Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
TIRANË- Kryeministri Edi Rama, ka zhvilloi ditën e sotme një takim me 61 kandidatët e Partisë Socialiste për zgjedhjet lokale të 30 qershorit, ku nuk kurseu sharjet, ofendimet apo ironitë me kundërshtarët politik por edhe kritikët e tij dhe të qeverisë.
Jo pak, por në 45 minuta fjalim, 11 faqe A4 dhe plot 5842 fjalë, kryeministri Rama nuk kursen ironitë, sulmon të gjithë si kundërshtarët, gazetarët kritikë, analistët, ndërsa rishprehu vendosmërinë e tij se zgjedhjet nuk shtyhen. Ai u kërkoi kandidatëve, përfaqësuesve të PS, anëtarëve etj., që çdo takim ta hapin me fjalinë: “Zgjedhjet do të mbahen më 30 qershor”. Më poshtë po ju sjellim disa nga sharjet, ofendimet apo sulmet frontale por dhe indirekte, që kryeministri adresoi para kandidatëve të PS-së.
Gjatë fjalës së tij, Kryeministri Edi Rama, e cilësoi ish-kryeministrin Berisha si “një individ që plaket si mos më keq, por si s’ka më keq, prej 30 vitesh ka shaluar gjuhën shqipe dhe masakruar çdo normë sjelljeje në mexhlis, qysh nga ato të shkruarat në kanunin e Lekë Dukagjinit, tek ato të latuarat në librin e vlerave universale të demokracisë”.
Por krahas kësaj, ai nuk la pa ofenduar dhe tallur kryetarin e opozitës, Lulzim Bash dhe aleatët e tij të partive të vogla.
Ai tha: “kujtojnë akoma se, meqë në vend të qëndrimit në vendnumëro me një çadër dielli si parvjet, po vijnë vërdallë nëpër Tiranë me çadra shiu dhe meqë në vend se flasin si atëherë, pas Lulit, zoti Ndoka, zoti Mediu, Dash figura, zoti Vangjeli dhe zonja Hava, sot flet zonja “kapsolla”, shoku “guri”, zoti “fishekzjarri”, zoti “molotovi” dhe sigurisht zoti digjitali u takoka të marrin shumë më tepër se 2 vjet më parë.”
Por krahas kundërshtarëve politik, kryeministri Edi Rama, me gjuhën e tij që nga shumë persona mediatikë është komentuar si një gjuhë arrogante, Rama nuk kurseu as kritikët, gazetarët apo analistët. Ai përdori togfjalëshat: ‘Ngelësa dembelë’, ‘analistë si mësues nate pa arsimin përkatës’, ‘analfabetizëm demokratik’ etj.
Ai tha: “Po ku është parë që të drejtën e popullit për të zgjedhur dhe të drejtën tonë për t’u zgjedhur, ta marrin me dhunë disa që nuk zgjidhen dot se nuk kanë popullin me vete.
Kjo është ABC-ja e sistemit që kemi zgjedhur, por ja si erdhi puna pas 30 vjetësh, që partia, e cila lindi për të shkruar historinë e Shqipërisë me këtë ABC, ka degraduar si një grup ngelësash dembelë me shkollë nate të mbetur papunë rrugëve, që jo vetëm kanë harruar abetaren, por duan t’i imponojnë Shqipërisë analfabetizmin antidemokratik të retorikës së dhunës. Ky analfabetizëm kërcënues, jo vetëm për rendin kushtetues dhe ligjor të Republikës, por dhe për rendin logjik të komunikimit mes shqiptarëve, përhapet nga ekrane studiosh që duken si kuzhinë big brother, ku debatet janë si muhabete rakie dhe analistët si mësues nate, pa arsimin përkatës.
Përgjime krejt qesharake të kërryera nga dosje hetimore në thyerje të sekretit hetimor dhe dhuruar për big brotherin nga dora e dikujt që në vend që të hetonte Dibrën, e ka mbajtur në sirtar për këtë ditë të zezë për partinë e tij apo përgjime deri të sajuara komplet, ku ka dalë dhe një rresht i vënë në gojën time, i cili nuk më shqetëson, por më fyen sepse nuk është gjuha ime, por gjuha e një mësuesi nate, jo vetëm pa arsimin përkatës, por dhe totalisht jashtë profilit. Përgjime imagjinare që fshihen pas disa numrash, të cilat përsëriten pa pushim si të ishin kodet e DaVincit ku ndrydhen të vërteta të skëterrshme për triumfin e vjedhur të republikës së re apo tretjen e thesarit elektoral të LSI-së, si rezultat i veprimtarisë sonë mafioze, paçka se dhe cironkat e liqenit të Belshit, qefujt e lagunës së Patokut, ngjalat e Karavastasë, se Lulzim Basha po e po, – e dinë se nga rridhte përroi i parave për blerje votash në 2017. Peshqit e shkretë nuk kishin gojë dhe nuk kanë, ndërsa Lulit i ra goja në fushatë për të shpëtuar skllevërit e PD-së nga leku i SHPK-së”.
Duke iu referuar gazetarëve dhe analistëve, Rama tha: “Padituria, mllefi e papërgjegjshmëria i ka kthyer në komentator dhe montator të një Shqipërie të zezë mediatike dhe një bote tjetër që ka dritëhijet e veta” ndërsa shtoi i quajti ata që shprehen se ai ka fituar për shkak të votave të blera duke i quajtur si “Qimdefterët e shkollës së natës”.
(Dosja.al)
Tirana është boshatisur për ditët e pushimit. Cilën nga ritet e shenjta po ndiqni:
Kryetari i Partisë Demokratike, Lulzim Basha ka vizituar ditën e sotme kryesuesit e Grupit Parlamentar bipartizan për Shqipërinë në Parlamentin Britanik, depute...
TIRANE- Partia Demokratike ka publikuar sot të tjera të dhëna që sipas selisë blu, provojnë se Partia Bindja Demokratike, është nën shërbimin e Kryeministrit Ed...
TIRANË– Partia Demokratike i është përgjigjur deklaratës së kreut të Bindjes Demokratike, Astrit Patozi, i cili sqaroi se BD-ja ka dy deputetë që kanë firm...
TIRANË- Deputetja e dalë nga listat e Partisë Demokratike, Rudina Hajdari, ka reaguar pas lajmit se PD e LSI do të dërgojnë komisionerë në KZAZ-të për zgje...
Kryeministri i Shqipërisë, Sali Berisha, gjatë një prononcimi për gazetën “Bota sot”, i është kundërpërgjigjur presidentit të Kosovës, Hashim Thaçi dhe m...
TIRANE- Kryeministri Edi Rama ka paralajmëruar të gjithë ata që do të tentojnë të prishin zgjedhjet lokale të 30 qershorit. Rama tha se të gjithë të dënuarit pë...
TIRANE- Kryeministri Edi Rama ka thënë sot në takimin që kishte me 61 kandidatët për kryetar bashkie se marrëveshja e 17 majit 2017, nuk funksionoi sepse PD ka ...
TIRANE- Anëtarët e Komisionit Qëndror të Zgjedhjeve nuk kanë qëndrim të qartë për anëtarët e Komisioneve Zonale të Administrimit Zgjedhor (KZAZ) të opozitës. Ve...
HIMARË- Pas vendimit të KQZ-së për të mos lejuar kandidimin e Presidentit të OMONIA-s, Fredi Belerit për shkak të mospërfundimit të peridhës së rehabilimit...
TIRANË- Kryetari i Partisë Bindja Demokratike, Astrit Patozi, ka reaguar pas akuzave të PD se Kuvendi falsifikoi dokumentacionin, që Bindja Demokratike të ...
