Politike

VIDEO/ Tensionet politike në vend, Meta me gazetarët: S’po e sabotoj unë Reformën në Drejtësi, s’kam në plan të krijoj parti të re

  • Kim mesazh të prerë politikës: S’ka pazare dhe lojëra me Reformën Zgjedhore dhe atë në Drejtësi!
  • Zbardhet DRAFTI i Metës: KP për Reformën në Drejtësi, 14 pika që sjellin opozitën në sistem!
  • Presidenti Meta është shprehur sot se nuk është ai që po pengon Reformën në Drejtësi. Në një konferencë për mediat Presidenti kërkoi një tryezë ku mund të ballafaqohen të gjitha palët poltike dhe të shihet se kush është sabotatori. Po ashtu mohoi se do krijojë një parti të re dhe lajmëroi se çdo të premte do ketë konferencë për mediat.
    Featured image of article: VIDEO/ Tensionet politike në vend, Meta me gazetarët: S’po e sabotoj unë Reformën në Drejtësi, s’kam në plan të krijoj parti të re Ilir Meta, President i Shqipërisë

    TIRANË- Presidenti Ilir Meta ka zhvilluar një konferencë për mediat, ku tregoi dokumentin me 14 pika që ia ka dërguar Edi Ramës, opozitës dhe të gjithë ambasadorëve. Në fjalën e tij Meta mohoi se të kishte lidhje me deklaratën e ambasadores së SHBA në Tiranë, Yuri Kim, e cila hodhi akuza për sabotim të Reformës në Drejtësi. Sipas Metës, lojërat me maska i bëjnë aktorët politikë, ndërsa ai luan pa maska dhe është Kreu i Shtetit.

    Presidenti iu bashkua shqetësimit të ambasadores dhe tha se palët politike dhe aktorët e tjerë duhet të ulen në një tryezë, të ballafaqohen dhe të kuptohet se kush bën lojëra politike dhe është sabotator i Reformës në Drejtësi. Një akuzë nuk mungoi as për Ardian Dvroranin, duke u shprehur se duhet të ishte larguar nga Gjykata e Lartë dhe Këshilli i Emërimeve në Drejtësi.

    Meta tha se Dvorani është i jashtëligjshëm në institucionet e drejtësisë dhe hodhi akuza se ai mund të jetë një nga ata që pengon Reformën në Drejtësi.

    Për më shumë bëhu pjesë e grupit më viral në Facebook, Dosja.al

    Për sa i përket akzuave të Ramës se ai mund të krijojë një parti të re, Meta u shpres se deri në 22 korrik 2022 do jetë në zyrën e Presidentit të Republikës. Ai mohoi çdo deklaratë të Kryeministrit dhe tha se koha do e tregojë kush ka të drejtë dhe kush gënjen.

    Në fund Presidenti njoftoi se nga kjo javë do ketë konferencë çdo të premte, ku do flasë për zhvillimet politike në vend.

    (A.B. F.G. Dosja.al)

    • 13:01

      "Unë do vdes për ty moj, do vdes!"/ Meta "shkrihet" gazit me gazetaren: Ku isha unë para një viti? Po prisja zotërinë, kur lahej në pishinë tek Sheratoni (DEKLARATA)

      Presidenti Ilir Meta ka replikuar me gazetaren e RTSH, Melisa Shemeti e cila e pyeti se pse presidenti nuk i bëri këto propozime me 14 pika një vit më parë.

      REPLIKAT:

      Meta: Ku isha unë? Unë do vdes për ty që harron kaq shpejt, unë do vdes për ty. Na mbysin me dezinformacion (i bie me dorë tavolinës)

      Gazetarja: Mos u nxeh

      Meta: jo nuk nxehem

      Gazetarja: Ju ishit në mal, apo në bregdet duke u freskuar…

      Meta: Ku ishim ne para një viti? Ishim në prag të një vëllavrasje, mitingje njëra palë, antimiting pala tjetër, ca bëra unë? Thashë aman mo hajde të bëjmë zgjedhje lokale si gjithë të tjerët. U thashë që pa zgjedhje gjithëpërfshirëse shkelet kriteri i Kopenhagenit, nuk hapen negociatat dhe shtohen kushtet. Hajde bëjmë zgjedhje vendore si njerëz se, në Europë po përpiqen të mos na ndajnë ne nga Maqedonia. U detyrova për të shmangur përplasjen, për të ulur palët. E mbani mend që unë e prisja këtu përpara zotërinë, dhe ai lahej në pishinë te Sheratoni?

    • 12:54

      Meta me laps e me letër: 1/3 e Shqipërisë është mbjellë me kanabis, 2/3 me beton, unë s'ndjek axhendën e Bashës dhe Monikës...po bëra parti eja më quaj gënjeshtar! (REPLIKA)

      Presidenti Ilir Meta sfidoi gazetarët se në rast se ai do të krijojë parti politike, siç deklaroi kryeministri Edi Rama dje, do të pranojë epitetin “gënjeshtar”. Presidenti solli gjithashtu në vëmendje, edhe deklaratën e prokurorit italian, i cili tha se Shqipëria ka rritur sërish prodhimin e kanabisit, në 1/3 e sipërfaqes.

      Ilir Meta: Unë s’kam ndjekur axhendën e Bashës dhe Monikës. Unë iu kam thënë ejani këtu, as t’i shtyjnë të tjerët të dalin dhe t’i zëvendësojnë në atë mënyrë të papërgjegjshme, me akt administrativ nga sekretari parlamentit, kur Kushtetuta jonë ka procedurë tjetër. S’duan të vazhdojnë me maska, të vazhdojnë. Unë jam ky që jam, po me Kushtetutën e Shqipërisë, Integrimin dhe Kosovën nuk bëj lojëra. Do ta përfundosh pyetjen vazhdo. Këtu do jemi, po bëra unë parti, eja më thuaj gënjeshtar. Por do mbështes çdo lëvizje që dënon dhunën kriminale, si ajo e kolegut Alfred Lela. Se në vend të merren me çunat problematikë, që siç tha prokurori i Anti-Mafias kanë mbjellë me kanabis 1/3 e Shqipërisë, se 2/3 janë beton. 

    • 12:52

      Meta kërkon sërish largimin e Dvoranit: Po qëndron në mënyrë të jashtëligjshme, kush firmos për t’i dhënë rrogën?

      Presidenti Ilir Meta ka kërkuar edhe njëherë sot largimin e Ardian Dvoranit nga Gjykata e Lartë. Sipas Metës, Dvorani po qëndron në mënyrë të jashtëligjshme në GJL dhe KED, pasi mandati i ka mbaruar para 7 vitesh.

      Më tej, kreu i shtetit shtoi se maskat kanë rënë dhe të ai luan pa maska dhe është i hapur me të gjithë ndërkombëtar.

      “Kush e mban Dvoranin në sistemin e drejtësisë? Kush e mban atë në Gjykatën e Lartë? Hoqën të gjithë e lanë vetëm këtë. Po pse e mbajnë vetëm këtë, pasi thuhet se është dhe në krye të KED. Ai duhet të kishte ikur tani që kur erdhi Sokol Sadushi, është shkakrkaur tre herë deri tani. Kush i bënë lojërat me reformën në drejtësi, maskat kanë rënë. Përgjegjësinë ta mbajnë ata që mbajnë maska, unë jam i hapur me ndërkombëtaret dhe të gjithë të tjerë. Ai nuk mund të jetë as pjesë e trupës gjykuese të GJL, është jashtë ligjit. Unë se di kush firmos për t’i dhënë dhe rrogën atij.”, u shpreh Meta.

    • 12:42

      Rama paralajmëroi parti të re, përgjigjet Meta: Jam president deri në 2022...por duhet një Front Demokratik, të gjithë të zgjohen!

      Ilir Meta: Më vjen keq që e bëni ju këtë pyetje Ambrozia. Jam president deri në vitin 2022, s’kam asnjë lëvizje. Por Fronti për Demokraci është për të gjithë, ka nevojë për një front, të gjithë duhet të zgjohen dhe të marrin në dorë fatet e tyre.

    • 12:35

      Meta i përgjigjet ambasadores Kim: Shqetësim i drejtë, duhet që të gjithë aktorët politike të ballafaqohen e të shohim kush bën lojëra me reformën

      Presidenti Ilir Meta i është përgjigjur sot deklaratave të ambasaodres së SHBA në Tiranë Yuri Kim, e cila u shpreh se është e shqëtësuar për lojërat që po bëhen në Reformën në Drejtësi. Meta u shpreh se Kim ka të drejtë pasi aktorët politikë në vend po bëjnë lojëra dhe duhet një ballafaqim mes të gjitha palëve.

      “Nuk kam parasysh Këshillin Politik të Reformës Zgjedhore, por e kam tek gjithëpërfshirja dhe mund të ketë një emër tjetër dhe një nivel më i lartë. BE kërkon përfshirjen në dialog të opozitës reale. Unë kam katër vite që them stop lojërat me Reformën në Drejtësi, prandaj them se ambasadorja ka të drejtë për atë që thotë. Shqetësimi është i drejtë, pasi akotrët politikë kanë luajtur dhe Presidenti nuk është aktor politik, por kreu i shtetit. Kam kërkuar gjithmonë zbatimin e Reformës në Drejtësi.

      Tani që jemi në këtë situatë, përsëri presidenti është gati të ballafaqohen të gjithë, për të parë se kush ka bërë dhe kush po bën lojëra. Nuk po negocioj asgjë përveç këtyre 14 pikave. Këto i dinë të gjithë që në 8 prill, përfshirë ambasadoren e SHBA dhe ambasadorin britanik, që s’është më as në BE. E dinë të gjithë platformën e presidentit Meta, do të jetë kudo, që të shikojnë dhe vlerësojnë se çfarë ka kërkuar presidenti Ilir Meta, jo vetëm për Reformën në Drejtësi, por edhe për elementë të tjerë të mbarëvajta”, u shpreh Meta. 

    • 12:37

      Marrëveshje për të vrarë reformën në Drejtësi? Meta: Ambasadorja se kishte për mua, jemi takuar shpesh

      Ilir Meta: Detyra ime s’janë qëndrimet e ambasadorëve, por të jeni të bindur që vetëm për Ilir Metën nuk e kishte. Ta dini që e kam takuar shumë herë ambasadoren, më shumë se këdo, por s’kam njoftuar juve apo të porosis titra. Detyrat e mia i kam përmbushur me korrektësi. Këtë platformë që prezantoj ia kam çuar edhe ambasaodres me kërkesë të saj natyrisht.

    • 12:34

      Meta: Unë s'ulem në tavolinë për karagjozllëqe dhe foto!

      Ilir Meta: S’ulem unë në tavolinë për karagjozllëqe dhe foto. Merrini shihni 14 pikat. Kjo është platforma ime. Le ti zgjidhin edhe pa mua. Kam nisma të tjera, gjakun, malet tona më të larta. Shiheni, vetëm ky dokument është. S’ka dokument tjetër. Duan konflikte me cicë-mice dhe kalim përgjegjësish. Burimi i konfliktit është identifikuar tashmë në të gjithë botën. Vendi po shkon drejt një humnere, kjo e tregon më shumë braktisja e të rinjve.

    • 12:30

      "Maskat e Reformës kanë rënë"/ Meta: Rama është fabrika më e madhe e thashethemeve në Shqipëri

      Ilir Meta: I informova për paligjshmëritë e Teatrit. Siç jam gati të përballem për hetimin ndërkombëtar për Teatrin, edhe për këtë jam gati. I kam veprimet e mia, i kam të dokumentuara. Maskat e Reformës kanë rënë. Ata s’duan të mbajnë sot asnjë informacion. Nga kjo përfiton vetëm 1 njeri, që është fabrika më e madhe e thashethemeve në Shqipëri.

    • 12:18

      “Çdo fundjavë do jem këtu”, Meta: Kam bërë çdo gjë që të kishin një klimë pozitive, kanë ndodhur zhvillime shokuese

      Presidenti Ilir Meta në një konference për mediat ka bërë me dije se prej sot do javë do të ketë një konferencë me mediat për të folur për çështjet më të rëndësishme në vend. Meta tha se  ai ka bërë çdo gjë që të kishte një klimë pozitive në vend dhe të plotësoheshin sa më shumë kushte për provimin e qershorit që e bëjmë në BE.

      “Çdo fundjavë do jetë këtu para jush për çështjet më të rëndësishme. Nisur nga zhvillimet shokuese në vend që kanë tronditur opinionin jo vetëm në Shqipëri. Më duhet të them se kam bërë çdo përpjekje, për të pasur një klimë sa më pozivitive pasi kemi provimin në qershor për BE-në. Kam bërë çdo gjë që të kemi një klimë pozitive që të përmbushim sa më shumë nga 15 detyrat. Ia kam dërguar Kryeministrit Edi Rama që po e bëj sot publike dhe ua kam dhënë dhe ambasadorëve dhe atyre që janë të interesuar”, shkruan Meta.

    Shto Koment