Politike

Aeroporti i Vlorës, Rama prezanton projektin: Në shtator nis puna, dy opsionet që kemi në dorë

Në fjalën e tij, Rama u shpreh aeroporti i Vlorës nuk e kishte një kompani që do të merrte përsipër prezantimin e projektit.

VLORË– Kryeministri Edi Rama ka prezantuar para qytetarëve projektin e aeroportit të Vlorës.

Në fjalën e tij, Rama u shpreh aeroporti i Vlorës nuk e kishte një kompani që do të merrte përsipër prezantimin e projektit.

Numri një i qeverisë theksoi se kjo ka qenë një ndër ndihmat e qeverisë turke, e cila sipas tij  ka shprehur gatishmërinë për t’i dhënë një dorë Shqipërisë në këtë drejtim.

Kryeministri ndër të tjera nuk la pa përmendur karakterin e nxehtë të vlonjatëve, ku tregoi se nuk kalon ditë pa marrë mesazhe nga zona që ai e quajti si “Zona e Padurimit”.

Për më shumë bëhu pjesë e grupit më viral në Facebook, Dosja.al

“Ajo që ka ndodhur tani me Vlorën është një histori e pranuar nga të gjithë, sepse veprat që janë realizuar  do të pasohen nga të tjera pa diskutim dhe është e domosdoshme se dhe paralelisht me zhvillimin e klasave të sektorëve që transformojnë qytetin, që nga infrastruktura dhe hoteleria, ne do të përpiqemi që të intesifikojmë punë edhe brenda për brenda qytetit. Unë marrë shumë mesazhe nga zona e padurimit të vlonjateve, të cilët sjellin fotografi nga lagjet, sepse natyrisht jetojnë në situatë të vështirë”- u shpreh Rama.

Pjesë nga fjala e Ramës: 

Sektori i ekonomisë do të jetë gjithmonë një sektor ku Shqipëria do të nxjerrë të ardhurat e veta. Vlora, vite më parë ishte një qytet ku njerëzit mezi futeshin në shtëpi. Tashmë do të ketë investime të konsiderueshme dhe një aeroport ndërkombëtar. Ky është fillim i një historie dhe këto vepra do të pasohen nga të tjera. Paralelisht me zhvillimet e akseve që transformohen që nga infrastruktura dhe tek hoteleria ne do të përpiqemi të zhvillojmë edhe qytetet brenda. Marr shumë mesazhe nga të padurueshmit vlonjatë. Të gjithë thonë që: ok është bërë kjo dhe kjo, por ja ku jetoj unë. Dhe më çojnë foto nga lagjet që janë copë-copë. Sot për sot nuk është e mundur që shtëpitë në lagje të caktuara të shërbejnë për turistët, pasi janë krejtësisht anti-turistike, kështu që paralelisht duhet t’i bëjmë të dyja. Unë kam pjesën kryesore, pjesa tjetër është e kryetarit të Bashkisë. Kjo është pjesa më e vështirë por s’e detyroi njeri të bëhet kryetar bashkie, kështu që meqë zgjodhi të bëhej dhe meqë ia dhamë votëm duhet t’i bëjë. Ne po punojmë, ministria po punon për të finalizuar një projekt dhe një marrëveshje për ndërtimin e tunelit të Llogarasë. Është shumë e rëndësishme pasi jo të gjithë e kanë kurajon dhe dëshirën që të kalojnë malin për të shkuar në det. Më pas do të transformojmë edhe portin, në një port turistik.  Të gjitha këto kanë rëndësi, por më e rëndësishmja është sjellja e një aeroporti ndërkombëtar.  Tani kanë filluar shkruajnë edhe gazetat e huaja, se kush do ta marrë apo kush do ta marrë. Ne akoma jemi në një process diskutimi të brendshëm që do të mbyllim për pak javë për mënyrën se si do të procedojmë. Ne kemi opsionin e përfshirjes së një komapnie mjaft të rëndësishme, por kemi edhe opsionin për ta filluar vetë ndryshimin, që të mos ndodhemi përballë të papriturave që sjellin procedurat.  Ne kemi caktuar një buxhet vetë si shtet, dhe më pas për të kaluar në një garë ndërkombëtare. Ky është një vendim që do ta marrim së shpejti duke parë se sa interes do të ketë për të hapur një gare. Me sigurinë që gara të mos përfundojë pa kompani fare apo me kompani që nuk janë në pritshmëritë tona, ap otë atyre vlonjatëve, të cilat nuk i kapim dot. Do kërkojë kohën e vet. Ky aeroport është shumë më rëndësi, pasi nuk është aeroport turistik. Ky duhet të jetë një aeroport më i madh se i Tiranës dhe më një standart më të lartë.  Jo se Vlora është më e rëndësishme se Tirana se kjo nuk diskutohet pasi Vlora është më e rëndësishme se Neë Yorku, Berlini, etj. Aeroporti i Vlorës do të jetë me një pistë 3.2 km dhe do të mundësojë uljen e avionëve me kapacitet të madh, edhe për ata me mallra. Nuk kemi në rajon aeroport për uljen e avionëve të mallrave. Një funskion i tretë është mirëmbajtja dhe riparimi i avionëve që do të bëhet këtu. Kontributi në ekonomi i këtij aeroporti do të jetë shumë i ndjeshëm pasi çdo lekë i investuar në një aeroport është i shumëfishëm me 27 nga aktiviteti. Nëse 1000 vende pune i kërkon direkt aeroporti, atëherë 27 fish është i gjithë aktiviiteti ekonomik që aeroporti sjell. Në mungesë të aeroportit vlonjatët fluturuan me skaf. Koha tregoi që skafi nuk ishte ndonjë metodë kushedi dhe po merremi me ndërtimin e aeroportit. Tani merruni me emrin si mendoni ta quajmë, unë e kam një ide. Por më mirë e lëmë për herë tjetër.

(k.m/dosja.al)

Një Koment në “Aeroporti i Vlorës, Rama prezanton projektin: Në shtator nis puna, dy opsionet që kemi në dorë

  1. Po sa here e ke prezantuar kete m.t projekti?nja 4here kujtohem une.
    Blegerini ne kor o vlonjate, bbbbeeeee, bbbbbeeeeee

Shto Koment