Bota

E PAPRITUR! S’ka vaksinë para 2021, Agjencia Evropiane e Barnave refuzon kërkesën e PFIZER dhe MODERNA-s

Agjencia Evropiane e Barnave do të japë vendimin përfundimtar lidhur me vaksinën në 29 dhjetor dhe në rast se është pozitiv, injektimi tek qytetarët do të nisë me fillimin e vitit të ri. Po ashtu është shtyrë edhe aprovimi për vaksinën e "Moderna-s".
Featured image of article: E PAPRITUR! S’ka vaksinë para 2021, Agjencia Evropiane e Barnave refuzon kërkesën e PFIZER dhe MODERNA-s Vaksina anti-Covid

EUROPË– Agjencia Evropiane e Barnave ka refuzuar kërkesën e kompanisë gjermane farmaceutike “Biontech” dhe partnerit të saj amerikan “Pfizer” për miratimin e vaksinës anti-COVID-19. Ndryshe nga sa pritej, mesa duket vaksinimi ndaj koronavirusit nuk do të fillojë para vitit 2021. Kjo pasi Agjencia Evropiane e Barnave do të japë vendimin përfundimtar lidhur me vaksinën në 29 dhjetor dhe në rast se është pozitiv, injektimi tek qytetarët do të nisë me fillimin e vitit të ri. 

Ndërkohë që nuk është dhënë asnjë detaje lidhur me shkaqet që kanë sjellë shtyjen e aprovimit të “Pfizer”, e njëjta gjë ka ndodhur edhe me kompaninë “MODERNA”. Edhe vaksina e tyre e krijuar në bashkëpunim me Universitetin e Oksfordit do të shqyrtohet nëse do të aprovohet ose jo deri më 21 janar të vitit 2021.

Lajmi është konfirmuar nga burime të “Financial Times“, në artikullin e të cilëve shkruhej se u shuan shpresat për të nisur me luftën ndaj pandemisë së koronavirusit. Ministri gjerman i Shëndetësisë Jens Spahn më parë njoftoi se vaksinimi mund të fillonte para fundit të këtij viti, por pas kërkesës së refuzuar, ai ndryshoi qëndrim.

Për më shumë bëhu pjesë e grupit më viral në Facebook, Dosja.al

“Unë mendoj se ne mund të fillojmë vaksinimin më së voni në janar,” tha ai.

E ndërkohë që puna për gjetjen e një vaksinë ende vazhdon, deri më tani në rang global janë shënuar 63,964,595 raste të infektuara, nga të cilët kanë ndërruar jetë 1,481,132 të infektuar.

(A.k.dosja.al)

Etiketa:

Shto Koment