Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
“Ne si skuadër jemi rritur dhe përmirësuar, por duhet të përmirësohemi akoma më tepër. Kemi bërë një rrugëtim shumë të bukur, kemi lojtarë të mirë që po luajnë në nivele të larta”.
ÇEKI - Në prag të sfidës ndaj Çekisë, e vlefshme për Nations League, që do të luhet nesër në stadiumin “Epet Arena” në ora 20:45, trajneri Sylvinho, sipas traditës, doli tani në mbrëmje në konferencën zyrtare për media për të folur për këtë sfidë.
Trajneri i Kombëtares u shpreh se ndeshja ndaj Çekisë është shumë e rëndësishme dhe njëkohësisht edhe e vështirë, pasi Çekia ka një skuadër shumë të mirë. Sa i përket ekipit tonë, tekniku i kuqezinjve u shpreh se përgatitjet kanë shkuar shumë mirë dhe se skuadra është gati për të dhënë maksimumin nesër në fushë. Ndër të tjera, trajneri Sylvinho riktheksoi se ekipi shqiptar po rritet dhe po përmirësohet shumë si skuadër.
Si e prisni këtë ndeshje? “Do të jetë një ndeshje e rëndësishme duke qenë se Çekia është skuadër shumë fizike, bën tranzicione të shpejta, do të jetë e vështirë. Çekia ka shumë lojtarë të mirë, ka mesfushorë të mirë që mund të shënojnë edhe gola. Sulmuesi i tyre po ashtu është shumë i fortë, por ne jemi këtu për të luajtur. Janë 90 minuta përpara, jemi përgatitur. Asnjë trajner nuk e përgatit ndeshjen për të barazuar, por ne do të futemi në fushë për të dhënë më të mirën”.
Pse jeni kaq i menduar? Lidhet me formacionin, gjendjen e skuadrës, ndeshjen nesër? “Kjo është jeta e një trajneri, lidhet me të menduarit dhe sigurisht duke punuar. Puna në Kombëtare është e tillë, duke qenë se janë 10 ditë për të punuar. Kemi dy transferta në këtë rast, kemi pak kohë për t’u përgatitur për ndeshjen. Është një sfidë e vështirë, shohim vazhdimisht kundërshtarin. Por jemi të bindur për formacionin që do të zgjedhim. Do të jetë e vështirë, por na pret një ndeshje e bukur. Është një ambient i bukur. E tillë është puna në Kombëtare, duke qenë se çdo gjë ecën shumë shpejt. Nuk ka shumë kohë për të humbur. Kemi zhvilluar disa seanca stërvitore, kemi analizuar ndeshjet. Kemi pasur pak kohë, por duhet të futemi në fushë për të dhënë më të mirën”.
Mungesat në sulm? “Para një muaji kishim Manajn dhe mungonte Daku, tani kemi Dakun dhe mungon Manaj. Janë dy sulmues shumë të fortë me karakteristika të ndryshme. I kemi pasur edhe në Europian dhe pas Europianit. Në ndeshjet e shtatorit Manaj ishte pak i lodhur në sfidën e dytë, por kjo është puna e stafit dhe e trajnerit. Duhet të gjesh zgjidhje për të ecur përpara. E gjithë puna e Kombëtares nuk është e përqendruar në vetëm 10 ditë. I gjithë stafi punon në kohë të zgjatur dhe nuk punon me vetëm 23 lojtarë, por edhe me listën në pritje me rreth 60 lojtarë, pas të cilëve ne jemi gjithmonë i njohim dhe i ndjekim. Këtë herë kemi marrë Tucin, e njohim dhe luan këtu në Çeki. Është lojtar fizik dhe i mirë, nuk luan fiks si sulmues kryesor, por si trekuatrist dhe mesfushor i avancuar. Ka ardhur në Tiranë menjëherë pas ftesës dhe tani rikthehet përsëri në Çeki. Është lojtar interesant dhe tani ka mundësi për të treguar veten. E kam thënë edhe më përpara, unë nuk besoj në eksperimente, por besoj në mundësitë që mund të jepen. Nuk ka rëndësi nëse një lojtar luan 20 apo 90 minuta, por mund të ketë hapsirë për të qenë në Kombëtare. Stafi duhet të krijojë mundësi, të punojë dhe të gjej zgjidhje”.
Pse e zhvilluat seancën stërvitore zyrtare në Tiranë? “Është çështje logjistike. Kishim një fluturim që duhet të ishim këtu në orën 17:00 dhe për të mos rrezikuar, që në rast të ndonjë vonese, ne të mos humbisnim stërvitjen, diskutuam dhe vendosëm që ta zhvillonim stërvitjen në “Shtëpinë e Futbollit”. Ne kemi një qendër stërvitore shumë të bukur. Nuk ishte frikë, thjesht çështje logjistike.
Qazim Laçi do të jetë nesër në formacion? “Nuk i kam kërkuar Laçit të më japi informacione për shokët e skuadrës më të cilët luan, por do ta pyes sonte. Në varësi të përgjigjes së tij do të vendosim nëse do të jetë pjesë e formacionit apo jo (qesh)”.
Ndeshja ndaj Çekisë? “Është një ekip i vështirë, i ashpër dhe luan në nivele shumë të larta. Kanë luajtur në kampionate Europiane dhe Botërore. Ne si skuadër jemi rritur dhe përmirësuar, por duhet të përmirësohemi akoma më tepër. Kemi bërë një rrugëtim shumë të bukur, kemi lojtarë të mirë që po luajnë në nivele të larta. Nedim Bajrami kaloi te Rangers, një kampionat ndryshe dhe kompetitiv që luajnë edhe lojtarë të tjerë, siç është edhe Cerny i Çekisë që është fizik dhe i fortë. Ne kemi lojtarë shumë të mirë dhe nesër do të kemi një ndeshje shumë të bukur. Përsa i përket sensit të inferioritetit nuk mendoj që ka, jemi dy skuadra të ndryshme. Kemi pasur një periudhë shumë të mirë me Kombëtaren, shkuam në Europian dhe zhvilluan kualifikuese shumë të mira. Ky është rrugëtimi jonë dhe të shohim se si do të ecim”.
Si lojtar me Arsenalin keni shënuar një gol kundër Sparta Pragës, çfarë kujtoni nga ajo kohë? “Më jep emocione ajo ndeshje. Ka qenë një ndeshje e bukur. Koha kalon shpejt dhe çdo ditë duhet ta shohim si një dhuratë, për ta jetuar dhe për të bërë mirë. Ka qenë një gol i bukur ai që kam shënuar. Nuk e dija që edhe trajneri i Çekisë ka luajtur në atë kohë. Të dy kemi avancuar në jetën tonë, kemi kaluar në një stad tjetër. E njoh si trajner, ka trajnuar në Japoni, Katar, Francë. Është një trajner i mirë. Besoj se të dy do të donim të luanim në fushë, por jemi pak të vjetër për këtë gjë.
B.T (Dosja.al)
SPANJE - Lajmi nuk është i mirë për Luis de la Fuente, dy ditë para se Spanja të luajë në Nations ...
SPANJE - Nuk do të ketë më kohë shtesë në Superkupën e Spanjës. Ky ka qenë njoftimi i Federatës Mbretër...
ISLANDE - Albert Gudmundsson fitoi raundin e parë kundër akuzës për 'sjellje të pahijshme seksuale', pas ankesës së nj...
GREQI - Juventusi i është bashkuar sërish Shoqatës së Klubeve Evropiane (ECA). “Zonja e Vjetër” ishte larguar nga ky...
ITALI - Luciano Spalletti gjithashtu ka fjalën e tij për hetimin që ka nisur për tifozët e Interit dhe Mila...
SPANJE - Tenisi botëror ka humbur një nga fenomenet më të mëdha të dy dekadave të fundit. Spanjoli Rafael Nadal n...
ANGLI - Në ballinat angleze fokusi i kushtohet kombëtares dhe të ardhmes së pankinës së saj. Sugjerimi ...
SPANJE - Gjatë intervistës së gjatë të dhënë për edicionin e sotëm të Mundo Deportivo, portieri i Barce...
GJERMANI - Bayern Munich është gati ta mbyllë me Joshua Kimmich. Futbollisti gjerman është kthyer në një shtyllë ...
AUSTRALI - Ndeshja e vlefshme për ditën e tretë të kualifikueseve të Kupës së Botës 2026, për sa i përket Ko...
