Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Kush nuk e ka menduar të bëjë bujë në botën e futbollit dhe të fitojë famë duke luajtur futboll? Ka nga ata që janë bërë, qoftë edhe për pak muaj, edhe pa luajtur kurrë futboll
MEKSIKË-Kush nuk e ka menduar të bëjë bujë në botën e futbollit dhe të fitojë famë duke luajtur futboll? Ka nga ata që janë bërë, qoftë edhe për pak muaj, edhe pa luajtur kurrë futboll: është historia e Dionicio Farid Rodriguez Duran, një djaloshi meksikan i lindur në vitin 1999, i cili disa vite më parë çmendi botën e futbollit, duke e konsideruar veten futbollist të Juventusit. Gjithçka fillon në vitin 2017. Dionicio një djalë 19-vjeçar pushtoi famën që askush nuk kishte arritur ta përkëdhelte më parë dhe ai e bën këtë duke shfrytëzuar atë që një djalë mund të bëjë më mirë: rrjetet sociale.
“Shumë i lumtur për golin e parë me këtë fanellë”. Me këtë postim të thjeshtë Dionicio Farid Rodriguez Duran rinis aventurën e tij në Instagram, në të cilën i përshkruan botës debutimin e tij në radhët e Primavera-s së Juventusit. Është shtatori i vitit 2017 dhe në pak çaste, ueb-i bën mrekullinë, duke e shndërruar në realitet atë që publikon Faridi: profili i tij në Instagram ndiqet nga 100, 1,000, 10,000 ndjekës në pak ditë, deri në shifrën e pabesueshme prej afro 20 mijë ndjekës. Të gjithë e vënë re, mediat flasin për të, askush nuk e kontrollon vërtetë vërtetësinë e asaj që shkruan dhe publikon sepse Faridi e di mirë: nëse rrjetet sociale thonë kështu, atëherë është e vërtetë.
Në shtëpi ai shpejt u bë një njeri i famshëm: një i ri meksikan që ia kishte dalë nga hiçi, zbarkoi në një nga klubet më prestigjioze në botë, i cili së shpejti do të luante përkrah Cristiano Ronaldos, Dybala-s dhe kampionëve të Juventusit. I riu, megjithatë, nuk mjaftohet vetëm me publikimin e fotografive të tij me bluzat dhe logot e Juventusit. Djaloshi merr një fotografi të Juventus Primavera-s së vërtetë, me djemtë që festojnë një fitore si grup. Ata janë të gjithë të moshës së tij, dhe Faridi e kupton që është perfekt, ndaj për pak orë bën mrekullinë: i heq fytyrën mbrojtësit të Juventusit, e zëvendëson me të tijën dhe publikon gjithçka në rrjetet sociale.
Selfie dhe autografe që ai bën vazhdimisht për fansat e tij të rinj nëpër qytet bëhen të shpeshta. Ai i lejon vetes luksin të japë opinione për futbollistët e njohur meksikanë, duke deklaruar në një intervistë se ka njohur dhe ndërtuar një marrëdhënie të mirë me Javier Aquino. Një yll i vërtetë që thirret për të inauguruar fushat e futbollit në zonat pranë vendlindjes së tij. Ai shkon aq larg sa në një intervistë tjetër pohon se përveç vëzhguesve të Juventusit, ai ishte identifikuar edhe nga Rayo Vallecano apo Getafe në Spanjë. Gazeta meksikane “Marcador” e kontakton për ta prezantuar me të gjithë si një lojtar me një të ardhme të sigurt të ndritur në Europë. Pak ditë më vonë, Farid nënvizon se ka luajtur në Champions League-n e të rinjve dhe duke bërë të ditur se është gati të debutojë në Champions League me Juventusin e madh: “Juventus grumbullon Dionicio Farid”, ishte titulli i gazetës.
Ndërkohë, Farid po shijon suksesin, jo thjesht virtual. Ai shkon në kampe për fëmijë, jep këshilla, nënshkruan autografe. Ai pohon në intervistat e ndryshme se përpara se të vihej re nga skautët e Juventusit, ai do të kishte luajtur në dy ekipe të rinjsh në Meksikë: Fuerzas Básicas të Club Lobos dhe Pumas.Të gjithë flasin për atë djalë, i cili si një fillestar i panjohur i lindur në një nga periferitë e shumta të futbollit botëror arriti të realizojë ëndrrën e tij. Por kjo është pikërisht ana tjetër e fatit për Farid: të gjithë flasin për të dhe, në fund, dikush fillon të kontrollojë.
Ai fëmijë me fytyrë të pastër që tërbohet në rrjetet sociale dhe në TV të Amerikës së Jugut dhe që flet për qëllime, bëmat dhe një karrierë në rritje, rezulton të jetë një mashtrim i vërtetë. Goditja e parë vjen nga e kaluara e tij e rreme rinore mes Lobos dhe Pumas në Kategorinë e Dytë: e lehtë për t'u kontrolluar dhe asnjë version nuk do të jetë i vërtetë. Sipas drejtuesve të Lobos, Dionicio Farid bëri një test me klubin disa vite më parë, por nuk u zgjodh për të qenë pjesë e ekipit. Në faqen zyrtare të Liga Bancomer nuk ka asnjë regjistrim të tij dhe për rrjedhojë e ka pasur të pamundur që lojtari të jetë pjesë e ndonjë ekipi profesionist në Meksikë.
Një ‘e metë’ në jetën reale false që bashkohet dhe shkon dorë për dore me atë virtuale: fama e Faridit arrin vërtet në Itali dhe ka nga ata që duan ta shohin qartë, sidomos duke vëzhguar llogaritë zyrtare të djalit dhe duke kontaktuar me Juventusin. E thjeshtë, por askush nuk e kishte bërë deri atëherë: klubi konfirmon qartë se asnjë lojtar meksikan 19-vjeçar nuk kishte nënshkruar ndonjëherë. Jo vetëm kaq, një kontroll i shpejtë zbulon se Faridi as që ka shkelur kurrë në Itali. Goditja përfundimtare vjen kur publikohet mashtrimi online i mashtruesit të ri: fotografia e famshme në të cilën Farid zuri vendin e Joaos, i referohej një ndeshjeje mes Juventus Under 20 dhe Olympiakos në shtator 2017.
I demaskuar nga të gjithë, Dionicio Farid vendos të zhduket: kampioni i rremë 19-vjeçar fshin profilin e tij dhe zhduket plotësisht nga radarët e internetit dhe më pas nga ata të jetës reale. Ai nuk është më i arritshëm në telefon, ai e mohon veten para atyre që duan ta intervistojnë ose thjesht të dëgjojnë historinë e tij. Zhduket në ajër po aq shpejt sa lindi historia e tij. Pa u gjetur më kurrë, duke u bërë fantazmë. Si në Itali ku nuk kishte shkelur kurrë. As për të luajtur për Juventusin.
E.Ç (Dosja.al)
TURQI - UEFA ka organizuar pak ditë më parë Konferencën Vjetore të Sigurisë “Sharing the Stage”, që kët&eu...
GJERMANI - “Dua të nënvizoj se paratë kanë rëndësi deri në njëfarë pike. Të ardhurat nga të drejt...
ANGLI - Antonio Cassano, ish-lojtari karizmatik përpos të tjerave edhe i Real Madridit, ka bërë disa deklarata për sulmuesit e rinj t...
Benjamin Mendy akuzohet për tetë përdhunime, një sulm seksual dhe një tentativë përdhunimi ANGLI - Juria në gj...
FRANCE - Në konferencën për shtyp para ndeshjes ndaj Juventusit, krahas trajnerit Galtier, ishte edhe sulmuesi Kylian Mbappe, i cili u sulmua m...
FRANCE - Divizioni Kombëtar i Huliganizmit (DNLH) në Paris e ka klasifikuar PSG-Juventus, të martën në mbrëmje, si një ndes...
PORTUGALI - Paulo Silva, menaxher biznesi dhe babai i Bernardo Silva, ishte një nga të ftuarit e shumtë në forumin ‘Football Talks&r...
SPANJE - Messi është përfshirë në një polemikë të re në Spanjë. Aktualisht në PSG, ylli argjentina...
GREQI - Marcelo u prit në apoteozë të vërtetë në Athinë. Ish-lojtari i Real Madridit ka nënshkruar kontratë ...
NORVEGJI - Federata Norvegjeze e Futbollit njoftoi këtë të hënë se Mathias Normann do të përjashtohet nga ndeshjet e radh&e...
