Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
BERLIN- Më 9 Nëntor 1989 mori fund Lufta e Ftohtë globale mes diktaturave dhe demokracive. Liria e rifituar çoi në afrimin mes Lindjes dhe Perëndimit por ende nuk janë arritur nivele të njëjta jetese.
Ai ishte simboli për ndarjen e botës në Lindje dhe Perëndim, për luftën mes komunizmit dhe kapitalizmit: Muri i ngritur në Berlnin më 1961 nga Republika Demokratike e Gjermanisë (RDGJ) e qeverisur në mënyrë diktatoriale. Pjesa perëndimore ishte një zonë 155 km e rrethuar me beton e tela me gjemba, por megjithatë njerëzit në këtë zonë mund të lëviznin anë e mbanë të lirë. Berlini Perëndimor ishte pra një ishull i lirisë në mes të territorit të RDGJ-së komuniste.
Ngritja e Murit, imazh nga viti1961
Në të kundërt për shumicën e gjermano-lindorëve që ishin kaq pranë Perëndimit për dekada Berlini Perëndimor ishte si toka e ëndërruar. Kjo ndryshoi rrufeshëm më 9 Nëntor 1989, pasi në një konferencë shtypi të transmetuar drejtpërdrejt në televizion në Berlinin Lindor u shpall ligji i ri për udhëtimet jashtë vendit. Në bazë të këtij ligji do të lejoheshin edhe udhëtimet në Perëndim – ligji hynte në fuqi menjëherë!
Imazhet e njerëzve duke brohoritur në kalimet e hapura kufitare në Berlin u përhapën në mbarë botën. Ato shënuan në mënyrë emocionuese fundin faktik të ndarjes gjermane. Një vit pas kësaj më 3 Tetor 1990, vendi i ndarë politikisht pas fundit të Luftës së Dytë Botërore festoi ribashkimin. Kjo ngjarje historike botërore u bë e mundur vetëm sepse katër fuqitë fituese të luftës ishin dakord: aleatët perëndimorë demokratë SHBA, Britania e Madhe dhe Franca nga njëra anë dhe Bashkimi Sovjetik (BRSS) komunist nga ana tjetër.
Konferenca e shtypit e Günther Schabowskit, Berlini Lindor, 9.11.1989
Fjalët magjike “Glasnost” und “Perestroika”
Vendimtare për këto ndryshime ishin lëshimet, që pati bërë komunisti reformator Michael Gorbatchov, i cili mori pushtetin në vitin 1985. I këtij mendimi është drejtori i memorialit Muri i Berlinit, Axel Klausmeier . Ai thekson, se politika e hapjes (Glasnost) e Gorbatchovit dhe ajo e rinkonstruktimit (Perestroika) shënuan shkëputjen prej së ashtuquajturës doktrina e Brezhnjevit, që përcaktonte, se vendet europiane të bashkuara në “Traktanin e Varshavës” nuk duhej të devijonin nga kursi, që jepte Kremlini.
Klausmeier fundin e kësaj dogme e përshkruan përmbledhtas: “Çfarëdo që të ndodhë në shtetet vëlla socialiste, këto shtete janë vet përgjegjëse për vetveten”. Ndryshe nga dekadat e mëparshme, sovjetikët nuk ndërhynë më kur në Poloni, Hungari e në RDGJ u shtuan lëvizjet për reforma. Para erës së Gorbatchovit lëvizjet për liri në vendet e Bllokut Lindor ishin mposhtur brutalisht prej BRSS-së: Më 1953 në RDGJ, më 1956 në Hungari dhe më 1968 në Çekosllovaki.
Pas 9 Nëntori blloqet e betonit nga Murii Berlinit hiqeshin nga dita në ditë, fotografi e marrë më 11 nëntor 1989 në afërsi të sheshit “Potsdamerplatz”
Polonia jo monopol pushteti
Mbrojtësit e të drejtave të njeriut në mbarë Europën Lindore ndiheshin të inkurajuar për të imponuar edhe në vendet e tyre Glasnostin dhe Perestroikën. Në Poloni në verën e vitit 1988 pati kontakte mes udhëheqjes komuniste dhe sindikatave Solidarnost, të ndaluara zyrtarisht. Një etapë e rëndësishme në këtë rrugë ishin edhe zgjedhjet parlamentare në Poloni në qershor 1989, ku për herë të parë u lejuan edhe kandidatë të opozitës. Megjithatë pushtetarët që qeverisnin prej dekadash paraprakisht u kujdesën që të fitojnë dy të tretat e votave.
Edhe në vende të tjera u shtuan shenjat për një kthesë. Në Hungari qeveria në maj pati nisur të heqë komplekset e vrojtimit në kufirin me Austrinë. Në këtë mënyrë u hap rruga drejt lirisë në këtë pjesë të Perdes së Hekurt. Qindra qytetarët të RDGJ-së përmes kësaj rruge u larguan nga vendi i tyre.
Njëkohësisht në verën e vitit 1989 disa mijëra gjermano-lindorë u strehuan në ambasadat perëndimore në vendet e Europës Lindore. Pakënaqësia rritej dita ditës e bashkë me të edhe presioni ndaj regjimit të RDGJ-së në Berlinin Lindor. Nga shtatori në qytetin e panaireve Leipcig çdo të hënë dhjetra mijëra qytetarë protestonin në rrugë. Kulmin e shënoi marshimi më 9 tetor, kur dolën në rrugë 70.000 vetë duke protestuar paqësisht për të kërkuar ndryshimin në RDGJ.
“Ne kemi fituar”
Sloganet e demonstruesve ishin „Ne jemi populli!” dhe “Jo dhunë!”. Meqënëse nuk dihej si mund të reagonte regjimi i RDGJ-së, frika ishte „jashtëzakonisht e madhe, i kanë pohuar shumë dëshmitarë të kohës drejtorit të Memorialit të Murit të Berlinit, Klausmeier. Përderisa nuk pati ndërhyrje kundër kësaj demonstrate, edhe opozita pati ndjenjën, se:„Ne kemi fituar.”
Dita pas hapjes, imazhe nga Porta e Brandenburgut, 10.11.1989
Më 9 Nëntor më në fund arriti pika kulmore: Günter Schabowski, kryetari i Partisë së Bashkuar Socialiste (SED) në Berlinin Lindor shpalli ligjin e ri për udhëtimet jashtë shtetit. Ai shkaktoi me ose pa dashje me këtë deklarim rënien e Murit të Berlinit. 30 vjet më pas megjithatë nuk janë kapërcyer të gjitha muret mentale. Në standardet e jetesës mes Lindjes e Perëndimet ende ka dallime të mëdha.
Pagat në landet e reja të federtarës, sipas një raportit të fundit vjetor mbi stadin e bashkimit të Gjermanisë, kanë arritur vetëm në 82 përqind të nivelit perëndimor. Emigracioni dhe rënia e natalitetit në landet e reja kanë shkaktuar mungesën e forcave të kualifikuara të punës dhe plakjen e popullsisë. Ende asnjë sipërmarrje nga landet lindore nuk është regjistruar në indeksin gjerman të aksioneve DAX-30.
Çfarë mbetet është kujtimi i revolucionit paqësor dhe kthesa historike. Presidenti Frank-Walter Steinmeier personalisht e ka falenderuar Michail Gorbatchovin. Në një letër drejtuar ish-presidentit të BRSS-së, nobelisti i paqes, Steinmeier shkruan: “Mrekullia e ribashkimit paqësor nuk do të kishte qenë e mundur, nëse Ju atëherë nuk do të kishit marrë vendime të guximshme dhe njerëzore.”
Marrë nga: DW
(A.k.dosja.al)
1 vit nga zgjedhjet e 25 prillit si e shikoni gjendjen e vendit:
SHBA- Demokrati Joe Biden, i parashikuar si fitues i zgjedhjeve presidenciale në garën me Presidentin Trump, filloi pa vonesë të dielën përgatitjet për të marrë...
HOLANDË– Gjyqtari Nicollas Guillou i është përgjigjur ankesës së avokatit mbrojtës së ish-presidentit Hashim Thaçi, David Hooper, lidhur me prangosj...
SHBA– Presidenti i zgjedhur i SHBA-së Joe Biden do të nis një plan agresiv, për të kontrolluar pandeminë e koronavirusit, pasi sipas tij situata tashmë ka dalë ...
MAQEDONI E VERIUT- Kryeministri i Maqedonisë së Veriut, Zoran Zaev pas përfundimit të samitit të Mini-Shengenit theksoi se memorandumi i nënshkruar do të lehtës...
HOLANDË- Avokati i Hashim Thaçit, David Hooper ka cituar presidentin e SHBA, Joe Biden, i cili vite më parë e ka krahasuar Hashim Thaçin me G...
SHBA– Presidenti në detyrë i Shteteve të Bashkuara të Amerikës Donald Trump, ka reaguar pas lajmit se vaksina gjermane është 90 % e efektshme ndaj Covid-19.“Laj...
GJERMANI- Kancelarja Angela Merkel përgëzoi Joe Biden për fitoren në zgjedhjet presidenciale të SHBA dhe në të njëjtën kohë bëri thirrje për aleancë të ngushtë ...
HOLANDË– Ish-presidenti Hashim Thaçi ka deklaruar veten të pafajshëm para togave të zeza të Gjykatës Speciale. Pasi i janë lexuar akuzat për krime l...
BEOGRAD– Presidenti serb Aleksandër Vuçiç ka reaguar lidhur me takimin online të ‘Mini-Shengenit’ që do të zhvillohet ditën e nesërme. Me an...
