Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
KOSOVË-Profesori Vigan Qorrolli dhe avokati Arianit Koci, hedhin poshtë zërat se me aktgjykimin e fundit të Kushtetueses, do t’i ndalohet liderit të Vetëvendosjes Albin Kurti të kandidojë për deputetë në zgjedhjet e ardhshme.
Të dy vlerësojnë se në periudhën kur është kryer vepra, më 2015, dënimi me kusht e liron Kurtin nga pasojat juridike, sipas Kodi Penal të kohës.
Gjykata Kushtetuese në Aktgjykimin e saj të 21 dhjetorit në rastin “Etem Arifi”, vendosi të ndalojë personat e dënuar për vepër penale në tri (3) vitet e fundit – të bëhen pjesë e Kuvendit të Kosovës.
Kurti i është vërtetuar dënimi me kusht nga Apeli në shtator të 2018-s.
“Me të drejtë u ngritë dilema e pjesëmarrjes në zgjedhje të të dënuarëve me kusht në proceset gjyqësore të vitit 2018, në mesin e të cilëve edhe kryetari i LVV, Albin Kurti. U tha që ai nuk mund të kandidojë në zgjedhje meqë ka një dënim të plotëfuqishëm gjyqësor. Ani pse dënim me kusht dhe jo dënim efektiv me burg. Por këtë dilemë e ka të zgjidhur Kodi Penal i Kosovës dhe jurisprudenca kosovare. Dënimin me kusht – Kodi Penal i periudhës kur është kryer vepra penale nga z. Kurti, e për të cilën ai është gjetur fajtor nga Gjykata kompetente – e liron atë nga pasoja juridike. Neni 100, paragrafi 2 i Kodit Penal të Kosovës nr. 04/L-082 të vitit 2012 (të shpallur në Gazetën Zyrtare më 13.07.2012) thotë: {…} ‘Pasojat juridike të dënimit nuk krijohen kur kryesit i shqiptohet gjoba, dënimi me kusht apo vërejtja gjyqësore ose kur kryesi lirohet nga dënimi’”, ka shkruar Qorrolli në Facebook.
Sipas Qorrollit, parimi kushtetues është që “dënimet përcaktohen në bazë të ligjit që ka qenë në fuqi në kohën e kryerjes së veprës penale”.
“Prandaj vepra penale për të cilën është shpallur fajtor Albin Kurti e lejon atë të merr pjesë në zgjedhje dhe të certifikohet nga KQZ, nga ky institut juridik i paraparë me Kodin Penal të Kosovës, sepse vepra e kryer prej tij në vitin 2018 nuk krijon pasoja juridike”, shtoi Qorrolli.
Njëjtë, në Kodin Penal të periudhës kur është kryer vepra, “është kapur” edhe avokati i njohur, Koci.
“Vepra penale është kryer në vitin 2015, kur në fuqi ka qenë Kodi Penal nr. 04/L – 082, i cili në nenin 100 paragrafi 2, parasheh se pasojat juridike të dënimit nuk krijohen kur kryesit i shqiptohet gjoba, dënimi me kusht apo vërejtja gjyqësore. Kodi i ri Penal, Nr. 06/L-074, ka pësuar ndryshim. Në nenin 93 paragrafi 2, tani parashihet se pasojat juridike të dënimit nuk krijohen kur kryesit i shqiptohet gjoba, apo vërejtja gjyqësore. Dënimi me kusht me Kodin e ri, ka pasojë juridike, për dallim prej Kodit paraprak. Sidoqoftë, dispozitat ligjore lexohen dhe interpretohen në mënyrë sistematike”, ka shkruar Koci.
Sipas Kocit, për Kurtin duhet të vlejë neni 3 i Kodit Penal, ku parashihet: “ndaj kryesit zbatohet ligji që ka qenë në fuqi në kohën e kryerjes së veprës penale (neni 3 par 1) ose, Në rast se ligji në fuqi ndryshon para shqiptimit të vendimit të formës së prerë, atëherë ndaj kryesit zbatohet ligji që është më i favorshëm (neni 3 par 2)”.
“Vepra penale është kryer në vitin 2015. Prandaj, zbatohet ligji më i favorshëm – Kodi Penal, Nr. 04/L – 082, i cili thotë se pasojat juridike NUK parashihen kur kryesit i shqiptohet dënimi me kusht”, ka shkruar Koci.
Marrë nga KOHA
1 vit nga zgjedhjet e 25 prillit si e shikoni gjendjen e vendit:
BRITANI E MADHE-Shoferët e kamionëve të bllokuar jashtë portit britanik të Dover ditën e sotme janë përplasur me policin, pasi nuk janë lëjuar të kalonin në Fra...
GREQI-Procesi i vaksinimit në Greqi do të nis më 27 dhjetor. Sipas CNN, klinika e parë ku do të nis vaksinimi është në Ilion, ajo është pothuajse gati për të p...
BELGJIKË-Mutacioni i ri i Covid-19 është zbuluar dhe jashtë Britanisë së Madhe. Së fundmi janë konfirmuar katër raste në Belgjikë.Sipas deklaratës së bërë ...
AFGANISTAN-Pesë persona, ku katër prej tyre mjekë, u vranë pasi një bombë magnetike ishte vendosur në makinën e tyre, e cila ka shpërthyer ditën e djeshme në kr...
KOSOVË- Kryetari i Aleancës për Ardhmërinë e Kosovës, Ramush Haradinaj deklaroi se do të hiqte dorë nga kandidimi për president, nëse kandidon dikush ng...
BRITANI E MADHE-Franca ka hapur ditën e sotme kufirin e saj me Britaninë e Madhe, pasi Komisioni Evropian rekomandoi heqjen e ndalimeve të vendosura për të para...
KOSOVË– Pas varintit të ri të Covid-19 që është shfaqur që prej disa ditësh në Britaninë e Madhe, Kosova ka vendosur që të mbyll të gjitha fluturimet me kë...
KOSOVË- Ambasadorja e Kosovës në Amerikë, Vlora Çitaku, është kërcënuar pasi ka marrë në mbrojtje gazetarin Valon Syla, i cili u dhënua ditën e djes...
