Përshkallëzohet situata në Lindjen e Mesme/ SHBA vijon bombardimet, Irani përgjigjet me sulme në shtetet e Gjirit
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Atentati në Sarandë/ Si u organizua sulmi ndaj 50-vjeçarit, dyshimet për arratisjen me skaf 18 Korrik, 10:00 ...
GAZA– 227 të vrarë gjatë përplasjeve mes Izraelit dhe Hamasit (grupit që lufton për lirinë e Palestinës), në rripin e Gazës. Mediat ndërkombëtare raportojnë se në Gaza janë mbi 227 të vrarë, mes tyre 64 fëmijë dhe 38 gra. Izraeli raporton për 12 të vrarë, mes tyre dy fëmijë. Mbi 1,500 persona të plagosur janë raportuar nga Ministria e Shëndetësisë në Palestinë, ndërsa dhjetra të tjerë besohet kanë mbetur nën rrënoja.
Ushtria izraelite vazhdon me bombardimet, duke hedhur 122 bomba në Gaza gjatë një periudhe 25 minutëshe mbrëmjen e djeshme. Mediat bëjnë të ditur se një palestinez u vra në sulmet e vazhdueshme të Izraelit në Rripin e Gazës. Yusef Abu Hussein ishte një gazetar në stacionin radio, al-Aqsa Voice.
Save the Children paralajmëron për një krizë të trefishtë për fëmijët në Gaza. Vetë bombat, sistemi energjetik dhe infrastruktura që po shkatërrohen, dhe fëmijët e plagosur dhe të sëmurë nuk lejohen të largohen nga Gaza për mjekim. Ajo gjithashtu ka bërë të ditur se ata po bëjnë një plan gati për rindërtimin e shkollave pas vendosjes së armëpushimit.
Prapa skenave, udhëheqësit botërorë dhe organizatat e tjera ndërkombëtare po punojnë për të provuar dhe ndërmjetësuar një armëpushim. Ndërsa luftimet vazhdojnë, dhe Izraeli dhe Hamasi vazhdojnë të bëjnë goditje. Kishte raporte dje se një armëpushim shpejt mund të hynte në fuqi, një ditë pasi SHBA-ja shprehu mbështetjen për një për herë të parë.
Kancelarja gjermane Angela Merkel dhe mbreti i Jordanisë, Abdullah II ranë dakord në një telefonatë për të mbështetur iniciativat për “një armëpushim të shpejtë” midis Izraelit dhe Palestinës, tha të martën një zëdhënës i qeverisë.
Le Maire, Ministri francez i Financave bëri një reagim ditën e sotme ku tha se ka nevojë për armëpushim dhe se diplomacia nuk mund të bllokohet në këtë konflikt të gjatë.
Presidenti Joe Biden në një telefonatë ditën e sotme me Kryeministrin izraelit Benjamin Netanyahu tha se ai priste një de-përshkallëzim të rëndësishëm sot në rrugën e një armëpushimi. Kjo është biseda e tyre e katërt që në fillim të luftës gjatë së clilës Biden diskutoi konfliktin e vazhdueshëm në Gaza dhe ambicien e Izraelit për të degraduar Hamasin. Ndërkohë që Netanyahu e ka injoruar thirrjen e Biden për armëpushim duke deklaruar se do të vazhdojnë para me misionin e tyre.
Një grup i vogël njerëzish në SH.B.A. të udhëhequr nga përfaqësuesja Alexandria Ocasio-Cortez e cila është poitikane dhe aktiviste e SHBA po kundërshtojnë një shitje municionesh 735 milion dollarë amerikanë në Izrael të miratuar nga administrata e Biden.
Zëdhënësi i Hamasit, Hazem Qassam, i ka dhënë një përgjigje thirrjes së de-përshkallëzimit të Biden. Ai tha se ata që kërkuan të rivendosnin qetësinë duhet të detyrojnë Izraelin t’i japë fund agresionit të tij në Jeruzalem dhe bombardimeve të tij në Gaza.
Si nisi lufta? Përplasjet që po mbajnë botën pezull që prej të hënës…
1.Tri raketa u hodhën nga Libani drejt Izraelit Verior dhe sipas IDF, (Forcave të Mbrojtjes së Izraelit), asnjë grup nuk mori përgjegjësinë.
2. Ushtria izraelite goditi në Gaza disa ndërtesa që sipas qeverisë përdoreshin nga militantët dhe inteligjenca.
3.Kundërpërgjigjia erdhi nga Hamas, që qëlloi me raketa Izraelin nga rripi i Gazës. Pas këtij momenti dhuna shpërtheu mes grupeve palestineze dhe izraelite brenda Izraelit.
4.Udhëtimet ndërkombëtare janë mbyllur, përfshirë edhe aeroportin kryesor atë në Tel-Aviv.
5.Janë 227 të vrarë në Gaza që sipas Izraelit ishin militantë.
Por si e sheh bota këtë përplasje?
Aleati kryesor i Izraelit, SHBA gjithashtu ka kërkuar armëpushim edhe pse ka njohur të drejtën e Izraelit për t’u mbrojtur. Psaki tha se këshilltari i sigurisë kombëtare ka biseduar me homologun e tij në Izrael disa herë gjatë orëve të fundit. Ajo gjithashtu u shpreh se SHBA ka patur dialog të rregullt shumë herë në ditë me zyrtarë nga Egjipti dhe Katari, duke qenë tepër të angazhuar. Presidentja e Komisionit Evropian, Ursula von der Leyen ka thënë se ajo është “shumë e shqetësuar” për përshkallëzimin e dhunës në Izrael dhe Gaza.
Edhe Organizata e Kombeve të Bashkuara ka kërkuar armëpushim. Gjithashtu në Izrael ka shkuar një delegacion nga Egjipti për të kërkuar armëpushimm, gjë që u refuzua menjëherë. Nga ana tjetër, Hamas ka kërkuar një armëpushim reciprok në këmbim të pushimit të sulmeve nga ana e Izraelit në xhaminë Al-Aqsa në Jeruzalem. Por Izraeli nuk tërhiqet. Qeveria deklaron se Izraeli nuk po kërkon një armëpushim dhe as ka interes për një gjë të tillë. Po ashtu, Sekretari i Përgjithshëm i Kombeve të Bashkuara, Antonio Guterres ka bërë thirrje të ndalohen sulmet me çdo kusht ndaj mediave dhe ndaj civilëve. Italia, Egjipti, Franca dhe Pakistani kanë kërkuar që të ndalen luftimet dhe çështja të zgjidhet nëpërmjet dialogut.
Por cila ishte shkëndija e parë e luftës?
Luftimet nisën pas një përplasje mes policisë izraelitëve dhe palestinezëve në vendin e shenjtë në Jeruzalemin lindor. “Haram al sharif” është Mali i Tempullit dhe frekuentohet edhe nga myslimanët palestinezë edhe nga izraelitët. Përplasjet vazhduan dhe autoritetet izraelite përgjatë muajit të Ramazanit kërkuan të dëbonin familjet palestineze që jetojnë në Jeruzalemin lindor. Gjatë përplasjeve, Hamas kërkoi që qeveria izraelite të largonte policinë dhe të mos dëbonte familjet por thirrjet nuk u dëgjuan. Në këtë moment, ushtria palestineze dërgoi raketa drejt Izraelit dhe kaq mjaftoi që lufta të niste. Konflikti mes dy vendeve është i vjetër dhe daton për më shumë se 7 dekada. Izraeli ka aneksuar Jeruzalemin Lindor në 1980 dhe e quan kryeqytetin e tij, por shumica e botës nuk e ka pranuar,ndërsa Palestinezët kërkojnë pronat e tyre në më shumë se gjysmën e Jeruzalemit lindor.
(a.b)/dosja.al
Iftar dhe politikë, a u prek Muaji i Ramazanit nga politikanët?
BRUKSEL- Kryeministri i Kosovës, Albin Kurti ka komentuar darkën me liderët e ballkanit Berëndimor në Bruksel. Gazeta Ekspress shkruan se Kurti ka thënë se 3 vl...
BRUKSEL- Komisioneri për Zgjerim dhe Fqinjësi i Bashkimit Evropian, Oliver Varhelyi ka komentuar darkën e sotme në Bruksel së bashku me liderët e Ballkanit Perë...
KOSOVË- Hava Ahmeti 74 vjeçare ka aplikuar që nga 9 prilli për t’u vaksinuar kundër Covid 19. Por radha për imunizim asaj i erdhi pas më tepër se nj...
GAZA- Të Shtunën, forcat Izraelite bombarduan zyrën e cila strehon Associated Press dhe Al Jazeera në Gaza, duke pretenduar se inteligjenca ushtarake e Hamasit ...
SHBA-Shtetet e Bashkuara të Amerikës miratuan lirimin e të burgosurit më të vjetër nga burgu i sigurisë së lartë në Guantanamo duke liruar 73-vjeçarin Sa...
BRUKSEL- I dërguari i Bashkimit Evropian për dialogun Kosovë-Serbi, Miroslav Lajçak është takuar mbrëmjen e sotme me Kryeministrin Edi Rama. Në një posti...
JERUZALEM- Lufta mes Izraelit dhe Palestinës ka prekur edhe gazetarët. Mediaset shkruan se korrenspodnti i saj Elia Milani është goditur me plumba gome nga usht...
SHBA- Dy zyrtarë të Këshillit të Sigurimit Kombëtar të Shtëpisë së Bardhë janë prekur nga një sindromë e panjohur. Mediat e huaja raportojnë se sindroma ka ndod...
GAZA- Laboratori i vetëm anti-Covid “al-Rimal” në Gaza është shkatërruar gjatë një sulmi me raketa të Izraelit. Nowthisnews shkruan se kur një godinë pranë klin...
RUSI- Presidenti i Rusisë, Vladimir Putin, tha të martën se marrëdhëniet e vendit të tij me Bosnje e Hercegovinën zënë një vend të rëndësishëm në politikën ruse...
