Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
AUSTRALI– Ditën e sotme i gjithë vendi ka raportuar vetëm 16 raste të reja, një rënie e ndjeshëm kjo pasi më 28 mars vendi shënoi 460 raste të reja brenda një dite. Kryeministri Australian Scott Morrison ka thënë ditën e sotme se Kabineti Kombëtar do të takohet në 8 maj për të diskutuar rreth masave lehtësuese të bllokimit, duke paralajmëruar se me shumë gjasë vendi do të dalë nga izolimi në datë 11 maj.
“Australianët kanë fituar një shenjë të hershme. Ne kemi nevojë për të rifilluar ekonominë tonë, ne duhet të rifillojmë shoqërinë tonë.”- tha Morrison.
Në disa shtete, kurba është rrafshuar plotësisht: Queensland nuk ka raportuar ndonjë rast të ri që nga e hëna, ndërsa Australia e Jugut nuk ka raportuar asnjë rast të ri për më shumë se një javë.
“Nuk ka më raste në Australinë e Jugut. Kjo është një pikë referimi për ne.”– u shpreh Shefja e Shëndetit Publik të Australisë së Jugut Nicola Spurrier.
Shteti jugor prej 1.6 milion banorësh, qyteti i pestë më i populluar i vendit, Adelaide, ka raportuar se 438 raste në total të Covid-19, me vetëm 14 raste të mbetura aktive dhe katër vdekje.
“Unë mendoj se shumë njerëz janë të befasuar në Australi për mënyrën e mirë që kemi punuar gjatë situatës së vështirë të Covid-19. Me të vërtetë, kur ju shikoni në të gjitha shtetet dhe territoret, ky është vendi më i sigurt në botë, përveç Zelandës së Re.”– tha ajo.
Vendi fqinj, Zelanda e Re kohët e fundit arriti qëllimin e saj ambicioz të “eliminimit” të koronavirusit, pasi shkalla e infeksionit ditor nuk ka arritur ende në zero, ndërkohë vendi është në gjendje të gjurmojë origjinën e secilit rast të ri. Në total, Australia, e cila ka një popullsi prej rreth 25 milion banorësh, ka raportuar 6.762 raste të konfirmuara. Nëntëdhjetë e dy prej këtyre rasteve kanë rezultuar me vdekje, dhe 5,720 prej tyre janë shëruar, sipas autoriteteve vendase.
“Ne po vazhdojmë të bëjmë shumë mirë rreth Australisë për të shtypur virusin dhe kemi rrafshuar vërtet kurbën e rasteve dhe infeksioneve të reja. Siguria ka qenë fokusi ynë themelor dhe suksesi i strategjisë, që ka bërë Australinë të jetë një vend shumë i ngjashëm me Zelandën e Re, e cila ka thënë se strategjia e saj ka për qëllim eliminimin e Covid-19.”- u shpreh një zëdhënës për Departamentin e Shëndetit Australian në një deklaratë ditën e djeshme.
Disa shtete të Australisë tashmë kanë nisur me lehtësimin e masave dhe rregullave të distancimit shoqëror. Ndërkohë Australia Perëndimore dhe Australia e Jugut kanë zbutur edhe më shumë masat, ku nga 2 persona tani lejohet qëndrimi në grupe prej 10 personash.
Në Australinë Perëndimore, e cila shënoi disa ditë me rradhë zero raste gjatë javës së kaluar, parqet kombëtare u rihapën të premten, dhe gati 60% e studentë të shkollave publike janë rikthyer në mësim.
Në Territorin e largët Verior, ku nuk janë raportuar raste të reja për tre javë, banorët do të jenë në gjendje të përdorin pishinat publike, të shkojnë për peshkim me miqtë dhe të luajnë golf duke nisur nga dita e sotme. Shteti gjithashtu ka parashtruar plane për të ringritur ekonominë, duke lejuar që restorantet, baret dhe palestrat të rihapen më 15 maj dhe të heqin kufizimet e fundit në datë 5 qershor.
Masa kufizuese
Suksesi i Australisë në zbutjen e shpërthimit filloi me masat e hershme për të ndaluar hyrjen nga zonat me rrezik të lartë.
Më 1 shkurt, Australia u bashkua me Shtetet e Bashkuara në mbylljen e kufijve të saj për të gjithë vizitorët e huaj që kishin qenë kohët e fundit në Kinë, ku shpërthimi u raportua për herë të parë në dhjetor të vitit të kaluar nga Wuhani.
Ndërsa virusi u përhap dhe rastet e reja u shënuan edhe jashtë kufirit kinez, Australia ndaloi hyrjet nga Irani, Koreja e Jugut dhe Italia në fillim të marsit, përpara se të mbyllte plotësisht kufijtë e tij për të gjithë ata qytetarë që nuk ishin rezidentë, nga 19 marsi.
Por pavarësisht strategjisë së suksesshme edhe Australia ka pasur gabimet e saj. Më 19 mars, lejoi më shumë se 2.600 pasagjerë të niseshin nga anija Ruby Princess në Sidnei. Mbi 600 raste dhe 15 vdekje kanë qenë të lidhura me anijen, sipas ABC.
Ndërsa pas rritjes së rasteve të reja në fund të marsit, Morrison njoftoi në 22 mars se të gjitha baret, klubet, kinematë, palestrat dhe vendet e fetare do të mbylleshin pa një afat, ndërsa restorantet dhe kafenetë do të kufizoheshin vetëm në qëndrimin e klientëve pasi çdo kush mund të blinte kafe dhe pije e më pas duhej të largohej. Ndërsa supermarketet, dyqanet e veshjeve, laboratorët dhe sallonet e bukurisë do të lejoheshin të qëndronin të hapura.
“Ajo që ne po bëjmë është mbyllja e tubimeve në klube dhe gjëra të asaj natyre, ne nuk po vendosim bllokime që do të kufizonin njerëzit në shtëpinë e tyre.”- tha Morrison në atë kohë.
Shteti i Victoria mbylli shkollat, dhe disa shtete, të tilla si Australia e Perëndimit dhe Australia e Jugut, mbyllën kufijtë e tyre, duke kërkuar që njerëzit të hynin në karantinë për dy javë.
Deri në fund të marsit, autoritetet vendosën rregulla më të rrepta për distancimin shoqëror, duke kufizuar tubimin publik për dy persona nga 10 që ishte më parë. Njerëzve u kërkohej të rrinin në shtëpi dhe të dilnin vetëm nëse është shumë e rëndësishme siç është pazari për ushqim, ushtrime dhe për arsye mjekësore.
Gjithmonë duke zgjeruar testimin
Ndërsa mbyllja e bizneseve, shkollave, kufizimet e udhëtimit dhe rregullat e distancës sociale janë masa të zakonshme të miratuara nga shumë qeveri në të gjithë botën, Australia gjithashtu punoi shumë në testimin masiv të çdo banori. Deri më tani, më shumë se 570,000 teste janë kryer në të gjithë Australinë, sipas Departamentit të Shëndetësisë.
Në krahasim nga Mbretëria e Bashkuar, me një popullsi 2.5 herë më të lartë se e Australisë, ka realizuar 763,387 teste.
Më 25 mars, Australia zgjeroi kriteret e saj të testimit duke përfshirë të gjithë punonjësit e kujdesit shëndetësor, punonjësit e kujdesit për të moshuar, të burgosur dhe njerëzit në pikat e tjera të identifikuara që kishin ethe ose simptoma të frymëmarrjes akute.
“Çdo kush me simptoma të frymëmarrjes akute, kollë, dhimbje të fytit, simptoma të ftohjes, simptoma të ngjashme me gripin, mund të testohet.”- tha Murphy në një konferencë për shtyp.
Të hënën, Murphy tha që Australia do të fillojë të testojë raste asimptomatike për herë të parë për të qenë absolutisht i sigurt që po kapin çdo rast të mundshëm.
Përplasja me Pekinin.
Ndërsa Australia duket se po menaxhon me sukses situatën e koronavirusit, ajo është përballur me një përplasje diplomatike me Kinën pasi kërkoi një hetim ndërkombëtar për shpërthimin e koronavirusit.
Kërkesa qeveritare për hetim global mbi origjinën e pandemisë së koronavirusit, përfshirë trajtimin e Kinës për shpërthimin fillestar në Wuhan, filloi javën e kaluar me Ministrin e Jashtëm Marise Payne duke i kërkuar Kinës të lejojë transparencë në këtë proces.
“Ky është një virus që ka marrë më shumë se 200,000 jetë njerëzish në të gjithë botën. Ai ka mbyllur ekonominë globale. Implikimet dhe ndikimet e kësaj janë të jashtëzakonshme. Do të duket plotësisht e arsyeshme dhe e ndjeshme që bota do të dëshironte të kishte një vlerësim të pavarur se si ndodhi e gjitha kjo, kështu që ne mund të mësojmë dhe të parandalojmë që një katastofë e tillë të ndodh sërish në një të ardhme. Unë besoj se do të ketë mbështetje në kohën e duhur , për të siguruar që do ta bëjmë hetimin.”– shtoi Morrison.
Burimi: CNN
A.C/Dosja.al
1 vit nga zgjedhjet e 25 prillit si e shikoni gjendjen e vendit:
SHBA- Presidenti Donald Trump bëri akuzën eksplozive se koronavirusi që ka shkaktuar miliona infeksione dhe shkatërroi ekonominë globale mund të jetë krijuar në...
GREQI– Ditën e sotme Sindikatat në Greqi u mblodhën për mitingjet e tyre vjetore të 1 Majit, të Ditës së Punës në qendër të Athinës, pavarësisht rregullave të v...
KORE E VERIUT- “Kim Jong-un është sëmurë dhe Koreja e Veriut po bën plane në rast se ai ndërron jetë.”– kjo ka qenë deklarata e shefit të inteligjencës së Tajva...
IRAN– Të paktën 63 pacientë me koronavirus kanë vdekur në 24 orët e fundit në Iran, duke e çuar në 6.091 numrin total të vdekjeve që prej fillimit të s...
SPANJË– Të paktën 281 persona kanë vdekur në 24 orët e fundit si shkak i koronavirusit në Spanjë, duke e çuar në total 24.824 numrin e viktimave...
RUSI– Rusia është një ndër vendet që nuk u prek fillimisht nga Covid-19, por në dy javët e fundit situata është përkeqësuar shumë. Në vend është rritur si numr...
MIÇIGAN– Protestuesit, disa të armatosur, mblidhen brenda kapitolit të shtetit të Miçiganit. Qindra protestues, disa të armatosur, u mblodhën bren...
KANADA– Personat që po shikoni në foto janë gjashtë ushtarët, pjesë e Forcave të Armatosura të Kanadasë, të cilët, humbën jetën pas rrëzimit të helikopterit në ...
ITALI– Në mes të krizës së koronavirusit në Itali, opozita në vend dhe kreu i së djathtës Matteo Salvini ka ‘pushtuar’ parlamentin në shenjë proteste.Mediat e...
KINË– Një rrugë ushqimore kineze e cila shet akrepa, shumëkëmbësha dhe insekte të tjera të skuqura, është rihapur pas mbylljes për 70 ditë nga shpërt...
