Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
SHBA- Sot në Xhorxhia po zhvillohen garat e balotazhit për dy vende në Senatin amerikan, që do të përcaktojnë nëse republikanët, apo demokratët do të jenë në kontroll.
Senatori republikan David Perdue po përballet me demokratin Jon Ossoff, një producent dokumentarësh televizivë, ndërsa senatorja republikane Kelly Loeffler, një nga ligjvënëset më të pasura në vend, është në garë kundër kandidatit demokrat, pastorit Raphael Warnock.
Sondazhet përpara ditës së zgjedhjeve tregojnë se dy demokratët kanë avantazhe të ngushta në garë. Të dy balotazhet u bënë të nevojshme pasi asnjë nga katër kandidatët nuk fitoi shumicën e duhur në raundin e parë të zgjedhjeve në nëntor.
Pjesëmarrja në votime pritet të jetë jashtëzakonisht e lartë, me më shumë se 3 milionë vota të hedhura në votimet e hershme. Pesë milionë vota u hodhën në Xhorxhia në zgjedhjet e nëntorit, por rreth 100,000 njerëz që nuk votuan atëherë e kanë hedhur votën e tyre tashmë në balotazh. Senatit.
Kur do të numërohen votat?
Asnjë nga fletët e hedhura gjatë votimit të hershëm nuk do të numërohet deri të martën dhe fituesit zyrtarë, ka të ngjarë të mos mësohen natën e zgjedhjeve.
Zyrtarët thonë se votimi i hershëm ishte veçanërisht i lartë në zonat ku Presidenti i zgjedhur demokrat Joe Biden fitoi në nëntor, por republikanët thonë se presin të kenë më shumë vota të hedhura fizikisht të martën.
Ky ishte skenari në nëntor në Xhorxhia dhe në të gjithë vendin, kur shumë më shumë demokratë votuan herët, ndërsa më shumë republikanë votuan fizikisht në ditën e zgjedhjeve. Për shkak se votat e hershme marrin më shumë kohë për t’u numëruar, Presidenti Donald Trump u duk se ishte përpara në Xhorxhia natën e zgjedhjeve, por përfundimisht humbi në këtë shtet.
Kush e kontrollon Senatin Amerikan tani?
Republikanët aktualisht kanë një avantazh 50-48 në Senat. Një fitore e republikanëve në një, ose të dyja garat në zgjedhjet e së martës, do t’i jepte partisë një shumicë të qartë dhe të drejtën për të vendosur axhendën e Senatit dhe për të mbajtur shumicën në të gjitha komisionet legjislative të Senatit.
Nëse të dy demokratët Warnock dhe Ossoff do të fitonin, në Senat do të kishte një ndarje 50-50, duke i dhënë nënresidentes së zgjedhur Kamala Harris mundësinë për të hedhur votën përcaktuese në rast të një votimi të barabartë, në favor të demokratëve për organizimin e komisioneve dhe kontrollin e kalendarit legjislativ.
Një Senat i kontrolluar nga republikanët do të komplikonte miratimin e reformave legjislative të zotit Biden gjatë dy viteve të ardhshme, duke detyruar ndoshta negociata gjithpërfshirëse për çështje të tilla si shkalla e përfitimeve të kujdesit shëndetësor, vendosja e kontrolleve të imigracionit dhe vendosja e rregulloreve për ndryshimet klimatike.
Tubimet e së hënës
Si Presidenti i zgjedhur Bidene dhe Presidenti në largim Donald Trump mbajtën tubime të hënën në Xhorxhia në një përpjekje të fundit për të bindur votuesit.
“Forca është në duart tuaja”, tha zoti Biden. “Si asnjëherë tjetër në karrierën time, një shtet mund të përcaktojë kursin, jo vetëm për katër vitet e ardhshme, por për gjeneratën e ardhshme.”
Ai tha se banorët e Xhorxhias kishin votuar në numër rekord në zgjedhjet presidenciale në nëntor, duke i dhënë atij një fitore të ngushtë në atë shtet. “Tani, kemi nevojë që ju të votoni përsëri në numër rekord,” tha ai.
Trump bëri fushatë më vonë të hënën në një qark republikan në Dalton, në pjesën veriore të shtetit, duke u thënë mbështetësve se zgjedhjet mund të ishin “shansi i tyre i fundit për të shpëtuar Amerikën që duam”.
“E majta ekstreme dëshiron të shkatërrojë vendin tonë, të shkatërrojë historinë tonë dhe të fshijë gjithçka që ne duam”, tha presidenti Trump. “Kjo mund të jetë vota më e rëndësishme, që do të hidhni ndonjëherë në jetën tuaj.”
Ai gjithashtu vazhdoi kritikat e tij ndaj zyrtarëve të zgjedhjeve në Xhorxhia, që refuzuan të përmbysnin humbjen e tij të ngushtë ndaj Bidenit në shtet, duke pretenduar në mënyrë të rreme se ai fitoi dhe se vota ishte “e manipuluar”.
Zyrtarët e Xhorxhias hedhin poshtë pretendimet e Trumpit për mashtrime
Numërimi fillestar i votave në zgjedhjet presidenciale të nëntorit dhe dy rinumërime më pas, treguan se zoti Biden fitoi.
Në një telefonatë të shtunën, Trump i kërkoi zyrtarit më të lartë të zgjedhjeve të këtij shteti, Sekretarit të Shtetit Brad Raffensperger, një republikan, të gjente 11,780 vota të tjera për të përmbysur rezultatin.
Por zoti Raffensperger hodhi poshtë kërkesën e Trump-it dhe të hënën i tha kanalit ABC News se presidenti “thjesht e ka gabim” kur flet për parregullsi zgjedhore në Xhorxhia.
Marrë nga: VOA
(A.k.dosja.al)
1 vit nga zgjedhjet e 25 prillit si e shikoni gjendjen e vendit:
ANGLI- Rastet e infektimit me mutacionin e Covid në Angli kanë rënë. Lajmin e kanë bërë të ditur mediat huaja të cilat shkruajnë se mbyllja e vendit gjatë festa...
KOSOVË– Të tjera detaje janë zbardhur nga vrasja e katërvishtë e ndodhur në në fshatin Pozheran të Komunës së Vitisë, rreth një javë më parë, ku një burrë ...
KOSOVË- Presidentja Vjosa Osmani ka reaguar pas shpërthimit të bombolës në qytetin e Ferizajt. Në një postim në Facebook ajo ka thënë se ngjarja që ka ndod...
KOSOVË– Me 92 vota pro, asnjë kundër dhe asnjë abstenim, është votuar kontigjenti i Forcës së Sigurisë së Kosovës të dërgohet jashtë vendit për misio...
SHBA– Ndërsa miliona njerëz po presin për të marrë dozat e vaksinave anti-COVID, disa mashtrues janë duke përdorur platformat online për të ‘joshur’ qytet...
BOLIVI- Një stuhi e madhe breshëri ka bërë që Bolivia të përmbytet. Lajmin e kanë bërë të ditur mediat e huaja të cilat shkruajnë se stuhia ka zgjatur për rreth...
GJERMANI– Kancelarja Angela Merkel dhe kryeministrat e 16 shteteve federale të Gjermanisë ranë dakord të Martën pasdite për të zgjatur me tre javë bllokim...
SKOCI- Kryeministrja skoceze, Nicola Sturgeon ka përgënjeshtruar lajmet se Presidenti amerikan Donald Trump do të vizitonte Skocinë ditën që Joe Biden do të mer...
DANIMARKË– Masa të reja janë raportuar sot për Danimarkën nën rrezikun e përhapjes së variantit të ri të koronavirusit.Danimarka vendosi një bllokim ...
PAKISTAN– Testet e virgjërisë për të mbijetuarit e sulmeve seksuale janë nxjerrë të jashtëligjshme në provincën më të populluar të Pakistanit, në një vendim his...
