Politike

Certifikohen zgjedhjet e 25 prillit! Celibashi miraton mandatin e Zef Hilës dhe rezultatet në 11 qarqe, Abazi: Disa KZAZ s’më dhanë pamjet. Kryekomisioneri për votimin elektronik: Të dhënat nuk u përditësuan në moment

  • Miratohen rezultatet e zgjedhjeve për subjektet politike dhe kandidatët në qarkun Berat
  • Për qarkun e Kukësit, rezultatet u certifikuan që më datë 1 maj. Duke mos pasur ankesa nga Partia Demokratike, Partia Socialiste përmes përfaqësuesve në KQZ, rezultatet u certifikuan. Në tabela nuk rezultoi të kishte asnjë mospërpuethshmëri apo problematikë në shifra. Konkretisht u miratuan rezultatet e zgjedhjeve për Tiranën, Durrësin, Fierin, Beratin, Elbasanin, Shkodrën, Dibrën, Lezhën, Vlorën, Korçën dhe Gjirokastrën.
    Featured image of article: Certifikohen zgjedhjet e 25 prillit! Celibashi miraton mandatin e Zef Hilës dhe rezultatet në 11 qarqe, Abazi: Disa KZAZ s’më dhanë pamjet. Kryekomisioneri për votimin elektronik: Të dhënat nuk u përditësuan në moment Ilirjan Celibashi
    Përditësuar:

    TIRANË– Komisioni Qëndror i Zgjedhjeve është mbledhur sot në orën 17:00 ku ka certifikuar zgjedhjet parlamentare të 25 prillit 2021, rrjedhimisht duke certifikuar fitoren e Partisë Socialiste që mori 74 mandate. Gjatë mbledhjes u paraqitën tabela për rezultatin e votimit në 11 qarqet e vendit, për subjektet zgjedhore dhe për kandidatët për deputetë për zgjedhjet për Kuvendin e Shqipërisë të datës 25 prill 2021.

    Për qarkun e Kukësit, rezultatet u certifikuan që më datë 1 maj. Duke mos pasur ankesa nga Partia Demokratike, Partia Socialiste përmes përfaqësuesve në KQZ, rezultatet u certifikuan. Në tabela nuk rezultoi të kishte asnjë mospërpuethshmëri apo problematikë në shifra. Konkretisht u miratuan rezultatet e zgjedhjeve për Tiranën, Durrësin, Fierin, Beratin, Elbasanin, Shkodrën, Dibrën, Lezhën, Vlorën, Korçën dhe Gjirokastrën.

    Nga sot, secila parti ka 5 ditë afat të bëjë ankimim zyrtar në Komisionin e Ankesave dhe Sanksioneve (KAS) nëse kanë pretendime për rezultatin, apo kërkesa për rinumërim. Vetëm pasi KAS të shqyrtojë të gjitha ankesat dhe të dalin vendimet nga Kolegji Zgjedhor, kryekomisioneri Ilirjan Celibashi do të shpërndajë mandatet me emrat e deputetëve të rinj.

    Gjithashtu gjatë mbledhjes u miratua edhe mandati për kandidatin për deputet Zef Hila, pas verifikimeve të bëra nga Prokuroria. I pranishëm në mbledhje ka qenë edhe kandidati i pavarur Boiken Abazi, i cili shtroi problematikat e tij. Sipas Abazit, disa KZAZ nuk i kanë vënë në dispozicion pamjet filmike për të verifikuar prcedurën e numërimit të votave dhe jo vetëm. Ishte vetë Abazi që kërkoi të kishte pamjet filmike, por disa KZAZ i kanë thënë se në disa qendra nuk ka pasur pamje.

    “Nuk më dhanë pamjet filmike për të kontrolluar procedurën. Disa KZAZ janë shprehur se nuk kanë pamje filmike,”- ka thënë Abazi.

    Për më shumë bëhu pjesë e grupit më viral në Facebook, Dosja.al

    Celibashi e ka ftuar Abazin të depozitojë ankesën zyrtarisht, ndërsa ka shtuar se edhe vetë KQZ-ja do të bëjë shqyrtimet e saj.

    “Edhe KQZ ka interes të shohë se si ka qenë sjellja e komisionerëve, për mënyrën se si janë shpallur rezultatet, do bëjmë dhe ne kqyrjet tona, do i adresojmë në prokurori të gjitha rastet ku nuk ka përputhshmëri, kush e ka menduar se do kalojë nuk do kalojë aq thjesht, nuk do jemi indiferent,”- ka thënë Celibashi.

    Përsa u përket ankesave të depozituara për njësinë nr.10 ku u votua elektronikisht, tha se subjektet politike janë lajmeruar në orën 08:00 të mëngjesit të datës 26 Prill mbi rezultatin e zgjedhjeve, por të dhënat nuk ishin hedhur online për çështje teknike.

    “Rezultati i shpallur në orën 8 të datës 26, e kanë marrë përgjigjen në këtë zonë zgjedhore menjëherë, në zonën zgjedhore numër 40. Të dhënat janë hedhur me vonesë prandaj nuk janë përputhur, ndaj dhe të dhënat e tabelave qoftë për subjektet dhe kandidatët janë hedhur në mënyrë manuale ndaj ka pasur dhe gabime. Nuk ka për shqetësime në këtë zonë pasi përgjigja është marrë në orën 8 e mëngjesit, nuk vjedh KQZ vota,”- tha Celibashi.

    (f.m/Dosja.al)

    Shto Koment