Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
TIRANË- Punonjësit e Policisë së Shtetit përdorin simbole të policisë në makinat private. Parkojnë ku të munden edhe pse në mënyrë të jashtëligjshme, disa edhe me targa të huaja. Në datën 2 mars 2022, Drejtori i Përgjithshëm i Policisë së Shtetit, Gledis Nano dhe drejtori i Drejtorisë së Transportit Rrugor, Blendi Gonxhe, nënshkruan një marrëveshje bashkëpunimi për shkelësit e përdoruesit të rrugëve.
Krahas sigurisë rrugore, dy drejtorët u zotuan që do të ndëshkonin cilido person, me çfarëdolloj posti, që përdor targa të huaja, nuk bën kolaudimin e mjetit, nuk paguan taksa apo siguracion. Informacionet e DPSHTRR-së do t’i kalonin policisë me qëllim ndëshkimin e këtyre personave.
Tre ditë më pas, në datën 5 mars 2022, me anë të një postimi në FB, drejtori i Transportit Rrugor, Blendi Gonxhe, bëri këtë deklaratë;
“Mos lozni me rregullat, mos qarkulloni me targa të pavlefshme. Mos i hyni në hak buxhetit të bashkive dhe komunitetit, sepse çdo detyrim i papaguar dhe kundravajtje e tillë, është dëm ndaj shoqërisë, qyteteve, rendit dhe sigurisë publike.
Faleminderit Policisë Rrugore të Tiranës dhe Policisë së Shtetit që po godet çdo ditë këtë fenomen të shëmtuar. Mjete që shkelin afatet e qarkullimit me targa të huaja, mjete jashtë normave, mjete të çregjistruara me vite. Mjete të pazhdoganuara që bredhin serbes rrugëve.”
Krahas postimit, Gonxhe publikoi pamje të aksionit dhe të targave të huaja, të cilat iu hoqën mjeteve në rrugë duke u shprehur se ata që i përdorin më shumë janë ata që duhet të kontrollonin që këto targa të mos qarkullonin. Ai shton se fenomeni ka qenë shumë shqetësues dhe se lista me emra është shumë e gjatë, disa prej të cilëve punonjës aktualisht e disa ish punonjës jo vetëm të policisë, por të gjithë administratës.
Por, a e kanë zbatuar të gjithë punonjësit e policisë këtë marrëveshje Nano-Gonxhe?! Fiks Fare bëri një vëzhgim pranë drejtorisë së Policisë së Tiranë dhe pranë disa komisariateve .
Disa nga pamjet që Fiksi transmetoi ishin pranë Drejtorisë së Policisë Tiranë. Makinat janë private, kryesisht me xhama të zinj. Punonjësit e policisë parkojnë ku të munden, në trotuare. Në zona rezidenti. Në xhama vendosin logo të policisë, numra telefoni dhe gjithçka tjetër që t’i shpëtojnë gjobave.
Kamera e Fiks Fare bëri një vëzhgim edhe në rrugicat pranë Komisariatit të Policisë nr.2 në Tiranë. Në hyrje dallohet qartë tabela ndalim parkimi, por kjo nuk kishte penguar njeri për të parkuar aty automjetet private. Në xhamat e këtyre mjeteve ishin vendosur numra të telefonit të punonjësve të policisë, madje në disa të tjerë simbole të ndryshme policie si kapele, jelekë, stema.
Ndërkohë që grupi i Fiks Fare po xhironte një mjet të parkuar në vend parkimi për rezidentë, ku qartësisht dallohej një kapele policie dhe një dokument identifikimi, afrohet një person i cili kërcënon grupin e xhirimit të Fiks Fare . ” Fshini filmimin se u solla 2-3 çuna, se shihni është pronë private!” kërcënon personi. Pyetjes së gazetarëve se përse përdor stemën e policisë, ai përgjigjet se ashtu i do tr..i dhe se nuk ishte polic.
Menjëherë pas kërcënimit gazetarët e Fiks Fare telefonuan patrullën e policisë.
Personi që kërcënoi grupin e xhirimit u largua menjëherë. pas mbërritjes së patrullës e cila bëri verifikimin e mjetit, makina rezultoi se mjeti ishte në pronësi të një inspektoreje ne Policinë e Burgjeve, pranë IEVP Fushë Krujë.
Grupi i Fiks Fare zhvendoset më në lindje të Tiranës, pranë Komisariatit nr.1. Në rrugën kryesore që të çon te ky komisariat, konstatohet e njëjta situatë: në automjetet me targa private të parkuara aty ku nuk lejohet përdoren stema të ndryshme policie dhe numra celulari. Por, edhe automjete me targa të huaja , një mjet tip “Audi” kishte targa bullgare. Ndërkohë, në xhamin e përparmë kishte një numër celulari që përdorin punonjësit e Policisë së Shtetit.
Vëzhgimit të Fiksit nuk kishte si t’i mungonte edhe rruga e Komisariatit të Policisë Rrugore në Tiranë, punonjësit e së cilit vendosin çdo ditë mijëra gjoba për parkime, xhama të zinj apo përdorimin e targave të huaja nga qytetarët e thjeshtë. Por, automjetet e tyre, si i parkojnë? A përdorin targa të huaja?!
Në rrugën përballë këtij komisariati është plot me makina të parkuara edhe pse tabela tregon që nuk lejohet parkimi. Automjetet e parkuara janë private dhe mbi to ka stema policie, numra celulari, kapele, jelekë apo tabela të policisë. Të gjitha janë mjete të punonjësve të policisë rrugore. Janë pikërisht ata të cilët firmosin çdo ditë mijëra gjoba për qytetarët e thjeshtë!
Madje pikërisht në atë vend kamera e Fiksit kap edhe një punonjës policie i cili zbret nga një automjet tip “Hyundai” me targa italiane CY 520 CË. Ai e parkon pranë një karburanti dhe vesh uniformën për të dalë në terren për të ndëshkuar kundravajtësit.
Por, krahas komisariateve, punonjësit e policisë lëvizin në gjithë Tiranën me automjete me targa të huaja. Fiks Fare konstatoi një automjet tip “Benz”, të bardhë në afërsi të Kuvendit të Shqipërisë. Mjeti ka targa të huaja dhe prej tij zbret një punonjës policie.
“Ka ligj, por ka edhe Maliq” dhe këta ‘Maliqtë’ që mbikëqyrin qytetarët për zbatimin e ligjit, vetë qenkan mbi ligjin.
Marrë nga Top Channel
Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?
KRUJË- Një zjarr është ndezur pasditen e sotme në fshatin Zgërdhesh të Krujës. Mësohet se zjarri ka marrë përmasa të mëdha dhe se është përhapur në pyje.En...
ELBASAN– Zbulohen të tjera detaje lidhur me atentatin e ndodhur në Papër, pasditen e sotme. Burime shumë të sigurta pranë Policisë së Shtetit bënë me dije...
TIRANË– Shtatë masa sigurie ‘arrest me burg’, dy ‘arrest shtëpie’, janë ekzekutuar sot me urdhër të Prokurorisë së Posaçme Kundër Korrupsioni ...
TIRANË– Roja i godinës së Partisë Demokratike, Pëllumb Matraku ka dhënë një njoftim të rëndësishëm. Sot, ai ka bërë me dije për ndjekësit e tij se so...
LEZHË- Drejtuesi i Prokurorisë së Lezhës, Erjon Shehaj dha shpjegime për të tre kriteret e rivlerësimit në seancën e dytë dëgjimore të zhvilluar të martën ...
TIRANË– Rikthehen protestat për rritjen e çmimeve. Sot në orën 17:00 qytetarët kanë dalë në protestë përballë kryeministrisë. Rritja e ç...
ELBASAN- Të paktën një person ka mbetur i plagosur nga atentati i ndodhur pranë fshatit Papër në Elbasan. Shkëmbimi i zjarreve ka ndodhur mes disa personave të ...
BRUKSEL- Federata Evropiane për Trashëgiminë Kulturore “Europa Nostra” ka publikuar 7 vendet më me rrezikshmëri në Evropë. E para nga këto vende është ‘Ur...
ELBASAN– Detaje të reja janë mësuar nga atentati me armë zjarri në Papër të Elbasanit. Burime për Dosja.al nga grupi hetimor bëjnë me dije se brenda mjeti...
TIRANË- Pasi Prokuroria e Posaçme kundër Korrupsionit dhe Krimit të Organizuar kërkoi autorizim për arrestimin e deputetit të Partisë Socialiste, Al...
