Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Tiranë- Një ish-polic ka denoncuar në emisionin investigativ, “Ajsberg” të gazetarit Artur Çani në Televizionin Fax News, një ngjarje e cila ka ndodhur në Shtator të viti 1992 në fshatin Vrion, në oborrin e kishës ku plagosjen e ka kryer ish-polici, sot anëtar i Këshillit të Lartë të Prokurorisë, Tartar Hasim Bazaj.
Ish-polici denoncues, emrin dhe fytyrën e të cilit preferuam të mos e bëjmë publike kjo edhe për shkak të kërkesës së tij, thotë se Tartari është përpjekur ta përfshijë në ngjarje pasi Iika mbërritur një kërkesë nga shefi i Policisë së Sarandës në atë kohë, Spiro Longo, i cili i ka komunikuar se duhet të qëndrojë disa kohë në ambientet e paraburgimit.
“Isha me miq kur Tartari më tha se duan të më vrasin. Isha polici në atë kohë. Shkuam menjëherë në vendgjarje i gjetëm duke u përleshur. I them largohu dhe mendova se u largua. Pasi iku, dëgjova 5-6 krisma arme në mes të turmës. Mendova me vete: “Çfarë bëhet”, “mos do më vrasin”?
Kur afrohem gjej dy persona të shtrirë në tokë, mbytur në gjak, të cilët ndodheshin aty pa ndjenja. I morëm menjëherë, i hipëm në makinë dhe i dërguam në spital. Njërin e transportova vetë, bëra detyrën. Spiro Longo atëherë shef i policisë së Sarandës më theërret.
“Do bëjmë një verifikim të vogël”, unë e kuptova për çfarë ishte. Më thotë do të ndaloj që ke bërë një plagosje. Për çfarë plagosje po thua? Gjatë kësaj kohe bënë verifikimet e mundshme. ‘Plagosjen – thotë – e ka bërë për mua’. U bë verifikimi, mua më nxorën pas tre-katër orësh. Tartari kishte bërë një denoncim për mua. E ndaluan, kaloi në dhomat e ndalimit me arrest me burg. Artan Hasim Bazaj është arrestuar për konflikte me dashje për motive të dobëta”.
Artur Çani e pyet denoncuesin: E keni parasysh se për ju mban përgjegjësi penale nëse nuk është e vërtetë.?
Denoncuesi: Kam qenë dëshmitar mo, e kam parë me sytë e mi, nuk është se më kanë thënë. Ky është skandal i madh. Fshati është në Vrion ku ka ndodhur ngjarja në oborrin e kishës. Kishte shumë njerëz në vendin e ngjarjes. Ka shkuar edhe një radio greke që e ka transmetuar. Mbaj mend se edhe vetë Sali Berisha në atë është prononcuar për atë ngjarje se ka bërë bujë edhe në media. Unë nuk e bëj për hakmarrje, por një njeri që më akuzoi mua imagjino kë mund të akuzojë më parë. Ai ka bërë plagosje, mund ta bëjnë edhe hero kombëtar me këtë drejtësinë e re, por ai ka kryer një akt kriminal dhe këtë dëshmi e jap me vullnet të lirë.
Nga dëshmia mësuam se emri i hetuesit është Artan Hazbiu, sot prokuror në Lushnje, i cili për ‘Ajsberg’ tha se ndryshe nga sa tregoi denoncuesi, nuk ka qenë prokuror por hetues, dhe kjo është e kuptueshme pasi mund të ndodh për shkak se ka kaluar shumë kohë e nuk mbahen mend detaje të tilla. Ai ka thënë për gazetarin e emisionit investigative se, e mbante mend ngjarjen por je se si kishte përfunduar. Pra personi që duhet ta mbante mend, nuk e mbante mend ngjarjen.
Artur Çani shkoi personalisht në qytetin e Lushnjes për të pyetur prokurorin Artan Hazbiu lidhur me plagosjn e dy personave nga anëtari i KLP-së, Tartar Hasim Bazaj. Por Hazbiu ka thënë siç e përmendëm më lart jashtë kamerës se e mbante mend si ngjarje por jo se si kishte ndodhur.
Çani iu drejtua Sarandës për të marrë informacion mbi të plagosurit nga kjo ngjarje, Niko Thoko i plagosur në vitin 1992 me armë zjarri në thembër. Por për fat të keq ky person ka pasur një aksident tragjik me pasojë vdekjen në një motor në Greqi.
Ndërkohë “Ajsberg” ka kontaktuar të plagosurin e dytë nga kjo ngjarje i cili jeton në Greqi momentalisht dhe është intervistuar me anë të një bisede telefonike.
Thoma Zizi: Alo
Çani: Mirdita
Thoma Zizi: Mirdita
Çani: Jam Artur Çani, të marr nga Shqipëria, ti je Thomai apo jo?
Thoma Zizi:
Çani: Të të pyes për diçka që ka ndodhur në vitin 1992
Thoma Zizi: Po
Çani: Të ka plagosur dikush, kush ka qenë ai e mban mend?
Thoma Zizi: Më ka plagosur Tartar Bazaj, më zuri plumbi rastësisht jo se kishte gjë me mua, më ra në kofshë, pastaj një plumb tjetër në kavilje, por ai personi tjetër (Niko Peko), fatkeqësisht ka vdekur në një aksident me motor në Greqi kam marrë vesh.
Çani: Mban mend se si shkoi ngjarja?
Thoma Zizi: Mbaj mend se ka ardhur në shtëpi (Tartari), dhe më kërkoi falje, as se njihja as s’më njihte.
Ndërkohë nga grumbullimi i informacioneve për ngjarjen e 23 viteve më parë mësohet se Leandro Llapaj dhe Tartar Bazaj kanë pasur një grindje për motive të dobëta. Leandro është ndaluar se ka plagosur me dashje Tartar Bazajn ndërsa Bazaj është ndaluar se ka qëlluar disa herë me armën e shërbimit. Tartari nuk ka qenë i saktë në të qëlluarit pasi ka qëlluar persona të tjerë jo shënjestrën.
Në Sarandë u zbulua se shefi i Prokurorisë në atë kohë atje, ka qenë Agron Tepelena i cili është thirrur në telefon nga “Ajsberg”.
Tepelena: Përshëndetje
Çani: Artur Çani jam
Tepelena: Po, se më doli emri
Çani: Kam gjetur dokumentin e Policisë…
Tepelena: Po
Çani: Për atë Tartarin, thuhet qartë se ai është ndaluar me datë 2 shtator të vitit ‘92 bashkë me dy të tjerë. Tartar Bazaj, polic 22-vjeç se ka qëlluar me armë zjarri pistolet dhe ka plagosur Niko Thokon, dhe Thoma Zizin, nga Finiqi që jeton në Greqi. Të cilin e ka kapur plumbi pa dashje, se ky ka pasur konflikt me Llapajt, (Leandro Llapajn), por është plagosur me thikë edhe Bazaj. Mund të më jepni ndonjë detaj?
Tepelena: Ai (Tartari) duhet ta dijë më saktë, unë dua të të ndihmoj për të vërtetën aq më tepër të kësaj kategoria që duhet të jenë njerëz të pastër. Ka patur shkëmbim me zjarr, të shtëna me pistoletë. Kuptoje tani, vetëm Tani duhet ta dijë.
Çani: Nuk e mban mend dhe ka dhe një të keqe tjetër se është edhe në sistemin e drejtësisë.
Tepelena: E njoh, e kam edhe mik e nëse do ta kisha hetuar vetë do të kisha në mendjen time detaje më tepër. Nëse ka dokumenta më tepër në Prokurorinë e Përgjithshme. Pavarësisht si është justifikuar, ngjarja është bërë në ambient publik. Ka qenë mbajtja 72 orëshe atë kohë për ngjarje të tillë, nuk di ç’të të them më tepër.
Ndërkohë “Ajsberg” mësoi se Tartari qëndroi në një dhomë në Sarandë me një person tjetër të cilin e pyetëm dhe tregoi detaje se ku kishte punuar më vonë, përfshirë edhe tek SHIKI-u në këtë qytet si roje.
Ndërsa ajo çfarë e bën çështjen në fjalë akoma më të rëndë ka të bëjë me faktin se Bazaj është anëtar i KLP-së dhe se ngjarjen në fjalë nuk e ka deklaruar e duke kryer një vepër penale sipas nenit 5 të ligjit mbi integritetin, atë për deklarata të rreme ose të shtrembëruara, ku ka thënë se nuk ka qenë asnjëherë në një masë shtërngimi apo i ndaluar.
Prokurori Petrit Fusha ka firmosur përfshirjen e Tartar Bazajt në sistemin e drejtësisë. “Në përfundim të procesit të hetimit, është konkluduar se hetimi është kryer i plotë dhe i gjithanshëm dhe është konstatuar se nuk ka asnjë vepër të kryer penale apo masa shtrënguese ndaj personit të hetuar”, thuhet pak a shumë në vendimin e komisionit të hetimit firmosur nga Petrit Fusha.
Tartar Bazaj, i cili në bazë të investigimeve të publ;ikuara Majin e këtij viti nga “Ajsberg”, ka falsifikuar dokumentet e arsimit të tij të mesëm. Bazaj ka një falsifikim të diplomës së shkollës së mesme, pasi në të njëjtën vit ai rezulton që të ketë qenë në dy shkolla të ndryshme në Sevaster të Vlorës dhe në Krrabë të Tiranës.
Falsifikimi lidhet me vitin shkollor 86-87, që Bazaj pretendon se e ka kryer në Krrabë, po në amzë rezulton se ai ka qenë në Sevaster. Edhe në bazë të dëshmive të miqve të tij, emrat e të cilëve vetë anëtari i KLP-së ja ka dhënë Çanit, Bazaj rezulton që të ketë kryer tre vite arsim të mesëm në shkollën bujqësore në Vlorë, dhe jo dy siç ai pretendon më pas.
Gazetari Artur Cani është përballur kohë më parë edhe me vetë Tartar Bazajn nga ku ky i fundit është shfaqur shumë i tensionuar, dhe ka arritur deri aty sa të kërcënojë edhe gazetarin.
Pjesë nga debati i zhvilluar mes Çanit dhe Bazajt:
Bazaj: Kam hedhur provime ekuivalente në Krrabë, unë e mbaj mend si tani
Çani: Ku janë në deftesa? Ti mund të mbash mend shumë gjëra. Këtu kemi dokumentet e shtetit.
Bazaj: Po më re në qafë do ta marr personale
Çani: Më sqaro se çfarë janë këto, lëri personalet. Fol me ndonjë tjetër jo me mua.
Bazaj: Unë jam anëtar i KLP-së, kam një integritet
Çani: Ke gënjyer atëherë këtu
Bazaj: Në rast se unë nuk kam gënjyer do të shkosh në burg. Mua do më nxjerësh pa shkollë ti, unë kam qenë nxënësi më i mirë. Ik ore shiko punën tënde, do ta shikosh ti, kujt ia bën këto presione ti. Ti do kesh punë me mua, po më re në qafë do të kesh punë me mua
Çani: Ti po më kërcënon mua, a ke mundësi që të ma thuash këtë mua
Bazaj: Pse unë do çmendesha dhe do kandidoja për anëtar të KLP-së
Çani: Kam folur me të tre shokët që më ke dhënë numrat
Bazaj: Mos më cëno, kush jam unë që të prononcohem ty. Kam kaluar njëmijë filtra, edhe të FBI-së. Ti ke thënë në Sevaster që ti nuk kam mbaruar as shkollën 8-vjeçare.
Çani: Mos u merr me thashetheme. Këto që kam unë përpara janë dokumentet e shtetit shqiptar
Bazaj: Po ç’janë këto mor burrë i dheut, kështu punoni ju me njerëzit?! Unë jam nga ata njerëz që të marr gjak në vetull. Unë jam rracë që ia marr gjakun në vetull më të mirit, ti se di fare…. (Lexo investigimin e plotë KETU)
Marrë nga Faxweb
J.V/Dosja.al
Tirana është boshatisur për ditët e pushimit. Cilën nga ritet e shenjta po ndiqni:
Shijak-Mbrëmjen e 29 shtatorit u terrorizua qyteti i Shijakut, pasi pati breshëri plumbash ndaj një makine ku ndodhshin dy persona.Sipas policisë breshëri plumb...
TIRANË– Ish kampioni i boksit Asmer Bilali, një nga anëtarët e dyshuar të bandës “Bajri” do të qëndrojë në regjim të mbikqyrjes së veçantë. Ve...
SHKODËR- Ndalohet nga Policia në Muriqan, Shkodër një shtetas i shpallur në kërkim ndërkombëtar me qëllim ekstradimi.Sipas njoftimit të policisë, u ndalua ...
TIRANË-Pas kalimit të dosjes tek Prokuroria e Krimeve të Rënda, Izet Haxhiaj merret për herë të parë në pyetje nga hetuesit shqiptar. Mësohet se Haxhia ësh...
LUSHNJE– Qyteti i Lushnjes është tronditur mëngjesin e sotëm, teksa Besmir Hida, tregtari i makinave u ekzekutua me breshëri kallashnikovi. Dosja.al ka zbardhur...
Vlorë- Tensione ka pasur ditën e sotme në Radhimë pasi janë prishur disa ndërtesa nga IKMT-ja. Banorët janë përplasur sërish me policinë dhe zyrtarët e IKMT-së ...
LUSHNJE– Është gjetur një automjet i djegur në qytetin e Lushnjes në lagjen “Sarave” në autostradë. Automjeti dyshohet se është përdorur nga dy autorët që...
SHQIPËRI– Dy të rinj kanë rënë në prangat e policisë pasi akzuohen se falsifikonin dokumente. Bëhet fjalë për një 21-vjeçar nga Dibra dhe një ...
Lushnje- Për vrasjen e Besmir Hidës në Lushnjë, mëngjesin e sotëm, gazetari Artan Hoxha ka treguar se është e njëjta dorë dhe e njëjta skenë krimi që sipas tij ...
