Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
“E gjithë Shqipëria e pret këtë ndeshje me padurim. Uroj që edhe rezultati t’i përgjigjet mobilizimit tuaj, mobilizimit të skuadrës dhe uroj që të festojmë pa asnjë incident”
TIRANE - Në prag të ndeshjes së kualifikueseve të “Euro 2024”, Shqipëri-Çeki, është zhvilluar një takim organizativ në “Shtëpinë e Futbollit”, ku është diskutuar për masat e sigurisë të marra për mbarëvajtjen e kësaj ndeshjeje të rëndësishme.
Në këtë takim morën pjesë presidenti i FSHF-së, Armand Duka, ministri i Brendshëm, Taulant Balla, drejtori i përgjithshëm i Policisë së Shtetit, Muhamet Rrumbullaku, sekretari i përgjithshëm i FSHF-së, Ilir Shulku, si edhe përfaqësues të tjerë të FSHF-së dhe drejtues të lartë të Policisë së Shtetit.
Në fillim, presidenti Duka falënderoi ministrin Balla dhe të gjithë strukturat e Policisë për bashkëpunimin, teksa kërkoi mbështetjen e të gjithë spektatorëve, që të bëhen pjesë e kësaj feste dhe të mos shkaktojnë probleme.
“Mbështetja e Policisë edhe në eventet e mëparshme në ndeshjen kundër Polonisë ka qenë e nivelit të lartë, e nivelit të mirë pavarësisht se kemi pasur ndonjë incident, por gjithsesi unë jam i sigurt se qoftë Policia, qoftë ne, nuk mund të bëjë asgjë nëse ne nuk kemi një bashkëpunim me ata që do të jenë në stadium, me spektatorët. Padyshim që i kam kërkuar dhe do t’i kërkoj spektatorëve që të jenë bashkëpunëtorë, që të na mbështesin, që të jenë pjesë e kësaj feste dhe uroj të jetë festë me rezultat dhe të mos bëjnë gjeste apo mos tentojnë të bëjnë gjeste që të rrisin stresin apo volumin e punës për Policinë.
Uroj që vërtetë të kthehet në festë, të mos kemi asnjë incident. Ne dhe ju po i bëjmë të gjitha dhe desha t’ju falënderoj edhe një herë për këtë që të mos kemi asnjë incident. Sepse në fund të fundit qëllimi juaj dhe qëllimi jonë është që t’i krijojmë kushte sa më të mira atyre që do të jenë në stadium, spektatorëve, futbollistëve, medias dhe të gjithë bashkë kontribuojmë për të pasur një event fantastik dhe performancë shumë të mirë të ekipet, sepse e gjithë Shqipëria e pret këtë ndeshje me padurim, e pret për një rezultat padurim. Uroj që edhe rezultati t’i përgjigjet mobilizimit tuaj, mobilizimit të skuadrës, të gjithë Shqipërisë dhe uroj që të festojmë, të festojmë pa asnjë incident”, - u shpreh presidenti i FSHF-së.
Ministri i Brendshëm, Taulant Balla, tha se takime të këtij niveli do të zhvillohen rregullisht në prag të përgatitjeve për evente të rëndësishme, për të diskutuar dhe marrë masa për çdo problematikë eventuale.
“Do të jetë një traditë tashmë që në prag të përgatitjeve të tilla të këtij niveli sikurse është kjo ndeshje kualifikuese e Shqipërisë në Kampionatin Europian 2024 dhe ndërkohë që besoj se duhet të fillojmë që tani përgatitjet për Kampionatin Europian të moshës U-17 që do të zhvillohet në Shqipëri që edhe ai do të kërkojë përgatitjet e veta janë disa problematika që duhet t’i ndajmë me publikun. Gjëja e parë dhe mesazhi i parë që duhet të ndajmë në fakt me publikun në këtë moment, ndërsa sportdashësit përgatiten për të ndjekur këtë aktivitet është çështja e biletave.
Siç jam informuar nga drejtori i përgjithshëm pas komunikimit edhe me zyrtarët më të lartë të FSHF-së i gjithë verifikimi do të jetë pa hyrë në stadium, që në momentin e parë të kontrollit fizik dhe kontrollit të biletës përmes një pajisjeje që verifikon vlefshmërinë e biletës. Kushdo që do të tentojë të përdorë bileta të falsifikuara duhet të ketë parasysh që hyn në juridiksionin e ligjit dhe Policia e Shtetit në bashkëpunim me Prokurorinë do të marrë të gjitha masat”, - tha ministri Balla.
B.T (Dosja.al)
ITALI - “Dëgjoj thashethemet këmbëngulëse për transferime që më lidhin me klube të rëndësishme, por e ri...
ANGLI - Manchester United është një mjedis, edhe para një ekipi, në krizë. Lajmet më të fundit qç ...
GJERMANI - Julian Nagelsmann, trajneri i ri i Gjermanisë, solli menjëherë një frymë të freskët në raundin e tij të ...
TIRANE - Zoran Zekiç i ka dhënë përshëndetjen e fundit ekipit pas largimit nga Partizani. Klubi kryeqytetas ka shpërndarë n...
TIRANE - Tomas Soucek u paraqit sot në sallën e konferencës për shtyp për të dhënë mendimin e tij përpara ndeshje...
TIRANE - Prej orës 20:45, sytë e të gjithë shqiptarëve do të jenë në “Air Albania” dhe për kët&e...
TIRANE - Sylvinho foli për ndeshjen me Çekinë në konferencën për shtypin. Kombëtarja kuqezi pret &...
TIRANE - Kapiteni kombëtares shqiptare të futbollit, Berat Gjimshit në konferencën për shtyp deklaroi, në prag të ndeshjes Sh...
BRAZIL - Munguar në ndeshjen e fundit të Al Hilal, pasi mori marrë pjesë në lindjen e vajzës së tij, Neymar humbi gjithashtu ...
GJERMANI - Edin Hazard kohët e fundit kërkoi kohë në karrierën e tij në moshën 32-vjeçare, por Harry Kane ...
