Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
SHKODËR- Zbardhet rrëfimi i dytë i Olson Çutajt, i cili ka dhënë detaje nga ngjarja që ndodhi më 3 tetor në Malësinë e Madhe, ku Danjel Pepaj vrau vëllain e tij,Vilsonin dhe kushëririn, Klementi.
Gazetari i Report Tv Elton Qyno shkruan se Olsion Çutaj ka dëshmuar para oficerëve të Policisë se gjithçka ka ndodhur për vjedhjen e hashashit. Sipas tij, Vilsoni dhe kushëriri, Klementi, pas vjedhjes së hashashit kanë marrë me forcë edhe kanë rrahur Danjelin brenda një makine. Megjithëse Danjeli, nuk e pranonte se ai ishte hajduti, ai vendosi t’u kthejë sasinë e vjedhur nga parcela që kishte në fshatin Vrith. Me sa duket Daniel Pepaj e ka përdorur këtë alibi për t’i futur në kurth dy të rinjtë, të cilët i thirri në një zonë malore dhe aty i vrau me kallashnikov.
Lëvizjet më 3 tetor:
Olsoni në mesditën e 3 tetorit, ka udhëtuar me vëllanë e tij Vilsonin, nga fshati Bajzë në fshatin Vrith, për të takuar kushëririn e tyre Klement Pepaj, të cilin e kanë djalin e djalit të hallës. Mësohet se arsyeja që po shkonin në këtë fshat ishte fakti se Vilsonit dhe Klementit, i kishin vjedhur një sasi bimësh hashashi në një parcelë në malin e fshatit, Vrith të Malësisë së Madhe. Klementi i kishte thënë Vilsonit :“Hashashin e ka marrë Danjel Pepaj” . Menjëherë dy të rinjtë shkuan për të takuar Pepajn.
Të rinjtë kanë shkuar në fshatin Vrith orës 14:30 dhe kanë qëndruar për 5 minuta te një lokal. Në lokal kanë porositur dy birra dhe një kafe me ujë, por ikën menjëherë, pasi Danjeli u tha se ishte tek shtëpia e tij. Vilsoni dhe Klementi janë ngritur nga tavolina, madje pa paguar as pijet dhe janë nisur për të takuar Danjelin te banesa e tij dhe Danieli po priste te porta e shtëpisë.
Pasi u takuan ata bënë fjalë dhe e morën me forcë Danjelin, duke e futur në makinë dhe më pas siç ishin, kanë lëvizur për në fshatin Bajzë. Duke biseduar rrugës për punën e hashashit, Vilsoni i ka gjuajtur me shpullë Danielit, e ka sharë, duke i thënë pse na ke vjedhur hashashin. Danieli i thoshte se nuk e kam marrë unë dhe kjo bisedë vazhdoi deri në Bajzë. Po kështu, gjatë rrugës ata i kanë kërkuar Danielit të tregonte vendin se ku e kishte fshehur sasinë e drogës të vjedhur. Por Danjeli nuk e pranonte që e kishte vjedhur hashashin.
Më pas sikur të katërt janë bashkuar e kanë ikur në një lokal të fshatit Bajzë, ku Olsi ka pirë kafe, ndërsa Vilsoni, Klementi dhe Danjeli, kanë pirë nga dy birra secili. Edhe aty në lokal Vilsoni e Klementi kanë filluar ta shajnë e t’i bëjnë presion për hashashin e vjedhur, Danielit.
Danjeli ka thënë se e gjej unë kush e ka vjedhur hashashin dhe do t’jua jap unë. Më pas Danjeli tha se kishte hashash në mal në fshatin Vrith te parcela e tij dhe u tha të rinjve, hajde të shkojmë ta marrim.
Me kaq, kanë hipur në të njëjtën makinë sikur ishin dhe u nisën për në fshatin Vrith, ku kanë ndjekur rrugën nga Bajza, në Jeran, më pas në Gradec e më pas Marshej dhe kanë dalë në rrugën kryesore te burgu i Reçit dhe kanë vazhduar rrugën kryesore për në fshatin Vrith.
Danjeli u ka thënë: “Po shkoj pak në shtëpi të ndërroj rrobat” dhe nga shtëpia doli me tuta sportive ngjyrë blu të errët dhe me atlete.
Sapo kanë dalë në dalje të fshatit Vrith, rrugës për në Razëm, te një kthesë kanë zbritur nga makina duke ecur në këmbë Vilsoni, Klementi dhe Danjeli. Pas këtij momenti Olsi është kthyer dhe është ulur në kafe në qendër të fshatit Vrith te lokali. Pas rreth 30 minutash e ka marrë në telefon Vilsonin, i cili i është përgjigjur duke i thënë se vonohej edhe një gjysmë ore.
Pas rreth 15 minutash nga telefonata e fundit e ka marrë në telefon Olsin vëllai i tij Vilsoni dhe i thotë: “a po i thua kujt, të marrë djalin ta çojë te shtëpia”, pasi e kishte në futboll. Pas 5 minutash e ka marrë në telefon Vilsonin për t’i tregur se djalin e morën për ta çuar në shtëpi. Rreth orës 20:30 Olsi i ka telefonuar përsëri Vilsonit, por ai nuk është përgjigjur në telefon, i ka rënë disa herë në vazhdimësi, por nuk e ngrinte telefonin edhe pse zilja vazhdonte t’i binte. Gjithashtu i ka rënë edhe telefonit të Klementit, por edhe ai nuk e ka hapur telefonin, kurse numrin e Danjelit nuk e kishte Olsi dhe sipas tij dhe nuk i ka rënë asnjëherë. Pas këtij momenti ka marrë në telefon disa shokë dhe kanë dalë me drita dore për të kërkuar në mal, por nuk janë gjetur askund. Më pas Olsioni ka shkuar në Polici për të bërë denoncimin.
Më 8 tetor trupat e Vilsonit dhe Klementit u gjetën të mbuluar me shkurre dhe larg njëri-tjetrit, pas 5 ditësh kërkime në zonë. Ndërkohë që në kërkim është shpallur Daniel Pepaj, i cili dyshohet se është ekzektutori i dy të rinjve. Dyshohet se ai ndodhet Podgoricë. Policia ka arrestuar babain e tij, Rrok Pepaj, pasi akuzohet për kultimim droge dhe dëshmi të rreme.
J.V/Dosja.al
1 vit nga zgjedhjet e 25 prillit si e shikoni gjendjen e vendit:
SHKODËR- Detaje të reja kanë dalë nga vrasja e dy të rinjve në Malësinë e Madhe, Vilson Çutaj dhe Klement Pepaj. Gazetari Elton Qyno i Report Tv, r...
TIRANE– Vrasjet e ndodhura në territorin e qytetit të Elbasanit, janë zbardhur. Këshu pohoi mbrëmjen e djeshme në emisionin ‘Opinion’ Drejtori...
TIRANE– Nuredin Dumani, personi që akuzohet për vrasjen e Bujar Çelës, vëllain e Talo Çelës, është identifikuar nga policia për shkak të she...
ELBASAN- Reshjet e shiut kanë sjellë sërish probleme në qarkullimin rrugor në Elbasan. Mësohet se gjatë natës ka pasur rënie gurësh në aksin Elbasan -Librazhd, ...
TIRANE– Drejtori i Policisë Kriminale, Tonin Vocaj, zbuloi mbrëmjen e djeshme në emisionin ‘Opinion’ se Drejtoria e Përgjithshme e Policisë së Shtetit ka zgjedh...
SHQIPËRI- Reshjet e dendura të shiut kanë “pushtuar” vendin. Edhe gjatë natës shirat kanë rënë me një intesitet të madh, ku në qytetet si Tirana, Durrësi d...
SHQIPËRI- Shpenzimet për pije alkoolike dhe duhan të familjeve shqiptare kanë ardhur në rënie të lehtë gjatë dekadës së fundit, por në disa qarqe janë rrit...
TIRANË-Dosja.al ju sjell një përmbledhje të portaleve në vend dhe lajmet e tyre kryesore. Dosja.al ka në faqe të parë përmbytjet nga shirat e furishëm. Shq...
TIRANË– Kreu i Policisë Kriminale, Tonin Vocaj foli mbrëmjen e kësaj të hëne në “Opinion” edhe për disa prej ngjarjeve kriminale që kanë ndodhur së f...
