas tij pastrimi i kanaleve kulluese po jep rezultat në evadimin e shpejtë të ujerave.
“Kjo ka ardhur dhe nga shkarkimet që po bëhen nga HEC-i i Vau të Dejës”, thotë Ndreu.
Parashikimet e motit ndërkohë nuk janë të mira. Sipas të dhënave zyrtare të emergjencave civile përgjatë dy ditëve në qarkun e Lezhës kanë rënë 212 milimetra shi, ndërsa pritet që reshjet me këtë intensitet të vijojnë.
Për mjaft banorë situata është e përsëritur.
“Është e treta herë që kemi përmbytje. Nuk e di nga vjen. Ndoshta nga Kaskada e Drinit mbrapa. Hyn uji nga fqinja këtu. Nëse vazhdon me këtë ritme, për 1 orë, uji hyn brenda në shtëpi”, tha Pashuk Hila banor i Gjadrit.
Ai tregon se askush nuk ka shkuar për ta parë gjendjen që është krijuar nga përmbytja në pronen e tij.
“Nuk më ka ardhur asnjë njeri. Debatova për fadromën. Më duket se tani po kalon fadroma. Bashkia ka çdo gjë në dorë. Vjet na kanë sjellë një thes rërë për të izoluar derën e shtëpisë. Këtë vit asgjë. Po na hyri brenda, më mirë ta lëmë e të ikim nga ky vend”, thotë ai.
E zonja e shtëpisë bashkë gjyshen e moshuar qëndrojnë të izoluara brenda shtëpisë me shpresën që niveli i ujit do të ulet.
“Jemi të izoluar këtu në shtëpi, nuk kemi nga dalim. E shikon që niveli ujit ka arritur deri gati 50 centimetra. Kem qëndrua gjithë natën zgjuar nga frika se do na hyjë edhe në shtëpi”, thotë e zonja e shtëpisë, ndërsa shton se ata kanë filluar të llogarisin dëmet./BIRN
Foto ilustruese ELBASAN- Nëndrejtoresha e Spitalit të Elbasanit dhe një zyrtare e institucionit janë dënuar për shpërdor...
Artan Hoxha TIRANË- Një biznesmen shqiptar ka tentuar të sjellë brendin e restoranteve të Nusretit në Tiranë. Kësh...
Ola Xama TIRANË- Gazetarja Ola Xama ka folur për situatën e përmbytjeve në Shkodër, është shprehur se Hidrocentral...
Artan Hoxha TIRANË- Aksioni për call centre në Elbasan dhe jo vetëm, nuk është parë si sinjal i mirë nga gazetari i...
Artan Hoxha TIRANË- Artan Hoxha ku ka folur për shqiptarët që jetojnë në Dubai dhe investojnë aty qindra milionë do...
Pamje nga pallati në Durrës Fiks Fare denoncoi mbrëmjen e së hënës ndryshimet e projekteve për rindërtimin e nj&eum...
Digjet banesa KORÇË- Mbrëmjen e sotme është përfshirë nga flakët një banesë në Korç&eu...
Pjerin Ndreu TIRANË- Kryebashkiaku i Lezhës, Pjerin Ndreu, foli në emisionin ‘Çim Peka Live’ në lidhje me p&eum...
Harku i Bërdicës SHKODËR- Veriu i vendit, më së shumti Shkodra, prej më shumë se 24 orësh është nën ...
Ines Hajrulla VLORË-Gjykata e Vlorës ka pranuar pretencën e Prokurorit të çështjes duke dënuar me 148 vite burg në...
